يا أهل تمير ... لنتفق يا نقطع الإشارة معاً يا نقف معاً

يا ربعي يا أهلي يا جماعتي يا ديرتي


الإشارة الجديدة التي بالعزيزية لنتفق معاً إما نقطعها جميع ولا نحترم اللون الأحمر أو نقف جميع احتراماً للنظام


بصراحة / جلست ما يقارب اسبوع كامل أقف عند الإشارة ، و كأني في فيلم رعب وليس إشارة ، من سرعة وكثرة

السيارات المارة والمتجاوزين اللون الأحمر ، حتى أني خفت على نفسي من التوقف أكثر من قطع الإشارة

فما أدري البلى في الإشارة و إلا فينا .....

ليكن لدينا اتفاق إما بالقطع معاً أو التوقف معاً وسلامتكم ,,,

ازيدك من الشعر بيت !!!

والله اني اوقف و هي خضراء !!

تخيل تكون لك خضراء و تقف !!

الاشارة مالها داعي ؛ و اصلا من المستحيل ان احد يكون نااازل من العزيزية و بيكون على سرعته لو انها ( خضراء ) لانحدار الشارع ثم استعداله ثم نزوله المفاجئ مرة اخرى !!

و نفس الكلام عن اللي طالع من حي الياسمين ( حي عمر ) ؛ مستحيل احد يجي و يقطع على سرعته حتى لو كانت خضراء

بدون اشارة و تكون الاولوية للشارع العام و خلصنا


تحياتي

انتفها ولا تنآظر..

تحياتي لهذا المنتدى الغالي



المفروض من مرور تمير تركيب كاميرات ساهر في جميع اشارات مدينة تمير

لان هناك مجموعة من الشباب المستهترين والامبالاة بالنظام المروري

والضيوف الذين يأتون من خارج مدينة تمير يرون الاستهتار والسرعات الجنونية حتى في الشوارع الداخلية

ويأخذون فكرة سيئة وسلبية عن اهل تمير المحترمين

والله الهادي الى سواء السبيل ....

ننتظر من يموت ... حتاااء نفكر بحل لاشاره......

حسبي الله ونعم الوكيل على من حطها ومن له اي صله في وضعها

اللهم اكفيناه بما شئت وكيف شئت

والله انها مصيبه وانا في مخطط الياسمين وانا ادخل الى العزيزيه لا استطيع لا ان اقطعها ولا ان اقف عندها يعني كلها شر وخطوره لا توصف

اكبر مصيبه ان ماحد يبالي بكلامنا وان حاميها حراميه ماعندك احد يخاف الله ويخاف من دعوه احد المتضررين فيها

ياجماعه الموقع غلط واحس بان هالاشاره عقاب لنا
بسبب ازالة دوار الوسيعه ولا فيه احد يحط اشاره في شارع بعيد عن الزحمه
ومفتوح من جميع الجهات امر غريب جدا وماله الاتفسير ماذكرت اشارة عقاب فقط

اقتباس: المشاركة الأصلية كتبت بواسطة النادر    ياجماعه الموقع غلط واحس بان هالاشاره عقاب لنا بسبب ازالة دوار الوسيعه ولا فيه احد يحط اشاره في شارع بعيد عن الزحمه ومفتوح من جميع الجهات امر غريب جدا وماله الاتفسير ماذكرت اشارة عقاب فقط

هالشي مر ببالي
فعلا !
الاشاره لها اكثر من 4 سنوات تشتغل تنبيه
وش معنى يتم تشغيلها بعد ازالة الدوار ؟

وانت الصادق لاتستبعد انها انتقام لان اللي عند اشارة المستوصف(المطوع الحميدي)ماشغلت وهي في وسط الديره واخطر من هاذي وممكن تحد من السرعه الزايده داخل البلد وماشغلوها وشغلو هذي وهي في البر ماعندها كثافة سكان حط علامة(؟؟؟؟)

وجهة نظري .. عدم احترام اللون الاحمر فيها ...لان من وضعها لم يحترمنا ..

عندنا ناس عندهم هوس اشارات ..يعتقدون ان كثر الاشارات تعتبر من تقدم البلد ...!!

الله يستر لا يحطون اشارة في تقاطع ضاحك مع ام اشقوق ...!!