حدود اليتم

ما استوعبت فكرة غيابه بعد غاب = الطفلة اللي تشبه النور والحور
ولا صدقت حزن الأحبة والاقراب = والموقف اللي بعده الدمع منثور
متى يجي وتطير للفرحه أسراب = اللي حضوره عيد واطلالته نور
في كل لحظة تنتظر فتحة الباب = توّه مواعدها بلعبة وعصفور
ولا كمّل البارح حكايات الأغراب = ولا شاف رسمتها فراشات وطيور
محتاجته حتى تفضفض بالاتعاب = ومن فوق صدره ترمي الضيق والجور
ومحتاجته من دون تبرير وأسباب = لكن ظلام الياس بالدار منثور
معقول صار الحلم من فوقه تراب = معقول يمسي عمرها الغض مقبور
ويوم انغرس للياس في صدرها ناب = وصارت تميد الأرض وتضيق وتدور
تهاوت بلحظة على كومة ثياب = وضمت بقايا ريحته بأصدق شعور
كانت تمايل في وجوده وتنساب = مثل الفراشة والمدى كله زهور
وصارت تمايل في غيابه وترتاب = الكون باهت وأصفر الوجه معذور
تستمطر ( أنشودة أبي ) وبل الأهداب = تكسّر العبرات والقلب مكسور
تسكت ويكتب نازف الدمع باسهاب = على حدود اليتم قوسين وسطور

معقول صار الحلم مـن فوقـه تـراب
معقول يمسي عمرها الغـض مقبـور
ويوم انغرس للياس في صدرها نـاب
وصارت تميد الأرض وتضيق وتـدور

مساء الخير مشرفنا امير الحروف..

قصيده رائعة على الرغم مما تحمله من حزن وأسى..

سلمت وسلم نقلك..

	أخي امير الحروف متألق دائما ومتميز دائما ورااائع دائما منقول جميل كله احساس ، ومعاني جميلة تسلم على النقل الرائع وبانتظار جديدك دائما

والله انك لو قلت فيك ما اوفيتك حقك

فنان

ترسم لوحة شعريه جميله

تعرف كيف تختار وكيف تبدع

مشكور على النقل

سلام

تسلمين أختي غلا

شاكر لك حضورك

تقبلي تحياتي

أخوي ولد عنبر

تفرحني دائماً ردودك

تعطر متصفحى بشذى ورودك

مشكوووور يالغالي

تقبل تحياتي

اخوووي هااادي

وفيت وكفيت ياغالي

ووجودك لوحة ثانية أجمل وأبهى

تشكر يا ذوووق

وتقبل تحياتي

ويوم انغرس للياس في صدرها نـاب
وصارت تميد الأرض وتضيق وتـدور
تهاوت بلحظـة علـى كومـة ثيـاب
وضمت بقايا ريحته بأصـدق شعـور
كانت تمايـل فـي وجـوده وتنسـاب
مثل الفراشة والمـدى كلـه زهـور
وصارت تمايل فـي غيابـه وترتـاب
الكون باهت وأصفر الوجـه معـذور



كم أنت رائع

بكيت وأبكتني بعض الأبيات

أخوي المدرس

كل دمعة من عيونك أشتريها بألف خاطر

مشكوووور لمرورك

والروعه في تفاعلك

تسلم وتقبل تحياتي