في زحمة الافواه يا مزين الصمت

آلصمت له عندي معزّه ومقدار

في زحمة الافواه يا مزين الصمت


لا صار بعض البوح عند البشر عار

لو يشتعل جوفي حشى ما تكلّمت


تعبت من قولة (علامك) ووش صار

وان طحت ما ألقى سوى كلمة سلمت


واعذار اخلقها ولو مالي اعذار

مشّيتها مره ومرات ما رمت


كذبة صباح الخير ياصبح الانوار

عذري ليا عدّت ليالي ولا نمت


اسهر طوال اليل وضْيوفي افكار

واقول لاْصحابي نعم توّني قمت


ما عاد فيني ألفت عْيون واْنظار

يكفي بأني من زماني تعلّمت


ان الصدر بيت/ن وسكّانه اسرار

نيّام بس يصحون لامن تألّمت


يصحون ويناظرهم الجار والمار

وش عاد ينفع سترهم لو تكتّمت


آقدّم اقدامي على درب الاصرار

امشي ولكن للأسف ما تقدّمت


النار قدامي ومن خلفي النار

والعمر يمضي بي وانا ما تولّمت


يا لين ذاك الحلم في لحظه انهار

وانا مع لحظة سقوطه تحطّمت


اجروحي اكثار وتناهيدي اكثار

لكن على كثر المواجع تبسّمت


ثم أْلتزمت الصمت وعزومي اكبار

ولو يشتعل جوفي حشى ما تكلّمت

ان الصدر بيت/ن وسكّانه اسرار

نيّام بس يصحون لامن تألّمت



ههذآ بيت آلقصيدهةة ,

قصيدهة جداً معبّرهةة .,

ععوآفي آلنـآدر .,

سلمت يالنادر ع الانتقاء المميز

أبيآت جميله عوآفي مآقصرت يَ آلطيب ,

صَحِ لسَآنِ آلشآعرِ وصَحتّ يَمينكْ
يَعطيكْ العآفيه على الرآئعهْ

ابياات جميله ومعبره
تسسلم يـ الناادر على الاختيااارالطيب

صح لسانك ولسان الشاعر

اهنيك على ذوقك الرائع النادر</B></I>

وش خليت يالنادر لنا

ابيات معبره وجميله

تسلم يمينكـ

صــح لسآآنك


يعطيك العافيه

ماشالله قصيده جميله الله يعطيك الف عافيه
لاهنت