عمالة تمير داخل الأحياء ؟؟؟؟؟؟؟؟؟

المدرس ،حرام والله مثل الموضوع هذا يروح مع مهب الريح وانت واقف مثل الاطرم ماتقدر تحط كلمة فوق كلمة.
للاسف خيبت ظني يالمدرس ،كنت متوقع منك قائد جديد لمنتدى الحوار والنقاش لكن على قول المثل(الخرقه ماتاقف) اقولها وانا كلي حسرة وندامه وتحطيم بعد بصيص امل يالمدرس.
نسيم

اقتباس: المشاركة الأصلية كتبت بواسطة الموادع    المدرس " شاكر لكـ على طرحكـ .. عندي معلومه أن الهيئه قامت بتقديم خطاب إلى مركز الامارهـ قبل ثلاث سنوات او اكثرعلى سكن العزاب المجاور لثانوية البنات بتضرر الطالبات وهم يصعدون وينزلون من الباص والي يمشي على قدمه من وقوف العماله عند سكنهم وجاءت مساله للمدرسه بصحة ذالك فردت مديرة الثانويه للبنات أنهم لم يتضرر و وإلغي الخطاب وهاذى يدل أن الامر متوقف على شكوى المواطن وليس على الجهات الحكوميه ---------------- للمعلوميه

يعطيك العافيهـ يا " الموادع "

انت كذا كذا كذا

ههههههههههههه اشوفكم على طاولة مجلس الشورى تتحاورون بلا نتيجه
المدرس/ طرح موضوع قيم بس المشكله الوحيده ان مالها حل هنا عندنا في تمير
معادله مستحيلة الحل..
النقطة الثانيه / اذا المواطن او جاري ما قدرني وجاب عمال عندي مأجرهم
اكلمه مرة ومرتين واذا ما نفع / المحكمة فاتحه بابها / والمسئول ثق ثقه يالمدرس ما راح يجي لو تطير من قمعك الا اذا
جيته انتي تشتكي.....
ومثل ما قال المتحد اسئل مجرب ...
واذا تبي المسئول يقوم بواجبه هذه صعبه شوي ولو انت في محله المسئول واخوك مؤجر اجانب ومخالف
ما راح تقوله شي الا اذا جاك مواطن متضرر ومشتكي
وتقبل مروري,,,

اشكر اخواني على التجاوب واثراء الحوار
طرحي لهذا الموضوع كنت اطالب فيه بالمثالية التي يمليها النظام على المسؤولين بتنفيذ النظام بدون شكاوي
ولكني اتفق مع الجميع أنه في حالة عدم تنفيذ النظام من المسؤول يجب شكوى المسؤول أولا لتخاذله في تنفيذ النظام

نسيم
ارجو منك اختيار الفاظ افضل وتغيير اسلوبك إذا كنت تريد من الأعضاء التحاور معك

اقتباس: المشاركة الأصلية كتبت بواسطة سويد السويدي    والله انا اشوف ان ما لهم اي ذنب صحيح ان الواحد يخاف منهم بس اذا شفت احد ياذيك منهم هذيك الحزه لك الحق التكلم بهذا الموضوع يالمدرس انا ضد كلامك هذا وانت تشوف بعينك كيف هم خادمين البلد خلنا نفرض افتراض انت لو انك بديره ما هي بديرتك اين رح تسكن بغض النظر عن السعوديه بس كما ترضا على نفسك ارضاء على غيرك ما يكفيك انهم اذا بغو شي قامو يمشون ويتعبون عشان يوصولون الي هم يبونه الكل يشاهدهم يمشون بالشارع العام حتى الوقوف تتعجزون توصلونهم الي يبونه انا كنت اشاهدهم برمضان يمشون وقت السحور حتى انه يقوم ياشر للماره بالشارع ولا احد يعبرهم تظن بنظرك هذا مو استحقار لهم وانت تعلم ان انهم لم ياتون لي الفساد ولكن اتو لي يطعمون اطفالهم نوضح اكثر انت اذا كانو ساكنين عند بيتك فلك الحق انك تقوم وترفع شكوى ولكن لا نريد فضايح وتشهير لبلدية تمير واذا عندك شي وانت تشوف الغلط كلنا بنوقف معك وانا اول من يقوم برفع الشكوى ولكن اقولك كافي النقاش بهذا الموضوع تقبل ردي بكل صدر رحب اخوك / بقايا انسان

اخي العزيز اشكر لك مرورك الكريم واحترم وجهة نظرك

ولكنا لسنا ضد العمالة نحن ضد سكنهم داخل الحي

اخي العزيز أين التشهير ضد البلدية في الموضوع نحن نطالب البلدية بدراسة سكن العمالة فقط

اقتباس: المشاركة الأصلية كتبت بواسطة المدرس    نسيم ارجو منك اختيار الفاظ افضل وتغيير اسلوبك إذا كنت تريد من الأعضاء التحاور معك

هذا يسمونه يوم الهروب الكبير يالمدرس.
على العموم فرصة سعيدة جدا اللي شفناك حاضر وناقل للموضوع واتمنى المرة الجاية انك تجي وانت مفرمت خالي من الفايروسات مايجي عندك تهنيق وثقل في النطق .طيب ركب حماية يالمدرس وانطلق بربع قيقا وهذي تكفيك .
تحياتي لك نسيم

الله يعين بس لاعين تراء ولا اذن تسمع

سلملي على زمن اول مايدخل تمير غريب الا الشباب ورااااة وين مااايروح الين يوقف عند البيت الي يبي

الخاتمة يااااااازين الكلام وبس

ننتظر رد المدرس

>>> متفرج

اقتباس: المشاركة الأصلية كتبت بواسطة ابوبدر97    الله يعين بس لاعين تراء ولا اذن تسمع سلملي على زمن اول مايدخل تمير غريب الا الشباب ورااااة وين مااايروح الين يوقف عند البيت الي يبي الخاتمة يااااااازين الكلام وبس

ابوبدر97،
زمان اول راح ويجب ان تكيف نفسك على النمو والنهضه العمرانية واختلاف الجنسيات .
اصبح صاحب البلد غريب وتقديم المصلحة الخاصة على المصلحة العامة.ابوبدر 97انت مواطن تبكي على الماضي وهذا يدل على الاصالة والانتماء .تذكر منول اللي يسوقون باصات مدارس البنات، تذكر المستخدمين في مدارس البنات، تذكر المزارعين في البلدية (العمال)وين راحوا؟من جاء مكان هؤلأ؟
تذكر الرجال اصحاب النخوة والعزيمة والقوة والتكاتف ضد المشاكل اللي تواجه البلد.
كلها صارت تراث ماضي لم يبقى منه الا الذكرى .
الان ،نحن نشاهد اشياء لاتعجبنا مثل ماتفضل الاخ المدرس اللي هو تواجد العماله داخل الاخياء السكنية والعزاب ايضا، لكن مانستطيع ان نتجرا ان نحرك ساكن ليه ؟لاننا ننتظر احد يقوم او يتكلم عنا ونحن نشاهد فقط من بعيد مثل مايريد المدرس .المدرس شاهد ولاحظ ،بس يبي احد يشكي وهو جالس (محرض)للاسف.
على العموم مشكور ابوبد97على المداخله النابعة من محب لهذا البلد .