ديـــوان الـشـاعـر ( عـزام بن عـبـدالله الخــريـف )

على الله يا مداين خاطري ياعاصمة دنياي
على الله يالحروف التايهه في نظرة التايه
هنا
مجاراة رائعه ابدع فيها شاعرنا
لقصيدة الشاعر تركي الميزاني
\
/



على الله يالحبيب اللي زرعت الشوك في ممشاي
وانا مسافر على دربـا ً طويـل ومالـه نهايـه



انا اللي ماهقيت انك تخيب يالغضـي رجـواي
جزاي اللي لقيته منـك ياللـي حبـك دعايـه



انا اللي بالوفا مديـت لـك يالخاينـه يمنـاي
ولكن خـاب ظنـي فيـك يـوم امـد يمنايـه



حسبتك مخلصا ً وافي حسبتك رغبتـي ومنـاي
حسافه ليتني ماكنـت احسبـك غايـة منايـه



رهنت القلب في يدينك وجيتك كلي من اقصـاي
وكنت انت الوحيد اللي سكنت القلـب برضايـه



على شانك تركت اللي يقول انك تبـي فرقـاي
ولكنـه صـدق ماقـال وهـذا يـوم فرقايـه



انا بسري ولا ودي اشوفك حتى فـي مسـراي
فمـان الله دور واحـدا ً غيـري لـك هوايـه


مشيت الدرب كله لين تعبت فالطريـق خطـاي
ياليتـي مامشيتـك ياطريـق الحـب بخطايـه


ابا اصبر ياعسى ربي يصبرنـي علـى بلـواي
ولاْنـي مومـن بالله رضيـت بحكـم مـولايـه

قصيده إهداء إلى الدنمـــارك !!!!
شلت ايديهم واذلهم الله
اللهم اعز الاسلام والمسلمين
/
\
/

