من وحي الخيال 7

أعتذر عن التأخير في إكمال القصة ...

والآن بسم الله نبدأ ...

بعد ما باااعني سامي أخو ( نوير وسويره ) .. رجعت المحل بجنب ( السوني الأريكسون ) اللي ما عمري شفته صااحي طول وقته نااايم

كانت الساعه 3 بالليل و المحل مسكر وكل العالم نايمين ومافيه إلا أنا جالس بالكاونتر أفكر في مستقبلي اللي ضيعته نوير وسويره حسبي الله عليهن وباعوني برخص التراب ..

سمعت صوت باب المحل ينفتح .. رفعت رااسي إلا وأشووف اثنين متلطمييين معهم ( كشّاف ) يحاولون يكسرون قفل باب المحل ..

أنا بصرااحه خفت أول مرره اشوووف حراااميه ،، قمت أنغز في هالسوني أريكسوون أبغااه يقوم ...

وبعد ما رجفته ترجيف عشان يقوم ،،

فتح وحده من عيوونه وقالي : ما تستحي على وجهك .. بالله عليك فيه جوال عاقل ومحترم مثلك يصحي جواال الساعه ثلاث من النوم ؟؟ اختر الوقت المنااسب ياااخي

قلت له وأنا خااايف : يااخي شف هذولااا بيكسروون باب المحل بيسرقونا

فتح السوني الأريكسوون كل عيووونه وهو مبسوووط وقاااال : أومااا عااد ..

قعدت أناظرره وقلت له مستغرب : ورااك مبسووط يالثوور ؟؟ اقوولك بيسرقووونا خلنا ندق على الشرررطه

السوني الأريكسون معصب : وراك حاسدنا انت ؟؟ ما أحد بيشترينا على الأقل خلهم يخطفونا و يطلعوونا من هالمحل اللي ما طلعت منه من سنه ابغا استمتع بحيااتي

استغربت وش هاللي فرحاان انه بينخطف !!

بصراحه إستحقرته وشكيت في أخلاقه وسلووكه هههههههههههههه

الزبده

هالحرامية دخلوا المحل ..و ما خلو شي بالمحل إلا وسرقوووه .. سرقوا الإكسسوارات والجوالات و طبعاً أنا معهم وهالأريكسوون الخبل ...

جمّعونا في خيشششه و ينحاشووون من المحل ،،

المهم من بكره .. ما دريت إلا وهالإثنين مطلعينا من الخيششة و ( باااسطين ) في حراج بن قاسم وقاعدين يحرّجون علينا ..

عزّت علي نفسي وهم يحرّجون علي بميتين بسسسس

آآآآآه يالقهررر .. من ألفين وخمسمييه إلى ميتين ؟؟

واللي قهررني أكثر هالسوني أريكسووون .. متمدد على الرصيف ومبسوووط كنه جالس على الشاطيء لابس نظارات سودا وحاط رجل على رجل .. استغربت منه هالبروود ،،

قلت له : هييه أنت ؟؟ مستووعب إننا مخطوفيين ؟؟

ناظرني وقال : إيه عاادي حنا مو أول ولا آخر جوالات تنسرق وينبسط فيها بحراج بن قااسم .. عادي عادي زي الزبادي يا سيد نوكيا ..

وأسمع هالإثنين يحرّجون علينا : الحق يا ولد ألحق ،، أي جوال بميتين رياااال

خنقتني العبررره .. من بعد الكاونترات والمحلات المكيييفه أصير بتالي عمري على رصييف وفي حراج بن قاااسم بعد ؟؟

والله مسسسخررره .. هزوووووولت

ما دريت إلا ذيك المصرريه واقفه فووق راااااسي ..

ومن بين كل هالجواااالات ما أختارت إلا أنا ....

ومن يووم اشترتني وهي شاحنتني على مصر ..

أرسلتني هديه لأهلها في مصر ..

أول ما وصلت مصر عن طريق شركة الشحن .. كنت جاالس أنتظر هاللي بتجي تستلمني ..

قاعد أتخيل وشلون بيصير شكلها .. إذا كانت بنت الله يعيييين عليها شكلها بتغثني مثل غيرها

وأنا أفكر ..

جت وحده وقام الموظف وطلعني من الدرج وأعطاني للحرمه هذي ..

كانت عجوز كبيره في السن ،، بيني وبينكم حسيت برااحه لأني توسمت بوجهها الخير وشكلها حبووبه ...

قلت في نفسي : يالله يمكن هالمصريه أبررك من سوير وأختها

و تقوم هالمصرريه وتااخذني معها لبيتها ...

أول ما دخلت البيت قامت تصاايح :

حماااده .. إنتا فيين يا حمااااده .. يا وااااد قتك مصيبه أنتا غوورت فين

أحسسبه ولدها .. تخيلته بزر .. يعني إن كثّر عمره 15 أو 16 سنه بالكثييير

دخلت عليه الغرفه وهي شايلتني بكييسه وأنا أطلّ من الكييسه أدور حماده ذا لا يصير بزر حقنه

إلا وأشوف حماده هذا شااايب مهررقل جالس على سجاده وماسك سبحه و يكح وقال : إديني دوا الكوحه يا حقه نبويه

أنا فقيييت خششششتي .. الحين ذا حمااده ؟؟

إذا هذاا حماااده أجل ( دائرة مستقيمه ) وش يصير هههههههههههههههههه

المهم ...

بصرااحه الوضع جااز لي مرررره .. شاايب وعجووز يعني إن شالله مافيييييه كررف زي كرف نوير وسوويره

نمت ذيك الليله مرتااااح ومبسوووط ..

