شواق
05 / 10 / 2010, 32 : 04 PM
اليوم / الأثنين 7/ 8/ 1431هــ
خط السير : الرياض – جده – لندن – بيروت – الرياض
موعد الاقلاع : الساعه 2.10 فجراً
بعرج قليلا على موقف صار لي في مطار جده فموعد وصولي لها كان في 8 م ورحلتي للندن 2 الفجر وفيه جلسه يمكن 6 ساعات فقررت اطلع من المطار لاي كوفي شوب قريب من المطار اتكي فيه لين يجي موعد الرحله ومن الفهاوه الزايده يوم نزلت من الطياره لقطت شنطه ماهي لي ( تشابه شنطتي الخالق الناطق ) <<< احسب والله العالم ماصنعت الا لي هالشنطه ، خاصه انه في مطار الرياض ماحط لي التاق المعروف في الشحن الجوي حطي شريط آخر المهم اني مادققت ولقطت الشنطه وطلعت من المطار . رحت لكوفي يبعد 10 دقايق عن المطار وصليت المغرب والعشاء وعقبها رحت لطاولتي وتكيت وطلبت وتعشيت وتقهويت وهات ياشواهي شربتها ذاك اليوم .. يوم جت الساعه 12 وصار باقي ساعتين على الرحله قلت الحين الوقت حلو اني اروح المطار وانا طالع من الكوفي وانا امسك الشنطه بفتحها بطلع منها غرض ، وانا اوزي يدي الا طالع لي شيله وانا اللي اوزيها بعمق الا طالع لي ملابس نسائيه وانا انخبص ( التفكير الحين اني خذت شنطه ناس جايين عمره وهالحين يمديهم وصلوا مكه وانا باقي لرحلتي ساعتين هذي والله الحاله ) ويرشدني ربي اطالع التاق اللي على الشنطه فيه اسم العايله ورقم الحجز وانا اكلم الخطوط ( الحجز ويرد علي الموظف وانا اللي اخمه بالسالفه قال فيه رقم جوال لاهل هالحجز والشنطه دق عليه وشف ) اتصلت على الجوال اللي عطاني الا يطلع مغلق وادق مره ومرتين وثلاث مغلق وبعد مايئست ارسلت مسج ارجو الاتصال للاهميه .. بها اللحظه وصلت المطار باردن وجهي وافكر في تكليف احد اصدقائي بجده يجي ياخذ شنطه الناس ويكلمهم ياخذ شنطتي ويرسلها لي فديكس ولا شحن ولا مع اي احد رايح لندن .. بها اللحظه دق الجوال وانا اللي ارد الا اهل الشنطه قال اللي مسافرين الاهل رايحين عمره ( يوم قال عمره قامت تصور لي شنطتي بلوبي فندق دار التوحيد ) قال بس خذ رقم اخوي معهم كلمه والا بخليه يدق عليك الحين .. وفعلا بيض الله وجهه شوي الا اخوه يدق قال حنا نزلنا ولا لقينا شنطتنا وشفنا شنطتك بحكم الشبه ولا عليها اسم فاستخرت وفتحتها للتاكد الا يوم دريت انها لواحدن زقرت ماهيب لاهلي ورحت بلغت الخطوط انا فاقدين شنطتنا وسجلنا الجوال وخلينا شنطتك مكانها ( طبعا اكلمه وانا طاير رايح للامتعه اللي ماستلموها اهلها وانا اكلمه الا تطيح عيني علي شنطتي وكنها تقولي وش تحس به وانت لاقط شنطه ماهيب لك طالعن فيها رحت واخذتها ورحت قسم الشحن وسلمت شنطة الناس وقال حنا نتصل بهم يجون يستلمونها ومن باب التاكيد كلمت صاحبها وقلت له ترا سلمت شنطتكم وتلقونها بالمطار والعذر والسموحه منكم :t24:..
