أزمـــــة مــواعيـــن

[شواق]

وحده يتسلف زوجها الف ريال ويحطها على راتبه الــ 2500 ريال عشان يشتري لها جهاز اي فون ويروح هالزوج يتسلف لتغطيه مصاريف بيته وعياله الى نهاية الشهر




والثانيه راتبها فوق الــ 15 الف ريال وصايرتن مثل مندوب المشتريات بالجهات الحكوميه لو تشري لعيالها عصير بالسوق جت لزوجها وقالت عطني انا شريت لعيالك بها الكثر .. !! فهي تجيد استخدام النصوص القرآنيه الكريمه فيما يعود لصالحها



وتعتبر أن الانفاق عليها جزءً من تحقيق كرامتها وتنفيذٌ لقوله تعالي (وَلِلرِّجَالِ عَلَيْهِنَّ دَرَجَةٌ) وقوله سبحانه : (الرِّجَالُ قَوَّامُونَ عَلَى النِّسَاء بِمَا فَضَّلَ اللّهُ بَعْضَهُمْ عَلَى بَعْضٍ وَبِمَا أَنفَقُواْ مِنْ أَمْوَالِهِمْ ) ولايمر شهر الا تقول لزوجها عطني مصروفي ومصروف عيالك وياويلك يالزوج لو تبدي تذمرك ولا تتهمها بالبخل لانها بترد عليك على طول استدلالاً بها النصوص الشرعيه



..



وبادئ ذي بدء ولكي لايطمر علينا من يتهمنا بمعاداة المرأه لكي يلوي عنق الموضوع ويمسكنا جاده اخرى ساقول مستعينا بالله : كلامنا عن ظاهره معينه وموجوده على ارض الواقع ولاحد ينكرها وكلامنا عنها لايعني عدم وجود نماذج اخرى عكس ماذكرنا فاركدوا بارك الله فيكم ..





المهم نرجع لمحورنا عن الجبروت النسائي المغلف بالاستكانه .. ان الزوج المسكين ضايع بالطوشه ان قصر والله معطيه قالوا بخيل وان عطى وهو حاله ضعيف قالوا خبل ( وراغبتن عليه الحرمه http://www.x333x.com/smiles/data/17/014.gif ) والاكيد انه لو عطي حلاله وماله كله وعلى مدار سنين عديده وقصر يوم واحد راح تهب فيه وتقوله ( ماعمري شفت منك خير ابد ) يعني ماعندها مشكله تمسح تاريخه الحاتمي معها كله بثوانيhttp://www.x333x.com/smiles/data/17/011.gif..




بعض الحريم من تطلع للدنيا لابد ان تحط قدامها نموذج او كائنه حيه اخرى تتجاكر معها وطبعا يختلف نوع المجاكر حسب العمر وباختلاف العمر يختلف مضمون المجاكر .. فمن هي طفله تتجاكر مع باقي الاطفال من بنات عماتها او خالاتها على العابها وان عندها العروسه الفلانيه واللعبه الفلانيه وبعد ماتكبر شوي يكون المجاكر في الشباشب تكرمون مدري وش سبب اهتمام المراهقات بالشباشب واضف اليها نوع الجوال وبعد ماتزوج وترزق باطفال ينتقل المجاكر لحياتها الزوجيه وبيتها والسفر وعاده مايكون هالشي في اول الحياه الزوجيه ويستمر لغاية اواخر الثلاثينات وبعد مايكبرون العيال .. وحتى في الكوره والتشجيع تلقاها ماتدري وش الكوره ولا وين ربي حاطها وتقولك اشجع الهلال ( مع الخيل ياشقراء ) بحكم ان اغلب جماهير الهلال من العنصر النسائي والمراهقات تحديداً ، وانها تسمع من البنات انهم هلاليات وتبي تشبب عمرهاوتسوي صغيره فتقولك هلاليه http://www.x333x.com/smiles/data/17/015.gif.. بعكس الجمهور النصراوي اللي اغلب مشجعينه ناس ناضجه وراكده http://www.x333x.com/smiles/data/17/050.gif




وتوصل لمرحله الاربعينات والخمسينات ( سبحان الله مشغلهن الله بكل مرحله عمريه الله ربنا وربهن ) هنا تنتقل ساحات المجاكر والتنافس لميادين اخرى منها المطبخ والمواعين وترامس القهوه والحافظات فالمرأه في الاربعينات والخمسينات قمة غرامها شي اسمه مواعين وأطقم دلال ولا اباريق ولا طقم ببالات وفنجايل .. ولايمر اسبوع الا هي طامره للسباله والا العويس وطاقتن لها ترامس جديده ولا حافظات ولا طقم صين ولا ميلامين .. ونستطيع ربط هالاهتمام بالمواعين بها المرحله بسن اليأس ففي هالعمر ماتقدر على الانجاب او الظهور مثل ماكانت في العشرينات والثلاثينات ولها السبب تتحول بقدرة قادر لانسانه تقدر المواعين



