|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| همس الأعضاء تهتم هذه الساحه بالشعر والنثر والصوتيات الشعرية الغير منقولة |
آخر 10 مشاركات
|
|
|
أدوات الموضوع |
25 / 11 / 2004, 23 : 08 PM
|
#1 | |
|
تميراوي فعال
|
ام....عبدالرحمن...(1) مسلسل مكسيكي جديد
السلاام عليكم ورحمة الله
**طبعا هالموضوع عباره عن مذكراتي كأم لأول مرره ويمكن واتمنى ان احد يستفيد منها وممكن اخفف على غيري من الامهات الجدد** بداية لازم اعرفكم على عبدالرحمن..طبعا عبدالرحمن هو بنتي البكر وحبوبتي(؟؟؟؟) من كثر ماهي مشاغبه وشيطونه(الله يحفظها ويصلحها)سميتها عبدالرحمن(ولأني بصراحه كنت اتمنى يكون بكري ولد)لكن الحمدلله انها جت بنت زي العسل(اخخ لو تشوفوني معها وقت النوم تقل عدوه مو ام) ماعندها من النعومه شي…من وهي في بطني(الله يحميها) وهي تركل وترفس وبالمووووت انولدت تصورو ليله كامله والطلق بااارد بالنهار عطوني طلق صناعي(اوتش) وبالياااالله حمى الوجع واخرتها قالو لي اشربي شي البيبي نايم؟؟ ياناس طلق وحالة ولاده والبيبي نايم؟والله انه بيبي متفرغ؟؟ كنت متشوقه حيييل اباشوف هالكائن اللي في بطني شلون شكله؟؟وهو ولد والا بنت؟؟ يشبهني والا يشبه ابوه؟؟له شعر والا اقرع؟؟ ابيض والا اسمر؟ وطاخ طيخ طاخ طيخ جت البنت وانا توني مالقطت انفاسي قاعده اسأل(وات از ات؟ وات از ات؟)نعنبو الانجلييييزي وهم على طووول طلعت مناا وحطوها على صدري وانا اناظر ياربي بنت والا ولد وجت الممرضه وخطفتها من على صدري وراحت تمشمشها وتنظفها وقالت لي:اتز ا قيرل!!بنت وسبحانه شلون فرحت بها وانا اللي كنت ابيها ولد!! جابتها لي ملفوفه بالفوطه الورديه شحلاتها ماتصيح..والغريب العجيب اللي علقني فيهل وعشقتها مووت انها كانت تناظر!!والله ياناس كانت تناظرني بهدوء بعيونها الوااسعه وشعرها الاسود الناعم الكثيف(فرحت بشعرها حيل) وعلى طول اخذت اقرا عليها المعوذات والكرسي وخليتهم ينادون ابوها اللي ناطر بالمستشفى صايم من الظهر ودخل واخذها مني وقعد يدور بها بغرفة الولاده ويؤذن في اذنها وهي ساااكته تناظر طبعا هي انولدت على اذان المغرب وقت الفطور برمضااان 1423في العشر الاواخر جا وقلت له:شو نسميها؟وكنا متفقين على اسم وسميناها بذاك الاسم الجميل اللي يليق فيها يقولون وسمعت كثير عن انه بعد الولاده تستسلم المرأه لنوم عميق(لا والله معصي)كنت مخدره بعد ولا جاني نوم من الحماس وبس حطوني بالغرفه والا انا ماسكة التليفون ادقدق على خواتي واوصف لهم بنتي الجميله ام عيون وساع وشعر ناعم اليوم الثاني جابوها لي فكرتهم بدلو بنتي؟؟سمرااا وعيونها صغاار مورمه بس الحمدلله الشعر لا زال ناعم بعدين عرفت انه بسبب الولاده يتورم الطفل طلعت بها لبيت اهلي طوااالي ليلة العيد وهو نفس اليوم اللي عقد فيه قراني على ابو عبدالرحمن(ادعو ان الله يرزقني عبدالرحمن)قبل سنه وشوي وفي هذا اليوم بدأت الرحله…………………….. تبون جزء ثاني؟؟؟ اقروا هذا بالاول والثاني بعد الشهر ان نشاء الله |
|
 
|
|
25 / 11 / 2004, 38 : 10 PM
|
#2 | |
|
VIP
|
اها
وبعدين نبي نقعد شهر نحتري البااااااقي اجل ما طلعت البنت على وصفها ؟؟؟؟؟؟ مشكوووور وننتظر الجزء الثاني سلام |
|
|
|
|
26 / 11 / 2004, 05 : 05 PM
|
#3 | |
|
تميراوي برونزي
|
مشكور اخوي كرم
والجزى الثاني عجل اشوي مع تحيات عازف الأحزان |
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