تم الحجز للذهاب بتاريخ 19/ يوليو 2010 والعوده في 5 اغسطس على الخطوط السعوديه مع استثناء رحلة لندن – بيروت مع الخطوط البريطانيه
اقلعنا بحفظ الله الساعه 2.10 فجراً
http://www.up-tumaer.net/up//uploads/images/tumaer-09c3aa6e8b.jpg
ووصلت للندن بحدود الساعه 6.30 بتوقيت لندن ( الفرق بينا وبينهم ساعتين بالصيف )
الحمد لله تمت الاجراءات بيسر وسهوله وكذلك استلام العفش وهالمره عاد مامشيت الا متاكد من شنطتي وفاتحها خذت التكسي وشغل عداده وللفندق واسمه lanes brough hyde park London كانت تكلفة المشوار بحدود 60 باوند يعني 350 تقريباً طبعا مو من بعد المشوار ولكن التكاسي بشكل عام غاليه عشان كذا يفضل من يروح للندن يستعمل الباصات والا الاندرقراوند وباصات طبعا مرتبه ونظيفه والتذكره ب 2 باوند ( 12 ريال تقريبا ) وسريعه لان الباصات لها مسارات خاصه ماتعطل .
http://www.up-tumaer.net/up//uploads/images/tumaer-b49d42db26.jpg
http://www.up-tumaer.net/up//uploads/images/tumaer-0c452afbd1.jpg
http://www.up-tumaer.net/up//uploads/images/tumaer-740b53ac89.jpg
ميزه المنطقه اللي فيها الفندق هي قربها النسبي من جميع المواقع السياحيه بلندن ( الهايد بارك ، شارع اكسفورد ، متجر الهارودز ،اجواروود ( شارع العرب ) ، قصر باكنغهام ، بيق بن ، عين لندن ) طبعا هذا بالمشي وولو انك بتمشي مشي مو سهل ولكن توصلها بالمشي والباص احلى وبالاندرقراوند احسن واحسن ..
البرنامج اليومي كان فيه زياره حديقه الهايد بارك بشكل اساسي يعني يومي وكذلك شارع اكسفورد اما المواقع السياحيه فعلى التساهيل يعني بدون جدوله لاطقت بالراس نصيته .خاصه البيكاديلي والهاردوز ( من شرته قطر من محمد الفايد والظاهر ان كل اهل قطر يجون ينامون فيه )
السياح من كل مكان ومن الخليج خاصه الامارات وقطر والكويت والسعوديين الأقل نسبيا من بين السياح الخليجين .
الجو كان معتدل بالفتره اللي رحت فيها لندن يعني لاحر ولا برد واقرب للبراد من للحر خاصه بالليل ان صرت جالس لك بكوفي مكشوف تقول ( وينك يالفروه وتمنى لو تجيب لك غمر ارطى ولا سمر وتشب فيه :t18:) ..
الشحاذه موجوده خاصه في شارع الاجورود ( شارع العرب ) اما في الاماكن الثانيه فشحاذه مرتبه اما يعزف او يعرض عروض بهلوانيه
مابي اطول عليكم وأتركم مع الصور
الهايد بارك
http://www.up-tumaer.net/up//uploads/images/tumaer-40747dbc6d.jpg
http://www.up-tumaer.net/up//uploads/images/tumaer-fab3b97d76.jpg
هنا السياكل لها مسارها وياويلك لو ماتوخر
http://www.up-tumaer.net/up//uploads/images/tumaer-cc45e67c51.jpg
http://www.up-tumaer.net/up//uploads/images/tumaer-6f807b16fd.jpg
http://www.up-tumaer.net/up//uploads/images/tumaer-bf249d1c9d.jpg
http://www.up-tumaer.net/up//uploads/images/tumaer-10ba69af62.jpg
http://www.up-tumaer.net/up//uploads/images/tumaer-6b3fb1fdd4.jpg
بحيره فكتوريا
http://www.up-tumaer.net/up//uploads/images/tumaer-6c46bfb1d1.jpg
http://www.up-tumaer.net/up//uploads/images/tumaer-ac74af2a15.jpg
http://www.up-tumaer.net/up//uploads/images/tumaer-782bc3e86d.jpg
