ديـــوان الـشـاعـر ( عـزام بن عـبـدالله الخــريـف )

سبحان من سخر القلموطوعهـ بين يديكـ
لتكتبـ حروف وقصائد من ذهبـ

حبك بقلبي مثل حب ولدي..

\
/
\

ياعيوني وين هاك الترف غاب
والله ان الحال من بعده ردي

شاب راسي وألا انا توي شباب
في هواها جبت حيلي وجهدي

الله أقوى كان طوّل فالغياب
واحسب أني مالياً منها يدي

مالفاني منك يالغالي جواب
مادريت انك شقايه وسعدي ؟

لا تحسب الجرح يالمزيون طاب
دام انا وياك والهم طردي

عاشقا ً مامل من حبك وتاب
حبك بقلبي مثل حب ولدي

من نظر في عيونك الثنتين ذاب
والثنايا كنها صف بردي

ليت وقتا ً راح لو مره يجاب
يوم دعوانا على بساط أحمدي

أرجعي لي وأفتحي لي كل باب
وان رجعتي نذر لاذبح لك فدي

هنا
طبب الشاعر الجرح بعذابات العاشقين

قصيده السنافيه


من اروع القصائد الغزلية

\

/











تقول وشلون حالك وانت مشقيها
لاتنشد ان كان مافي القلب ماويه


حالي مثل ما انت شايف وش تبي فيها
الله عليم ٍ عن احوالي وما فيه


حالي عليله ويصعب من يداويها
عندك دواها ولكن تبطي الجيه


أرجاك روحي دخيلك لا تخليها
لا تودع الروح يالغالي شقاويه


أسهرت عيني واخاف السهر يعميها
النفس ما هي على الهجران مجزيه


الله من عبرة ٍ فالصدر مخفيها
أخاف من واشي ٍ هرجه يجي فيه


يازين ما داني الفرقا وطاريها
ماهوب طبعي هذا طبع الهواويه


واقلبي اللي غدا هالحين في يديها
يامن يرده علي من السنافيه


يازين والله ليالينا وماضيها
يوم اننا يابعد حيي على النيه

هنا عبر الشاعر عن واقع
عن حال الاسهم ومعناهـ المساهمين
اترككم مع الابيات
\
/
\

يقول اللي يبي درب التجارة
ولا حصل سواء هم وخسارة


دراهمنا وطارت من يدينا
عقب ماكنت ناوي بالعماره


رمينا ريالنا في سوق الاسهم
واثاري السوق يبغى له شطاره


شرينا في القصيم و فالمواشي
وجانا السوق معلن بانهياره


الا وش ذنب منهو طاح مثلي
وجاه من القهر ضغط وحراره


مريض عقب ماهو كان طيب
كسير ولا تداويه الجباره


الا ياسوق الاسهم وش بقاء لي
وراس المال زود فنحداره


اون من القهر تسعين ونه
ولا جاء من يبشرني بشاره


يعنك ان الدراهم ما تبينا
تعودنا على كثر الخساره


ولكن نحمد الله كل ساعه
يدينا ما نقدمها طراره

جـمـرة الصـيـف

جـمـرة الصـيـف

جـمـرة الصـيـف

قصيده ابدع الشاعر بها

\
/
\
/
يانـاس عـيـت تنطـفـي جـمـرة الصـيـف
مـــن حـرهــا عـيــا يـجـيـنـا الــرقــادي

الـجـو حـــرا ً مـــا نـفــع فـيــه تكـيـيـف
والله شـوانـا الـقـيـظ شـــوي الـجــرادي

لــو الـدراهـم فــي يـديّـه عـلـى الكـيـف
أن كان أصـيـف فـــي ديـــار الـبــرادي

شهرين فـي لنـدن وشهريـن فـي جنيـف
حـتـى ولــو قلـتـوا سـقـيـم ٍ وغـــادي

مـيـر الـبـلا مــن يرتـكـي للمـصـاريـف
وحـنــا فـالاسـهـم معـلـنـيـن الــحــدادي

مـرات تجمـيـع ٍ ومــرات تصـريـف
محـد ٍ عطانـا فيـه عـلـم ٍ وكــادي

وراعـي الدراهـم مـا يحسـب التكالـيـف
أكـــد عـلــى حـجــزه وخـــل الـبــلادي

دايــم يـصـيّـف فـــي ديـــار المـوالـيـف
اهـــل الـمـربـى والـجـبــن والــزبــادي

