ياللي خذيت القلب في ظرف لحظات

ياللي خذيت القلب في ظرف لحظات
ياللي سكنت ابداخلي في ثواني

من يوم شفــتك رحـت بـي للمسرات
خذيتني في حبــك لجــو ثــانى

جـو المحــبة والوفــاء والمصافاة
وابـــعدت عنى قــيدهم طــوانى

علمتني كيف أعشقك موت بسكات
كيف اوصل لقلبك وأنا في مكاني

لملمتني بشويش من بين الأهات
داويت قلب كان قلــبك يعــاني

أعطيتني يمناك رغم المسافات
زرعت بي حب الأمــل والأمــاني

لا قلت: أبشكي، قلت لي:يا الغلا هات
باخذ همومك وأحضنك في حناني

أنت الحنان أصلاً خذا منك عادات
وأنت الحلا له في صفاتك مواني

نبرات صوتك غيرت كل مافات
(بالوشوشه) مثل النغم والأغاني

مقدارك أكبر من جميع العبارات
والمعذرة كان الخطا من لساني

ابدعت الانتقاء ياناآدر...
صح لسان ناقلها وقايلها ..
لاهنت ..

أبيآت جميله ..
تسلم على الذآئقه والأختيآر ..