ديـــوان الـشـاعـر ( عـزام بن عـبـدالله الخــريـف )

\
/

مساجله شعريه رائعهـ
اعجز عن وصف روعتها

هنا الشاعر فزاع يخاطب وويوجه بقصيدتهـ
الي شاعرنا عزام ويشكى له
لوعه الحب والهوى

\

/



واعيني اللي نومها ماجاها
تبكي ولااحد لامها في بكاها




تبكي وليفٍ صد وأقفى عنها
حدت بها الايام دون مناها




غرواً غزا قلبي بليــا حــروه
ارسل جيوشه للحشا وارساها




اعيون ورمـوش ٍوخد ومـبسم
وسلهامهٍ مثل السهم مرماها




عزام بشكي لك ومثلي يشكي
وأنت البخيص بحلّها ودواها




القـلب منـي يــالسنــــافي تـله
واقفت وقلبي صار في يمناها




وحالي برت عقب الجفا والصده
وهموم صدري شيدت مبناها




أسوق رجلي واتعلى بعــالي
واصيح يامن شافها ووحاها




أثر المحبه يالسنــافي تذبح
وياكم قلبٍ ذاق من جفواها




مالي جدن ياكود عيني تدمع
ابكي على مافات من ذكراها




ياخوي تكفى وش علاجه قلي
من قبل ما يقضي عليه داها




عـزام عزم واحتزم بعزومــك
وشرواك حرٍ لاكفخ عشاها

\
/

هنا تهيضت مشاعر الشاعر
ورد بهذه القصيدهـ

\

\

حياك وبيوتك بعد حياها
يالشاعر اللي تشتكي فرقاها




تشكي وانا قبلك شكيت لغيرك
يوم ان رجلي في الهوى ممشاها




ياما على شانه زعجت الونّه

عنّيت نفسي والرجل عنّاها




واليوم لاهذي ولا هذيه
نسيتها وانا أحسب ان ما أنساها




لكن طرت لي يوم شفت بيوتك
الله حسيبك عودت ذكراها




الحب يذبح صاحبه من مبطي
يوم المطوع حبها وأخطاها





وألا أنت كانك صاملا ً في خلك
أركب على اللي يعجبك مسراها




( بي أم )بيضا وانت في يمنايه
ونصبّح اللي تذبحك بشفاها




أما تجي بالطيب والجاهيّه
وألا تجي غصب ٍ بدون رضاها





لعيونك نجيب الغضي في بيتك
نجيبها وبزمّها وعراها





وترتاح عينك من بطا غاليها
اللي من فراقه تجود بماها





عزام عزم وأحتزم بحزامه
ما قال تم وكلمته يحماها

مساجلة شعريه جميله بين شاعرنا
والشاعر خالد الماجد
اترككم معهاا
\
\
\
قصيده عزام


يا مرحبا يا مصخر القاف تصخير
ياخالد الماجد بعيد الهقاوي



يا مرحبا واعداد ما غرد الطير
ترحيبة اللي جوه ربعه عزاوي



حطوا له المركا سليل المناعير
الشاعر الحر القطام النداوي



وصبوا لنا ذيك الدلال المباهير
ومدوا له الفنجال ياهل القهاوي



ولا زانت الهرجه بطيب ٍ وتقدير
نبا القصيد اللي يسر الهواوي



حياك ربي بين ربعك هل تمير
والله يجملنا بزين الدعاوي


\
\
قصيدهـ رد الشاعر خالد الماجد



لك البقاء ، واعداد صف الطوابيــر
يامنــوخ العسرات زبن الجلاوي



جيتك وجن حروف شعري مظاهيـــر
ومثـلك صباح وكـون مثلك رهاوي



ياجـود ، ياطيب ، الكرم منبع الخيـر
لنا الشـــــــرف في مثلــكم والمناوي



وتميــر عنـدي كنها مطير لي غيـر
وانا دويش مطير ولمطيــــر هاوي



يعني بصراحه مطير وتمير ومطير
جنــة غـرام ، و مثل خالد هواوي



ولـي الفخــر لاقلت واحـــد من تميـر
مثل الفخر لاقلت لـ مطيــر هاااوي

هنا


أوجاع نثرت


جسد لنا الشاعر قمة الحسره والالم
عند فقد غالي