ويمتد هذا التنافس المحموم حتى في الستينات والسبعينات عند العجايز وينحصر عادة في المداحم في صلاة التراويح هذا مكاني .. لا هذا مكانتس .. ولا في أجلة الصلاة



ولاتستغرب لو دخلت مصلي النساء في صلاة التراويح وشفت فراغ بين كل وحده والثانيه يمديك توقف فيه هايلكس .. فكل وحده منهن نفسها بخشمها ومتمسكه بمكانها ولامزحزحها عنه شيhttp://www.x333x.com/smiles/data/17/014.gif







ولدي مونــسّ


تسعى المرأه دائما لخلق عدو وهمي لها او تخصيص عدو افتراضي سواء من الاقارب او الاصدقاء او الجيران والغرض منه رمي مشاكلها النفسيه عليه او الصحيه يعني دائما وفي حال تعبت أو أوجعها شي ولو كان صداع سرعان ماترمي الكره في مرمي العين والحسد وإنها منظوره وإن اللي فيها نفس ولا عين فلانه عقب ماشافتها في عرس الفلانhttp://www.x333x.com/smiles/data/17/87.gif ..( والعرس اصلا رايحن ثلاث ارباعه كله تخزخز ومن الحضور كافه ) وهالربط بين العين والمشاكل الصحيه مستمر وملازم لكل الفئات العمريه النسائيه .. والمصيبه لاجاك بـزرها متبقطتن خدوده من العافيـه ماشاء الله ولاجـت عنـد احــد قالـت ( والله ولدي مونس ماعاد ياكل !!) وهو لو تحــط قدامه وجبـة مــاك رمّها بقراطيسها http://www.x333x.com/smiles/data/17/013.gif..<< بس يقالك تطفي العيون عنه وين تطفين العيون وانتي مثل اللي تسد لها مدخل سياره بعلبة ببسي




وفي عالم السحر والشعوذه للاسف اكثر المتعاملات فيه نساء واكثر مايستخدمنه اما لتفريق او لمحبهhttp://www.x333x.com/smiles/data/17/024.gif . وهن لو يجي طاري هالسحر عندهن كل وحده نفضت جيبها ( إسم الله علينا إسم الله علينا )..



ولو افترضت ان اسباب العين موجوده ( والعين حق ) وكانت أحد أهم هالاسباب هي الزواجات هل تتوقعون مقاطعتهن لهذه الزواجات ؟ .. مستحيل http://i1.makcdn.com/m002/arb3/vb/smilies/g10s%20(42).gif



لأن اتوقع لو أجتمع الانس والجن لمنعها من حضور زواج ماقووها



اضف عليها انه بحرمانهن من حضور هالزواجات سيحرمن من مايصاحبها من احداث ومشاوير ومشاغل وروحات وجيات واستديو تحليلي بعد كل زواج >> اهم شيhttp://www.x333x.com/smiles/data/17/010.gif



وعجيبات هالحريم كيف كل وحده منهم مدهره عشان تكون اللي مامثلها احد في ذيك المناسبه وبالاخير تشكي اصابتها بالعين وش له تروحين طيب ؟http://www.x333x.com/smiles/data/17/014.gif




العين حق ولكن ماهو ترمي كل مشاكلك على العين وحسد الاخرين لك .. تلقى من تقول فيني عين ماتحُصّن نفسها بالاذكار و بعيده عن ربها وربما هي نفسها دايم ماتحكي بالناس وتتعرض لهم




مدري وش السر للان في غرابه مجتمعنا فحنا غير بكل شي



فالمرأه تحس وانت تشوف بعض المشاهد والتصرفات انها ماتقدر تسد فمها ابد



فكم من ناقله لتفاصيل مايدور ببيتها عند الزميلات والصديقات



وكم من ناقله لتفاصيل بيت زميله او صديقه وثقت فيها واخبرتها عن مشكله زوجيه تمر بها



لدرجه بعضهن تحس محلوفن عليها ماتكتم سر http://www.x333x.com/smiles/data/17/009.gif



كفانا الله وياكم وأمة محمد صلى الله عليه وسلم أجمعين شر العين والحسد والسحر ونسأل الله جل في عُلاه ان يرفع عن كل مُبتلى آمين







على الهامش


ترسل احداهن لبدايه



زوجي مهمل بيته وعياله ونايم وهي مخليه زوجها وقاعدتن تراسل القناه الساعه 2 بالليل





والسؤال التقليدي المحوم للتسبد اللي ماتمر دقيقه الا تشوفه على شريط الرسايل



يابنات اخر مره جتني الــ................ متي يكون موعد ولادتي ؟؟ http://www.x333x.com/smiles/data/17/010.gif




اعتقد ان قناة بدايه اكبر مثال على غرابة بعض هالحريم يعني هل نساء العالم العربي ماعندهن تلفونات يرسلن ؟؟



ام ان اغلب نساء العالم العربي والخليج سعوديات !!












آخـر كــلام





شرديني ..اتبعيني





وزعيني في تضاريس الثواني





في محطات .. ومواني





اهدمي مجدي اللي ضمنّته





ملايين المعاني





احرقي خيمة حناني





شرديني





شردي طيور الأماني





اجبري ايامي ترحل عن زماني





غيري طعم القصايد في لساني





شرديني





اتبعيني





أنا بيتي هناك في اللاشي مكاني ..











