معاناة لاعب موهوب وحلم لازال موجود (موهبة كرة قدم )

السلام عليكم ابي اختصر الكلام حلمي اكون لاعب كرة قدم محترف وصرت من 7 سنوات اروح لاندية كثيييييييييرة لدرجه فكرت اروح برى السعودية واشوف اندية الامارات او قطر او حتى الارجنتين لان مافي احد يهتم بالموهبة كل مارحت نادي بالعاميه ( يكرشونا ) واللعيبة الاجانب يسهل لهم كل التساهيل ماخفي اني لعبت تجربة في كذ1ا نادي بس كانت تجربة مجاملة للمستجدين انا عمري24 من مواليد 1410 وجيت اندية كثيرة نادي النصر ونادي الرياض ونادي الشباب والاخدود من نجران والنجمة من عنيزة ونجد من حوطة سدير والكوكب من الخرج ماخليت نادي الا رحت له وتعنيييييييييت الله لايعنينا مع مشكلة المواصلات بس حاولت اتحدى هالمشكلة وكل يوم ادفع رواااتب لتكاسي وانا من الرياض وهاذي اخر سنه دراسية لي وبعدها بتفرغ لكرة القدم لكن العمر يداهمني شوي يمكن 23 يعتبر صغير في كرة القدم بس الاندية ماتعطينا مجال كأن مالنا رب اسمحوولي افضفض لاني تعبت كثييييييييييييييييييير فوق ماتتصورون وماني قادر اعيش حياتي وابداء من الصفر لان حلمي هذا ارتبطت فيه حياتي كنت راسم لوحه حلوة فيها حياتي المستقبلي كـ لاعب كرة قدم لكن ولكن
لحد الحين مايائست يمكن تستغربون ماجيت لنادي الهلال وجربت صراحه زي ماتسمعون ان الاندية الكبيرة واسطه وخاصه الهلال وانا مادري ففضلت ماروح لنادي الهلال رغم ميولي الهلالي وحنا على نهاية الموسم ماخفيكم مع بداية الموسم الجديد الرياضي ارجع واكمل معاناتي مع الاندية واجتهد والله ثم والله ان تجربتي ومعاناتي تعطيني شي عكس ان المجتهد يكون له نصيب انا مالي نصيب والا القصه واسطه والا وش ؟ اسف على الاطاله بس معلومات عني الاسم \ طلال العتيبي العمر\23 سنة من الرياض المركز \مهاجم العب بالقدمين اليمين واليسار ماعندي اي مشكلة وكلهم بنفس القوة واتقن واجيد ضربات الراس وسريع واكتفي بهذا القدر واسف على الاطاله واسمحولي ان زليت بس مانلالالام

اخي طلال ارجو مراسله الرقم الخاص جوالك وسيتم التواصل معك

اخوك عبدالله البرغش

مراسل نادي المجزل

بالتوفيق لك يارب

اختي توليب وياكـ يارب ولك دعوه مثلها

بإذن الله تصبح من نجوم نادينا المجزل

ابو نوف باذن الله

الله يوفقك
لكن الدين خير لك من هذه الهواية

وكل وهواه

محمد عثمان وياك يارب..لكن ماعلاقة الدين بهواية موهبة وكرة القدم تعتبر وظيفة ومهنه لم تصبح هواية فقط .. فانا استغرب ادخال الدين فهل كل لاعبين كرة القدم لايملكون دين او جانب اسلامي او ديني فلعمك ان اكثر الموواقف الانسانية من لعيبتنا فيهم الخير والبركة فانا مسلم

هداك الله
لم اقصد ان الكرة هواية فقط او فيها شي
ولم اقل انك كافر
لكن انا اقصد
ان دخولك في المجال الديني خير لك من هذا
يقول الرسول صلى الله عليه وسلم :(( من يرد الله به خيراً يفقهه في الدين )) .
وياليت تفهمني

شكرا لتوضيح