بندر بن سرور ...........

حبيت ان اقدم لكم اليوم ديوان للشاعر الرائع بندر بن سرور .
قبل كل شي يجب ان نضع نبذه للشاعر الغني عن التعريف
فهو بندر بن سرور بن خضير القسامي العتيبي .
ولد في القرارة التابعه لمحافظة الدوادمي في عام 1360هـ
ولقد عاش بندر حياة عانى منها الكثير من المشاق لانه فقد والده وهو في سن صغيره ثم ارتحل وعاش مع زوج امه الى ان كبر واعتمد على نفسه والتحق بالعسكريه وتوظف في الجيش السعودي .
ثم انتقل الى جوار ربه عندما كان ذاهبا الى احد اصدقاءه خارج منطقة الدوادمي رحمة الله عليه .
ومن قصائدة :

من بلاد الشام جينا بالمكينة ... فوق فرتٍ ما تخثع بالطماني
يحتدي مثل الجمل تسمع رطينه ... مع طمان القاع مثل الثعلباني
والشـُفير من المدارس مطلعينه..عن ظلام الليل شب الكهرباني
كل ما جاه تل يلعن والدينه... باليمين اللي على كل اليماني
ما تجيه يسار رجله شوف عينه..غير يسرى الطار شيٍّ بالاماني
يوم قال له الخوي عاشت يدينه..شد رجله للكمك واحد و ثاني
يالله انك تنصره من نصر دينه ... إن عطى له مع غبا ولا بياني
قلت يالمطنوخ أنا عيني حزينه..من شراب اللف أبيه وعنك كاني
قد رمى بالكيس قدمي قال وينه..دوك ما بالجيب عن شيٍ لهاني
قلت ثالث قال يالله لا تهينه..قلت خامس قال يطلب نقل ثاني
قال واحد و الكمك واسمع حنينه..كيف ما ترضى عليّه بالهواني
قلت واحد و الكمك ضام المكينة..قال لي من يرحم القاسي لياني
قلت والله يرحمونه صانعينه..قد زعلت من اللهيب اللي حداني
قال ما ناثق بمن هم متقنينه ... عن مشاور غير عرفي قد كفاني
قاطع عرقين مادري وين وينه..قد وصلت الأرض واسمع صوت ثاني
قلت دوك اللف خابوا شاربينه..غطّني عن شوف شي ما خفاني

شكرا اخي المدرس

على القصيده الرائعه

ونحن في انتظار المزيد

مشكور اخوي المدرس
والشاعر بندر بن سرور شاعر جميل وصاحب تجربة غنية واحب اضيف له قصيدة واتمنى تعجب عشاق بندر...

الله من عين ليـا عسعـس الليــــــل=عافت لذيذ النــــــــــوم مــا تهتنيـه
ياوين أبا ألقى من يحب التعاليـــل=يبدى بزين القــــــول وإلا أبتديبـه
خطوا الوالد يامال قصف التماثيل=يشرح عيوب الناس ما شـاف عيبه
يفرح ليا شاف المجالس هراميـــل=ويكره إلى شاف المجالـــس مهيبـه
مـا شوقنـه طيبـات التماثـيـــــــــل=مع شايب ٍ قد بيـن الوقــــت شيبـه
ماهوب شايـب شيبنـه غرابيــــــل=عيدٍ يقفي بـــــــــــــه وعيـدٍ يجيبـه
وأنا الذي شفت الوزى ياسماعيــل=طاوعت نفسي لين شفـــت الغليبـه
النفس طيـرٍ والخطايـا محابيــــــل=والنـاس رواي الحــــديـث تحكيبـه
وانصحك ياللي تايـهٍ بالدواويـــــل=ليا تاه فكرك تاه مســـرى النجيبـه
أحذر تصلـي بالهـدوم المسابيــــل=وأحذر تخــاوي اللاش تابع نسيبـه

مشكور أمير الحروف

ولك كل الحب


ياغالي