يوم أذن الفجر وأشوف الحقه نبوويه ذي قايمه تصلي الفجر .. ماشاء الله عليها ذي الحجه <<<<< ذي الحجه ولا ذي القعده خخخخخ

المهم الحجه نبويه ذي خلصت صلاتها من هنا .. وتشغل شريط ( أم كلثوم ) على طوول ومن أم كلثوم إلى عبدالحليم حافظ وهي جالسه تصلح الفطوور ..

يا حلاووووه الله يتقبل منا ومنك صالح الاعمال يا حقه نبووويه خخخخخخخخخخخخخخ

الحجه نبويه بعد ما صلحت الفطور قامت تصايح : كماااال .. إصحى يا كماال الفطار قاهز

أنا قلت وش هالبيت إللي كله عجااايز ..

ما دريت إلا وكمال بزر عمره يمكن 10سنين طلع من الغرفه متييين ويفرك عيونه و مغمصه ..

والحجه نبويه أشرت علي وقالت : شوف يا كمال مامتك جايبه لك إيه من السعوطيه ..

على طوووول هالكماال ذا مسكني وقعد يحبب فيني ويبووسني ،، حسيت إني أمه على هالبوس والتحبيب

ويقوم يطلع للبلكوونه حقتهم .. وينادي بصوت عالي :يا فاااااااااااااتحي ،، إصحى يا فاااااتحي بص ماما جابت لي إيه من السعوطيه

أنا أناظر تحتي .. الله يقطع شكلهم ساكنين في الدور الخامسس .. وهالبزر مااد يده وهو ماسكني يبغا فتحي يشووفني وهو يهززني بقووووه ...

يعني لو أزلق من يد كماال والله لأروووووح فييييها

كمال طوّل وهو ينادي على فتحي ..

وانا من كثر الهز و انا اشوف الأرض بعيده عني تحت بغييت أطررش قسسم بالله بغييت أصررخ أقول : قم يا فتحي بسرررعه جعل الله يفتح رااااسك ،، قم شف هالبزر لا أطيح وأروح غلطه وبعدين يقول أنا ( ماكانشش أصدي ) ..

هالبزر من كثر ما يهزني أنا أنفلت من يده فجأه ....

وأطييييح من الدووور الخاااااااااااااااااااامس ....

وفي وسط الحااره .. وقدام قهوة ( الحج عتريس ) إنتثرت أشلائي .. وتبعثرت أجزائي .. و تحولت إلى حطام ..

وأنا في الرمق الأخير .. رفعت رااسي لكمال وقلت : الله ياااخذك وياخذ فتحي ويااخذ امك معك هاللي تسببت علي ..

و إنتهت رحلتي البسيطة على هذه البسيطه



مع الإعتذار لـ ...


كل من جاء وصفهم في القصة


ولأم الدنيا و لشعب مصر العظيم

خخخخخخخخخخخخخخخ
عظم الله اجرك قسم مسكين كله من هالبزر اللي مسك جوال هههههههههههههههههههههههههههههههههههههههههههههههههه ههه

ههههههههههههه
نهآيه حزينه ومؤلمه
الله يرحمك ويغفر لك
مآتستآهل اللي صآر لك ياالجوآل
لكن لآبد من نهآيه
ونهآيه قآسيه جدآآ وقوعك من الدور الخآمس !!
وقسم دمعت عيوني من الضحك
خيآل رآئع وممتع بمعنى الكلمه
يعطيك العافيه

ههههههههههه

تبي الصدق انك ارتحت من الغثا .. ماجور ان شاءالله ..

احسن شيء حماده وآخر شيء عوود ..

والله يتقبل منها صالح الاعمال مت ضحك عليها ..

اسلوبك في سرد القصه .. وطريقتك الفكآهيه اعطتها نوع من التشويق ..

الله يسعدك .. ولك احلى تقييم ..

ههههههه
الله يقطع ابليسه كمال خلص الخيال بسرعه..
لكن كل شيء له نهايه..
يعطيك العافيه..
ننتظرجديدك..

نهاية جميلة ...
بعد جولة طويلة .. ومتنوعة ..

جال فيها هذا الجوال المدن والدول ..
ومن يد نشيط في نشيط ..

كان الله في عون جوالتنا ..

ومن هذا الموضوع أعلن أنني سأرفق بجوالي .. وسأضعه في أي مكان أتمنى أن أكون فيه ..

الأخ الدائرة المستقيمة .. لك كل الشكر على هذا الابداع .. وأبارك لك هذا العصف الذهني ..
ولعله يتجدد بك اللقاء .. بعد أن فقدنا اللقاء السابق .. بسبب بروق تميرية .. !!

ههههههههههههه
الصراحه القصه في قمه الروعه
وماشاء الله عليك واصل كتاباتك وان شاء الله راح تكون من اشهر الكتاب
مشكور اخوي ويعطيك الف عافيه

ههههههههههههههه
اضحك الله سنك اخي دائرة مستقيمة
ابداااااااااااااااااع ماشاء الله عليك
من بديت اقراء القصة الين خلصتها وانا اضحك على هالجوال
واتحسر على جوالاتنا الله من الشيء جاها
وترى مع البنات ملفوز في الشنطة ارحم من الرجاجيل اللي في مخابيهم ويدخل الدوره ويطلع يصايح يبي من يطلعه له
فـــ احمد ربك اللي جت على كذا
الله يسعدك يارب ويوفقك
وارد واقول الله يبارك لك في خيالك الواسع

خخخخ الله يرحمك محد قالك تطيح في يدين مصاريه
انا من قريت قصتك وانا عضيت جوالي بضروسي
توني احس بمعاناة جوالاتنا الله يكون بعونهم
دمت مبدع