بوح من عدستي ܔܔكوكتيلܔܔ

جله بعيروقد نبت الشعير الي بداخلها..





بعد ذالك توجهنا الى روضه ام قرو وربيعها افضل من ام الطين بقليل..



اتجهنا صوب فيضه ام صحن لكن لم يبين فيها اثر للربيع..
وهذي نخله من بعد مركوزه عند مخيم بدو ويبدوا انه منزلهم هنا قديم..



توجهنا الى هجره مناخ التي يبعد تقريبا 20 كيلو من ام صحن للتزود بالوقود ..





وعند خروجنا من مناخ بــ 5 كيلو تقريبا عارضتنا سكه حديد جديده
للقطار قادمه من الشرقيه ومتجه للقصيم ولا زال العمل جاري بها..



فقد يأتي يوما ما نكشت على القطار..





مسكنا خط السفانيه ثم الى البطيحانيه بأتجاه النفوذ
والوقوف هنا للراحه والنوم ..


البطاريه منخفظه <---- ما احب هالكلمه ابد..
ودي اكمل بس ما باليد حيله لا يوجد محول ولا شاحن جوال..





أرجوا أن يحوز الموضوع على استحسانكم
مع فائق شكري لكل من تابع الموضوع
تحياتي لكم..

ابـوحـمـد


ولمشاهده جميع التعليقات هنا

تغطيات رائعة
ونزهات منوعة
وصور جميلة
مدونة ثرية بالكثير ولازلنا ننتظر المزيد

بسم الله الحمن الرحيم

السلام عليكم ورحمه الله وبركاته...

اليوم الربيع مخلوط بشوي عنصل بس يعطي الارض طبيعه وخضره..

اليوم في احدى الشعبان القريبه من تمير كانت لنا جوله خفيفه

في شعيب -----> الارطاوي..

بس الله الله مثل ماقلت النظافه اهم شي وهي من القيم الجميلة لديننا الحنيف وعنوان لجماله وذوق أهلة

وقال صلى الله عليه وسلم إن الله تعالى جميل يحب الجمال ويحب أن يرى أثر نعمته على عبده ويبغض البؤس

والتباؤس

(رقم: 1742 في صحيح الجامع)

اترككم مع الصور...

هذي نبته الحواء.... مدري اذا فيه اسم ثاني لها..

هذا>>> السحيتاني وغيرضار ومقبول شكله اكثر من البرصي..

جرذي تردد كثراً لأكل بعض النباتات واخيرا تم التقاط النبته بسرعه ..
كان حذر جدا وينظر الينا بنظرات ترقب..

الغنم هنا تشبع ولله الحمد..

عجبتني الصوره هذي نعجه مع صغيرها ..

ارجو ان تحوز الصور على اعجابكم...

ولمشاهده التعليقات هنا

دق علي صديقي أبو نواف وقال يمدحون روضه ملهم وشرايك نتغدى فيها..

قلت له من هالخبل الي مهوب لاحقك ---> اجحدها عاد..

المهم رحنا لها وكانت محميه من المجاهدين لوضعهم رشاشات تسقي الارض

الي راح تشوفونها بعد قليل مساحات كبيره وارض مخضره وعلى هذي الحال

اذا ما جاهم مطر ركزو الرشاشات ورشو الارض وحموها

عشان الامير عبد العزيز بن فهد يتكشت فيها ايه ماء ببلاش وش خسرين ..

الزبده يا جماعه ممنوع منعا باتاَ الجلوس بها والتجول وخاصه الوقت هذا.

لما شافنا موظف المجاهدين حاول انه يطردنا منها بس اوهمناه اننا ما ندري وضايعين ومن هالرخيص الي انتم خابرين..

ويالله انه طاع وخلانا نجلس فيها وعطانا مهله قصيره جدا ما امدانا ولا نحك راسنا فيها..

مغير كلنا غدانا و كله ماء وحبته ما استوت..

تراي علمتكم <------- لا تقولون ماعلمنا اصبروا الين يفكون الحمى عنها..

