عهود
22 / 06 / 2005, 44 : 01 AM
صباح الخير
هذه القصيده تجسد معانات الشاعر بشير اللويش مع ظروفه القاسيه
اترككم معها امل ان تحوز على رضاكم ،،
أوذانــي الـجـوال بكـثـر الفواتـيـر=وانـا رصيـدي للأسـف كلّـه أصـفـار
والبـوك حتّـى البـوك مـابـه دنانـيـر=مابـه سـوى الإثبـات وأوراق الاشعـار
غلبـان .. والغلبـان مـن ويـن مايسيـر=يسـرح خيالـه بالعنـا ويــن مـاسـار
جتنـي الرسايـل واضـحـه بالتقـاريـر=تطلبنـي آســدد .. وتنـذرنـي إنــذار
ويـن المصـاري ؟ هاتهـا دون تاخـيـر=والا فصلنـا هاتـفـك عـبـر الاقـمـار
ونـدّون إسمـك بالسـجـلات وتصـيـر=ف..بلاك لسـت وعقبهـا مامـن اعـذار
وآقـول ياعالـم .. ومـاهـي معـاذيـر=اقـسـم قـسـم بالله عــلاّم الاســرار
لـو عنـدي الامـوال مثـل الهوامـيـر=لآخـذ علـى نفسـي تعـهـد وإقــرار
إنـي لسـدد كـاش .. مـن دون تقصيـر=وأمشي على ماريـد فـي كـل الاقطـار
أبي مـع الصحـرا علـى كفّـي الطيـر=فـي نزهـةٍ مابيـن عذفـا ... وسـنّـار
مستانـسٍ فـي روض عشـب ونواويـر=هذا هـواي .. وموتـري جيـب فكسـار
لكن ظروف الوقـت .. والراتـب يسيـر=أقصاط فـي أقصـاط .. ورويتبـي طـار
بين الهمـوم .. وبيـن ظـروفٍ طوابيـر=والـلـي بـقـى مافـيـه يــنٍ ودولار
اللـي بقـى معـروف فـي قاعـة البيـر=للموتـر اللـي عادتـه وقـفـت الـقـار
المـوتـر الـلـي بلّـشـن بالمخاسـيـر=فـي كـل مـرّه لـه مواقـف وتـذكـار
مرّه من الكهـرب .. ومـرّه مـن القيـر=ونوب .. يتهزهز .. تقل يرقص على الطار
لامن نويت الدرب وقّـف .. كمـا العيـر=تشهد لي السـطحـه لياقيـل " كومـار "
هـذا نصيـبـي بـيـن هــم وتفاكـيـر=ياويل حالـي ... آآآه مـن هـم الافكـار
كنت أتصل من شـان ماضـرب مشاويـر=واليـوم لازم اطـوي الـدرب مـشـوار
وش..حيلتي ؟؟ والوضع ماعاد بـه خيـر=وش..حيلتي ؟؟ مادام صـار الـذي صـار
وش..حيلتـي ؟ والوضـع يحتـاج تغييـر=آنـا بـدار ... وصاحبـي دونـه ديــار
ومادامنـي فقـري .. وماملـك دنانـيـر=ماملك سـوى الاثبـات وأوراق الاشعـار
مابـه ورى الجـوال كـود المخاسـيـر=هـذي الحقيقـه ماتبـي كثـر الاشــوار
بشير اللويش
هذه القصيده تجسد معانات الشاعر بشير اللويش مع ظروفه القاسيه
اترككم معها امل ان تحوز على رضاكم ،،
أوذانــي الـجـوال بكـثـر الفواتـيـر=وانـا رصيـدي للأسـف كلّـه أصـفـار
والبـوك حتّـى البـوك مـابـه دنانـيـر=مابـه سـوى الإثبـات وأوراق الاشعـار
غلبـان .. والغلبـان مـن ويـن مايسيـر=يسـرح خيالـه بالعنـا ويــن مـاسـار
جتنـي الرسايـل واضـحـه بالتقـاريـر=تطلبنـي آســدد .. وتنـذرنـي إنــذار
ويـن المصـاري ؟ هاتهـا دون تاخـيـر=والا فصلنـا هاتـفـك عـبـر الاقـمـار
ونـدّون إسمـك بالسـجـلات وتصـيـر=ف..بلاك لسـت وعقبهـا مامـن اعـذار
وآقـول ياعالـم .. ومـاهـي معـاذيـر=اقـسـم قـسـم بالله عــلاّم الاســرار
لـو عنـدي الامـوال مثـل الهوامـيـر=لآخـذ علـى نفسـي تعـهـد وإقــرار
إنـي لسـدد كـاش .. مـن دون تقصيـر=وأمشي على ماريـد فـي كـل الاقطـار
أبي مـع الصحـرا علـى كفّـي الطيـر=فـي نزهـةٍ مابيـن عذفـا ... وسـنّـار
مستانـسٍ فـي روض عشـب ونواويـر=هذا هـواي .. وموتـري جيـب فكسـار
لكن ظروف الوقـت .. والراتـب يسيـر=أقصاط فـي أقصـاط .. ورويتبـي طـار
بين الهمـوم .. وبيـن ظـروفٍ طوابيـر=والـلـي بـقـى مافـيـه يــنٍ ودولار
اللـي بقـى معـروف فـي قاعـة البيـر=للموتـر اللـي عادتـه وقـفـت الـقـار
المـوتـر الـلـي بلّـشـن بالمخاسـيـر=فـي كـل مـرّه لـه مواقـف وتـذكـار
مرّه من الكهـرب .. ومـرّه مـن القيـر=ونوب .. يتهزهز .. تقل يرقص على الطار
لامن نويت الدرب وقّـف .. كمـا العيـر=تشهد لي السـطحـه لياقيـل " كومـار "
هـذا نصيـبـي بـيـن هــم وتفاكـيـر=ياويل حالـي ... آآآه مـن هـم الافكـار
كنت أتصل من شـان ماضـرب مشاويـر=واليـوم لازم اطـوي الـدرب مـشـوار
وش..حيلتي ؟؟ والوضع ماعاد بـه خيـر=وش..حيلتي ؟؟ مادام صـار الـذي صـار
وش..حيلتـي ؟ والوضـع يحتـاج تغييـر=آنـا بـدار ... وصاحبـي دونـه ديــار
ومادامنـي فقـري .. وماملـك دنانـيـر=ماملك سـوى الاثبـات وأوراق الاشعـار
مابـه ورى الجـوال كـود المخاسـيـر=هـذي الحقيقـه ماتبـي كثـر الاشــوار
بشير اللويش