ماذا لو كان احد الوالدين


هنا الكلمات تخرس كل قلم


حروف تلامس الروح وأعماق القلبـ


وتجعل الدموع تسيل






اترككم مع القصيده



\
\






ياأبوي جيت القبر اصوت واناديك
ياأبوي عقبك ابعدوا واتركوني





والدمع من عيني على الخد يبكيك
ليتك تقوم تشوف وش في عيوني





ياأبوي تكفى خلني بس أحاكيك
الناس من عقبك ترى حسروني





رحت وتركت اللي يحبك ويغليك
حرمتني شوفك مثل ماحرموني





وش لي بدنيا مابها ريح طاريك
ياليتهم يوم ادفنوك ادفنوني








\
\
\

بـــدون عــنــوان

بـــدون عــنــوان

بـــدون عــنــوان





\
\
\


ومازالتـــ القصيدهــ بدون عنوان


\
\
\




ياللي تدورها عليّه من سواتك وش لقيت



غير العلوم الطيبه والخايبه مالي بها





تلعب بذيلك يالمغفل تحسب اني ما دريت



وألا انت أنا خابرك وعلوم الردى تحري بها





بانت خفايا لعبتك يوم انكشف لي ما نويت



تمشي على اللي ما يعرفك وألا أنا داري بها





هقيت فيك الطيب لكن ياخسارة ما هقيت



عقرب ثرى وأشوف رزّت هالزمان ذنيبها





منتب كفو لاهل المراجل وانت عمرك ما وفيت



لا ياضعيف النفس نفسك ما تدور عيبها






يمدي الليالي تدرسك أن كان في دربك مشيت



لا واحسافه خوتي راحت معك يا طيبها





لا تحسب ان نفسك وصلت أعلى المراتب واعتليت



من لا يروم المرجله لا بد ما يصخي بها





أقصر خطا رجلك عن اهل الطيب دامك ما عنيت



واهل القلوب الحاقده بالله وش نبغي بها





خنجرك في ظهري وانا لي مدة ٍ ما قد شكيت



لكن ترى بعض الاوادم واجب ٍ تأديبها





خلاص أبنهيها معك وأقراء القصيده بيت بيت



والعقرب اللي فالثرى والله لأقص ذنيبها

/
..
هنا أبداع
كلمات معبره ومشاعر حانيه
واحساس صادق


/
..



العذر كاني في غيابي تماديت
حقك عليّه وادمحي لي خطايه




أبطيت لكني عن الشوق ما أبطيت
قلبي معك لو كان شفته معايه






ذكرتك البارح وبالصوت غنيت
واليا رفعت الصوت جاني بلايه






أذكر زمان راح وأقول ياليت
ليت الليالي ما تبيّح خفايه






لاغبت عن عيني مع الناس سجيت
تطري عليّه واتلفت ورايه






صعب ٍ علي أنساك مهما تناسيت
ما همني هرج العدى في قفايه






الشاهد الله من فراقك تعنّيت
مدري تحس بلوعتي يا عنايه ؟






شفني من اللوعه مع الليل جريت
صوت ٍ حزين وباح لاجلك خفايه

الأخت الكريمة: شموخ أنثى
كما عجزت حروفك عن مدح هذا الشاعر وشعره.

كذلك تعجز حروفي عن التعبير بما في قلبي من الشكر والتقدير لك أختي الكريمة

فكم أسعدتني هذه الأبيات

وأطربتني

وأعجبتني
"
"
"
وأذهلتني

فكل الشكر لك يالغلا على هذا الإبداع
ولا خلا ولا عدم

من الرائعين أمثالك عزيزتي


[COLOR="Red"]ماحلا صوغة معاني الفكر منها يحار

من جمال النظم يطرب خاطري وكوده يطيرر..!![/COLOR]

/
\
/





ياللي / وجودك دايمٍ .. يفتح النفس

يا مرحبا / ترحيب .. من بدة النـاس






عآشق مطير



السنآفي وديوانهـ والشموخ



يتشرفونـ بتوآجدكـ هنآ


آحتراآمي لكـ






.






