............................
قصيدة البارحه
البارحه مل العتب من عتابه
ليلة جفا عييت تعدي على خير
هذا الخطا إللي ماحسبتي حسابه
اللي تجاوز بج حدود المحابير
من عقب نزوات الوله والصبابه
ماعاد لك في خافقي شبر تقدير
كل الحقوق إلا حقوق القرابه
وكل الحدود إلا حدود المحاذير
لا صارت الدعوه قبيله ولابه
ماعاد هي بلحية عتاب ومعاذير
أنهض براسي وارفع أهل السحابه
وأحتد وأغضب وأنتفض غيض وأغير
ومن لا نفع ربعه وهو في شبابه
لا من كبر ماعاد في فزعته خير
ربعي لي يامن كشر الحزن نابه
أردبهم حوض المنايا طوابير
بني عطا سم السفيه وعذابه
شوق العفاف الفارعات الغنادير
خذنا من الليل العتيم المهابه
وخذنا من الصبح الجديد التباشير
وخذنا من الصدر الوسيع الرحابه
ومن العطا كفٍ يحب المخاسير
أحرص الجار البيت من قفل بابه
واكرم من إللي يتثرون الدنانير
وأحن وأستر للخوي من ثيابه
وأشد واعتى من هبوب المعاصير
لين بصلابه بس لين بصلابه
طيبة مناعير وصلابة مناعير
مقبل عصابه وإن تفرق عصابه
وإليا بطشنا من غضب بطشنا غير
وإليا حضرنا بالوغى والحرابه
ياقوم ياعنتر وياقوم يا الزير
فعلٍ يشل الأدمي من صوابه
ويزود بصدور الرجال المناعير
لأن الذيابه ماتحقر الذيابه
والمدح بربعي ماهوب نقص بالغير
أقولها عن عزوتي بالنيابه
وما يستشك إلا الردي المعيثير
ومن لايقدر للرجاجيل لابه
مايستحق من الرجاجيل تقدير
كلن وله عزوه وربع وقرابه
والطيب قسمن بالوجيه المسافير
ومن لا نفع ربعه وهو في شبابه
في ذمتي ماعاد في نفعته خير
......................
صدمات الليالي
يا مساعد بيـض الله وجـه صدمـات الليالـي
علمني كيف أعـرف اللـي معـي واللـي عليـه
لعنبو جد الطعون إن جات مـن غالـي لغالـي
ولعنبو جد الخـوي اللـي يجنـب عـن خويـه
أبتسم وأضحك وأجامل وإلا أنا مانيـب خالـي
يامساعد ليت ربعـي يعرفـون اش صـار فيـه
إن ضحكت أضحك معاهم وإن بكيت أبكي لحالي
والرجل لو ما فزع لك طيب يفـزع لـك حميـه
كيف أجنب عن حقوقي والعطا من راس مالـي
العطـيـة بالعطـيـة والخطـيـة بالخـطـيـة
يعلم الله لا اجتمع عنتـر وأبـو زيـد الهلالـي
ما أعذلوا قيـس الملـوح عـن غـرام العامريـة
ما تعرف إن الحقـوق حقوقنـا بـأول وتالـي
الحـقـوق التالـيـة وإلا الحـقـوق الأولـيـة
كل مـا دارت عليـك الدايـره خلـك شمالـي
ما يضيـق خاطـرك صـوت الفشـق والبندقيـة
لا تبري ذمتك يـا مضـرب الرجـل المثالـي
من يعيش بـلا هـدف بيعيـش مجهـول الهويـة
والله إني معطي المحتـاج مـن لقمـة عيالـي
مير ملعـون الجـدف مـا بينـت فيـه العطيـه
....................
كفيت ووفيت
كل قلب وله حبيب وكل محبوب ومقامه ..
يا هل [البحرين] لولا حبكم ما كان جيت ..
يوم فارقت [الكويت] وجيت عاني للمنامه ..
لان حبي للمنامه مثل حبي للكويت ..
شاعر ويحمل محبة شعب من مليون قامه ..
وان عنيت لمثلكم والله ما كأني عنيت ..
لأن مثلي لا حداه الليل واستوحش غرامه ..
عد له في كل قلب انسان فالبحرين بيت ..
كيف ماحبه وطن واسهر على حبه وانامه ..
والقلوب تلفني به لا رحت ولي لفيت ..
قلب يغنيني كرمه وقلب يغنيني كرامه ..
مرحبا بك من حضرت ومرحبا بك لي سريت ..
شعب يشبه حاكمه حتى بطيبته وسلامه ..
وحاكم بطيبة [حمد] بالأرض ماعمري لقيت
الزعيم اللي قدر يفرض على الناس احترامه ..
لا عزم ما قال لو ولي جزم ما قال ليت ..
كان نصف الحكم لين ونصفه الثاني صرامه ..
انت تدري كيف بالثنتين كفيت ووفيت ..
ان بغوها بالكرم ولا بغوها بالشهامه ..
كنت حازم لي عدلت و ومثل حاتم لي عطيت ..
يوم غيرك لانفع شعبه ولا حصل مرامه ..
انت عززت الولاء بقلوب شعبك من بديت ..
ارض تستاهل ولعك وحكم يستاهل قيامه ..
وشعب يحزن كل ماتحزن ويرضى لا رضيت ..
لانك اول من جِمعه وحال من دون انقسامه ..
والبخيت اللي جمعه الله على حب البخيت ..
كل من يعرف حمد تاريخ وانجاز وضخامه ..
صار يعرف كم زرعت وصار يعرف كم جنيت ..
ماكربت شداد عزم الا مجود في خطامه ..
وماعسفت جياد حزم الاو شيدت وبنيت ..
علم سياد العرب وشلون للعدل استقامه ..
علم الحكام كيف انجزت واجتزت وسعيت ..
ورهم كيف الملك يوفي بعهده والتزامه ..
قـــول لهم وش كثــر تفعــل بس ماعمركـ حكيــت !
يوم حكام العرب تركض ورى صيت الزعامه ..
انت علمت الزعامه كيــف للحكام صيــت !
يا بعد عمر الوطن يا عز شعبك يا حسامه ..
يا عوضهم عن محبة كل حي وكي ميت ..
مثل ما بقلوب شعبك حب وبقلبك شهامه ..
عد لك في قلب من الكويتيين بيت ..
عهد من شعب [الكويت] يظل الي يوم القيامه ..
عايشـ(ن) ما عشت من عمرك وباقي ما بقيت ..
شاعر(ن) ما يكتب الا من ولعه ومن هيامه ..
ينحني لك حرف حرف وشطر شطر وبيت بيت ..
جيتكم من باب حب وكل محبوب ومقامه ..
الوكاد اني تركت اهلي وخلاني وجيت ..
واشهد اني ماعنيت من [الكويت] الى المنامه ..
غير اعشق اهل [المنامه] مثل ما اعشق اهل [الكويت] ..
.....................................