http://www.up-tumaer.net/up//uploads/images/tumaer-e38c273e30.jpg
http://www.up-tumaer.net/up//uploads/images/tumaer-ac883c8fc5.jpg
http://www.up-tumaer.net/up//uploads/images/tumaer-65968d49c5.jpg
واحلالاه يالشوزل:t24:
http://www.up-tumaer.net/up//uploads/images/tumaer-f8ff8596fc.jpg
أكثر مافي الهايد بارك هالسناجب ( من يصيده ولايتعرض له عليه غرامه كبيره )
http://www.up-tumaer.net/up//uploads/images/tumaer-f9001688e0.jpg
http://www.up-tumaer.net/up//uploads/images/tumaer-1a4b1e81d9.jpg
http://www.up-tumaer.net/up//uploads/images/tumaer-ba7d485c3a.jpg
http://www.up-tumaer.net/up//uploads/images/tumaer-f0c3d7f9c3.jpg
http://www.up-tumaer.net/up//uploads/images/tumaer-660b339eef.jpg
http://www.up-tumaer.net/up//uploads/images/tumaer-5551cda8ad.jpg
http://www.up-tumaer.net/up//uploads/images/tumaer-36de20e7a8.jpg
عين لندن ( London Eye )
http://www.up-tumaer.net/up//uploads/images/tumaer-96524f43eb.jpg
http://www.up-tumaer.net/up//uploads/images/tumaer-011c5b12ac.jpg
http://www.up-tumaer.net/up//uploads/images/tumaer-250ac54bf1.jpg
http://www.up-tumaer.net/up//uploads/images/tumaer-e17f78e2ef.jpg
http://www.up-tumaer.net/up//uploads/images/tumaer-741a2b32b9.jpg
http://www.up-tumaer.net/up//uploads/images/tumaer-78a63f162c.jpg
http://www.up-tumaer.net/up//uploads/images/tumaer-d74657c639.jpg
http://www.up-tumaer.net/up//uploads/images/tumaer-7c00690fce.jpg
http://www.up-tumaer.net/up//uploads/images/tumaer-1d0e496b5f.jpg
العربيه للعود موجود بشارع اكسفورد وبشارع اجور رود
http://www.up-tumaer.net/up//uploads/images/tumaer-122d9f735c.jpg
محطه اندرقراوند
http://www.up-tumaer.net/up//uploads/images/tumaer-f2353e836a.jpg
http://www.up-tumaer.net/up//uploads/images/tumaer-fbbeea20e0.jpg
البيكاديلي
http://www.up-tumaer.net/up//uploads/images/tumaer-979e6b458f.jpg
هذا الهرم حق البريطانيين بري مارك تلقاه في اول شارع الاكسفورد رابع عمارة بعد الهايد بارك ومقابل فندق تيستل ماربل ارتش وكمبرلاند ( انصح من يذهب للندن لزيارته تجد كل حاجتك وباسعار مناسبه جدا وبضاعه جيده )
http://www.up-tumaer.net/up//uploads/images/tumaer-5e6b8dd20a.jpg
http://www.up-tumaer.net/up//uploads/images/tumaer-4d958d02aa.jpg
بعد كم يوم قررت اروح للاوتيلت في قرية بستر
الاوتليت او القرية المخفضة يعني مجمع او مكان تلقى فيه جميع محلات الماركات العالميه بس يكون عليها تخفيض كبير والسبب في التخفيض اما انها تكون موديلات الموسم الماضي وهذا اغلب شي او انها موديلات الموسم الحالي بس يكون البضاعه فيها بعض العيوب .. يعني مثلا زرار طايح ولا خياطه مايله من جهه معينه ولا القطعه فيها شي وغيره طبعا من اشهر مراكز الاوتيلت في اوربا هو الموجود بجنب لندن وبالتحديد في بيستر والقرية هذي موجودة بجنب مدينة اوكسفورد اللي فيها الجامعه العريقة والمعروفة..
