انا العزوبي تكفوون زوجوووني<<ههه تراه يرحم ادخلو وشوفوا وش عنده

انـا العزوبـي واتقطـع تقـطـاع

على زواج البنـت تدمـع عيونـي

انا العزوبي وين مارحـت مرتـاع

زين العـذارء يالعـرب جننونـي

اشوفهم في كـل روحـه ومرجـاع

من حيث ماوليـت هـم عذبونـي

فالبيت فالتلفاز والصـوت مذيـاع

حتى العمـل يانـاس مافارقونـي

وليا نويت السوق نـاوي تبضـاع

اروح وارجع منخطف حيـل لونـي

ارجع وقلبي حايسٍ بيـن الاضـلاع

مـن زود دقاتـه تخلـع امتونـي

اللـي تغنـج فالمشـي بالتـدلاع

واللي تناظرنـي بطرفـن فتونـي

وام العيون السود والرمش قطـاع

وام الجدايـل والكحـل بالجفونـي

وام النقاب اللي تمصعـك تمصـاع

قـدام عينـي والبشـر يشهدونـي

كنها تمتـع فـي عذابـي تمتـاع

وانا العزوبي كان ربي ف عونـي

واهل الجنوز الضيقه واهل الاوساع

مدري وش اللي حدهـم يلبسونـي

منهم تجرعـت المـراره تجـراع

في كل يوم يزيد همـي وحزونـي

لو نطلع المريخ في لحظه وسـاع

نلقـى العوايـل قبلنـا يطلعونـي

من بعد طرح وجمع وهموم وصراع

قررت انا اخطب بنت وانهي ظنوني

وفي ليلة الفرحه تقول اني مرتـاع

ومن زود مافيني تراقـل سنونـي

ابوها قـال اليـوم مانـي بطمـاع

عندي شروطن للمهـر واعذرونـي

يقوم يوحي لي ويشـر بالاصبـاع

يبغي المهـر ميتيـن او يكثرونـي

يقول يبغى العرس في قصور واقلاع

ونبغى ذهب لام العروس المزونـي

ونبغى الحلا والكيك من كل الانواع

تبـون والا ياعـسـا ماتبـونـي

ناس ٍ تحسب البنت شروه ومبيـاع

تبي المكاسـب لـو زادت ديونـي

ماهمهم لـو زاد همـي والاوجـاع

ماهمهـم ياكـود ملـي البطونـي

يامؤمنـن بالله ساجـد وركــاع

بنتك امانـه حـاذر انـك تخونـي

لا تعنس ابنيتك في سّبـت اشبـاع

نفسك وجمع افلـوس ماينفعونـي

بكره ليا جتـك المنيـه والاوجـاع

تنـدم ولا ينفعـك دمـع العيونـي

الخيمه اللي بدون عمدان وشـراع

يمكن تطيرهـا الهبايـب بهونـي

انـا العزوبـي واتسكـع تسكـاع

تكفـون بالله يالعـرب زوجـونـي


وسلامتكــــــــــــم

قصيدة جميلة تحكي واقع بعض اللذين يتاجرون ببناتهم

شكراً لك أخي على هذه القصيدة التي هي أروع من رائعة

مشكور اخوي الغالي ويعطيك الف عافية على الموضوع

مشكوووووووور اخي ويعطيك الف الف عافية على القصيدة المعبرة والاكثر من رائعة
وهذا حال اليوم ..
والله يوفقنا ويوفقك في الزواج .. والذرية الصالحة ان شاء الله

تحياتي
وصح لسان قايلها