إشارة حي الياسمين خطيرة

اقتباس: المشاركة الأصلية كتبت بواسطة المدحدر    موضوعك في محله ياكلاش ماأستفدنا من الأشارة شي لان أكثر الناس يقطعها وهو على سرعة ولا ينتبة للأخرين وثانيا شارع الياسمين إلي يطلع على الشارع العام يبيلة مهندس فاهم

شكرا يالمدحدر على التفاعل

هذي مشكلة بلديتنا ..نطلعهما من جرف تطب بدحديرا... ما صدقنا نخلص من دوار الموت ..يطلعون لنا باشارة الهلاك ..

اول الواحد يجي التقاطع وهو حذر وحاط في باله يمكن يطلع عليه احد ..
اما الان بعد الاشارة بعض الناس اللي ما يعرفون الوضع عندنا في تمير لما يشوف الاشارة خضراء بيمشي وهو مطمئن غير حاس بالخطر اللي يتربص به ..من الناس اللي ما عبرو الاشارة
يعني الواحد قبل لما يشوف التمهل يحذر شوى

يا بلدية ..تعبنا من طقها والحقها نبي تخطيط ..نبي شهادات نبي مهندسين .. خلاص انتها دور المتردية والنطيحة ...

اقتباس: المشاركة الأصلية كتبت بواسطة الورر    البلديه والمرور في تميرمثل الزربه المنشقه فيهم عواجه ماهي علي سنع

فيهم الخير والبركة بس الأنسان بشر يخطئ ,إن شاء الله يستفيدون من خطا دوار الوسيعة
يعطيك العافيةالورر على الراي

اقتباس: المشاركة الأصلية كتبت بواسطة دحوم الخالديه    والله ألآشآره مآلهآ سسسنع وألتقآطططع خطططر لآن محد بيوقف للأشاره الكل مجلعد .. موضوعك مهمممم..

حياك الله دحوم في الموضوع المهم

اقتباس: المشاركة الأصلية كتبت بواسطة ط َـموح    + وعليكم آلسلآم ورحمةة آلله , إذآ آنت بتحل مشكلة آلآشآره بأنهم يشيلونهآ آجل مآله دآعي آلآشآرآت آلباقيه في تمير , وبعد آلشرطه مآلهآ دآععي , وآلدوآرآت شيلوهآ مضيقهه علينآ , كذا تبغى آلآمور تنحل ! وبنفس آلوقت تبغى آلسلآمه .. ! لآ مآيصلح كذآ , ليه مآتقول تطبق آلعقوبه لقآطعيها , < وهذآ آن شاء الله سيطبق بعد تفعيل دوريآت آلمرور . وبشكل عآم سوءآ في تمير وآلآ غيره , تعتمد على وعي آلشخص بغض آلنظر عن آلآخطآء آلهندسيه آللي يرآهآ آلموآطن , + آتمنى آلسلآمه للجميع , تحيآتي لكك ,*

مشكور طموح على الطلة بس أنا ماقلت يشيلونها بس موقع أشارة الياسمين سئ للغاية

اقتباس: المشاركة الأصلية كتبت بواسطة تمير يا عشقي    فيه ناس عندنا في تمير افكارها مضروبه ماعندهم اي خبره في تمير ما تابوا من دور الوسيعه وجابوا لنا ها الاشاره في ها المنحدر الخطر الناس ماوقفت في الاشاره الرئيسيه جابوا لنا هذي ،، وبعدين في هذا المكان من احسن شي ماحد اشتكى منه ولا حوادث والحمد لله قبل وشفوا عقب ها الاشاره والله تشوفون العجب .. بس ماراح يأخذون كلام احد لين تكثر الحودث وكم واحد يموت ثم بعد الشكاوي يفكرون في شيلها حسبي على من له اي دخل في وضعها في هذا المكان الخطر

صدقت ماتابو من دوار الوسيعة يجيبون أشارة والخط قبل الأشارة وش زينة والحين يروع

اقتباس: المشاركة الأصلية كتبت بواسطة توأم الجود    قل دبره هذا هو حال هذه الاشاره يعني طريق عام يربط تمير بمزارعها و بمبايض ؛ يكون فيه اشاره تقاطع لحي مافيه سكان !! و الاخر قليل جدا مستخديمه !!! الاشاره هذي ماشهدت ولا حادث ؛ لكن الان الخطر كبير والله يستر بس تحياتي

الله يستر
قلة دبرة وغشامة
شكرا ابو ياسر

اقتباس: المشاركة الأصلية كتبت بواسطة النادر    انا اشوف موقع الاشاره غلط وخطر جدا الشارع مفتوح ووسيع ماله داعي من كثر البشر الي تمر هناك تقاطع طريق الثلاثين مع الشارع العام اخطر ومافيه اشاره صدق قل دبره واشغال المسلمين . الشي الثاني ياليت يشوفون حل لاشاره محطة الملتقى فهي قنبلة موقوته وتبون الصدق اول مره اشوف شارع فيه 5 اشارات لكن نقول ربك يعين ويرزقنا شخص فاهم ويحل هالمشاكل الي نعاني منها في تمير

ياهلا بالنادر أجل مخلين شارع الثلاثين الأخطر ورايحين للوسيعة ماعندك أحد

اقتباس: المشاركة الأصلية كتبت بواسطة T_N_T    هذي مشكلة بلديتنا ..نطلعهما من جرف تطب بدحديرا... ما صدقنا نخلص من دوار الموت ..يطلعون لنا باشارة الهلاك .. اول الواحد يجي التقاطع وهو حذر وحاط في باله يمكن يطلع عليه احد .. اما الان بعد الاشارة بعض الناس اللي ما يعرفون الوضع عندنا في تمير لما يشوف الاشارة خضراء بيمشي وهو مطمئن غير حاس بالخطر اللي يتربص به ..من الناس اللي ما عبرو الاشارة يعني الواحد قبل لما يشوف التمهل يحذر شوى يا بلدية ..تعبنا من طقها والحقها نبي تخطيط ..نبي شهادات نبي مهندسين .. خلاص انتها دور المتردية والنطيحة ...

لا حياة لمن تنادي وشكرا على الرائ السديد

ابشركم بينظر في امر هالاشاره ولاكن بعد ان يموت فيها احد وتكثر الحوادث

كل الشكر لك اخوي على اهتماااامك بأرواح الابرياء فأنت عكس من يريد الهلاك بهم