إشارة حي الياسمين خطيرة

السلام عليكم ورحمة الله وبركاتة
حياكم الله ياأعضاء وزوار منتدى تمير أبدخل في الموضوع علطول
أنا اليوم وأنا طالع من حي الياسمين على الشارع العام والأشارة خضرا لي ألا واحد جاي من الوسيعة طاير كنه جايب خبر عيد ويطب علي وفكني الله وغيري واجد يشتكون منها لانها في منحنى وخط حي الياسمين إلي يطلع على الشارع العام مدري وشلون جاي على شعيب ولاهوب متساوي تطب على الشارع العام فجاة وين البلدية عنه
ماشفنا خير عقب الأشارات ماتدري إذا صارت لك خضرا أن الثاني يبي يوقف وإلا يمشي ونبي نشوف رايكم على حطة الأشارة

انا اشوف ان الاشاره موقع حلو لان اكثر العالم تسرع مناك
بس يمكن لوهم مقدمين الاشاره يعني حاطين بعد الملف احسن
وهذا رائي تقبل مروري..~

موضوعك في محله ياكلاش ماأستفدنا من الأشارة شي لان أكثر الناس يقطعها وهو على سرعة ولا ينتبة للأخرين وثانيا شارع الياسمين إلي يطلع على الشارع العام يبيلة مهندس فاهم

البلديه والمرور في تميرمثل الزربه المنشقه فيهم عواجه ماهي علي سنع

والله ألآشآره مآلهآ سسسنع وألتقآطططع خطططر لآن محد بيوقف للأشاره الكل مجلعد ..
موضوعك مهمممم..

+
وعليكم آلسلآم ورحمةة آلله ,
إذآ آنت بتحل مشكلة آلآشآره بأنهم يشيلونهآ آجل مآله دآعي آلآشآرآت آلباقيه في تمير ,
وبعد آلشرطه مآلهآ دآععي , وآلدوآرآت شيلوهآ مضيقهه علينآ , كذا تبغى آلآمور تنحل ! وبنفس آلوقت تبغى آلسلآمه .. !
لآ مآيصلح كذآ , ليه مآتقول تطبق آلعقوبه لقآطعيها , < وهذآ آن شاء الله سيطبق بعد تفعيل دوريآت آلمرور .
وبشكل عآم سوءآ في تمير وآلآ غيره , تعتمد على وعي آلشخص بغض آلنظر عن آلآخطآء آلهندسيه آللي يرآهآ آلموآطن ,
+ آتمنى آلسلآمه للجميع ,
تحيآتي لكك ,*

فيه ناس عندنا في تمير افكارها مضروبه ماعندهم اي خبره في تمير

ما تابوا من دور الوسيعه وجابوا لنا ها الاشاره في ها المنحدر الخطر

الناس ماوقفت في الاشاره الرئيسيه جابوا لنا هذي ،، وبعدين في هذا المكان من احسن شي ماحد اشتكى منه ولا حوادث والحمد لله قبل

وشفوا عقب ها الاشاره والله تشوفون العجب .. بس ماراح يأخذون كلام احد لين تكثر الحودث وكم واحد يموت ثم بعد الشكاوي يفكرون في شيلها

حسبي على من له اي دخل في وضعها في هذا المكان الخطر

قل دبره

هذا هو حال هذه الاشاره

يعني طريق عام يربط تمير بمزارعها و بمبايض ؛ يكون فيه اشاره تقاطع لحي مافيه سكان !! و الاخر قليل جدا مستخديمه !!!

الاشاره هذي ماشهدت ولا حادث ؛ لكن الان الخطر كبير والله يستر بس

تحياتي

انا اشوف موقع الاشاره غلط وخطر جدا الشارع مفتوح ووسيع ماله داعي من كثر البشر الي تمر هناك
تقاطع طريق الثلاثين مع الشارع العام اخطر ومافيه اشاره صدق قل دبره واشغال المسلمين .
الشي الثاني ياليت يشوفون حل لاشاره محطة الملتقى فهي قنبلة موقوته وتبون الصدق اول مره اشوف
شارع فيه 5 اشارات
لكن نقول ربك يعين ويرزقنا شخص فاهم ويحل هالمشاكل الي نعاني منها في تمير

اقتباس: المشاركة الأصلية كتبت بواسطة محترم باخلاقي    انا اشوف ان الاشاره موقع حلو لان اكثر العالم تسرع مناك بس يمكن لوهم مقدمين الاشاره يعني حاطين بعد الملف احسن وهذا رائي تقبل مروري..~

مشكور يامحترم على المرور بس لو بعض الناس تحترم الاشارة وتوقف كان زين ماقلنا شي