ألا يالله بنوا ً فيه عاصوف (ن) يهد جبال
يشيل الدنمارك ويلحق أولها بتاليها

وثم(ن) يلحقه ربي ببركان عقب زلزال
ويمسح دولة الكفار عاليها بواطيها

يجيهم من غضب ربي عذاب(ن) ماطرا فالبال
وتصبح عبرة (ن) للناس قاصيها ودانيها

جزاء للي رسم صورة نبي الله بالاشكال
عسى يديهم تشل ولا يحصل من يداويها

خسوا والله ويخسى من يصدق كذبة الانذال
يهود(ن) تحسب ان الدين لعبه بين اياديها

رسول الله يكرم مايمثل صورته دجال
خنازير(ن) عسى الله من جميع الارض يفنيها

ترى حنا هل التوحيد نرخص دونه الاموال
فدته أرواحنا واموالنا واللي يساويها

نبي(ن) مرسل بالحق نومن به بغير جدال
رساله من ولي العرش للعالم باساميها

هدانا واهتدينا به وربي يكتب الاجال
رفعنا روسنا لله وله وحده نوطيها

تربينا على الاسلام وربانا وحنا رجال
نموت وملة الاسلام مانترك مباديها

ولانرضى الخطا خص(ن) ليامن جاء من الجهال
حياة الذل واهل الذل والله ماندانيها

يجينا في توالي الوقت خنزير(ن) يبي يحتال
يشوه سمعة الاسلام ما حسب تواليها

وعدكم عند رب(ن) يمهل الظالم بدون أهمال
عساه يعجل ألكم بالعقوبه ما يخليها

وصلى الله على محمد وسلم ماسرى همال
وصلى الله عليه أعداد ماهبت ذواريها

قصيده
رسمت مشاعر
إلانتماء والفخر وإلاعتزاز
\
\
/

البيرق اللي في يمين التميمي
تستاهله يمناه يا أهل الامارات

يستاهله حرا ً معرب عديمي
ما ينزل ألا فوق روس الطويلات

أن كانها بالشعر جت من قديمي
وألا تجي لا صارت بطيب فزعات

يالشبرمي لا تحسب أنك يتيمي
حولك رجالا ً ترتكي للصعيبات

حولك تميم اللي تدك الخصيمي
اللي لهم في ساحة العز رايات

العزوه اللي ما عرفها الغشيمي
اللي على الدجال شرا ً وحسرات

واليوم جت لك من عطايا الكريمي
وأخذتها بيمناك مع جزل الابيات

ما للمواقف غير رجلا ً فهيمي
وأليا بدى اللازم يقضّيه بسكات

أرسل سلامي مع هبوب النسيمي
واقول لك مبروك يا طيب الذات

أبيات شعرا ً قلتها من صميمي
تاصلك لو دونك بعيد المسافات

قصيده قوية جدا
و
مازال معناها
في بطن الشاعر
\

/

علموها كان تفهم علموها
وكان ما تفهم قصيدي فهموها




لاتحداني ترى ما هيب قدي
يوم بعض الناس فيني وهقوها




لاتحسب أني عن اللي صار جاهل
ما ني بميت لو أنهم ابعدوها




وش جمع بين الثرى وبين الثريا
ولد ابوي ان كان صارت بنت أبوها


القصايد في يدي مجوّد رسنها
ما حسبت حساب للي حاربوها


مبطي وعندي من الطيب شهاده
وألا منها نقعوها واشربوها


عزتي تفرض علي أقف مكاني
حتى راسي شعرته ما حركوها


ما اتبع المقفي ولو طول صدوده
لكن الشرهه على اللي صددوها


تنصدم فيهم وتاخذ درس مني
دامهم وقت الرخا ما درسوها


رح ويمنايه تعذر عن يمينك
ما تشرفني وهم ما شرفوها

قصيده حربيه قالها الشاعر
بمناسبة اليوم الوطني للملكهـ

\
/


أفرحي يا ديرة العز يا دار السلام
وأعرضي بالسيف دامك ما بين رجالها


يرحم اللي وحدك شيخنا ذاك الامام
الزعيم اللي هجدها وفك عقالها


وحد الدوله وزال الجهل وأقفى الظلام
بالسيوف وبالخيول أحتموها أبطالها


يوم صاحت نجد جاها مثل وبل الغمام
وأحتماها الفيصلي وأحسن الله حالها


عقب أخو نوره حكمها وهي برد وسلام
أشرقت شمس العداله وهل هلالها


الزعيم اللي حمى المملكه وارسى النظام
عزوة ال سعود عشنا بظل ظلالها


دولة (ن) قامت على الدين وبحل وحرام
لين رب الكون عز البلد بعيالها


ثم جـانـا مـلوكـنا هــم رفـيـعـين المـقام
وأكتمل عز الوطن تحت ظل رجالها

قصيدهـ بمناسبة فوز الهلال
\
/
\

الفوز جابه ياسر القحطاني
وخلى العدى تمرح وهي مقهوره


هذا الزعيم ولا عرفنا ثاني
تهابه خصومه وهي مجبوره


لامن لعب يعجبك في الميداني
يلعب بخصمه مثل لعب الكوره


واليوم في ديرة حسن كراني
خلى جماهيره تجي مسروره


ماهي غريبه ينتصر ياخواني
ولا هي غريبه لو كسبنا الدوره


لكن غريبه لو رجع خسراني
وهذا محاااال وعندنا مخبوره


نجيبها غصب ٍ على العدواني
وتلقى التهاني فالصحف منشوره


هذي مشاعر شاعر ٍ طرباني
فاز الهلال وهيضته شعوره

هنا
ابداع و حنين و حب و فراق مؤلم


ألا يالصاحب الغالي غلاكم كل يوم يزود

ومن زاد الغلا في حبكم لازم تراعونه



قطعت حبال وصلك وألا انا حبلي معك مشدود

حرام القلب يالغالي على الفرقا تحدونه



جزت عيني من فراقك وغيري من العباد رقود

أهل الدمع مثل الغيم لا من هلت مزونه



على اللي راح من عندي ولا أظن الحكي به فود

عسى يوم المفارق فالهوى لي ما يحسبونه



عشيري كل ما منه نظرني بالعيون السود

يطير القلب لولا هالضلوع اللي يردونه



صغير السن ملهوف الحشا وألا الشعر مرجود

غريب الوصف يعجز من يوصف ما يجيبونه



وانا ما انلام في حبه ولا يلحقني المنقود

عسى من لامني يصبح على دربه يقدونه



ليامني ذكرته قلت انا اللي فالهوى محسود

ومن له صاحب ٍ مثلي لزوم انه يحسدونه



مراسيل الهوى راحت ولا جاني لها مردود

ومرسال الحبيّب لا لفاني لا تردونه



ترى عمري من اسبابه اشوف انه غدى معدود

ابي شوفه ولو نظره تداوي القلب وطعونه



وإلا من مت ياهل تمير ابيكم فاللزوم شهود

تراه محلل ٍ مني وكله خاطر عيونه

يارب

يارب

يارب

أغــفـر لـزلاتــي ليا من قيل لي

( مـرحــوم )

