عمالة تمير داخل الأحياء ؟؟؟؟؟؟؟؟؟

اقتباس: المشاركة الأصلية كتبت بواسطة نسيم    شف وانا خوك ابكلمك بالعامية وامثلة نشوفها ونشاهدها كل يوم. الان الاحداثات في الارضي (المزارع)اللي خارج النطاق السكاني لو تشبكها كلها محد قال لك شي الا اذا شكاك مواطن مثلك.صح والا انا غلطان. اذا صارت الاراضي المحدثه داخل النطاق السكاني جوك وشالوك بكراعك بضرس الشيول وعيونك تناظر.صح والا انا غلطان. مثل ماقالوا الاخوان المطاعم والمطابخ هذي مهمة المسئول بلاضافة الى تعاون المواطن اذا شاف لحم الشاورما مربص في بانيو الحمام يسكت ؟والا يبلغ؟او يزعلون الجماعة. انت يالمدرس على سبيل المثال جنبك شقق وفيها عزاب ومتضايق منهم تتركهم والا تبي المسئول يجيك ويقول وش تبي وش اللي مضايقك يالمدرس .والا يروح المسئول يطقق الشقق ينشد انت عزوبي والا معك اهلك ؟ الكلام واجد والنقاش يبي طول بال يالمدرس وانت تبي الفكه حطيت الموضوع وتبي المخلاص ،وتبي تقنعنا ان كلامك صح ونقعد نمدح فيك عشان تستانس. وبعدين العماله يالمدرس ماجابهم الا انت وانا والثاني والثاني مثل اللي عنده ورشة واللي عنده محطة واللي عنده مزارع .تبي نفتك من العمالة خل نتفق كلنا ونسفرهم لان الحل في يدينا لكن تبي المسئول يدلي يدور ويطقق البيبان ويدور الصبح وكل ماشاف عامل مسكين مسكه بحلقه هذي والله مستحيله. نسيم

اخي العزيز أنا لم اكتب موضوع احاول أن اقنع الجميع بصحته

فالواضح للجميع أن الجميع يرفض سكن العمال والعزوبية بين العوائل

أما العمالة فلست ضدهم ولم اطالب بترحيلهم فنحن مجتمع نامي نحتاج الى تواجدهم ولكن بتنظيم

معين في السكن وخلافه

ملاحظة اخرى /// الكل من المسؤولين يعرف مساكن العمال داخل الأحياء ومطنشين // لماذا ؟؟؟

اخي نسيم /// لم افهم مداخلتك حول هذه مهمة المسؤول في الأراضي والمطاعم

فكيف اقتصرت مهمته بما ترى أنت ؟؟؟؟؟ وقصرت عما يراه الأخرون ؟؟؟؟

اقتباس: المشاركة الأصلية كتبت بواسطة نسيم    الموضوع اشوفه صار حمايا تدخلت الحمية فيه . نحن نناقش ولسنا نخاصم .مشكلتنا اننا ننتقد بس ولا نعرف النقاش. وين تبون تتقدمون معه !!!!!!!!!!!

استغرب خروجك عن النص الأصلي ( صلب الموضوع ) فالجميع يتاقش واسلوبهم لم يرضيك

واتهمتهم بعدم معرفة النقاش وهذا من الغرور المنهي عنه

المدرس ،كم انا سعيد بتواجدك وحضورك . والله اني مشغول جدا والحديث معك شيق .لكن انتظرني الليلة وسوف ارضي غرورك ،والواضح انك تحاول الهروب .لكن انا سأكمل النقاش معك او السوالف ان صح التعبير.
لكن ثق تمام الثقة اننا اخوان وربع وجماعة واذا انتهى الموضوع ينتهي كل شي وهذا من اداب الحوار عندي وعند كل رجل محترم و مدرك وفاهم .واتمنى ان تكون من هؤلأ ان شاء الله.
اخوك نسيم

والله انا اشوف ان ما لهم اي ذنب صحيح ان الواحد يخاف منهم
بس اذا شفت احد ياذيك منهم هذيك الحزه لك الحق التكلم بهذا الموضوع يالمدرس انا ضد كلامك هذا وانت تشوف بعينك كيف هم خادمين البلد خلنا نفرض افتراض انت لو انك بديره ما هي بديرتك اين رح تسكن بغض النظر عن السعوديه بس كما ترضا على نفسك ارضاء على غيرك
ما يكفيك انهم اذا بغو شي قامو يمشون ويتعبون عشان يوصولون الي هم يبونه
الكل يشاهدهم يمشون بالشارع العام حتى الوقوف تتعجزون توصلونهم الي يبونه
انا كنت اشاهدهم برمضان يمشون وقت السحور حتى انه يقوم ياشر للماره بالشارع ولا احد يعبرهم تظن بنظرك هذا مو استحقار لهم
وانت تعلم ان انهم لم ياتون لي الفساد ولكن اتو لي يطعمون اطفالهم
نوضح اكثر انت اذا كانو ساكنين عند بيتك فلك الحق انك تقوم وترفع شكوى
ولكن لا نريد فضايح وتشهير لبلدية تمير واذا عندك شي وانت تشوف الغلط كلنا بنوقف معك وانا اول من يقوم برفع الشكوى ولكن اقولك كافي النقاش بهذا الموضوع

