اهتز غصن الحنين وطاحت اوراق ابيك || من ريح فرقاك مير الله ستر ماانكسر

إهتز غصن الحنين

اهتز غصن الحنين وطاحت اوراق ابيك
من ريح فرقاك مير الله ستر ماانكسر

واسقيتها الذكريات واردفت هذي بذيك
واستورق بلا تغيب ولا يطول الهجر

تلاحق الي تبقى من الغلا بين ايديك
وش يجمعه لو تطول غيبتك وانتثر

يتلني شوق لك رحمه على والديك
ماني بقد الصبر ولا انت قد الصبر

شف حالتي فالغياب اشكيك منك واليك
هم برى الحال وعيون ذبحها السهر

وش يمنعك لاتواصلني وانا اموت فيك
ظروف ليله ثلاث اسبوع ياخيّ شهر

كمّلت ثالث وانا كليّ شغلني عليك
ثلثين قلبي يباس وثلث باقي خضر

إن ماسقيته وصل ماعاد هو مرتجيك
باكر إليّا هبت الجوزاء يطير الشجر

صبري على غيبتك باسم الغلا مشتريك
لا فارق وسع عين ولا انت فارق خصر

في غفلة من زماني كنها تحتريك
غنت مقادير روحي لين جابك قدر

مريتها كنك الطرقي قبل تهتويك
من شفت زولك وخفاقي يكر الجمر

ألين قهواك شعر من الغزل يحتويك
من يومها وانت لامن جيت فالمختصر

واليوم في غيبتك ماني بعاجز لا جيك
لكني اخاف لامن جيت مالي قدر

ابيك واكذب عليك ان قلت ما تشتهيك
مشاعري يا نظر عيني وكلك نظر

اما احتضنها وصل والا تسلم عليك
تلقى بدالي وانا بشحد زماني صبر

لــ الشاعر حمد السعيد

ياسلام ع ذوووقك الجميييل


ابيات في قمة الجمال والابداع
كل بيت اجمل من البيت الثاني

ماننحرم من انتقاءك المميز كتميز حضوورك

اقتباس: المشاركة الأصلية كتبت بواسطة ملامح صادقه    ياسلام ع ذوووقك الجميييل ابيات في قمة الجمال والابداع كل بيت اجمل من البيت الثاني ماننحرم من انتقاءك المميز كتميز حضوورك

الجمآل تواجدك وحضورك الغالي
حياك الله وكل عام وانتِ بخير حبيبتي .. منوره ..

واليوم في غيبتك ماني بعاجز لا جيك
لكني اخاف لامن جيت مالي قدر

ابيك واكذب عليك ان قلت ما تشتهيك
مشاعري يا نظر عيني وكلك نظر

اما احتضنها وصل والا تسلم عليك
تلقى بدالي وانا بشحد زماني صبر

رائعه
عافاك الله يالراقيه اختيار دائما جميل الله يوفقك

اقتباس: المشاركة الأصلية كتبت بواسطة النادر    واليوم في غيبتك ماني بعاجز لا جيك لكني اخاف لامن جيت مالي قدر ابيك واكذب عليك ان قلت ما تشتهيك مشاعري يا نظر عيني وكلك نظر اما احتضنها وصل والا تسلم عليك تلقى بدالي وانا بشحد زماني صبر رائعه عافاك الله يالراقيه اختيار دائما جميل الله يوفقك

وآلآجمل حضورك وتواصلك
لاحرمنا الله من هالحضور الجميل .. كل الشكر لك ..