ديـــوان الـشـاعـر ( عـزام بن عـبـدالله الخــريـف )

/
\
/

وشلون قلبك قدر يقطع مواثيقه

يومه على الوصل يالغالي يسابقني
يومه على الوصل يالغالي يسابقني
يومه على الوصل يالغالي يسابقني

/
\
/

مسآءكم شعر

ولكم مع الشعر اليوم طعم آخر

هنآ جسد لكم الشآعر جميع آحزآنكم وهمومكم في قصيده

آكثر من رائعه لاآشوقكم آكثر

آترككم مع القصيده

الهم والشوق والهاجوس والضيقه
من غبت عني وهي عيت تفارقني

البعد والله ما احبه ولا اطيقه
ولعتني ما دريت انك موهقني

وشلون قلبك قدر يقطع مواثيقه
يومه على الوصل يالغالي يسابقني

خليت من هو يحبك ناشف ٍ ريقه
وانا احسب انك من الضيقه تروقني

القلب ماعاد فيه الا معاليقه
ذايب من الشوق يوم الشوق محرقني

لعيونك الشعر أغني لك طواريقه
عساه من ضيقة الهجران يعتقني

حسبي على اللي يبي يذبح عشاشيقه
اللي تغلى وللعذال مطلقني

اما يجيني ويبعد عني الضيقه
وألا ليا اقفيت ما يمديه يلحقني

وان كان قفا على المعبود توفيقه
الله يوفقه وانا الله يوفقني

اضغط على الرابط للاستماع وللحفظ كلك يمين حفظ الهدف باسم

http://www.rak3n.com//uploads/files/...b112f4e54b.mp3

بسم الله الرحمن الرحيم

حيآه الآنسان محطآت
ولابد آن يقف يومآ ما عند محطه يرآجع فيهآ نفسه
ويحاسبهآ على ماجنى في عمره
ويخلص لله بتوبه نصوحه
هنا الشآعر صور لنا كيف ان العمر يمضي ونحن في غفله
وصدق شآعرنا عند تمنى ان تختم حياه المرء بسجده اعتق فيهآ روحه لله
جعل الله خاتمه شآعرنا كما صورهآ

/
\
/

الوقت غدار والايام دواره
والناس تطرد ورى الدنيا وتلحقها

نسيوا نهار ٍ يجيه العبد باوزاره
في ساعة ٍ للخلايق عند خالقها

في موقف ٍ ما تميز فيه حضّاره
فيه الاوادم تبيّن لك حقايقها

يوم المحاسب وكلا ً تشخص ابصاره
يحاسب الله كاذبها وصادقها

احدن على جنته واحدن على ناره
نارا ً تلظى ولا حيا ً بطايقها

يانفس توبي ترى ما انتي بصباره
وحياة الانسان يا مسرع دقايقها

كم واحد ٍ عقب ضحكه هلت اعباره
دنيا تقلب ولا بده مفارقها

الرابح اللي ختم فالعمر مشواره
لله ساجد وروحه مات معتقها

/
\
/

قصيده في مهرجان تمير السياحي الخامس على شرف
صاحب السمو الامير / عبدالرحمن بن عبدالله الفيصل آل
سعود محافظ محافظة المجمعه


الشعر غنى واطربتني معانيه
سلام ياشوق الديار وسعدها

تو ما تبارك منزلا ً زارنا فيه
أميرنا اللي بالوفا ما جحدها

داره مشرفها وفعله مكفيه
وتمير هذا اليوم جابت جهدها

لبست جديد ثيابها لجل ترضيه
لبست قلايدها وغطى جسدها

تكحلت له ثم قامت تراعيه
واقبل عليها اميرها في وعدها

من الفرح بالشعر قامت تحييه
ارحب تراحيب المطر يا سندها

هذا محلك وانت ربه وراعيه
يالله عسى شوفتك ما نفتقدها

في ظلكم والعز طالت مبانيه
والناس عاشت فالحياة ورغدها

مادام ابو متعب كبار ٍ هقاويه
ماعاد ننشد فالسنين وعددها

زعيمنا اللي ضمنا بين كفيه
ندرا عليه من الليال ونكدها

له هيبة ٍ يرضخ لها من يعاديه
وكم عين مرموده يداوي رمدها

لاضاع راي الناس رايه يقديه
مواقفه تشهد وكلا ً شهدها

رغم المصايب ما تغير مباديه
يكفيه من شر النفوس وحسدها

عينه على شعبه وقلبه على اخيه
عسى عيونه مايطول سهدها

حنا لابوخالد والارواح تفديه
تحت الطلب لامن بغاها وجدها

ماجور ياللي مبعداً في خطاويه
سلامتك يادرع نجد واسدها

ابو اليتيم اللي زمانه معنيه
تدعي له الرملى ويدعي ولدها

سلطان سلطان الكرم من يجاريه
يمناه بالمعروف كلا ً حمدها

يالله عسى ربي يرده ويشفيه
داره تحرى له وترجي سعدها

ينوبه اللي مايبي من يوصيه
نايف وهو للداخليه عمدها

النايب الثاني عسى الله يعافيه
من بعد امان الله بامانه قصدها

ياطى على الكايد ويحكم مواطيه
روس الافاعي في الجحوره هجدها

دون الوطن ما احد ٍ يعذله ويثنيه
طب النفوس اللي يزايم حقدها

على يمينه من يشد الظهر فيه
اللي ليا ضاقت يحلحل عقدها

ابو فهد سلمان ياحي طاريه
الطيب طيبه والمراجل حصدها

ريف الضعيف اللي من البعد ناصيه
هموم غيره فوق همه حشدها

نجم الثريا في السماء له يباريه
يمناه ما قد خاب من هو وردها

آل السعود وغيرهم ما نواليه
هاك الحرار اللي ينومس هددها

حنا لهم والشر تبطي حراويه
ارواحنا دون الوطن نعتمدها

ويوم الشعر غنى وباحت قوافيه
سلام ياشوق الديار وسعدها

ألف مبروك .. لقد سعدت بهذا الخبر موفق بإذن الله ... لك مني أجمل تحية .

صح لسانك يابو عبدالله

صح السانك عزام بس ليت لو تحط بمنتدى تمير قصيدك في مسجد الديرة