وبــس http://www.x333x.com/smiles/data/17/016.gif..

[الجرح ارحم]

يعآفيك ربي ~
ونآآ معك شآآت قنآه بدآيه..
من جد شي تأأفهه وآقل من تآآفه..
ولا وحدهـ ترسل<< ولدي طآآح وانفقش رأأسه ايش اسوي ~~ ولا تقول ولدي شرب زجآآجة عطر شسوووي من جد شي يقهههر وش هالبروود والبيآخه...
وآلبآآقي الله يستر ~

آخوك ~
آلجرح آرحم

[المتميزة 26]

موضوع يونس ويضحك

المشكله ان عدد القنوات التلفزيونيه كل يوم يزداد والمتابعين سعوديين مهما تنوعت توجهاتها

المتابعين سعوديين ... ما شاء الله عليهم وكأن ما عندهم شي غير متابعة التلفزيون ...!!!

ومن جد ما عندهم شي غير متابعة التلفزيون :)

وقناة بداية ممولها الدسم هو سيدات محدودات الثقافة وكثيرات اللقافة
وفي المقابل القنوات الشعرية والنعرات القبلية يمولها ضعاف العقول ملىء الجيوب
من الرجال اللي اصلا ماعندهم ما عندهم ثقافة واتحدى يمر مسج من غير خطأ إملائي

المهم موضوعك حلو واسلوبك احلى ولو انه استفزازي للحريم

تسلم الأنامل يا شواق

[شواق]

يعآفيك ربي ~
ونآآ معك شآآت قنآه بدآيه..
من جد شي تأأفهه وآقل من تآآفه..
ولا وحدهـ ترسل<< ولدي طآآح وانفقش رأأسه ايش اسوي ~~ ولا تقول ولدي شرب زجآآجة عطر شسوووي من جد شي يقهههر وش هالبروود والبيآخه...
وآلبآآقي الله يستر ~

آخوك ~
آلجرح آرحم

هلابك اخوي .. مثل هالمسجات تخليك ودك تكسر التلفزيون وتحسّر على مثل هالعقليات
شاكر لك هالحضور والتعليق

[جنون الورد]

من جد أنا معك
ولكن كنك قسيت
شوي على الحريم
ترى فيه رجال نفس
هالعقليه وبدون زعل
ومشكور وننتظرا بداعك القادم

[|| رحيـــــل ...~]

طرح مميــــــــز جدآ
وآسلوب آكثر من رآئع ..
آعجبني آسلوب آلطرح كثيرآً..
بصرآحه يآشوآق جبتـهـآ صح ..~
كل كلـآمك وآقعي ..~
آحييك على روحك آلمرحه وقلمك آلنآدر ..
http://www.tumaer.com/vb/images/icons/icon453.gif...................{كل آلود}
http://www.3andna.com/photo/ToP/NiCE/3ANDNA_NICE19.gif

[» اِلـَوَفْآءْ بـِنْـتْ]

,




السلام علييكم ,
بقدر مـ أدخل موضوعكَ روُح المرحَ على نفسيّ وآضحكني كثييراً ولآمس الـ وآقعية ,
لكنني آبقى آمرأة آخذتنيّ الحمية العصبية http://www.5foq.com/vb/smail/sm/33458_01226244133.png
لكنني أومن بـ الديمقراطية , آويد كلُ كلمة ذكرتهآ فعلاً تبقى إهتمآمآت المرأة سطحية جداً لآ أدري لمآذا ..!؟
آم لسببَ أن المرأة هذي هي حيآتها منزلهآ .. لبسهآ .. أولادهآ .. لاتدخل في اشيآء كبييرة تحتآج الى عمق تفكيير ,
لآن الرجل هو من تولى هـ آلمسولية وترك لها فرآغ آصبحت تسدة بـ هذه الآهتمآمات ِ
لكنَ هنآكِ نسآء عظيمآتِ يتميزنُ بحنكة وتفكيير قد يكونونْ 20% , لكنهم يبقونَ فخراً للمرأة
منهم من تحملتِ مسولية أبنآئها , وكافحت الحياة مع زوج مهمل لبيتة , أو مدمن لـ مخدارتِ صارعتِ الحياة وعاشتِ ,
منهن من ترملتِ صغيرة وآخذت دور الأم والأب لآبنائها وكافحتِ لتربيهم ,
كم أن هنآك من جانبَ اخر آو خلنآ نقول 40% من الرجآل في هذا الوقت أصبح إهتمآماتة وتفكييرة بشكله ومظهره أكثر من المرأة
ونرآه في شباب هذا الوقت بكثثرة ,

سلمت َ ,


_http://www.5foq.com/vb/smail/rose.gif

[الشيخ حمودي]

تسلم اخوي على الموضوع الرائع فعلا اخي كلامك سليم وبصراحة انا ارى المراة الخليجة عموما والسعودية خصوصا تحتاج لدورات تثقيفية في الحياة الزوجية والاهم تثقيف للمرأة الموظفة في كيفية التعامل مع الراتب لأن والله اكثر نساءنا يروح راتبها الضعيفة على خررررررابيط0000000

[شواق]

موضوع يونس ويضحك

المشكله ان عدد القنوات التلفزيونيه كل يوم يزداد والمتابعين سعوديين مهما تنوعت توجهاتها

المتابعين سعوديين ... ما شاء الله عليهم وكأن ما عندهم شي غير متابعة التلفزيون ...!!!

