|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| المنتدى الترفيهي وتختص بالدردشة والنكت وقصص الفكاهة وسعة الصدر |
آخر 10 مشاركات
|
 |
|
|
أدوات الموضوع |
17 / 05 / 2006, 52 : 06 AM
|
#1 | |
|
ضيف تمير
|
والله النشبه ــــــــــــــــــــــ^^
السلام عليكم ورحمة الله وبركاته
المكان الدايري الشرقي الزمان الساعه ثنتين ونص بالليل السياره ددسن موديل 86 مابه لامسجل ولااستبنه(سبير) ولا رادو ولامكيف الاسم مناحي العمر 24سنه الجوال ابو بصمه الشريحه سوا وبينما اخونا مناحي لاهي بسواقته وداقن اللطمه وحاذفن الجوال بالمرتبة اللي جنبه ... ومير يدق الجوال حاطن دقة البرتقاله===>طبعا جايته من ببسي هديه ارسل لهم رساله وارسلوا له النغمه فك اللطمه مناحي وسكر الدريشه ورد مناحي: الوووووو المتصله: بصوت كله نعومه ورقه الو مناحي: هلالالالا مين المتصله: السلام عليكم مناحي: هلالالالا والله وعليكم السلام هلابتس ياخويتي المتصله: مساء الخير اخوي مناحي: مساء الخيرات والاحساس والطيبه===>سامعها بس ماعرف يضبطها المتصله: كيفك؟ مناحي: بخير ياعلتس بخير وعافيه المتصله: معليش مو هذا جوال سالم مناحي: لااختي هذا موبايلي===>مسوي متمدن وانا اسمي سليمان==>على باله اخو سالم اذا تامرين شي تراني بالخدمه وحاضر باللي تبينه المتصله: لااخوي مشكور لاخلا ولاعدم ان شالله وآسفه على الازعاج مناحي: وش دعوى اختي انتي تمونين===>من مكالمه صارت تمون وعادي لو تبين تتصلين باي وقت الله يحييتس المتصله: اوكي اخوي مشكور bay مناحي: زين اختي بباي==>لابلوتو سكرت الاخت السماعه ودخل اخونا مناحي بدوامة تفكيرات وقعد يلعب بشعر راسه وهو يفكر ويتأمل بهالصوت الناعم اللي اسمعه قبل شوي وقعد يلوم نفسه ويندب حظه مع البنات انا غبي ليش ماقعدت اسولف معه؟ ليش ماطولت معه؟ ليش ماتعرفت عليه اكثر واكثر؟ ليش ماعرفته بنفسي؟ والحبيب من كثر الهواجيس نسى مخرج الروضه وتعداه وطول للثمامه من التفكير والهواجيس ورقى له على احد هالضلوع وشب النار وضبط القهوه وقعد يهيجن يامحلا الفنجال مع سيحة البال في مجلس مافيه نفس ثقيله هذا ولد عم وهذا ولد خال وهذا رفيق مالقينا مثيله وقعد يدردب مناحي من هالقهوه المحموسه عدل وبينما هو يتقهوى حس باحساس غريب اول مره يحس به ياولد حبيته والله حبيته===>هذا مناحي يحاتسي روحه ياويليه يامناحي اثرك تعرف الحب وانا مدري===>لازال مناحي يحاتسي روحه الله يازين الحب زيناه ويازين الواحد لاحس انه يحب وينحب==>يسلي روحه الاخ مناحي يحس بقيمته ووجوده ويحس ان له قيمه بهالدنيا وانه له هدف وانه مهم وينسدح مناحي على النفووود ويتامل بالسما وبالنجوم وهو يتأوه آآآآآآآآآآآآآآآآآه يازين الحب زيناه والله انك ماتنلام ياقيس بن الملوح==>مثقف مناحي وبينما مناحي غارق بتفكيره ساجن بعيد الاجواله يدق نغمة البردقانه هنا فزّ مناحي اكيد هي طبعا هي من غيره حبيبتي هي ويقوم ويشوف الرقم والله واثره رقم حبيبته الله حبتني حبتني يابختك يامناحي قام حظك===>مناحي يحاتسي روحه ويرد بلهفه وهو ماسك جواله بيدينه الثنيتن هلا هلا هلا والله هلابتس اهلين اخوي سليمان==>ماتدري انه مناحي هلا والله وغلا اختي مناحي: على فكره ماعرفتين باسمتس؟ المتصله: ايه انا اسمي امممممم ==>تفكر تدور اسم تعطيه مناحي تلعب به عليه ايه انا اسمي ليان مناحي:الله يازين اسمتس زيناه ياليان ليان: مشكور اخوي سليمان هذا من ذوقك بس ليان: معليش اخوي سليمان ممكن تدق علي لانه رصيدي بيخلص ==>بدينا الشحاذه مناحي: طبعا طبعا ادق عليتس وادق على اهلتس لوتبين يسكر مناحي ويدق عليه ليان: هلا سليمان مناحي: هلا والله وغلا ليان: وينك الحين؟ مناحي: انا الحين على كورنيش الخبر جالس اتامل بالبحر==>بدينا النصب ليان: يعني انت من الشرقيه؟ مناحي: لاوالله بس حسيت اني ضايق صدري هاليومين وقلت للسواق اطلع بي بالـ بي ام للشرقيه انفس عن نفسي واغير جو===>مسوي ولد نعمه ليان : شلون جو الشرقيه؟ مناحي: مانقصه الا انتي ليان: تضحك وتقول ان شالله السفره الجايه نسافر انا واياك سوا على الـ بي ام بدون السواق==>بدينا المصلحه مناحي: ابشري ولايهمتس تبين نروح بالـ بي ام ولا الفياقرا عادي بس انا اقول الاودي احسن==>بدى يفقش الحبيب ليان: ماشاالله كل ذولي لك؟ مناحي: ايه وانا بعد حلو وجوالي الدمعه ورقمي الثاني مميز بس هذا مطلعه كذا عشان سفرة الشرقيه عشان افتك من العيال وغثاهم ليان: طيب انت تشبه مين؟ مناحي: بصراحه يشبهوني بتوم كروز بس انا زعلان ليان: ليش حبيبي مناحي: لاني احلى منه === فاصل نعطيكم مواصفات مناحي على حقيقته ونكمل مناحي دبن بالحيل وزنه 120كيلو وشعره فلافل ومن كثر ماهو مايعرف السباحه متشابك شعره مع بعض والقمل عامل عمايله سرواله دايم اصفر والفنيله ماغيره من يوم مااخذه من اخوه مشقاص قبل اربع سنين والنعال الله يكرمكم مايعرف وش النعال اصلا والطاقيه من كثر ماهي محليه وصايرتن صفرا لاشافه الواحد يحسبه كله زري والثوب تحسبه خريطة اطلس من كثر الخرايط اللي به نعوووود === ليان: ماشالله انت احلى من توم كروز؟ مناحي: ايه احلى منه بكثير بس وش اسوي بالعيال ليان: طيب حبيبي متى بترجع للرياض؟ مناحي: والله مدري بصراحه الشرقيه ماجازت لي مفكر اطلع فرنسا او سويسرا ويمكن لندن عشان اغير جو ليان: تروح وتجي بالسلامه بس لاتنسانا مناحي: لا شدعوى انتي لتس معزه خاصه ليان: اوكي حبيبي باي مناحي: زين بباي انتهت المكالمه ويناظر مناحي الرصيد مابقى به الا خمس وثمانين هلله ياويليه طفرت بي ليان بس ولو تستاهل==>مناحي خاش جو ويخلص قهوته ويرجع مناحي للبيت وينام ويقوم الصبح الا ثلاث اتصالات من ليان الله يازين الحب خاصه لاصار متبادل من الطرفين===>مناحي يحاتسي روحه ويروح وياخذ جوال ابوه ويدق على ليان ليان: الو مين؟ مناحي: هلا حبيبتي ليوني كيفك؟ ليان: هلامناحي وش هالرقم هذا وين جوالك؟ مناحي: هذا جوال السواق انا جوالي خلصت بطاريته وانا قاعد اشحنه الحين ليان: اها مناحي: تصدقين السواق انا معطيه الباندا بس ماجاز له يبي الدمعه==>سواقهم كشخه ليان: اها مناحي: شكلي بعطيه جوالي واشتري واحد غيره ليان: ===>مصدقه وتحتسي روحه وتقول ياليتن سواقكم ليان: باي مناحي امي جت مناحي: بباي حبيبتي ولاتقطعين ويقعد يفكر مناحي بليان كل اليوم ويروح لراعي البقاله خويه سعيد مناحي: سعيد تكفى بالله هات بطاقة سوا سعيد: هات مية ريال مناحي: سجل على الحساب سعيد: حسابك وصل ثلاثة الاف وميتين ماني معطيك سدد الى عليك مناحي: خلاص هالبطاقه بس وابشر عقب اسبوع اسدد وعقب اللتي واللتيّا اخذا البطاقه مناحي وشحن جواله ويوم صارت الساعه وحده الا تدق البردقانه==>ليان سجله بجواله البردقانه طبعا دقه وسكرت ويتصل عليه مناحي مناحي: هلا ليونتي ليان: هلا سليمان ليان: معليش اعذرني حبيبي دقيت دقه وسكرت لانه مافي رصيد لو عندي رصيد كان كلمتك ومااسكر ابد==>طبعا بدا التلميح تبيه يشحن له مناحي: عادي حبيبتي الحين اخلي السواق يروح يشتري لك بطاقة شحن ليان: وحده بس==>الله من وساعة الوجه مناحي: كم تبين اجل؟ ليان: لابس كنت متوقعتك كريم==>يعني تبي اكثر مناحي: خلاص الحين اخليه يجيب لتس وحده وبعدين اشحن لتس بشي يستاهل ليان: مشكور حبيبي وماتقصر مناحي:لاعادي حبيبتي ترى كله مية ريال==>وهو يفكر من وين يجيب له الميه المهم وهم ساجين بالسواليف الا يقطع السواليف مناحي معليش حبيبتي ليوني السواق تو راح لثلاث بقالات وماحصل سوا لكن ابشري بكرى انا ادزه لك مسج==>سامع هالجمله من واحد من العيال بس مايدري وش هي بالضبط ليان: اوكي حبيبي ماتقصر ليان: يالله حبيبي انا استاذن وبكرى اكلمك ويروح مناحي لسعيد يقردنه ببطاقة سوا يبيه للحبيبه ليان قاله سعيد لاتفكر مافيه دين لين تسدد ويحتار مناحي من وين يجيب الفلوس؟؟؟ ويقعد كل اليوم يتكّس ( يركب عبريه) من الفجر لين الظهر عشان يأمن مية ريال لعيون ليان وبعد الويل كمل الميه وشرى بطاقة سوا لليان بس موب من سعيد لان سعيد عيّا يسلفه ويوم اظلم الليل ويدز رقم البطاقه لليان وتدق عليه ليان دقه وتسكر كالعاده انهبل مناحي وقال اكيد البطاقه به بلى ويدق على ليان مناحي: هلا ليونتي ليان: هلا حبيبي سليمان مناحي: بشري وصلتس رقم البطاقه؟ ليان: ايه حبيبي وشحنته مشكور الف الف الف شكر مناحي: ايه عشان كذا بس انا استغربت ليش مادقيتي علي خفت ان البطاقه به بلى==>مسوي محسن معه واخر شي دقه وتسكر ليان: لاحبيبي وصلت بس انا قلت بكلمك فيها مكالمه طويله بس مواليوم ومنيب مسكره منك لين تخلص البطاقه عشان تعرف اني احبك مناحي:==>داخ وصدق حتسيه مشكوره عيوني وحبك واضح بدون ماتبينين ليان: اوكي حبيبي الوالده جت اكلمك بعدين باي مناحي: بباي ويقعد مناحي عقب هالمكالمه اسبووووع يدق ويرسل ولاحد يرد عليه==>اكل هوا مع سوا وبعد اسبوع تدق ليان دقه وتسكر==>وجه فقر ويدق عليه مناحي وهو حمقن منه بالحيل مناحي: الو ليان؟ ليان: ايه هلا حبيبي شفيك معصب؟ مناحي: وينتس اسبوع كامل لاتردين ولاتدقين؟ ليان: معليش حبيبي والله امي اخذت الجوال معها وصادرته مني سوري حبيبي سامحني هنا داخ مناحي وسامح ليان ماتحمل رقة اسلوبه وعذوبة صوته مناحي: ميخالف حبيبتي اهم شي سلامتتس ليان: الله يسلمك بس تصدق فشلانه منك مناحي: ليييييييييش عسى ماشر؟ ليان: لابس امي اخذت الجوال والرصيد مية ريال ورجعته لي مافيه الا ريالين مناحي: نعم نعم نعم نعم وعسى تبين اشحن لتس بعد ان شالله؟ ليان: يعني اقول حبيبي انت وعدتني وانت بعد الحمدلله ربي منعم عليك وماتضرك مية ريال بس بطاقه وحده بس يالله اثبت لي انك تحبني صدق مو كلام بس==>دقت على الوتر الحسّاس مناحي: ايه الله منعم علي صح==>وهو بنفسه يقول ماتدري اني جبت الميه بالغرابيل لكن والله مو شغل اللي تسوينه ليان: يالله عاد حبيبي بتشحن لي ولالا؟ مناحي: لاوالله منيب شاحن لتس وانقلعي ولاعمرتس تكلمينن بس يالـ........؟؟===>مشفّر ليان: انقلع بس يالمتخلف انت يالمخفه معه سوا ومسوي ولد نعمه فارق بس==>عارفته بس تعطيه على قد عقله وطــــــــــــــــخ طيـــــــــــــــــــخ===>سكروا السماعات بوجيه بعض وتنتهي قصة حب كانت المصلحه هي السبب في حياكتها ويرجع مناحي زي ماكان طفش وضيقة صدر وخاصه بعد ماجرب الحب وجرحته حبيبته ليان==>صاحبة الاسم الوهمي ويرجع مناحي يندب حظه ويبكي على وقته اللي ضاع مع ليان النصابه وليان راحت تدور له على ضحيّه ثانيه مثل مناحي وأشكاله وتنسدل ستارة من اروع ستاير الحب سطرها مناحي بتضحيته ووفاءه ودنّستها ليان بخداعها ومكرها 
|
|
 
|
|
17 / 05 / 2006, 02 : 09 AM
|
#2 | |
|
VIP
|
هههههههههههههههههههههههههههاو
لاحس عقلك منااااااااااااااااااااااحي : كاشته رددي أغنية مناحي المشهوره يالالاله يالالالا لانك متاثره فيه لدرجه ان اخبر نغمتك المفضله بااااااااااااااااء امباااااااااااااااااااع لوووووووووووووووووووووووووووووووووووووووووول |
|
|
|
|
17 / 05 / 2006, 20 : 04 PM
|
#3 | |
|
مشرف سابق
|
ههههههههههه
حرام والله حرام هالبنات داهية وبس بس العقل نعمة الله من مكره دقوا البنات علينا بس حنا الحمد الله راعين دين وعقل باي ههههههههههههه كاشته مهما اقول مبدعه قليلة بحقك |
|
|
|
|
17 / 05 / 2006, 52 : 07 PM
|
#4 | |
|
تميراوي سوبر
|
ههههههههههههههههههههههههههههههههههههههههه
الله يرجك رجا مبرحا في قوطي صلصه يالكاشته تحياتي لك |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