تبعد عن لندن مسافة ساعه تقريبا بالقطار .. ويمكن بعد تروحون لها عن طريق الباص..
عشان تاصل للاوتليت تنطلق من محطة قطارات في لندن مثل مارليبورن او بادنقتون لقرية بستر ولما تاصل محطة القطارات في بستر (اسمها بيستر نورث) تاخذ تاكسي (ميني باص) وهي موجودة بكثره هناك راح يوصلك للاوتليت بتقريبا 2 الى 3 باوند ويبعد الاوتليت عن محطة القطارات اقل من خمس دقايق..
هذا الاوتيلت فيه اكثر من 120 محل من جميع الماركات العالمية المشهورة في جميع المجالات زي الملابس النسائية والرجالية وملابس الاطفال والاكسسوارات والشنط .
بعض أشهر الماركات الموجوده هناك:
Bally, Clarks, Timberland, Burberry, D&G, Diesel, Levi's, Dior, DKNY, Calvin Klein, Cerruti 1881, Celine, Dunhill, Donna Karan, Ermenegildo Zegna, Guess, Hugo Boss, Kipling, , Puma,
التخفيض على البضايع الموجودة في الاوتليت هذا يصل الى 60% على مدار السنة
وهذي الصور من الطريق من لندن لبستر
http://www.up-tumaer.net/up//uploads/images/tumaer-3a99450309.jpg
http://www.up-tumaer.net/up//uploads/images/tumaer-8d590ff203.jpg
http://www.up-tumaer.net/up//uploads/images/tumaer-488e434a38.jpg
http://www.up-tumaer.net/up//uploads/images/tumaer-7715da5e0a.jpg
http://www.up-tumaer.net/up//uploads/images/tumaer-124750a0f7.jpg
منظر ليلي لعين لندن
http://www.up-tumaer.net/up//uploads/images/tumaer-cfdad75588.jpg
متعوب عليها هاللقطه
http://www.up-tumaer.net/up//uploads/images/tumaer-d44d0b50d0.jpg
في الهايد بارك قهوه عقب العصر :t177:
http://www.up-tumaer.net/up//uploads/images/tumaer-21fbc5873f.jpg
.....
رحلة بيروت
موعد الاقلاع 6 م بتوقيت لندن
الخطوط البريطانيه BMI
وصلت مطار هيثرو على الساعه 3 ونص تقريبا وكانت الاجراءات سهله جدا ولكن خفت من احتساب الوزن الزائد ( هناك مايرحمون ويمكن تدفع قيمه الوزن الزايد تعادل قيمه تذكره طيران جديده وحصل لي هالشي سابقا في مطار دوله اوربيه ولكن الحمد لله تبت من ذيك المره فوزعت العفش بشكل مناسب ) وانا رايح بشنطه وراجع بثنتين ولكن الحمد لله تسهلت الامور ..
أقلعنا برعاية الله
http://www.up-tumaer.net/up//uploads/images/tumaer-fea4b50f12.jpg
http://www.up-tumaer.net/up//uploads/images/tumaer-5ba53c5a99.jpg
http://www.up-tumaer.net/up//uploads/images/tumaer-0ff02fc18b.jpg
ووصلنا بيروت بحدود الساعه 10 ونص مساء والاجراءات بالمطار تمت بسهوله وكان مفترض اخلص بعشر دقايق ولكن ( كان جنبي بالطياره سيده مسنه وساعدتها في تعبئه الاستماره واستلام عفشها ونشبت لي تعزم اسير عليهم )
عاد هالمره كان فيه سائق بانتظاري وهذا ساعدني كثير يعني من الكاونتر واستلام العفش للسياره على طول ( عندهم كداده مثل اللي نشوفهم بمطار الرياض ولكن انصح بالتنسيق وحجز سائق لاستقبالك مسبقا احسن ) .. وللفندق على طول بشارع الحمراء صح وسط البلد زحمه وحر ولكن الفندق كان اكثر من ممتاز ونظيف جدا وراقي
http://www.up-tumaer.net/up//uploads/images/tumaer-0046df4278.jpg
طبعا الزياره اليوميه المجدوله هي السولييدر لفتره مابعد العشاء وهو الشارع الاشهر ببيروت وعليه المقاهي والمطاعم اما فتره مابعد الظهر فهي مفتوحه إما الذهاب لجونيه او طلوع الجبل باتجاه عاليه أو بحمدون
السعوديين غالبيتهم في عاليـــه والكويتين في بحمدون وكانها هذي منطقه سعوديه وهذي منطقه كويتيه .. والاجواء بالجبل طبعا افضل من بيروت من ناحيه انخفاض درجه الحراره ولطافه الجو ..أما الأسعار فغاليه وبشكل مبالغ فيه ..
