مرثية سالم السيار في اخوه (الغيبوبه )

هذه القصيده الشاعر سالم السيار يرثى اخيه الكبير


بنادق مهجتي معبي فشقها والغلا نيشان
أبطلق روحي في قلب القصيد وانبض ابياته

وحيد ولا معي الا اخوي بداخلي غفيان
ترفرف ضحكة واطلق نعاسي لصبح ضحكاته

في بالي يرقد وادري حزين وشارد وبردان
وانا انثر برده من فوق الخيال وجمر سجاته


يدور القلب تتفتت ظلوعه يطحنه حرمان
يجوع القلب يحضني في جوعي واكل فتاته

ينام واعقد بعين الاغاني جمرة التحنان
ينام وعتقد بعين البدايه كل نهاياته

واطل من الالم احضن حياة الشارع الولهان
يلملم حسرتي ويكسر وجودي بشوق اضاءاته

تعبت امليني طعون (ن) تصب من خنجر الخلان
تعبت استنزف عيوني دموع طعناته

يا خيي اقعد الدنيا رمت من تحتي النيران
وهذا العمر ما يحمل بجوفي الا انكساراته

ياخي ليه تغيب وليه تتركني وانا شفقان
لقرم (ن) يقلب اجبال الهموم بعزة اثباته

اعرفه لاوصل كنه صقر من صفوة الويلاااااااان
يكش جلد السما ان شافت مخلابيه وهداته

رجال (ن) تربط حزام القبيله وتنفلت شجعااان
واخويه يربط رجال القبيله حزام هقواته

كريم (ن) ما هو يبيني فعايل صيته الديوان
في صدره دلته وهيله وفناجيله وتمراته

اذا كان الكرم حمس ( الهلا ) في مهجة الضيان
اخويه من حمس قلبه لضيفه وصب فزعاته

وكم ( تكفى )انرمت بين البشر ممزوعه الوجدان
اخويه قبل لا ترمي عليه يقط نخواته

حزين السيف بكفوف الاوادم (ن) ذبلان
بعد ما نام دم اللي سقى فعله وومضاته

ياخي اقعد وقعد خضوعي بداخل الشرياان
تنام ولا بقى هم (ن) قطف من دمي غفواته

غريبه شلون يكسرك الغياب ويغلبك نسيان
ودفتر جيتك ياخي طوى من عمري صفحاته

يجيني مادري ولكن اعرفه لاوصل جيعان
قسم وان جاني لانحني لجوعه تحت خطواته

وصل زوله هذاك اللي وصل ما يشبهه انساان
هذاك اللي وصل شايل عذاب العمر واهاااته

وجيت الحين ياخيي بعد ماشالتك امتاان
عد ماودهم غسل الجسد عن كل نزواته

ابد لاينغسل هذا الشهم مغسول بالفرسان
اخويه من غسل روح الجسد في طهر نياته

ايا دفان دخيل الله لاتدفن ايا دفان
دخيلك خلني ادفن في بالي جمر بسماته

واهف بسماته من هذا المكان لاخر الاحزان
وانا اطحن موته في جوع الكلاام واخبز سكاته

انا شلون لاصار الاخو جايع وانا شبعاان
اخوي اللي كسر قبله لجوعي وجاع لحظاته

اخوي اللي يمزمزني معاليقه اذا عطشاان
اخويه اللي ثنى عمره من اجل اطلع مسافاته

يدين القبر ضميني وسط حضن الاخو نعسان
ابرقد دام لي قلب(ن) دفن وياه نبضاته

اكيد انه وسط قبره سمع طق الخطاوي الآن
الا ياليت انا المدفون وانا اسمع طق خطوااته

عسى الله يرحمه ويغفر له ويسكنه فسيح جناته ..

صح لسان الشاعر سالم بن سيار ..

وتسلم يمناك على الأختيار الجزل ..

لاهنت ياقصائد ..

بيض الله وجهك ..

تقبل مروري ..

........................

الله يرحم اموات المسلمين
ابيات عاطفية جميلة
شكرا قصائد

الله يرحمه ويرحم أموآت المسلمين ..
تسلمين يالغلآ على الأختيآر ..

اكيد انه وسط قبره سمع طق الخطاوي الآن
الا ياليت انا المدفون وانا اسمع طق خطوااته

الله يرحمه ويسكنه الجنه


كلمات مؤثره وقصيده أكثر من رائعه

سلمت أناملك على الانتقاء الرائع

ولاننحرم من جديدك يالغلا

مشكورين لمروركم العطر والطيب

وجزاكم الله خير

آصدق آلشعر آلرثآء .. لآنه نآبع من آلمشآعر "

قصآئد آرويت آلمتذوق بجمآل آختيآركـ !!

صح نقلك ياقصائد


ورحم الله اخاة
ماننحرم هذا التواجد الراااائع

ممتنه لحظوركم الجميل

ولاعدمنا هالطله الحلوه