اترككم مع الصور...

::::::::
::::::
::::
::
:
.

البريق هذا يذكرني بأيام جميله...

الله حيهم بياله مخدره على الكيف..

وانا طالع فوق الطعس شفت جره حبارى او عقاب <---- والله الفرق بعد..

المهم حبارى بس ما لقيناها كان مطلقين سداح عليها...

واكثر نباتها النفل والربله والحوزيان على ما اعتقد بس تشم ريحته من بعد..

رشاشات في وسط الشعيب ومسافات كبيره جدا..

<<<هذا وش تسمونه !!
نسميه حنا قبون ربي يمكن عشانه ما يوذي..

ويوم بغينا نطلع خربناها وطلعنا من عند البوابه وبجانب خيمه المجاهدين..

بس الرجل محترم جداَ لوه من الي انتم خابرين كان ماجلسنا ولا دقيقه..

ولمشاهده التعليقات هنا

اقتباس: المشاركة الأصلية كتبت بواسطة admin    تغطيات رائعة ونزهات منوعة وصور جميلة مدونة ثرية بالكثير ولازلنا ننتظر المزيد

اهلا بك اخوي ابو اسامه وتشرفت بحضورك
الجميل شاكر لك تواجدك الذي شرفتني فيه..
تحياتي لك..

تسلم والله يابوحمد على الصور والعمل الجبار اللي يعجز اللسان تعبيره وحصره بكلمات مختصرة.
افهمها على طول يابوحمد انت مقر الابداع والتميز اينما تكون .
نسيم

الله يبيض وجهك يابو حمد
وعدسه موفقه في كل صورة

أدام الله لك أبداعك

بسم الله الرحمن الرحيم
السلام عليكم ورحمة الله وبركاته

وش رايكم بها الربيع الطيب بينا وبينه 20 كيلو
ريحه طيبه وما شافه الا انا--->
الدعوه تحدي
بيني وبين واحد عندي يقول بجيب خبره عشان كذا حاولت اني ما اوريه الصورالا يوم قصيت بعضها ولزقتها ببعض
طبعا الصوره الاولى مدموجه >> بضيعكم شوي

وهذي الورده اهداء لك من مر على الموضوع..
تحياتي لكم
ابـوحـمـد

ولمشاهده التعليقات هنا

اكيد انكم سمعتم بروضه ام الورود--> الي هي ام الدود سابقاوسميت بالاسم هذا لقربها من بلده ام الورود..
طريق القصيم الشماسيه وعلى طول 110 كيلوثمين عين بن فهيد وتفرق يمين
من عندها بلده ام الورود ثمين طريق قبه كيلوين الروضه يمينك ويسارك
وانت في نصف الطريق واليمين مشبوك عليه اما الجهه اليسرى مفتوحه ..
كان ربيعها خيالي وجميل بشكل ما تصورناه بهذا الشكل
كان في تاريخ في تاريخ 12/2/1431هـ يوم ومن اجمل ما رئيت
هذي السنه من حيث الطبيعه والازهار وكثره البابونج --> ابو زهيره
والنفل والحرف وغيرها من النباتات المتعدده
وباين كثره الخيام فيها والاستعداد للأجازه ..

هذي الصوره ليوم الاربعاء والخميس الي فات 6-7/2/1430هـ
يوم السيل والمطر..

/

اترككم مع الصور..

:::::::
::::::
:::::
::::
::
:

بلده ام الورود وطريق الروضه يمين من جهه قبه..

وهذي روضه بالقرب من محافظه السياح نباتها النفل استوقفنا فيها قليلاَ مع البوتوقار ابو سعد..

وهذي اثار سيول بالقرب من قريه ام الورود...

والوصول الى الروضه والتجول بها والبحث عن مكان للجلوس فيه..

صور جميله متنوعه من الروضه..

البابونج وكثرته داخل هذي الروضه المحميه وارتفاعه اطول من شبر
الى شبر ونص يمكن يا صل شرين<--- تراي صادق

----> يتبع في الخلف