عمالة تمير داخل الأحياء ؟؟؟؟؟؟؟؟؟

الف شكر اخي الأستاذ على كلماتك الرائعة

فعلا انا مع كلام اخوي الاستاذ
سكن العمال في الاحيااء السكنيه
بحد ذاته مخالفه
وين المسئول ليش مايطبق عمله
هذا واجبه المفروض يكون حريص
على اهل ديرته وعلى محارمه والخوف من هاللى
يدوجون في الشوارع من غير فايده انا في الحى اللى ساكنته
يوجد سكن عمال وصراحه اخاف على عيالى وبيتي ونفسى
والمفروض يحطون لهم شارع خاص لسكن العماله
وانا اضم صوتي لصوتك ولنرفع ايدينا ونصوت
واتمنى ان اكون ضيف خفيف وماثقلت وللك شكري واحترامي

اقتباس: المشاركة الأصلية كتبت بواسطة المدرس    نسيم استغرب اسلوبك وعدم معرفتك بالمقصود الواضح مخالفات صريحة للنظام موجودة في المجتمع وهناك جهات مسؤولة عنها فلماذا لا تمارس واجبها فقط لماذا المسؤول يريد شماعة ليتعلق بها ؟؟؟ نعم سمعنا الكثير أحد المسؤولين يقول ( ماجيناك فلان شاكيك ) لماذا اليست مسؤولية الجهه النظامية ؟؟؟؟ لو أن الجهات مارست عملها الحقيقي يدون محابات ومجاملة لما احتاج المواطن أن يقدم أي شكوى في الأمور العامة لأنها مسؤولية الدولة والجهات المكلفة لماذا نشاهد بعض المخالفات لا تحتاج شكوى ؟؟؟؟؟؟

شف وانا خوك ابكلمك بالعامية وامثلة نشوفها ونشاهدها كل يوم.
الان الاحداثات في الارضي (المزارع)اللي خارج النطاق السكاني لو تشبكها كلها محد قال لك شي الا اذا شكاك مواطن مثلك.صح والا انا غلطان.
اذا صارت الاراضي المحدثه داخل النطاق السكاني جوك وشالوك بكراعك بضرس الشيول وعيونك تناظر.صح والا انا غلطان.
مثل ماقالوا الاخوان المطاعم والمطابخ هذي مهمة المسئول بلاضافة الى تعاون المواطن اذا شاف لحم الشاورما مربص في بانيو الحمام يسكت ؟والا يبلغ؟او يزعلون الجماعة.
انت يالمدرس على سبيل المثال جنبك شقق وفيها عزاب ومتضايق منهم تتركهم والا تبي المسئول يجيك ويقول وش تبي وش اللي مضايقك يالمدرس .والا يروح المسئول يطقق الشقق ينشد انت عزوبي والا معك اهلك ؟
الكلام واجد والنقاش يبي طول بال يالمدرس وانت تبي الفكه حطيت الموضوع وتبي المخلاص ،وتبي تقنعنا ان كلامك صح ونقعد نمدح فيك عشان تستانس.
وبعدين العماله يالمدرس ماجابهم الا انت وانا والثاني والثاني مثل اللي عنده ورشة واللي عنده محطة واللي عنده مزارع .تبي نفتك من العمالة خل نتفق كلنا ونسفرهم لان الحل في يدينا لكن تبي المسئول يدلي يدور ويطقق البيبان ويدور الصبح وكل ماشاف عامل مسكين مسكه بحلقه هذي والله مستحيله.
نسيم

فكونا تكفون من العماله وين مكافحة التسول عنهم

بصراحة يالرجاجيل ما عجبني ردكم على المدرس هو عرض قضية جدا مهمة وينخاف من عواقبها
وتردون عليه ببرود ولا همكم شيء
لكن لو كل واحد حط نفسه في موقف ان بنته سرقت من عند باب المدرسه او ولده ما كان هذا ردكم
او نوَقف الين يصير مثل هالموقف
ونقعد نصيح ونقول ليت اللي صار ماصار وليتنا انتبهنا وقلعناهم بعيد عن عيالنا ومدارسنا
المدرس طرحه واضح وما يبي شرح
وعذرا لو كنت ثقلت عليكم

اقتباس: المشاركة الأصلية كتبت بواسطة احلام وردية    بصراحة يالرجاجيل ما عجبني ردكم على المدرس هو عرض قضية جدا مهمة وينخاف من عواقبها وتردون عليه ببرود ولا همكم شيء لكن لو كل واحد حط نفسه في موقف ان بنته سرقت من عند باب المدرسه او ولده ما كان هذا ردكم او نوَقف الين يصير مثل هالموقف ونقعد نصيح ونقول ليت اللي صار ماصار وليتنا انتبهنا وقلعناهم بعيد عن عيالنا ومدارسنا المدرس طرحه واضح وما يبي شرح وعذرا لو كنت ثقلت عليكم

يا اخت احلام الله يرضا عليك.
هو عرض القضية وكلامه سليم، ليه مايتقدم الصبح بمعروض شكوى على المعني بلامر؟
هل الخطر اللي ذكريته على بنات المدارس، نقدم عليه رضاء اشخاص لهم مصلحة ؟
المدرس الان ما وده يشكي يخاف يزعل عليه احد من الجماعة.وش رايك يا احلام ورديه؟
والا يبي المسئول يشوف اللي يشوفه المدرس ويطبق عليه النظام.
نسيم

مساكم الله بالخير //

لاهنت يالمدرس وبيض الله وجهك على هذي البادره الطيبه ...

وان شاء الله صوتك يوصل الجهات المسؤله ويتم التعامل معها بالشكل المطلوب ...




اخونا المدرس وده تنحل المشكله بشكل ابسط من تقديم الشكوى .. لكي لايكون هناك مشاكل ...

وانتم الله يهديكم طلعتوا من صلب الموضوع

اقتباس: المشاركة الأصلية كتبت بواسطة نسيم    يا اخت احلام الله يرضا عليك. هو عرض القضية وكلامه سليم، ليه مايتقدم الصبح بمعروض شكوى على المعني بلامر؟ هل الخطر اللي ذكريته على بنات المدارس، نقدم عليه رضاء اشخاص لهم مصلحة ؟ المدرس الان ما وده يشكي يخاف يزعل عليه احد من الجماعة.وش رايك يا احلام ورديه؟ والا يبي المسئول يشوف اللي يشوفه المدرس ويطبق عليه النظام. نسيم

المدرس يبيكم معه وتكونون جماعه يد بيد وتكون كلمتكم وحده
وصوت الجماعه مسموع وما ضنتي فيه زعل
الحق حق

اقتباس: المشاركة الأصلية كتبت بواسطة طير شلوى    مساكم الله بالخير // لاهنت يالمدرس وبيض الله وجهك على هذي البادره الطيبه ... وان شاء الله صوتك يوصل الجهات المسؤله ويتم التعامل معها بالشكل المطلوب ... اخونا المدرس وده تنحل المشكله بشكل ابسط من تقديم الشكوى .. لكي لايكون هناك مشاكل ... وانتم الله يهديكم طلعتوا من صلب الموضوع

بيض الله وجهك ياطير شلوى
وما قصرت
والله يكتب ما فيه الخير لاهلنا وديرتنا

الموضوع اشوفه صار حمايا تدخلت الحمية فيه .
نحن نناقش ولسنا نخاصم .مشكلتنا اننا ننتقد بس ولا نعرف النقاش.
وين تبون تتقدمون معه !!!!!!!!!!!