ومن جد ما عندهم شي غير متابعة التلفزيون :)

وقناة بداية ممولها الدسم هو سيدات محدودات الثقافة وكثيرات اللقافة
وفي المقابل القنوات الشعرية والنعرات القبلية يمولها ضعاف العقول ملىء الجيوب
من الرجال اللي اصلا ماعندهم ما عندهم ثقافة واتحدى يمر مسج من غير خطأ إملائي

المهم موضوعك حلو واسلوبك احلى ولو انه استفزازي للحريم

تسلم الأنامل يا شواق

للاسف فيهن متعلمات وطالبات ومن كل فئات المجتمع ..

اشكر لك طلتك يالمتميزه

[شواق]

من جد أنا معك
ولكن كنك قسيت
شوي على الحريم
ترى فيه رجال نفس
هالعقليه وبدون زعل
ومشكور وننتظرا بداعك القادم

هالحين وش دخل الرجال بالسالفه
ادري ماهم خالين ويبلهم من يفرد لهم موضوع خاص فيهم ولكن كلامنا عن هالظاهره محل الموضوع
البارح وحده تقول الفزعه ولدي طالبين منه ثلاث مواضيع للإذاعه ؟؟
يعني عجزت لاتشغل مخها وتجيب موضوع لولدها ..
دمت بخير

[شواق]

طرح مميــــــــز جدآ

وآسلوب آكثر من رآئع ..
آعجبني آسلوب آلطرح كثيرآً..
بصرآحه يآشوآق جبتـهـآ صح ..~
كل كلـآمك وآقعي ..~
آحييك على روحك آلمرحه وقلمك آلنآدر ..
http://www.tumaer.com/vb/images/icons/icon453.gif...................{كل آلود}

http://www.3andna.com/photo/ToP/NiCE/3ANDNA_NICE19.gif




ياهلا بك يارحيــــــل
واشكر لك طلتك

[شواق]

,





السلام علييكم ,
بقدر مـ أدخل موضوعكَ روُح المرحَ على نفسيّ وآضحكني كثييراً ولآمس الـ وآقعية ,
لكنني آبقى آمرأة آخذتنيّ الحمية العصبية http://www.5foq.com/vb/smail/sm/33458_01226244133.png
لكنني أومن بـ الديمقراطية , آويد كلُ كلمة ذكرتهآ فعلاً تبقى إهتمآمآت المرأة سطحية جداً لآ أدري لمآذا ..!؟
آم لسببَ أن المرأة هذي هي حيآتها منزلهآ .. لبسهآ .. أولادهآ .. لاتدخل في اشيآء كبييرة تحتآج الى عمق تفكيير ,
لآن الرجل هو من تولى هـ آلمسولية وترك لها فرآغ آصبحت تسدة بـ هذه الآهتمآمات ِ
لكنَ هنآكِ نسآء عظيمآتِ يتميزنُ بحنكة وتفكيير قد يكونونْ 20% , لكنهم يبقونَ فخراً للمرأة
منهم من تحملتِ مسولية أبنآئها , وكافحت الحياة مع زوج مهمل لبيتة , أو مدمن لـ مخدارتِ صارعتِ الحياة وعاشتِ ,
منهن من ترملتِ صغيرة وآخذت دور الأم والأب لآبنائها وكافحتِ لتربيهم ,
كم أن هنآك من جانبَ اخر آو خلنآ نقول 40% من الرجآل في هذا الوقت أصبح إهتمآماتة وتفكييرة بشكله ومظهره أكثر من المرأة
ونرآه في شباب هذا الوقت بكثثرة ,

سلمت َ ,


_http://www.5foq.com/vb/smail/rose.gif



أجل اخذتك الحميه للحريم يالوفاء:91:

بالتأكيد كلامي ماهوب معمم وتبقى نماذج نشوفها عكس كل ماذكرت
وفيه من النساء من صنعت من أبناءها رجالا يشار لهم بالبنان وهن أميات
وحديثنا عن اللي ذكرت في الموضوع لاينفى وجود هالنماذج الرائعه

[شواق]

تسلم اخوي على الموضوع الرائع فعلا اخي كلامك سليم وبصراحة انا ارى المراة الخليجة عموما والسعودية خصوصا تحتاج لدورات تثقيفية في الحياة الزوجية والاهم تثقيف للمرأة الموظفة في كيفية التعامل مع الراتب لأن والله اكثر نساءنا يروح راتبها الضعيفة على خررررررابيط0000000


الله يسلمك من كل شر .. وفعلا كلامك في محله ولكن الدورات مهما عُملت ونُـفذت ماراح تفي بالغرض المنشود .. يبيلنا غربله كامله لكثير من المفاهيم
خالص الود

[جلنارالوشم]

أوافقك في نقاط وأخالفك في أخر:139:ى,ننتظرطرحك الخاص بالرجال,,أنصفنا:sffdsvd::104:.