- انصح من يزور بيروت باستئجار سياره صغيره ( تطلع يوميتها 40دولار ممكن تعادل 150 ريال موديل 2010) وهي افضل طبعا من تكسي ممكن يوديك الجبل ذهاب فقط بنفس هالمبلغ او يمكن ب 60 دولار يعني اذا طلعاتك كثيره ومشاويرك يمكن تدفع 120 دولار باليوم فاستئجار السياره ارحم .. وأما ان كانت مشاويرك محدوده فانصح بصراحه ( بتكسي بيروت ) مكتب خاص وسيارات خاصه فخمه تكلمهم ويرسلون لك السايق بمكانك اللي انت فيه ويقولون لك سعر المشوار قبل ولا فيه مجال للاحتيال وسيارات مرسيدس ولو تبي بانوراما ، اما التاكسي العادي فاغلبهم للاسف شغال استغلال بالخليجيين سواء من ناحية الاسعار او حتى التعامل .
أتركم مع الصور :
http://www.up-tumaer.net/up//uploads/images/tumaer-74f7eb98c9.jpg
الصوره التاليه من مطعم جنة بحمدون
http://www.up-tumaer.net/up//uploads/images/tumaer-1e0353bea2.jpg
مغارة جعيتا
http://www.up-tumaer.net/up//uploads/images/tumaer-f745cda5a1.jpg
http://www.up-tumaer.net/up//uploads/images/tumaer-57e6d25266.jpg
http://www.up-tumaer.net/up//uploads/images/tumaer-4ca11524ff.jpg
جونيه
http://www.up-tumaer.net/up//uploads/images/tumaer-792ed3a26a.jpg
السولييديــر
http://www.up-tumaer.net/up//uploads/images/tumaer-cb84fd1324.jpg
http://www.up-tumaer.net/up//uploads/images/tumaer-d52f88cd84.jpg
http://www.up-tumaer.net/up//uploads/images/tumaer-c2c3985f26.jpg
http://www.up-tumaer.net/up//uploads/images/tumaer-625f957ce3.jpg
http://www.up-tumaer.net/up//uploads/images/tumaer-f594533382.jpg
وحان موعد العوده وكان موعد الاقلاع الساعه 8 بتوقيت بيروت ، هالمره يوم خلصت تسليم العفش الا قدامي شغاله شكلها سيلانيه تصيح طايفتها الرحله وتطلبني اكلم من جوالي على كفيلها اقوله ، قمت كلمته وقلت له ترا شغالتكم راحت عنها الطياره .. شوي الا جايني طاير يجي 20 شغاله مثل وضعها قلت شكل طيار الرحله حقتكم قفلت معه وشغل ومشى فاضي وجهتهم لمكتب الامن بالمطار قلت روحو لهم يسنعونكم وتوجهت للبوابات ( اتذكر دخل وقت المغرب قبل موعد الرحله وحنا جالسين قدام البوابه والمذيع الداخلي للمطار يصدح باغاني فيروز وليييييه هالحين شلون تصلي وهذي تغني واخرتها توكلنا على الله وصلينا وكعادتي اخر من يركب الطياره ( مدري وش هالسر سواء برحله داخليه أو دوليه سواء رحت مبكر ولا متاخر اخر من يركب محاكيكم ) .. اقلعنا بحفظ الله
http://www.up-tumaer.net/up//uploads/images/tumaer-2575984906.jpg
ووصلت الرياض عند العاشره والنصف مساء ..