.

/
..

مازآل قلب شآعرنآ ينبض بالحب

والوفآء .. لارضهـ

قصيدهـ مهرجآن تمير

1429هـ


/
\
/



/
\


بديت باسم مدبرالكون تدبير
اللي لياضاقت عليه اعتمدنا


اللي يعلم الواردة والمصادير
ماغيره احداً فالبسيطه عبدنا


مساكم الله ياهل الطيب بالخير
بوجودكم زان القصيد وقصدنا


الليل زان وحان بدع التعابير
للي مشرفنا وجاء في وعدنا


يامرحبامليون حييت ياامير
يافخرنا ياعزنا ياسعدنا


بشوفكم هلت علينا التباشير
والحمدلله مالغيره حمدنا


اليوم في تميرالكرم غردالطير
وبحضوركم زانت ونوربلدنا


حياكم الله يالوجيه المسافير
ترحيبة عد النجوم وعددنا


في الديرة اللى حبها في الحشاغير
نحبهامن يومنافي مهدنا


داراًلهافي القلب حشمه وتقدير
نغلي ثراهاقبل نغلي ولدنا


متوصياًفيهاواناتوني صغير
واليوم اوصي من يجيها بعدنا


عسى السحاب اللي مزونه مزابير
في ليلة بأمرالكريم يهجدنا


يسقي دياراهل الدلال المباهير
يعلهاوبل المخيله من أدنا


يادار من دونك تهون المخاسير
وش عاد لودونك نوسد لحدنا


حناعيالك في الليال المعاسير
عهدأ علينا مانضيع عهدنا


وحنا لياثارت عجاج ومعاصير
على حياض الموت ياما وردنا


أليابدا اللازم نوقف طوابير
عدونا على غلاك يحسدنا


تنشرلنا البيضابروس المقاصير
أفعالنا تشهد وحنا شهدنا


وفي واجب الضيفان مافيه تقصير
الطيب نتعب له ونبذل جهدنا


ومن لايحوش المرجله عمره قصير
وحناعلى عرش المراجل صعدنا


نكرم ولو صارت دهور ومعاسير
وقت الرخا وقت الفقر مانشدنا


ونوفي ولوجارت عليناالمقادير
خوينا مانجحده لوجحدنا


نعيش في عزالملوك المناعير
أخوان نوره في ذراهم قعدنا


اللي حموها بالسيوف البواتير
من عهدابوتركي وحتى عهدنا


يوم اقبل معزي على خيل وبعير
وقال الرياض بشاية الله وعدنا


معه اربعين من الرجال المغاوير
ودارت رحاهاوانصرالله اسدنا


ونادى المنادي يسبق الصوت تكبير
الحكم لله ثم لك ياسندنا


واستبشر العارض وصفواطوابير
وقامت له العرضه وجاناسعدنا


واليوم حنافي رخاوامن وبخير
وفي ظل حكام الجزيره رقدنا


ونطلب من اللي دبرالكون تدبير
يعزعبدالله ويرحم فهدنا

/

\

/

/
\
/

قصيدهـ ذآت معآني قويهـ

ومعبرهـ وآيضآ جمعت الحزن والجفآ

/
\

ودعتكـ الله

ودعتكـ الله

ودعتكـ الله

عز الله ان الهوى يامر على روحي
اللي دعاني وانا هالحين في بيته

تفداه روحي ولو هو سبة جروحي
ما دام فنجال غرباله تقهويته

ياشيب عيني ويا وجدي ويانوحي
عليك ياللي فراقك ما تحريته

وشلون اناديك وانت تصد ما توحي
بنيت لك بيت لكن انت هديته

رفعت لك صوتي اللي منك مبحوحي
ولا طرى لك تعود له وخليته

خلاص لاعاد ترجع وانت مسموحي
القلب يانور عيني فيك عزيته

لا يادلال الشقا من عقبها فوحي
وانا على القلب لامن فاح زليته

ودعتك الله وامانه يابعد روحي
مادام شرع الجفا والبعد سنيته