احد ينام وحط راسه بكمه...واحد تخم النوم عينه وتخطيه

قصيدة للشاعر / بندر بن سرور الدلبحي الروقي العتيبي رحمه الله:

يالله ياجالي الامور المهمه = تجلا وهج قلب(ن) برى حال راعيه
البر دجته والبحر رحت يمه = يقطعك ياحظ (ن) على الله مساعيه
يوم ان ولد اللاش رزقه على امه = رزقي على اللي ميت القشع يحييه
يامل قلب(ن) كل مامات همه =دارت دواليب الدهر لين تحييه
افراق شمل الناس عيا يلمه = وقت يشيب الراس من شاية فيه
احد(ن) ينام وحط راسه بكمه =واحد(ن) تخم النوم عينه وتخطيه
واحد(ن) يحاول بالردى بنت عمه =واحد(ن) يحاول ستر عذرى عوانيه
ماني وانا بندر ببياع دمه =يقطعك يابياع دمه ومهفيه
اللي يبيّع لابسات الازمه =ثور(ن) يبي بيض الرعابيب تغنيه
يزعل ليا جت ليلة الدور يمه =يرضى بسوق المال فخوه وفابيه
خطو البخيل اللي يكبر معمه =يقرا الكتاب وواجب الله يخليه
اما هرج لك في رفيقه بنمه =والا عطا وامه تضيع هقاويه
أنشدك ياللي كل فرض(ن) تتمه = تقرا الكتاب وكل فرض(ن) تصليه
ويش القليب اللي غميق(ن) مجمه =مافاد غرسه ماه عطشى سوانيه
تخالف الانظار شرق(ن) ويمه =وكل(ن) هدف رآيه من الناس مرضيه
سم السبب ياعارف عنه سمه= سم السبب ياعارفه قبل اسميه

	نعم ... بندر بن سرور شاعر كبير رحمه الله وغفر له ابياته مليئة بالحكم طِبتَ اخي الكريم وطاب اختيارك

قصيدة تحمل الكثير من الحكم والعادات العربية الاصيلة والقيم الاسلامية
شكرا صدوق المخايل على الاختيار الموفق لقصيدة كهذه


وللمعلومية بندر بن سرور فعلا روقي ولكن ليس دلبحي إنما قسامي(حسب علمي)

وش خليت يا صدوق المخايل
ان قلت قصيده /ابدعت
وان نقلت قصيده ايضا ابدعت
تحياتي لك

الله ما احلا هذؤه القصيده يكفي انها من بندر بن سرور ومن اختيار الشاعر صدوق المخايل
تحياتي لك صدوق المخايل
اخوك النادر

لدعنبر / واحدنت/ geep/النادر
شكرا لكم على مروركم وابداء آرائكم واهتمامكم بكل ماهو جديد في ساحة الشعر.