نصحت قلبي عن هواه وعذلتـــه

نصحت قلبي عن هواه وعذلتـــه = لاشك عيا لايطيع النصيحــــــــة
البارق اللي ينعش الروح خلتـه= انا المشقى والعرب مستريحــــة
عساه يسقي وادي قد نزلتــــــه = يوم من الأيام يازين ريحـــــــــة
واد الغرام اللي يذكر دخلـــته =فيه العذاب وبه رسوم مليحــــــة
ماقال ابن لعبون في مي قلتــــه = قلت البيوت الصايبات الصحيحة
بذلت مجهودي وجهدي بذلتـــه = والله ماقول إلا العلوم الصريحة
زول قتلني بالهوى ماقتلتـــــــه= لو مت باسبابه عسى الله يبيحــة
ياكبر هم عقب فرقاه شلتـــــــه= مير الليالي بالمواصل شحيحــة
لو قلتو ابشر بالعوض ماقبلتــه=جوزوا وكثرالعذل يرث فضيحة
ياللي عذلتوني وش اللي عملته= يالايم العاشق تطيح بمطيحـــــــة
الباب عن كل العواذل قفلتـــــه= ياناوي بالعذل طبه بطيحــــــــــة
لو لي حلال مع حلالك عزلتـه= كم ضحكة جا عقبها كم صيحـــة

أحمد الناصر الشايع

مشكور اخوي السنافي على الابيات الرائعة لشاعر احمد الناصر وجزيت خيرا

زول قتـلـنـي بـالـهـوى ماقتـلـتـه
لو مت باسبابـه عسـى الله يبيحـة


احمد الناصر وكفى اسم يجبرك على التوقف امامه كثيرا ً

ويجبرك على قرائة قصائده اكثر من مره فلله دره

وسلمت يا السنافي على هذا النقل الرائع

العفو يالجنوبي وشكرا على متابعتك الدائمه

دمت بصحه وعافيه

ومن قال سالم يالدبلوماسي

وما قلت في الشاعر الكبير أحمد الناصر هو عين العقل

فهو شاعر لا تملك إلا قرأة قصائده وإن أمكن حفظها