الفرسان - 15

عندما تجتمع عاليات الاخلاق مع واسعات الثقافة ؛ فتاكد انك امام شخصية فذة وهامة شامخة ؛ ضيفنا اليوم كذلك ؛ كان جديد في المنتدى ومن البداية صار علماً بارزاً ؛ كم من الاعضاء قد و سرعان مااختفى بين النجوم ؛ لكنه من البداية استطاع ان يكون نجماً من نجوم ؛ الشوق يتعبني لملاحقته في مواضيعه و ردوده ؛ هو ضيف خفيف و مميز كعادته ؛ اترككم معه ( ابوالوليد ) :

1- ماسبب اختيارك هذا الاسم ( ابوالوليد ) ؟
ابوالوليد(اسم الولد)

2- أين تقيم نفسك بين أعضاء المنتدى ؟
عضو ينشط فتره ثم يعود للخمول والدليل تاريخ التسجيل وعدد المشاركات


3- عضو ترى انه ماحد اهتم به في المنتدى ؟
لا استطيع الاجابه لعدم متابعتى المستمره للمنتدى

4- عضو آخر ما خذ اكبر من وضعه الطبيعي ؟
من حصل شي يستاهله (انا غير مقتنع بهذه الاجابه)

5- عطيت شحاذ20ريال ؛ وبعدها لقيته باليورومارشية عند المحاسب يسدد له 1000 ريال قيمة بلاي ستيشن و بعض الألعاب ؛ وش ردت فعلك ؟
من قريت سؤالك ماعاد اعطي احد في الشارع اخاف يصير الي في السؤال

6- كم عمرك أول مرة صمت ؟ وبأي مرحلة دراسية ؟
(مااذكر بالضبط بس اذكر كنت اصوم وانا صغير(الى الان انا صغيرلا تفهم الجواب غلط) يوم ماكان فيه مدارس كنت انوم بعد الفجر واقوم المغرب (مبسوط صايم))

7- وأنت صغير كم مرة أفطرت و ماحد درى عنك؟
(سوف يتم ارسال الاجابة على الخاص لعدم الإحراج)

8- موقف محرج أو طريف في رمضان لن تنساه ؟
لايحضرني شي الان

9- طبق ماتتحمل غيابه عن الفطور ؟
(الشوربه باللحم)

10- السحور اللي تحس انه فعلاً يلبد بطنك ؟
تاكل كبسه وترشها بلبن مع كريمه وتنام

11- عادة رمضانية تتمنى تنتهي ؟
السرعه الجنونيه عند قرب اذان المغرب

12- أكثر سؤال قعدت تفكر فيه ؟ ولماذا ؟
الموقف الطريف (وجع راسي اتذكر مالقيت شي)

13- أحسن رمضان عندك ( أوله – وسطه – أخره ) وليش ؟
كله خير

14- عمل أو فكرة تتمنى من أهل تمير ينفذونها في رمضان ؟
ان يكون هناك افطار جماعي لكل حي في المسجد على الاقل مره في الشهر

15- كنت واقف عند الإشارة وأذان المغرب قريب و اللي وراك يدقق بواري ويشر بيده يبيك تقطع الاشارة ؛ وش بتسوي ؟
اشر له على الاشاره (اذا كان قوي ارد به)

16- جيت للبيت و لقيت أخوك عازم 5 مصريين و 8 هنود و بنغالي ونيجيريين ؛ اكيد تفطر معهم بس أي جنسيه تبي تصف معهم؟
المكان الفاضي اجلس فيه

17-عضو تحرص تقراء مواضيعه؟
جميع الاعضاء (مع التركيز على المواضيع التي تهمني)

18- عضو تحرص تقراء ردوده ؟
جميع الاعضاء (نفس اجابة السئوال السابق)

19- عضو أذا شفته راد ماتفكر تقراء رده؟
اقراء رده حتى وان كان سيء

20- عضو تتمنى انك تعرف اسمه شخصياً و ماقدرت ؟
جميع الاعضاء

وكل عام وانتم بخير

هاه كم الدرجه
--------------------
اخيراً اشكر اخي الغالي ابوالوليد على تحمله لنا و تكبده مشاق السفر لاجراء هذه المقابلة فقد كان حريصاً على التواصل مع اخوانه

تحياتي

صباح الخير ياابو الوليد جالس تطنز بالبقل
ناظر وشو سحورك مرشوش بلبن الله يخارجنا
بس انت خواف كل اجباتك نحشات ولا اجابه صريحه
ياخواف خلك بطل مثلي يابو لبن مرشوش

وانت صادق يا حنين الماضي

كل كلامه الغاز وتصريفاات

والله من الخوف من اللي شافه من اللي قبل

لكن ما نقوول الا تميزت

على الاقل في السؤال حق المصريين

اجل المكان الفاضي تتجلس فيه ؟؟

مشكوووووووووووور




سلام

أخي أبو الوليد
شكرا على اللقاء
لكن يظهر انك خايف
حتى الفقير حرمته
تقعد في المكان الفاضي ( يمكن ما فيه )
تروح للمسجد ( خابرك شجاع )

شكر لك يالحصاد

بس هجوم شرس من البدايه هذي يبغا لها جلسه اجيب ورقه وقلم

"(سوف يتم ارسال الاجابة على الخاص لعدم الإحراج)">>>>يالحصاد نزل موقفه خلنا نضحك عليه..

والله اجابات من النوع الجديد كللللللللها نحشات...ليه؟؟

ع العموم اجاباتك من نوع خاص من الاجابات..

تحياتي,,,,,,,

كل كلامه الغاز وتصريفاات

والله من الخوف من اللي شافه من اللي قبل

لكن ما نقوول الا تميزت

على الاقل في السؤال حق المصريين

اجل المكان الفاضي تتجلس فيه ؟؟

مشكوووووووووووور

بسم الله نبداء
الحصاد

اخيراً اشكر اخي الغالي ابوالوليد على تحمله لنا و تكبده مشاق السفر لاجراء هذه المقابلة فقد كان حريصاً على التواصل مع اخوانه

بالنسبه للمشوار لاتعب ولاشي كلها 160 كيلو من الرياض الى تمير والمنتدى يستاهل التعب

حنين الماضي

الرز ترشه في بطنك باللبن مهوب ترشه في الصحن
على العموم البقل المربص صدقني ماقلت لاحد عنه

هادي
اجاباتي هذي مرسلها قبل رمضان هذا اولاً
ثانيا وين اجلس اكيد في المكان الفاضي لان اخوي (تم حذفه باقي الجمله من قبل الرقابه) ماعلمني عن العزيمه