[قوت القلوب]

موضوع حسآس ووآقعي في نفس الوقت
ويبدو لي أنك غاضب جدا من معشر النساء ولكني مع ذلك اؤيدك إلى حد ما في كلآمك رغم اني امرآه
اخي الكريم نعم هذه النوعية من النساء للاسف موجودة وتتزايد بشكل كبير
ويبدو لي انك غآضب جدآ من معشر النسآء ولكني مع ذلك اؤيدك الى حد مافي كلآمك رغم اني امرآة
ولكن أتعلم من السبب ..!
أنتم معاشر الرجال حينما تخليتم عن القوامة أنتكست الأدوار
لو كل رجل عمل برجولته بشكل سليم لما وجدت تلك النوعيات التي تأخذ ولا تعطي
قالوها المره من رجالها والفرس من خيالها والله اذا صارت لاقيه احد معطيها وجه بتدلل ليش لا من يحصلها رجل مايرفض طلبها

ومن ناحية العين فهناك الكثير من الناس وخصوصآ النساء من تراها تخاف منالعين (http://forum.mn66.com/t71338.html)خوف شديد لدرجة الوسوسه مايقولون قضاء وقدر ومكتوب وما عرفوا معني الاية (لن يصيبنا إلا ما كتب الله لنا)

وبالنسبه لقناة بدايه ومايوجد فيه من رسائل تافه ترسلها المرآه فهي تعتمد على طبيعتها وحبها للثرثره والشكوى وهي تعرف ان الحل بيدها
تقبل مروري من هنا
لآهنت

[شواق]

أوافقك في نقاط وأخالفك في أخر:139:ى,ننتظرطرحك الخاص بالرجال,,أنصفنا:sffdsvd::104:.




مشكوره لطلتك جلنار ..

[ملح سديـر]

موضوع حسآس ووآقعي في نفس الوقت
ويبدو لي أنك غاضب جدا من معشر النساء ولكني مع ذلك اؤيدك إلى حد ما في كلآمك رغم اني امرآه
اخي الكريم نعم هذه النوعية من النساء للاسف موجودة وتتزايد بشكل كبير
ويبدو لي انك غآضب جدآ من معشر النسآء ولكني مع ذلك اؤيدك الى حد مافي كلآمك رغم اني امرآة
ولكن أتعلم من السبب ..!
أنتم معاشر الرجال حينما تخليتم عن القوامة أنتكست الأدوار
لو كل رجل عمل برجولته بشكل سليم لما وجدت تلك النوعيات التي تأخذ ولا تعطي
قالوها المره من رجالها والفرس من خيالها والله اذا صارت لاقيه احد معطيها وجه بتدلل ليش لا من يحصلها رجل مايرفض طلبها

ومن ناحية العين فهناك الكثير من الناس وخصوصآ النساء من تراها تخاف منالعين (http://forum.mn66.com/t71338.html)خوف شديد لدرجة الوسوسه مايقولون قضاء وقدر ومكتوب وما عرفوا معني الاية (لن يصيبنا إلا ما كتب الله لنا)

وبالنسبه لقناة بدايه ومايوجد فيه من رسائل تافه ترسلها المرآه فهي تعتمد على طبيعتها وحبها للثرثره والشكوى وهي تعرف ان الحل بيدها
تقبل مروري من هنا
لآهنت


اوافق اختـي قوت القلوب

واللي توضح لي انك مـتـأبع لشريط بدايه ههههههههههههه

[اخبارها ايامك]

ووالله انك صاازن وبقوووووه
في كل ماكتبت بس مو كلهم اغلبهم ههههههع

[شواق]

ولكن أتعلم من السبب ..!
أنتم معاشر الرجال حينما تخليتم عن القوامة أنتكست الأدوار
لو كل رجل عمل برجولته بشكل سليم لما وجدت تلك النوعيات التي تأخذ ولا تعطي
قالوها المره من رجالها والفرس من خيالها والله اذا صارت لاقيه احد معطيها وجه بتدلل ليش لا من يحصلها رجل مايرفض طلبها



كثير من الرجال يعمل برجولته وقوامته وحرمته من هالنوعيه ... واللي هذا طبعها ياقوت راجع لخلفيات سابقه وأرث فكري معشش براسها ماهوب من الرجال اللي هي متزوجته ولا كم من رجال كفو وشهم ولكن ماتوفق في حرمتن سنعه ، ان حاول يعدلها بيده .. قالوا يمد يده .. وان تزوج عليها شُنت عليه حرب .. وان طلقها دُعي عليه
والله يعين الرجال عليكم

[mona ali]

