اخر ماكتبت او ماعندي لافرق

اكتب لك اشعار وانظم من دموعي حروف
مشاعر تحتدم مابين شوق وولاء
اشوف في عينك اليسرى تعابير خوف
واشوف في عينك اليمني ملامح غلا
حنا بشر نخطي وتحكم علينا الظروف
مهما نتعلم نظل ببعض الاشيا جهلا
والعاشق اعمى بعض لاحيان لوه يشوف
مهما يتسلى ويخفي لهفته ماسلا
يتخيلك ماكانه شاف مثلك هنوف
ملكتي احساس قلبه دون كل الملا
يعيشك احلام ويعانق خيالك طيوف
ويبدد احزان صدر بالانين امتلا
سلهامة الرمش تجرح مثل حد السيوف
من ذاق طعناتها يبطي وهو ماسلا
ومادام عني سليتي ماعليها حسوف
باصبر وغيري من الفرقا صبر للبلا
روحي وتلقين غيري يا!!!! الوف
وانا من اسباب ماشفته نسيت الغلا

اي والله ماعلى المقفى حسايف !
الله عليك ي العالمي
ابيآت جداً جميلة .. لاهنت ،

حنا بشر نخطي وتحكم علينا الظروف
مهما نتعلم نظل ببعض الاشيا جهلا
والعاشق اعمى بعض لاحيان لوه يشوف
مهما يتسلى ويخفي لهفته ماسلا

ابدعت ماشاء الله عليك
سلمت ع الابيات الآكثر من رآئعه .. كل الشكر لك ..