عسى ما أزعلتك البارح

عسى ما أزعلتك البارح وزودت الجراح جراح
عسى ما مرت الدمعه على أهدابك من أسبابي

جرحتك من كثر شوقي وخليت الكلام رماح
ولا أدري شلون ياعمري طعنتك حيل بعتابي

بدون شعور صدقني ترى كثر الغلا ذباح
تعال وشوف بغيابك غلاك شلون سوا بي

حرام تغيب من عمري وتعطيني الفراق وشاح
حرام الدمع في عيني مناديله هي اهدابي

غيابك يشغل عيون الزوايا وأمتلي اشباح
وأنا أنثر صوتك بقلب المكان وأشعل أبوابي

تلفت للأمل دام الرجاء في عمري الملواح
أنا ديلك ولو شرهة وصولك تقطع أعصابي

أبيك الجاي من عمري أنا ما أبيك شي وراح
ما دامك أجمل وأخر مدامك أجمل أحبابي

أبي أرتاح ياعمري أنا أدري هم تبي ترتاح
تعال وقبل ما أفرح ترى تفرح بك ثيابي

أحبك يابعد عمر الحزن والجرح والأفراح
أحبك كثر ما نامت عيونك داخل أهدابي

عوآأآفي على الآنتقآء المميز يـ الغلاِ
لاهنتِ

سلمت اناملك لهذه الكلمات الرائعه

وننتظر جديدك

تحياتي