المرأه هي أم الرجال وأخت الرجال ومربية الأجيال




أكيد عشان يشتري لها اى فون لان مصاريف البيت والعيال والأجار عليها استخسرت الاي فون في العشر سنين مره وأنت ماشاء الله ليش ماخذها راتبها 15ألف وشرطة تصير موظفه عشان تقول عطني ريال العصير؟ أو تعمر العماره وتشتري السياره وتشرط أنها بأسمك عشان ماتفشل عند ربعك وأنت من أهتماماتك تركيب جنوط وفك جنوط وتركيب توانكي وقبلكم عند السنيدي للرحلات كلن له أهتماماته


نسيت المطامر في الشوارع والتفحيط والمغازل http://www.tumaer.com/vb/images/icons/give_rose313.gifومراكض ورى الضبان ثم جك الحرمه وضفك وكدت عليك


والمجاكر أصلاً ماعندك وقت للمجاكر لان كل إلي تبيه جابته لك الحرمه حتى خلقانك تشريها


وأن شافت شي زين تشريه لك وأتحداك إذا شفت شي يعجبك تشريه لها ياكثر ماتعطى المراه ويقل ماتاخذ وش عليك منها راحت للعرس ولا جت ماخسرت شي


بالنسبه لصلاة التراويح أقل شي صلت وهي وراها مسؤليات
مهوب مثلكم إذا جاء رمضان أن صليت الفرض وتسليمتان فانت مطوع لعب كوره وكيرم وخراط http://www.tumaer.com/vb/images/icons/333333.gif


وبالنسبه للصخاين أشو أنكم أنتم الونانين لو يجيك زكمه مت وقلت انا اليوم موات من الونونه ومن يدهنك ويدلك ويداويك ؟


ولاهي تسخنها وتقوم بك أنت وعيلانك


ياكثر مايمسكون ونسمع ساحر ولا نسمع ساحره


(فكم من ناقله بتفاصيل مايدور)والرجال في هذا الوقت أردى الله يرحم شيبانا ما كانوا يتكلمون إلا في الصالح ولا يجبون طاري الحرمة أبد والدلالة أنك قاعد أكثر مايقارب ساعتان يسبسب من ناكر المعروف الحين ؟




وفي الأخير أقول لك مالك غناه عن الحرمة من يوم تموت من غير شر أويجيها من أمور الدنيا شي يبدأ يدور حرمه من المقبره


أما المرأه نادراً تتزوج ولكم وربتكم وصرفت عليكم هي أم الرجال وأخت الرجال ومربية الأجيال

[شواق]

اوافق اختـي قوت القلوب

واللي توضح لي انك مـتـأبع لشريط بدايه ههههههههههههه


شاري لي ريسيفر جديد وتو مابعد عرفت برمجته ودهاليزه وحطها ربي بين اهم قناتين اتابعهم .. صرت من تالي اغمض لاجيت اغير http://www.x333x.com/smiles/data/17/035.gif

وسواء شفت ولا ماشفت محد ينكر ان 95% من هاللي يرسلن من مجتمعنا السعودي

[شواق]

ووالله انك صاازن وبقوووووه
في كل ماكتبت بس مو كلهم اغلبهم ههههههع





المصيبه انه اغلبهم http://www.x333x.com/smiles/data/17/008.gif

[شواق]

والدلالة أنك قاعد أكثر مايقارب ساعتان يسبسب من ناكر المعروف الحين ؟









الاخت منى منفعله بزياده الظاهر .. مبين من الرد جايه داعسه تحسب الدعوى فزعه

السالفه هي انتقاد ظاهره في المجتمع وهي حاصله وموجوده ودفاعك المستميت ماهوب مغير شي من هالواقع ..

تناولت شخصي قليلا ( واعلم انه موجه للرجل بدون تحديد ) فليس كل الرجال مقابلين السنيدي ويغيرون جنوط .. ولا بالبر يطردون ضبان ..

وليس الكل من تشتري له حرمته ولا يطمع في حلالها .. هذا للتوضيح فقط ..

اما ماتكلمت عنه في الموضوع وعشان بس تكون الصوره واضحه لك فهو تسليط ضوء على فئه موجوده في المجتمع وتسليطنا الضوء على هالفئه ماينكر وجود فئه عكسها ولكن ماتكلمنا عنهم غالبيه للاسف ..

فمثلا عندما يكتب احدهم مقال عن ظاهره المخدرات او ترك الصلاه فمن الطبيعي ان يكون المقال متناول لمن يتعاطى المخدرات او يترك الصلاه وعواقب ذلك وتصرفاتهم .. يعني مايجي يتكلم عن الناس الاسوياء الصالحين لان المقال يتناول ويسلط الضوء على فئه معينه .. ونفسها هالمقال فكلامنا عن هالنماذج لايعني عدم وجود نماذج اخرى مغايره لما ذكرت ..

بس ودي اعرف وش سالفه هالساعتين اللي انا مقتبس فوق لان مافهمت وش معناها ..