( مـرحــوم )

( مـرحــوم )

\
/
\
/


ألا وعـــزتـي للي عـيـونـه مـا تـذوق الـنـوم
سـهـير ويـطـلـب الـله كـل حـزه يغـفـر ذنـوبه



ألايـا للـه انا عبـدك ولـد عبــدك وانا المـحـروم
وعبـدك كــل ما يـذنب تضـايـق وأشـغـله ثوبه



حياتي كلـها راحـت وأحسب ان الزمــان يـدوم
طلـبـتك يـاكـريم الــوجــه تـقـبل مـني التــوبــه



خـطـاياي الثـقـيـله مـن سبـبها ما قـويـت أقـوم
ذنـوب(ن) كلـها فـي دفــتر السـيات مـكـتــوبه



سـلـينا واللـيالي كـل يـوم(ن) تاخـذ المـقـسـوم
مشيـنا في دروب(ن) ما نحسّبها ومحسوبه



لهينا فـي حـياة(ن) كـل مـا فـيها ترى مــعدوم
وكلاً غارق(ن) فـي الذنب من راسه لعرقوبه



ضـمينـا لكـن الـدنيا سقـتـنا كاسـها المـسموم
عسى ما حلت ابنا من سبايب ذنـبنا عقوبه



عسى الله لا يواخذنا ولا أحد من الخطا معصوم
ياربي هــوّن حسـابي علي وهــوّن دروبه



يارب أغــفـر لـزلاتــي ليا من قيل لي ( مـرحــوم )
تراك أنت الكـريم اللي تغفر لعــبـدك ذنـوبه

مساجلة شعريه رائعه بين شاعرنا السنافي
والشاعر عضيد السنافي

تجلتـ فيها روح المحبهـ
والاخاء


\
/
اترككم مع القصائد

\

/
قصيده السنافي

كل(ن) يغـيب ولا دريت بـغيابه
ألا أنت والله يا عـــضــيد الســنافــي



وش فيك غايب يا عشير الذيابه
وأنا أدري أنك يا أبيض الوجه وافي



مثلك ليا من راح وأبطت ركابه
نــقــول ويــنه يا عـــساه مـتـعـافـي



وألا بعضهم ما حسبنا حسابه
وأن غـاب ما قـلنا ورى ما يشـافي

\
/

ورد عليهـ الشاعر عضيد السنافي بهذه القصيده

جيتك وقلبي شوق والشوق جابه
وان غبت والله ماتغيب القوافي

لكن وجيه الناس قامت تشابه
ولاعاد بـــه وقتً مع الناس صافي

وإلا أنت طيبـك مثل مزن السحابه
تروي كبــودً بالعطش والخوافـــي

من لابـةً بالطيب والفعل لابـــه
أهل السيوف اللي لها الوقت وافي

وهذا عضيدك يا لسنافي جوابــه
شهرً به الخيرات والأجر لافـــي

وكلً يغيب وحجته في غيابه
وأنا احمد الله دام مثلك سنــــافي

هنا

في هذا الديوان توقفت




كثيرآآآآآآ




والحقيقة وقفت في ذهوول



وانا اتنقل بين هذه القصائد واضعها


لكم هنا


وانا مستمتعه بالقراءة



ففي هذا الديوان




ارتويتـــ وارتويتـــ




هنا




الجـــــــــــــــزالة




هنا




الفخــــــــــــــامة


هنا


صدق التعـــــــــــــــبير



هنا



المعاني الراقية



والالفاظ المعبره



هنا



الحب



الهوي



الفراق



البعد



الحزن



الكبرياء



الشموخ




اعجز عن الوصف





فلكلمات هذا الشاعر الكبير سحراً لا

يوصف عندما أقرأها




اعذروني على التوقف




وها أنا




اكمل لكم






لكي ترتوي قلوبكم
معي