هلـت دمـوع الشقـا الله لايعاقبـنـي !! العين تبكـي وانـا ادري وش مبكيهـا

بسم الله الرحمن الرحيم

لآن فيها مني الكثير لم استطع تلوين بضع منهآ فـ كلها تترجمني ..

يا دار ياليتني مـا جيـت لـك زايـر
ما جيت يم السليـل ودجـت بالعايـر

اقول ابمرها وامشـي علـى الطايـر
طول وقوفي بهـا وابطيـت اراعيهـا

( يا دار وين البيـوت اللـي لهـا رنـه
واهل القيم والشيم والفـرض والسنـه

قالت توفوا وراحـوا يـا مـلا الجنـه
وش ينبغى بالمنـازل عقـب اهاليهـا

قمت اتلفت ولا ادري ويـش صايبنـي
ما ادري وش اللي على الاطلال جايبني )

هلـت دمـوع الشقـا الله لايعاقبـنـي
العين تبكـي وانـا ادري وش مبكيهـا

تبكي على ماضي الاجـداد ورسومـه
وبيوت باقي اثـر وبيـوت مهدومـه

يا عين على البكا ما نتيـب ملزومـه
ذي سكة ٍ كل خلـق الله مشـوا فيهـا

ولدت عيوني وشفت الرجـم بالعالـي
يبكي ودمعه علـى الاوجـان همالـي

( يقول راحـوا وخلونـي هنـا الحالـي
في غربة ٍ شاب منهـا راس راعيهـا )

واضحـت بساتينهـم منهـم خلاويـه
يلعي بهـا البـوم لا هـذي ولا ذيـه

واليـوم مابـه كلالـيـف وحرفـيـه
الله يستـر مــن الدنـيـا وتاليـهـا

ما باقي الا القميـري يسجـع لحونـه
من سمع صوته تهيض خافي شجونـه

صحيح الايام ابد مـا هيـب مامونـه
ام الـبـلاوي كفـانـا الله بلاويـهـا

اقفيت عنهـا ودمـع العيـن منهلـي
طاري طرى لي ذبحني جعلـه يولـي

اظني ما عاد امر الدار واحسـن لـي
ما يبكي العين كـود افـراق غاليهـا

/
تقديري

ابيات جميله
يعطيك العافيه
ماننحرم من جديدك

اقفيت عنهـا ودمـع العيـن منهلـي
طاري طرى لي ذبحني جعلـه يولـي

اظني ما عاد امر الدار واحسـن لـي
ما يبكي العين كـود افـراق غاليهـا
قصيده جميله ومؤثره
صح لسان شاعرها فهد المفرج
وسلمت على الأختيار والذوق
ودمت كما تحبين

سويد
الجمال بمرورك أكتمل
لك من الورد أجمله
كون بخير

.
.

مسلفه الراجحي

الراقيه
ان كان هناك ِ أبداع فأنتى منبعه
لك ِ أكاليل الورود
كوني بخير

.
.

مسلفه الراجحي

ابيات رائعه


يعطيكـ الف عافيه ..

شكراً لمرورك
كون بخير

.

.

مسلفه الراجحي