والدلاله انك قاعد اكثر مايقارب ساعتان يسبسب >>>>>> جبت القاموس اللغوي وعجزت افككها عيت تجيhttp://www.x333x.com/smiles/data/17/017.gif



ولكن ومن باب الاحتياط وحسب فهمي البسيط بانك تذكرين باني انكر معروف ومثلي مثل من تنتقد زوجها وتحكي في الناس
ولهذا اقول مستعينا بالله ومستعيذا به من الشيطان الرجيم ونافثا ثلاثاً عن يساري عشان احجّر لابليس مايغدي له مدخل


فالكتابه الاجتماعيه تشمل اغلب الجوانب الحياتيه مره اسريه ومره اقتصاديه ومره رياضيه ومره سياسيه وان كنت ساطبق او أبني على كلامك واعتبر ان كل كاتب يكتب مقال فهو يتكلم عن مشاكل شخصيه فمعناها ان الكتاب الصحفيين أكثر ناس معقدين وعندهم اكبر مشاكل في التاريخ لانهم كل يوم يكتبون عن مشكله وظاهره اجتماعيه ( اكيد انهم يمرون فيها ) <<< بناء على وجهة نظرك الكريمه الحكيمه المبجله التي لاتحتمل التأويل أو الخطأ

بالتأكيد لا .. فهم ينقلون لنا مشاهدات وملاحظات يستقونها من المجتمع سواء بالملاحظه المباشره او من خلال مايسمعون او يرون او يصلهم من أناس اخرين وكل يوم او في كل مقال ينقلون لنا ويناقشون احدى هذه الظواهر او المشاهدات اجتماعيه كانت ام اقتصاديه ام سياسيه او غيرها

دمتي بخير



علوم المطر ياعيال http://www.x333x.com/smiles/data/17/019.gif


..

[mona ali]

ماشاء الله اشوى انك دريت ان هالفئة قليلة من الرجال ومن باب اولى في مجتمع تمير اقل في النساء ولا وحدة في المية الا اذا كان المجتعمع الي حولك هذي طبايع حريمهم واحمد ربك ان الحرمة راحت توسع صدرها في مواعين ماهو في شي حرام وانا مادعست الله اعلم من الي داعس الي ماسك الحرمة في جميع مراحلها العمرية وان دعست وفرملت الله يعينك علي الصقعة http://www.tumaer.com/vb/images/icons/83853.gif

[شواق]

ومن باب اولى في مجتمع تمير اقل في النساء ولا وحدة في المية الا اذا كان المجتعمع الي حولك هذي طبايع حريمهم




ماشاء الله صرتي باحثه في علم الاجتماع ومسوية دراسات وبحوث واحصائيات

الاخت العلامه منى ارجو البعد عن الحده شوي .. وترا اللي على راسه بطحا ........؟

ودفاعك المستميت و انفعالك الزايد يطرح العديد من علامات الاستفهام ؟؟ وكان الكلام موجه لك شخصي .. !!

قد وضحت في ردي السابق ان ماتناولته موجود و ملاحظ في مجتمعنا السعودي ككل وفيه من الاخوات هنا من أقروا بمثل هالاشياء وغيرهم كثير أقروا بها الشي في منتدى آخر نزلت فيه الموضوع

وترا لي كتابات انتقدت فيها الرجال أو بالاصح فئه من الرجال ممن ينطبق عليهم الكلام اللي انتي ذكرتي ..

فانا اكتب بدون تحيز .. واحاول ان اكون موضوعي فيما اطرح

دمتي كما انتي .. وياليت لو تحصنين نفسك يامنى فباحثه قديره علامه مثل حجمك ومكانتك نخشى عليها ان نخسرها ويخسرها الوطن والأمه

أسم الله عليك http://www.x333x.com/smiles/data/17/016.gif

[جلنارالوشم]

الظااااااهرأنك تورطت يااااااأخ/شواق:t18:,لأن بعض الحريم ماراح تخليك ولآلآلآلاراح تقتنع أوتحاول أنهاتفهم للطرح الاعلامي:t106:
رااااح تدوووووووخك:image720:وتنرفزك:t59:بس خلك حلييييييييييم:1245366115qrck96052

[جلنارالوشم]

هوووووّني عليك أخت منى هذا طرح لآأكثرولآأقل
يسبسب>يعني يسبّوألآ!؟

[شواق]

الظااااااهرأنك تورطت يااااااأخ/شواق:t18:,لأن بعض الحريم ماراح تخليك ولآلآلآلاراح تقتنع أوتحاول أنهاتفهم للطرح الاعلامي:t106:
رااااح تدوووووووخك:image720:وتنرفزك:t59:بس خلك حلييييييييييم:1245366115qrck96052


لا ان شاء الله ماتورطت .. وأي طرح لابد من مؤيد ومعارض له .. ولا وش فايدة النقاش والحوار دام الكل متفق على وجهة نظر وحده



هوووووّني عليك أخت منى هذا طرح لآأكثرولآأقل
يسبسب>يعني يسبّوألآ!؟

ماعليه الاخت منى نتقبل رأيها ولو انه فيه حده شوي مايضـــر

بعدين ياجلنار وش سالفة الكلمات معكم جاي على الحروف عرض ولا وش السالفه أشوف كل كلمه يجي معها كم حرف زياده http://www.x333x.com/smiles/data/17/016.gif

[mona ali]

[QUOTE=شواق;1069777]




ماشاء الله صرتي باحثه في علم الاجتماع ومسوية دراسات وبحوث واحصائيات
عظيم شكري وجزيل العرفان منحي شهادة باحثه في علم الاجتماع وبحوث وأحصائيات يأستاذي فأنا أحدى تلاميذك http://www.tumaer.com/vb/images/icons/r3.gifشهادة أعتز بها

[العقل نعمة]

هههههههههههههههههههههه

والله انك صادق يا اخ شواق !