وانـا مصيفـي فـي سـمـوم وعواصـيـف
غـصـب ٍ علـيّـه مابغـيـت الـقـعـادي

لاضاق صدري رحت روس المشاريف
فـي ليـلـة ٍ قـمـرا بـهـا الـجـو هــادي

أدلــــه الـخـاطــر بـكـثــر التـصـانـيـف
وانـظـم مــن بـيـوت القصـيـد الـجـدادي

وأنحاش عن ناس ٍ خبول ٍ ملاقيف
الـلـي يجمّـعـهـا الـلـحـم فـــي الـبــوادي

كـبــار الـكــروش ملفـقـيـن السـوالـيـف
يالله عــســاهـــم لـلــفــنــا والــنــفـــادي

بعـض العـرب لامـات رحمـه وتخفيـف
وبعـض الـعـرب مـوتـه يـهـز الـفـوادي

أخـاوي الطـيـب ومــن يـكـرم الضـيـف
الـلــي لـيــا ضـاقــت عـلـيـه اعـتـمـادي

واسـج رجلـي فــي خــلا ً مابـعـد شـيـف
هــذا هـــوى نـفـسـي وغـايــة مـــرادي

فـي تميـر ياجـعـل الـمـزون المـراديـف
يـسـقـي مـطـرهـا كـــل شــبــراً ووادي

في خاطري تسوى هـل جنيـف وجنيـف
وان كــان مــا صيّـفـت مانـيـب غـــادي

هنا اسقانا الشاعر
في قصيدته
من رحيق الهوى
\
/
\






أرفقي بي يا عساني فدوة (ن) لك أرفقي بي
لا تخليني على ما قيل أهذري في شبابي



أرفقي بي جرح قلبي يا بعد عمري عطيبي
علميني وش هو اللي تكسبينه من عذابي



والله اني مهنا زين (ن) بس مدري وش تبي بي
ابتلت بي وابتليت بها وضيعت الصوابي



لعنبوها لا تـثـنت ثم قـالت ياحبيبي
قلت كلي فدوة (ن) لك لو أهذري في شبابي

هنا
بحر من
الجمال
و الإحساس
والعذوبة

قصيده الــعــــيـون الــســــود

\
/
\
/
آه من جرح ٍ تمكن وعيا لايطيب
والليالي كشرت ياحمد بانيابها


ماهقيت ان المحبه لها درب ٍ صعيب
لين شفت الهم ياصاحبي باسبابها


المحبه جرحها ما نفع فيه الطبيب
كم رجاجيل ٍ طرحها الهوى باشنابها


العذارى من رمنّه بسهم ٍ ما يخيب
والعيون السود ما أحدا ً يحسب حسابها


والله اني ياحمد من سبايبهن صويب
جارك الله من عيونه وسود اهدابها


عايش ٍ بين البشر بس احس اني غريب
حقي وما جاني والنار من شبابها


ليت ملهوف الحشا ياحمد مني قريب
ليت باب البيت والله مقابل بابها


كان اعرف دواك يا جرح ٍ بقلبي عطيب
ما يداوي علة القلب غير احبابها


بس مالي في وصال الغضي حظ ونصيب
والمحبه من عرفها يبي يشقى بها


قالوا أسأل لك مجرب ولا تسأل طبيب
واهل مكه ياحمد يعرفون شعابها

أحساس الشاعر هنا
لا يجاريهـ أحساس
\
/



قصيده الهنـــــــــــوف



لا لمحتك صابني رجفه وخوف
ليه مدري بس هذا اللي يصير


وان غديت بعيد عني قلت أووف
يامتى ربي يجيبك يالعشير


هذا حالي كان لك عين ٍ تشوف
ألتفت لي لاتخليني كسير


لي متى نبعد على شان الظروف
ولي متى دمعي على خدي يحير


الهجر والبعد طعن ٍ بالسيوف
ليش سيفك بس في هذا شطير


كيف قلبك لا يحن ولا يروف
وانت خابرني معك وضعي خطير


ليتك تسوي معي بس معروف
قبل ما قلبي من ضلوعي يطير


تلتفت للي ترك كل الخشوف
وحطك بقلبه ولا غيرك خشير


وان رحلتي فالله أقوى يالهنوف
ما نقول ألا عسى فالامر خير

قصيده رائعهـ
رثاء الشاعر فيها حال شبابنا في هذا الوقت
اللهم اهدى شبابنا لما تحب وترضى
\
/
\
وش نزل لاريام وكلودا الشمالي ؟؟