تقبل ردي بكل صدر رحب
اخوك / بقايا انسان

وين راح المدرس ؟يمكن اني تأخرت عليه.اسف جدا على التأخير لكن كل مطرود ملحوق والموضوع موجود .
نسيم

اقتباس: المشاركة الأصلية كتبت بواسطة . بـقايا انسان .    والله انا اشوف ان ما لهم اي ذنب صحيح ان الواحد يخاف منهم بس اذا شفت احد ياذيك منهم هذيك الحزه لك الحق التكلم بهذا الموضوع يالمدرس انا ضد كلامك هذا وانت تشوف بعينك كيف هم خادمين البلد خلنا نفرض افتراض انت لو انك بديره ما هي بديرتك اين رح تسكن بغض النظر عن السعوديه بس كما ترضا على نفسك ارضاء على غيرك ما يكفيك انهم اذا بغو شي قامو يمشون ويتعبون عشان يوصولون الي هم يبونه الكل يشاهدهم يمشون بالشارع العام حتى الوقوف تتعجزون توصلونهم الي يبونه انا كنت اشاهدهم برمضان يمشون وقت السحور حتى انه يقوم ياشر للماره بالشارع ولا احد يعبرهم تظن بنظرك هذا مو استحقار لهم وانت تعلم ان انهم لم ياتون لي الفساد ولكن اتو لي يطعمون اطفالهم نوضح اكثر انت اذا كانو ساكنين عند بيتك فلك الحق انك تقوم وترفع شكوى ولكن لا نريد فضايح وتشهير لبلدية تمير واذا عندك شي وانت تشوف الغلط كلنا بنوقف معك وانا اول من يقوم برفع الشكوى ولكن اقولك كافي النقاش بهذا الموضوع تقبل ردي بكل صدر رحب اخوك / بقايا انسان

بقايا انسان ،
خل المدرس في حاله لانه نقل الموضوع وتورط ولايقدر يناقش.والسبب اللي خلاه ينقل الموضوع هو/يبي الناس تطبل له ويقولون المدرس جاب ماعجز عنه الغير،وانت الله يهديك يابقايا انسان خذت الموضوع جد ،(بالعربي ماعندك احد).
وتبي الصحيح والله اني احب المدرس، بس ماهوب يعطينا عمره والا كان يصير كأنه علم فوق راسه نار.
تحياتي لك نسيم

هناك من هم أخطر من العماله الوافده .. هم من يستحقون النظر في أمرهم .. !!!
ودمتم سالمين من كل شر قادم .. !!!

اقتباس: المشاركة الأصلية كتبت بواسطة قلب الاسد    هناك من هم أخطر من العماله الوافده .. هم من يستحقون النظر في أمرهم .. !!! ودمتم سالمين من كل شر قادم .. !!!

قلب الاسد كيف الحال ان شاء الله طيب .زمان والله ياصديقي ،وين الدنيا بك ؟
الله يستر من كل شر قل امين .
تحياتي لك نسيم

اخي المدرس
اسأل نفسك سؤال - من الي سكن هالعماله ؟
انت تطلب حل مشكله من صنع مواطن ( سقيم ) تسبب في هالمشكله و غيرها من المشاكل
بسبب الطمع و عدم معرفة حقوق الاخرين عليه
فمثل هالنوعية - دواه ميزان العداله - خله يومي به و لا رنو راسه بوزنة 20 كيلو
اذا ( المواطن السقيم ) راضي فما يدري من بيدهم الميزان
و لاتزعل من الرأي الصريح فهو في صالح الموضوع و ان كان في غير صالحك انت

المدرس " شاكر لكـ على طرحكـ ..
عندي معلومه أن الهيئه قامت بتقديم خطاب إلى
مركز الامارهـ قبل ثلاث سنوات او اكثرعلى سكن
العزاب المجاور لثانوية البنات بتضرر الطالبات وهم
يصعدون وينزلون من الباص والي يمشي على قدمه
من وقوف العماله عند سكنهم وجاءت مساله للمدرسه
بصحة ذالك فردت مديرة الثانويه للبنات أنهم لم يتضرر
و وإلغي الخطاب وهاذى يدل أن الامر متوقف على شكوى
المواطن وليس على الجهات الحكوميه
----------------
للمعلوميه