..!! لو إنك قلت : برحل وأخليك!!

حتى لو إنك قلت : برحل .. وأخليك
بقول لك : تامر على ماتبي .. تمْ
رايح أكون إنسان .. يفهم مباديك
أشاركك بالضحك .. والحزن .. والهمْ
مهتم بكْ .. وأغلي بعد من .. يخاويك
ومن لايهمك ماني ب فيه .. مهتمْ
بفتح لك .. بصدري وقلبي .. شبابيك
وأنقش غرامك وأرسمه .. داخل الدمْ
وإنْ جاك نوم .. رموش عيني .. تغطيك
غمض عيونك وسط عيني وثم .. نمْ
وان قلت لي وش كبر حبي بخافيك ؟؟
أقول أحبك .. بس .. مدري أنا كمْ !!
أبيك تسرقني .. لروعة مراسيك
وأموت بك موتة غريق ٍ .. وسط يمْ
أبيك تدرك يوم انا جيت أماشيك
قصدي تكون أقرب من .. الخال والعمْ
قصدي تبعثرني .. اليا مر طاريك
وأحنْ لك .. وأجيك .. ملهوف ل اللمْ
قصدي أعشقك .. وأتمناك .. وأرجيك
وأشفق على شوفك.. وضحكك .. مع الضمْ
أبيك تفهم ..!! يمكن أقبل تماديك
وأسامحك لااخطيت .. وأقول : ماهمْ
لكن ..!! لو إنك قلت : برحل وأخليك!!
بقول لك أبشر .. على ماتبي .. تمْ --//--

آختيآر موفق
آبدعتي يآلغلا
لاهنتِ

آبيآت جمييله
تسلميين عزووف على الذآئقه

شكراً ل هذآ النقل المميز
لك كل الود ..!

آختيآر موفق
آبدعتي يآلغلا
لاهنتِ

اقتباس: المشاركة الأصلية كتبت بواسطة همس الجفاء    آختيآر موفق آبدعتي يآلغلا لاهنتِ

الارووع هو مرورك يالغلا

قصيده جميله يا عزوووف

تسلم الانامل ..

آهنييك والله على ذائقتك الرائعة
ابيات رووعه وطرح آرووع
سلمت هالآنامل والله
ماننحرم منك ياعسسولتنا

يسلمك ربي ياالغلا على الطرح
المميز لك كل الشكر

ابيات رائعه
كل الشكر لك