اتمنى ينال تقريري المتواضع رضاكم
اخوكم : شواق
http://www.alhwamel.com/vb/uploaded/33_01286284748.jpg
خط السير : الرياض – جده – لندن – بيروت – الرياض
موعد الاقلاع : الساعه 2.10 فجراً
بعرج قليلا على موقف صار لي في مطار جده فموعد وصولي لها كان في 8 م ورحلتي للندن 2 الفجر وفيه جلسه يمكن 6 ساعات فقررت اطلع من المطار لاي كوفي شوب قريب من المطار اتكي فيه لين يجي موعد الرحله ومن الفهاوه الزايده يوم نزلت من الطياره لقطت شنطه ماهي لي ( تشابه شنطتي الخالق الناطق ) <<< احسب والله العالم ماصنعت الا لي هالشنطه ، خاصه انه في مطار الرياض ماحط لي التاق المعروف في الشحن الجوي حطي شريط آخر المهم اني مادققت ولقطت الشنطه وطلعت من المطار . رحت لكوفي يبعد 10 دقايق عن المطار وصليت المغرب والعشاء وعقبها رحت لطاولتي وتكيت وطلبت وتعشيت وتقهويت وهات ياشواهي شربتها ذاك اليوم .. يوم جت الساعه 12 وصار باقي ساعتين على الرحله قلت الحين الوقت حلو اني اروح المطار وانا طالع من الكوفي وانا امسك الشنطه بفتحها بطلع منها غرض ، وانا اوزي يدي الا طالع لي شيله وانا اللي اوزيها بعمق الا طالع لي ملابس نسائيه وانا انخبص ( التفكير الحين اني خذت شنطه ناس جايين عمره وهالحين يمديهم وصلوا مكه وانا باقي لرحلتي ساعتين هذي والله الحاله ) ويرشدني ربي اطالع التاق اللي على الشنطه فيه اسم العايله ورقم الحجز وانا اكلم الخطوط ( الحجز ويرد علي الموظف وانا اللي اخمه بالسالفه قال فيه رقم جوال لاهل هالحجز والشنطه دق عليه وشف ) اتصلت على الجوال اللي عطاني الا يطلع مغلق وادق مره ومرتين وثلاث مغلق وبعد مايئست ارسلت مسج ارجو الاتصال للاهميه .. بها اللحظه وصلت المطار باردن وجهي وافكر في تكليف احد اصدقائي بجده يجي ياخذ شنطه الناس ويكلمهم ياخذ شنطتي ويرسلها لي فديكس ولا شحن ولا مع اي احد رايح لندن .. بها اللحظه دق الجوال وانا اللي ارد الا اهل الشنطه قال اللي مسافرين الاهل رايحين عمره ( يوم قال عمره قامت تصور لي شنطتي بلوبي فندق دار التوحيد ) قال بس خذ رقم اخوي معهم كلمه والا بخليه يدق عليك الحين .. وفعلا بيض الله وجهه شوي الا اخوه يدق قال حنا نزلنا ولا لقينا شنطتنا وشفنا شنطتك بحكم الشبه ولا عليها اسم فاستخرت وفتحتها للتاكد الا يوم دريت انها لواحدن زقرت ماهيب لاهلي ورحت بلغت الخطوط انا فاقدين شنطتنا وسجلنا الجوال وخلينا شنطتك مكانها ( طبعا اكلمه وانا طاير رايح للامتعه اللي ماستلموها اهلها وانا اكلمه الا تطيح عيني علي شنطتي وكنها تقولي وش تحس به وانت لاقط شنطه ماهيب لك طالعن فيها رحت واخذتها ورحت قسم الشحن وسلمت شنطة الناس وقال حنا نتصل بهم يجون يستلمونها ومن باب التاكيد كلمت صاحبها وقلت له ترا سلمت شنطتكم وتلقونها بالمطار والعذر والسموحه منكم :t24:..