وخاصتن قناة بدايه قمة السخافه والغباء !!!!!!!!!!!!!!

اجل ولدي بلع قرش وش ازين له ؟ يمديه انخنق الولد وانتي ترسلين ؟


هههههههههههههههههه

اما الاخت منى فماله دااعي العصبييييييييييييه !!!!

الا اذا كنتي انتي من اللي يرسلون لبدايه وشواق جرحك !

او ان رجلك موريك نجوم القايله وانتي تكرفين له فمالومك لو حطيتي حرتك بهالموضوع

وماعليه تحمل ياشواق :الهجه :

سلام عليكم

[ولدالعم]

الفرس من خيَالها

[سعود الروقي]

صراحة الموضوع متناثر الآطراف ويشتت القارئ
رغم جودة اغلب النقاط وأهميتها في حياتنا اليومية
الا انها تحتاج عدة مواضيع للنقاش . . ولكن نريد الآهم لذا

من ناحية صرف الرجل على المرأة فـ هذا الآمر واجب
على الرجل كانت المرآة موظفة او عاطلة ان اردنا الكلام الصحيح
بغض النظر عن مستواه المعيشي ولن نتحيز لآي طرف واذا كانت المرآة الآول تسلف
زوجها كي يشتري لها أي شي بعكس الآخرى فهذا شان داخلي لايتدخل في الحقوق
والرجل ليس الزامآ علية الصرف في امور الحياة الغير ضرورية ولكن الآهم
في الآكل والشرب والمسكن والملبس والآمور الآخرى حسب طاقة الشخص وقدرتة المالية
وكلام الناس لايعني شي للرجل العاقل فـ الناس لم تترك أحد حتى من هم في قبورهم لم يسلموا
من البشر العائشة على وجة الآرض مع الآسف الا القليل منهم لذا من الواجب على الرجل
ان يتحمل مسئولياتة الواقعة على عاتقة ولايجعل للمرآة دور في أمور حياتهم المادية لآن
جنس حوا في أي لحظة سوف يقول فعلت لك كذا وكذا حتى لو كان شي تافه لايذكر ؟ :74:


اما صفة نكران الجميل من المرآة للزوج فلا جدال في ذلك فـ هذا امر معروف ومتداول
ولكن اعتقد والعلم عند الله انها تقولها في ساعة غضب يعني من الكرش وليس القلب
وكروشهم مايبي لها توصيف ؟



لاهنت على مقالك

[&بنت تمير&]

يبي لك قعده بس اذا روقت ؟؟؟:72:

[توليب2]

هلا بك اخوي شواق اول
شي مو يديك سواء انا لااحب قناة بداية ولا عمري تابعته شي الثاني

كل الجنسين يهم حقهم اذا صار الحرمة ترسل في بداية الرجال ايضا في القنوت الثانية يتملحون مع ؟؟؟؟

خل عنك الكلام يعني انا معك في بعض الحريم يستهبلون من جد وانا والله ماالومهم لان البعض منحكرة في بيته وزوجه من غير

يـــافي الاستراحات ولا فاق خشتة على النت والا باالتلفزيون الي يشوفكم يقول ماقد شفتوو حرمة وهذا الوقع ولا تقول اكيد هذا زوجك اا حتى الان انسه ا؟؟\\


طيب والي تقول تحب شراء بامواعين مو اساس الواحد باالعمر معين يحب شراء مواعين انا بعض صديقاتي تحب انتقاء بعض الماعين للتغير وهذامافية شي :t180:


طبعنا مثلكم ياالرجاجيل حب الحوس باالسيارات والجنوط وتغير الجوال وغيرها وايضا حب شراء العدة حقت السيارة وملتزمات البر يعني الكل هنا نفس الطينة :t32:

وايضا الفئة الان من الشباب موضةهذا السنة المعاكس لا وبعد ازودك من الشعر بيت والشياب الواحد عندها شباب باالجامعه ولا يستحي على وجه

الي كبرة يتعكف ويجلس باالمسجد وهو فاق خشتة باالمسن والحوال والله مايستحون وبعد فية قناة مدري باالضبط وش اسمة لاني قليل متابعتي للتلفزيون

تعال شف المسخرة في الشريط والاغلبية من الرجال والله كلام ماينقل وش تبون بعد ولا والاغلبية من السعودية وافتخروو فشلوون الله يفشلهم ؟؟؟

هذا كل الي قلتة لا تقول وش دخله في الموضوع انا عارفة وش راح يكون ردك بس حبيت اقول الكل يوجد له سلبيات و+ ومشكور اخوي شواااق