لا وا هنّــي من منزلـه بالفلاتـي

قالوا غريب بمنهجك والصفاتـي
وغــريب أنا لاشك مامـن غرابـه

مادام وقتـي مختلـف وأمنياتـي
والناس كـلن لجّنـي فـي عتابـه

غريب أنا في دنيتــي وبْسماتـي
ومثلي قليل ٍ مغترب فـي شبابـه

جيـت بزمـان ٍ يستـوي للدناتـي
وقـت ٍ تهـيّـا للــردي بانــسيابـه

وحنا غدينـا بوقتنـا فـي سباتـي
وظلام ليل ٍ مكتـمـل مـع ضبابـه

وقتي وناسه والمـلا واهْقوَاتـي
ذولا اخـوياي بسيرتـي والقرابـه

تــوافـقوا ابـهالزمـن مـع حياتـي
وتخالفوا مع منهجي ولا تشابـه

مبداي عندي باقي ٍ فـي ثباتـي
ماهمّني بعــض الملا لو حكـا بـه

ولولا عنــادي وعـزّتـي البيّناتـي
مبطي غدابـي غــادي ٍ بمْغدابـه

وقتي خصرني مارضى الطيّباتـي
وكل الهــزايـل حـــازهـا بانقلابـه

أمشي بليلـه وظلّـم المظلماتـي
وأمشي بنهاره وانخدع في سرابه

ولا عـــاد بـاق ٍ بالبقا لـي بقاتـي
مادام هــذي أيـــامنـا مـع خرابـه

أعيــش حــرّ ٍ واتـرك الناقصاتـي
وتزيد معيـه قــوّتـي والصــلابـه

لا وا هنّــي من منزلـه بالفلاتـي
ويعيش عيش مسلوعات الذيابـه

بمـروبعـات ٍ بالــخـلا مشتّحاتـي
بين التـــلاع الواسعـه والهضابـه

بقفـر ٍ يجيـلـه بحيـل ٍ محيّلاتـي
عــرندسـات ٍ مـرتعـات بخصابـه

يرعن زهر وأشجارها المخضراتي
الجو غيــم ٍ والمطر فـي سحابـه

بــاذن الولي وشعبانهـا سايلاتـي
ويــرتاح بال ٍ بالهـنـا مـا هـتنـــابـه

هـذاك شفّي والحـلا بــه حلاتـي
لا طــالـب ولا عـــاد ليّـــه طـلابـه

أنسـى هموم أيامـي الماضاياتـي
أدارج ريـــح ٍ ذاهــب ٍ فـي ذهـابـه

هــذا مــرامي ليـــن تاتـي وفاتـي
وباطــرافها قبــري يـــركّـز نصــابـه

مشكوررررررررررر

صح لسآن شآعرهآ ..
وسلمتْ على الأختيآر ..

صح السانك
كلمات رائعه
وجميله
يعطيك العافيه

ابيات قمه في الاختيار
الله لا يهينك ياجار القمر
عوافي

ابياآأت رووعة تسلم على الذؤؤق..

اقتباس: المشاركة الأصلية كتبت بواسطة المارد    مشكوررررررررررر

الشكر لك على هالمرور

اقتباس: المشاركة الأصلية كتبت بواسطة الراقيه    صح لسآن شآعرهآ .. وسلمتْ على الأختيآر ..

صح بدنك يالراقية
وشكرا على الحضور المميز

اقتباس: المشاركة الأصلية كتبت بواسطة وردهـ    صح السانك كلمات رائعه وجميله يعطيك العافيه

صح بدنك
وهذا من حسن ذوقك
تشرفنا