اسعاف بدون مسعفين !!

اقتباس: المشاركة الأصلية كتبت بواسطة البري2006    والله انك صادق قبل اسبوع وديت زوجتي للمستشفى وتخيل بعد طول انتظار لمدة حوالي ساعه لما زهقت رحت ادور عليهم قالوا زوجتك ملها ملف !! ظيعوه طيب قلت لدكتور اكشف عليها قال خلاص انتهى الدوام كان الوقت في الليل كان ذهبت للمدير يحل لي هاالتسيب. او اصبر كم سنه حتى يتطورون ويلقون الملف؟ انا مادري هل الدوام الساعه 11 يخلص الصراحه مادري.

وشهد شاهد من أهلها صدقت هذي حركتهم يماطلون بك بعدين يقولون خلص الدوام ياصبر الارض بس !!

شاكر لك مداخلتك أخوي

احترامي

اقتباس: المشاركة الأصلية كتبت بواسطة دحوم الخالديه    عليكم مستشفياااات مع احترامي الشديد ..

ايه والله ياخوك الحاله ما تسر ابدااا والوضع ما ينسكت عليه


شاكر لك مداخلتك


احترامي

اقتباس: المشاركة الأصلية كتبت بواسطة وسيم تمير    هاذي مشكلة اهل المنتدى طايحين سبايب في الدوائر وفي خلق لله وليته ماكان اسمه منتدى تمير حتى لا يشره علينا البراني وكل من صارعنده حاجه في نفس يعقوب دخل بمسمى غير معروف وقام يسب ويشتم 0 الله يكون في عون الجميع 0 0 وسيم تمير

اول شي حياك يالأخو
وثاني شي انا ماسبيت أحد ولا شتمت أحد ولا عندي حاجه في نفسي علشان أجي افرغها هنا بس انت الله يهيدك داخل وانت ما تدري ايش السالفه على طول داخل بدون ما تقول بسم الله
قل خيرا أو اصمت
احترامي

اقتباس: المشاركة الأصلية كتبت بواسطة نار    هذا مشكلت المستشفيات الي مافيها رقابه زي الناس ولا اهتمام لكن ما نقول الي الله يكون في العوان

على قولتك الله يكون في العون يارب الله كريم


شاكر لك مداخلتك أخوي


احترامي

الصراحه الصراحه



الله يكون بعونك ياديرتي والله يكون بعون سكانك من هالمستشفى


يااخوان انتم تكتبون في منتدى الاهالي يعني كل مايخص اهالي تمير من شكاوي ومن اقتراحات لعل وعسى احد من المسؤولين عن هالاماكن الي تكتبون عنها يطلع وينفذ او يراقب

دمتم بخير والله يكون بعونكم

الي عنده شي لا يكبر السالفه
يروح ويخاطب مدير المستشفى
وكافي فضايح الله يهديكم

بسم الله الرحمن الرحيم
المنتدى لو الواحد انتقد حاجة معينة اهم شي لايحط اسامي أشخاص
بعدين وأحد يسب وواحد يرقع ليش تلقى الي يسب مافيه احد من جماعته يشتغل بالمكان نفسه
والي يرقع تلقى اقرب الناس له يشتغلون في نفس المكان المنتقد (اقصد اي دائرة منيب اخص المستشفى علشان لحد يقهم غلط )
هذا الي وضحلي من عدة مواضيع
لاكن كلن يبذل قصارى جهده علشان يبري نفسه ويحلل راتبه ولحد يلقى عليه قصور وينتقده
ارجو منكم المعذرة

لاحياة لمن تنادي

! ! !