|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| الصوتيات و المرئيات يحتوي جميع الفلاشات والصوتيات والفيديو |
آخر 10 مشاركات
|
|
|
أدوات الموضوع |
19 / 08 / 2006, 20 : 02 PM
|
#1 | |
|
تميراوي فضي
|
حنا بنات الوطن وشموع ديجورة ،،، وحنا بنات الوطن واحلى سعودية...
ـــ حنّا بنات الوطـن وشمـوع ديجـوره
،،، وحناّ بنات الوطن وأحلى سعوديـه منابت المجد وأصل المجد والصـوره ،،، مرابـط العـز وسبـوق النداويـه منابت الملح وأصل الـورد وزهـوره ،،، مكاسر العـود والنفحـه سماويـه عذبات الانفاس وأغلى المسك وعطوره ،،، نفحات الاشجان والنسمـه ربيعيـه فوح الخزامى بروض ٍ قيل ممطـوره ،،، قدِ علّها مع بكور الوسـم وسميـه حنّا بنـات الوطـن سكنـاه وخـدوره ،،، حنّا بنات الوطـن والثقـل ماريّـه ياللي تعـذرب بنـا يمنـاك مكسـوره ،،، ماكن فينا لـك أم وبنـت وأخيـه أفكـارك السـود مشبوهـه ومبتـوره ،،، وعلومك العوج ملفوفـه وملويـه تلـف وإلا تزيـد اللـف لــك دوره ،،، العلم بالهون والحاجـات مقضيـه خذها على نـور والرايـات منشـوره ،،، بالعدل والميـز مكتوبـه ومقريـه خذها وباقـي بهـا وقفـات مذخـوره ،،، تجيك من فوق وإن حبيّـت رديـه بنت الوطن ياضعيف الرأي مذكـوره بالخير والطيب مذكـوره سنافيـه من أول الوقـت يالمسكيـن مشهـوره ،،، بالفكر وأحلى التواصيف النسائيـه بنت الوطن ياقصير الشوف معمـوره ،،، بالعطـف والليـن وتزيـده بحنيـه إن كان بالكون قالـوا عينـه وحـوره ،،، بنت الوطن من عظيم الشان حوريه بنت الوطن من جمال الخلق مستـوره ،،، الطبع هادي ووقـت الجـد جديّـه ممكن تقـوّم بوجـه المعتـدي ثـوره ،،، والأصل تكوينهـا ثابـت حياويـه شيهانة اللحظ بنـت الريـح منثـوره ،،، ملمومة الخصر بنت الذيب ريميـه يعنـي حجازيـة العينيـن مخـبـوره ،،، نجدية الخصر واللمحـه خليجيـه ريحانة الفل بـأرض الفـل مبـذوره ،،، يعني عسير وعبير أحلى عسيريـه وقـاّدة الحـس بالاشـواق دكـتـوره ،،، يضيق صدر الزمن تبقـى شماليـه تكتب حروف الوفا وتسّـن دستـوره ،،، بحروفها إخلاص وإن حبّت هواويه يعني هي الجو مـع بيـداك وبحـوره من رأسها للقـدم بالزيـن مكسيـه سمعت ياللي حسبتـه لعبـة الكـوره ،،، بعض السواليف لا سقته عماويـه لا ضيّع الدرب مثلك وأخلف شعـوره ،،، ندلّـه الـدرب والاعمـال بالنيـه ياخـاوي الفكـر والعـدلات مقبـوره ،،، في صدرك اللي لبس بلواه صدريه مغرور مغرور مثلك نـاس مغـروره ،،، بمركب النقـص والاوهـام مبليـه منادميـن الخطـا ملفـاه وطـيـوره ،،، الفكـر خيـاّل والساحـه خياليـه من الحماقه لبسـك الكبـر وشـروره ،،ن والحمق رمح الردى وحدود هنديه تسكن زواياك