الـمـــستــشــار

يوم أشار المستشـار وقـال قـول=قلت نـوه بالخبـر يـا مستشـار
دام أنا وياك فـي حالـت ذهـول=والحقيقـه بيننـا مثـل النـهـار
ودنا نقضـي المشاكـل بالحلـول=لين ما يبقى علـى القصـه غبـار
يومها نعطـي الرسالـه للرسـول=ونتمسـك فـي النهايـه بالقـرار
حينها نرقى بعـد هـاك النـزول=ونتخطى جبهـت الغـازي جهـار
هاذي الي ترضي القلب الزعـول=حين يأخذ لـه مـن الأيـام ثـار
يصبح الخفاق فـي العليـا يجـول=ناسي الي في قديم الوقـت صـار
كل ماقف للسعـاده فـي القبـول=في اليمين تروح وابقى في اليسـار
عشت في حضن الندم عشرين حول=ما كتب لي فـي مغـازي إنتصـار
درت بلدان العرب عرضٍ وطـول=أتنقـل مـن مطـار إلـى مطـار
في طلب عذرى علي مثلـي جفـول=ترتكب عني إلـي أقبلـت الفـرار
دللـت غيـري بزينـات الدلـول=تختصر له طايل الدرب إختصـار
وافرشت لـه عقـر داره بالزلـول=واجعلت له مع هل الأشـوار شـار
والبست له فوق زين اللبـس لـول=واشعلت له في سـواد الليـل نـار
وارخصت مقدار ذربيـن الفعـول=مـا تعاينهـم بعيـن الإعتـبـار
لعن ابوها مالهـا طـرف خجـول=سِــعد من هو من بلاويهـا مجـار
ما رمت به فالمزالـق والوحـول=كـل مـا ترقـى تذبـه فإنحـدار
واهنـي اللـي بعشرتهـا جهـول=أو تركها مـع قصيريـن العمـار
ما شكى منها علـي حالـه ميـول=ولا حجز فيها علي الدور إنتظـار
مل منها صاحـب القلـب الملـول=حار فيهـا واختنـق والـدم فـار
مثل حالي كم شكاها مـن زحـول=الرجـال اللـي لهـم قـدر ووقـار
ما مشت معهم على درب الأصول=عاكستهـم بالوقـوف وبالمسـار
والبستهـم مـن قديمـات السمـول=وإحذفتهم بين نـار وبيـن غـار
فرقـت بيـن البدايـد والشمـول=وأخلت الأوكار من شقـر الحـرار
كم عدى باطرافهـا عالـم وشـول=وكم خذت من مقحمت قحص المهار
اغلقت من دونهـم صـم القفـول=وتركت بعض المراسـم والأثـار
ذكريـات للنواشـي مـا تـزول=مثل جـزلآت السوالـف والأبـار
بس أضن عيون بعض الناس حول=مـا يهمـه لـو تعـداه القـطـار
كنه الي ضـاربٍ كـاس الكحـول=ضاع بين المشتـرى والمستعـار
بـاردٍ دمـه وناشـي بالخـمـول=يضرب الطبله على صوت القيثار
عايشٍ وقته على السـاق محمـول=ما يهمه لو هوى الوقـت إستـدار
ما تقول إلاعـن النـاس معـزول=والرجالـه مالهـا فوقـه شعـار
مادرى إن المرجلـه عـدة حقـول=وكل حقـلٍ حايـلٍ دونـه جـدار
بس يـا صلهـا شغاميـمٍ شبـول=ما حداهـم دونهـا قـدح الشـرار
من صبر يمكن لمقصـوده ينـول=ومن صبر ياجد ورى السبر إفتخار

قصيدة جميله

وتعبر عن قضية او مشكله معينه

ليتك ذكرتي مناسبة القصيدة

مشكووووووووووووره على اختياارك



سلام