فوائد قيادة المرأه في السعودية

من الاول بقول لكم هذي خرابيط ولا تبلشونا وتخلون الحريم يسوقون

1/ أن ذلك يضفي على الحركة المرورية لمسات سحرية وجمال اخّاذ

2/ سياقة المرأة للسيارة يحجم بل يمنع مشكلة تهور الشباب وقطع الاشارات المرورية فسيحرص الشباب كل الحرص على ان لا تفوته اشارة حمراء لعل الله ان يرزقه(( ببنت الحلال )) .

3/ سعـــــودة محلات البنـــــشر بنسبة 1000%100 لان الشباب كل واحـــد بيفتح له بنشر وبينتظر تبنشر سيارة وحده من البنات عشان يصلحها وهذا غير الشباب اللي بتلقاهم على الخطوط منتشرين تقل جراد كل واحد بعفريتته ومفك الكفرات .

4./ بيكثر التقديم على وظايف المرور وخاصة ابو سبيته اللي يجلس عند الاشارات يعني زين اذا مالقيت المرور يشترطون شهادة الطب للى يبون وظايف عندهم من كثر الطلبات عليهم .

5/ سعودة محطات البنزين يعني بدل الهنود بتلقون اللي يشتغلون فيها كلهم سعوديين بس في المقابل افلقوني لو اصحاب المحطات بيكسبون ريال واحد يعني تجي البنت تقول لاابو الشباب صب بنزين بعشره ريال طبعا ابو الشباب بيحط لى البنزين في التانكي وبيفتح فمه ويناظر بالبنت ماايدري الا هو معبي تانكي السياره لللاخر يعني FULL طبعا يوم بيجي يحاسبها بتعطيه عشره ريال مثل ماقالت له عب وياليته ياخذ لعشره ريال بعد الا يطمر ويحلف عليها ماتدفع ريال ويقول هالمره خليها علينا .

6/ توفير فواتير التلفونات يعني ام صويلح اللي كانت تتصل على ام دحيم وتجلس تكلمها بالساعات بيصير التلفون مال امه داعي يعني ام صويلح بتمر ام دحيم والا بتقابلهافي شارع وكلن بسيارتها وهاتك سواليف وهروج وهذا طبعا له عيوب يعني طبعا وهم يتكلمون بالخط بيقفلونه وبتصير زحمه ماهيب طبيعيه بس افلقني لو احد فتح فمه وقال لهم حركو السيارات زين ان ماباشرو عليهم ببارد والا بعشاء وهن بسياراتهنوبيقولون لهم خذوووو راحتكم على الاخر اصلا حنا ماورانا شي وين الابطال اللي الواحد ثواني يوقف سيارته مايدري الا مليون واحد يقوله حرررك من هنا والا والله لادبغك يا ......... !

7/ وعلى فكرة فائدة قيادة السيارة لا تقتصر على المراة ( الانسة) بل حتى (المدام) المتزوجة ومن ذلك انه اذا حصلت خصومة بين الرجل وزوجته واحتد الامر وعلت الاصوات وامتدت الايادي(وصفقها وصفقته) واحمرت الاعين وتطاير الشرر منها وارغى وازبد كل منهما... عندها ستقول الزوجة لزوجها ( ودني لهلي) وسيقول الزوج( ماني مودي) وستستمر المشكلة ولكن لو كان للزوجة سيارة فستخرج رغما عن زوجها وستقول له ( اروح ورجلك فوق رقبتك) .

8/ كذالك من فوائد سياقة الزوجة هو انها تساعد في احضار الاولاد من المدرسة وكذالك يمكن للمرأة ( الزوجة) ان تسهم كما اسلفت في مصروف البيت وبذالك بان تمارس مهنة( الشيّاب ) اي تحميل الركاب .. وهنا اوصي المرأة بإقتناء الهايلكس الغمارتين وإذا لزم الامر (( دينا)) لتحميل الطوب ونفل العفش والرملى والخرسانة

واذا صرت مقصر ومتعيجز تجيب برميل الغاز خلها هي اللي ترووووووووح

والله حاله

صايرنا كروش بدون ما تسوق الحريم يا دون لو ساقت


الله يرحم زمان اول


هيه يالدنيا


الف شكر على اثارة هذا الموضوع

وننتظر الاراء من الجميع


سلام

نسلم

وانا ضد قيادة المرأة للسيارة ولا تسألوني ليش؟؟؟؟

انتم عارفين الاسباب

ام توتو

اولآ اشكر اخوووي الدكتور علي هذي المشاركه الرائعه ....
واقوله يعطيك الله الف عافيه علي كل اللي تسويه في المنتدى من مشاركات رائعه ومفيده ...
وثانيآ : انا من المويدين الي قياده المراة السياره ( واحد متعاطف مع النساء ) ...
وعلي الاقل يريحون من المشاوير اللي كل يوم ذابحينا عليها ....
وانا اتوقع ان مافيها اي شي اذا قادت المراه للسياره ( ولاتقولون راح يصير فيها خراب وفساد اذا قادت المراه السياره لان الخراب موجود في كل مكان وهل يعني ان المراه اذا قادت السياره سوف تذهب الي الفساد والخراب بها .... )

وتقبلوا خالص تحياتي
مشاعر

الله لا يقوله قولو امين
وانت ياخوي مشاعر قبل ماتقول ان سياقة النساء زينه
قبل هل ترضى ان احد يناضر اختك ويكلمه ويركب معه على الباب
ويطلعون وين مايبغون
وانت احكم
وشكرا لكم
وهذا هو النقاش
لا تزعل يامشاعر