والطرقـات مهجـوره ،،، ياغراب خل الحمام إنسى خطاويه لو تفرد الريـش يالطـاووس مأثـوره ،،، عواقب الكبـر يالمغـرور سلبيـه ياسيّـد الغطرسـه ياقاصـر شبـوره ،،، ياعاشق الذات عشق الذات نفسيـه سمعت رد الاصيله وإفهـم سطـوره ،،، بسيـط منسـاب والاوزان شعبيـه وإسلك طريق الهدايه وإحفظ السـوره ،،، السوره اللي على المعنـى ومكيـه وإن كان نفسك على الشينات مجبـوره ،،، والنـار ياميّـت النيـران مطفيـه أجيك أنـا بنـت هالديـره ومأجـوره ،،، وتشوف بنت الوطن والجمره الحيه أجيك وتشوف بنت السبـع مسعـوره ،،، وأخرك معروف والدعوى طبيعيـه الوقت معروف فـي زنـات دبـوره ،،، يخرّب العش وهو العـش راعيّـه ماهي بشرَبه من الغـوري وشابـوره ،،، بعض الحكاوي وفيه حدود محميـه خذها ولا أقـول لا رديّـت مشكـوره ،،، من واجبي لا دفعت الشر والسيّـه بأول خطوط الدفـاع وراس طابـوره ،،، أصـد وأرد والصـدّه هجومـيـه خذها وأنا بنت قوم المجد وحضـوره ،،، مني وأنا من بنات الـدار نجديـه من نجد ماجيت أنا المغرب وناطـوره ،،، وماجيت حد اليمن ما كنت مصريه خذها وأنا ماعرف الحمراء ولا شتوره ،،، ولا جيت عماّن وإلا كنت شاميـه ولا نيب من بابل النهريـن وآشـوره ،،، وإلا بعد من بنات الشرق شرقيـه خذها وأنا من عظيم الشان منصـوره ،،، من نجد ماقول أنا شقراء وغربيـه أعيّـد العيـد مـا عوشـر بعاشـوره ،،، الديـن الاسـلام والمنهـاج سنيـه خذها ونفسي على المسفـار مأمـوره ،،، والنفس معروف مأمـوره ومنهيـه ماقلتها من غضب بالوقـت مقهـوره ،،، على الملا وإن بغيت السلم سلميـه خذها وأنا بنت روس الطيب وصقوره ،،، الجد قحطـان والمنشـأ قصيميـه القصيدة بصوت حنا بنات الوطن.... مخاوي سدير.... |
|
|
|
|
19 / 08 / 2006, 50 : 02 PM
|
#2 | |
|
المراقب العام
|
مشكور يا مخاوي سدير على القصده ويعطيك العافيه
|
|
 قَالَ صَلَّى الله عَلَيْهِ وَسَلَّمَ إِنَّ الْمُؤْمِنَ إِذَا لَقِيَ الْمُؤْمِنَ فَسَلَّمَ عَلَيْهِ وَأَخَذَ بِيَدِهِ فَصَافَحَهُ تَنَاثَرَتْ خَطَايَاهُمَا كَمَا يَتَنَاثَرُ وَرَقُ الشَّجَرِ |
|
19 / 08 / 2006, 01 : 03 PM
|
#3 | |
|
مشرف سابق
|
مشكور وما قصرت يا مخاوي سدير على هذا النقل الرائع
....................... |
|
|
|
|
21 / 08 / 2006, 07 : 02 PM
|
#4 | |
|
تميراوي فضي
|
المتحد الجنوبي 2000 شكر على المرور
مخاوي سدير. |
|
|
|
|
21 / 08 / 2006, 18 : 02 PM
|
#5 | |
|
إعلامي منتديات مدينة تمير
أبَوْعٌبَدّالعٌزَيُزَّ
|
تفاعل مستمر .. وملحوظ من المبدع / مخاوي سدير ..
يعطيك العافية على المقطع ,,, وفي أنتظار جديدك ,.. |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
