ياموزع النعم للشاعر .. رشيد الزلامي

ياموزع النعم خل النعم لاصحابـه = ماينعطـي غيـر للـي يستحقونـه
النعم يعطـي لرجـلٍ فاتـحٍ بابـه = للضيف وليا بغـوه بحـال يلقونـه
اللي بوقت اللزوم يبيـن مضرابـه = سيـف تحـده لزومـه مايحدونـه
والاالردي لاتقول ونعـم يضرابـه = يرهي على نعم وهوه قاصرٍ دونـه
ليا قلت له نعم قـام يفتـل أشنابـه = يحسبك صادق ما يدري نعم وشلونه
يطمع بشيٍ يموت الخبل ما جابـه = ثم قال أنا جبت نعم اللي يقولونـه
بعض البشر يحلمون احلام كذابـه = ومن لاعرف قدر نفسه عدّ طبلونه
يجيك مسرع مايدري ويش يبلابـه = من قلة العرف ما يمشي على هونه
اما على الاقربين اشتـال مشعابـه = والابعرض المقفي سـلّ مسنونـه
تناول الغايبيـن وكثـروا احزابـه = اللي علـى قلـة الخيـره يدفونـه
واهل العقول سكتوا ماقالوا إجابـه = لا ينقصونـه بشـي ولا يزيدونـه
قالوا هذا فيه عاهـة وابتلشنـا بـه = والا هذا فيه شـيٍ مـا يعرفونـه
وخلوه يسرح ويمرح خاب من جابه = ما نومس اللي من الصغر يترجونه

ايه يالغالي حركنا بالقصيد

اختياااااااااااااااار متميز

مشكوووووووووووور



سىم