\
/
\
شاعرا ً قام يتوجد في كلامه
ويتعجب وش جرى فالوقت تالي




قال وين المرجله وين الشهامه
راحت الايام بزحول الرجالي



مابقى غير النطيحه والفدامه
الشباب اللي تربى بالدلالي



لو يلبس له على وجهه لثامه
كان لا شفته تصوت له تعالي



تحسب انه بنت من زود الرخامه
ويتمكيج لو حصل ولد الحلالي



يحسب انه عيب لو يلبس عمامه
حط طربوشه على راسه ومالي



رح وناظرهم على طعس الثمامه
تدري ان الناس واطيها الهبالي



الشباب اليوم حده واهتمامه
وش نزل لاريام وكلودا الشمالي



ضايعا ً ومضيعه شلة خمامه
ما حسب للمقبلات من الليالي



دام ابوه موسده ريش النعامه
موتر وجوال وفي جيبه ريالي



ماعليه من النقيده والملامه
لو يماشي له من الناس الحثالي



وقتنا هذا تغير في نظامه
والشباب اليوم ماخذها تسالي



ازحف وتنحف ويالله السلامه
جيلا ً مكربن عساهم للزوالي



التطور ما فهمنا وش مرامه
نحسبه في الجنز وفي لبس البدالي



عندنا التقليد صار اكبر علامه
ضاعت الطاسه نحسب المر حالي



الغراب اللي يبي مشي الحمامه
ضيّع الثنتين ألا ياهملالي



ياجماعه لا تضيعنا الغشامه
لا تضيعنا خنازير الضلالي



ياجماعه مابقى غير الكرامه
كان راحت فالبسوا سود الشيالي

\
/
تكفون ياهل البر شوفوا لنا جيب
فكسار وألا شاص وألا سفاري




جيب (ن) جديد(ن) ما لقي به عذاريب
جيب(ن) على قطع المشاوير ضاري




خـلـوني أسج القدم قبل لا اشيب
وامد شوفي في ربيع الصحاري




الـبر طب(ن) للقلـوب المعـاطيب
اللي تبيح سدها فالغداري




لاجيت في خد (ن) قصر دونه الذيب
في صيهدا ً كاسيه عشب وخباري




شبيت ضـوي والدلال المعـاذيب
متمركي (ن) حدر النجوم السواري




ثم زانت الهرجه على الكيف والطيب
كلا ً يجيب السالفه بالطواري




مع الرجال اللي تعرف المواجيب
اللي بهم في حزة الضيق أماري




هذي الحياه اللي بعيده.. عن العيب
وأن عاش راسي ما تغير مساري

قصيده ياحمام الورق
لامست الجرح في قلوبنا
لانها تحمل الاحساس الصادق
\
/
\
/

ياحمام الورق تكفى لا تنوح
أنت هيضت المشاعر والجروح


ناراً بقلبي من الفرقا تفوح
من يقول ان المولع مستريح


الله أقوى يالزمان الاولي
يوم عن درب الهوى قلبي خلي


وألا انا هالحين قلبي مبتلي
من يقول ان المولع مستريح


آه من جرحا ً بقلبي مابرى
حطه المزيون يوم انه سرى


والمصيبه كان عني مادرى
من يقول ان المولع مستريح


أشهد ان الحب بلوى يالصحيب
ما لقوا له طب عند احسن طبيب


ما يعرف دواه ياكود الحبيب
من يقول ان المولع مستريح


هبي بريحه عليه يالهبوب
قبل ما قلبي وسط صدري يذوب


عقبها من حبها والله لا اتوب
من يقول ان السنافي مستريح