يالربع انا عندي سؤال ابسأله على السريع

يالربع انا عـنـدي سـؤال ابـسأله على السريع
---------------وان كـان جا مـنـكم جـواب ابا الاجابه كافـيه

هل هو صحيح ان الزمن لاجا يجي كله جميع
----------------وهـل هـي تجي بـقعا معا بعض الخلايق وافيه

وهل هو صحيح ان الدهر دايم بساتين وربيع
----------------وهـل فـيه من يـجحـد وجـود احيان كيه شافيه

وهـل يقهـر الانسان مجهوده لـيا شافـه يضيع
----------------وهـل يـسـتريح اليا سمع كلمة عـساك العافـيه

وهل تاجب الشرهةعلى اللي باذل ٍما يستطيع
----------------وقـتـه ومجـهـوده وبـعـض اشياء يمكن خافـيه

وهل الجحود ايكون دائم هوجزا حسن الصنيع
---------------وهل هوصحيح الطيب يدفن تحت رمل السافيه

وهل هوصحيح ان الحليم اليا غضب فعله شنيع
---------------وهـل وهـل وهـل وهـل الـى نـاهـــيـة قـافــيـه

وكـان الاجـابـه واضحه قـولو لبو راسً صديع
-----------------اللي ركـب ماهـو بـمـثـل اللي رجوله حافـيـه

كلماات رووعه خيو
تسلم وماتقصر.........}}

الله يسلمك على ذوقك لك شكري وودي

يعطيك العافيه يابو خالد
على الطرح الرائع
للقصيده والكلمات الرائعه

شكرا ابوخالد على الاختيار الموفق

مشكوورين على متابعتكم