>> كفتة الدجاج <<

طبق سهل وسريع وممكن تستفيدين من الدجاج اللي يبقى من الغداء اذا كان كثير او من
اي حشوه ينفع يتفرزن اسابيع واشهر مايضره ..
يتقدم طبق جانبي - مقبلات - ومع فطور رمضان ..
يحبونه الأطفال والكبار ..

المقادير :

دجاج مسلوق ومنتف ومقطع صغار
بطاطس مسلوق ومهروس
بهارات - ملح - فلفل - بقدونس - كزبره
تتبيلتك له على حسب ذوقك ونكهتك الي تحبينها
اعجنيهم مع بعض وشكليهم مثل ماتحبين
وغمسيها في بيض وبقسماط
وحطيهم بالفريز يجمدون
متى ماشتهيتي طلعي واقلي
وقدميه مع اي صوص تحبينه

آموت على الكفته
سلمت يمنآك يالغلا

تسلم يدينك يالغلا

يسلمكم ربي من كل شر..
وصحتين وعافيه..

اختي تسلمين بصراحه سهله وسريعه بس عندي سؤال هل لازم احطها بالثلاجه قبل لاقليها في الزيت او اقليها على طول واي الصوص اللي يقدم معها؟

تحياتي

الله يسلمك..
الافضل تحطينها في الثلاجه نصف ساعه بعدين تقلينها..
قدمي معها الصوص اللي تحبين (اي نوع)..
وبالعافيه..

تسلمين يـ الغلا
تقديري

يسلمك ربي..