تم الحجز للذهاب بتاريخ 19/ يوليو 2010 والعوده في 5 اغسطس على الخطوط السعوديه مع استثناء رحلة لندن – بيروت مع الخطوط البريطانيه
اقلعنا بحفظ الله الساعه 2.10 فجراً
http://www.up-tumaer.net/up//uploads/images/tumaer-09c3aa6e8b.jpg
ووصلت للندن بحدود الساعه 6.30 بتوقيت لندن ( الفرق بينا وبينهم ساعتين بالصيف )
الحمد لله تمت الاجراءات بيسر وسهوله وكذلك استلام العفش وهالمره عاد مامشيت الا متاكد من شنطتي وفاتحها خذت التكسي وشغل عداده وللفندق واسمه lanes brough hyde park London كانت تكلفة المشوار بحدود 60 باوند يعني 350 تقريباً طبعا مو من بعد المشوار ولكن التكاسي بشكل عام غاليه عشان كذا يفضل من يروح للندن يستعمل الباصات والا الاندرقراوند وباصات طبعا مرتبه ونظيفه والتذكره ب 2 باوند ( 12 ريال تقريبا ) وسريعه لان الباصات لها مسارات خاصه ماتعطل .
http://www.up-tumaer.net/up//uploads/images/tumaer-b49d42db26.jpg
http://www.up-tumaer.net/up//uploads/images/tumaer-0c452afbd1.jpg
http://www.up-tumaer.net/up//uploads/images/tumaer-740b53ac89.jpg
ميزه المنطقه اللي فيها الفندق هي قربها النسبي من جميع المواقع السياحيه بلندن ( الهايد بارك ، شارع اكسفورد ، متجر الهارودز ،اجواروود ( شارع العرب ) ، قصر باكنغهام ، بيق بن ، عين لندن ) طبعا هذا بالمشي وولو انك بتمشي مشي مو سهل ولكن توصلها بالمشي والباص احلى وبالاندرقراوند احسن واحسن ..
البرنامج اليومي كان فيه زياره حديقه الهايد بارك بشكل اساسي يعني يومي وكذلك شارع اكسفورد اما المواقع السياحيه فعلى التساهيل يعني بدون جدوله لاطقت بالراس نصيته .خاصه البيكاديلي والهاردوز ( من شرته قطر من محمد الفايد والظاهر ان كل اهل قطر يجون ينامون فيه )
السياح من كل مكان ومن الخليج خاصه الامارات وقطر والكويت والسعوديين الأقل نسبيا من بين السياح الخليجين .
الجو كان معتدل بالفتره اللي رحت فيها لندن يعني لاحر ولا برد واقرب للبراد من للحر خاصه بالليل ان صرت جالس لك بكوفي مكشوف تقول ( وينك يالفروه وتمنى لو تجيب لك غمر ارطى ولا سمر وتشب فيه :t18:) ..
الشحاذه موجوده خاصه في شارع الاجورود ( شارع العرب ) اما في الاماكن الثانيه فشحاذه مرتبه اما يعزف او يعرض عروض بهلوانيه
مابي اطول عليكم وأتركم مع الصور
الهايد بارك
http://www.up-tumaer.net/up//uploads/images/tumaer-40747dbc6d.jpg
http://www.up-tumaer.net/up//uploads/images/tumaer-fab3b97d76.jpg
هنا السياكل لها مسارها وياويلك لو ماتوخر
http://www.up-tumaer.net/up//uploads/images/tumaer-cc45e67c51.jpg
http://www.up-tumaer.net/up//uploads/images/tumaer-6f807b16fd.jpg
http://www.up-tumaer.net/up//uploads/images/tumaer-bf249d1c9d.jpg
http://www.up-tumaer.net/up//uploads/images/tumaer-10ba69af62.jpg
http://www.up-tumaer.net/up//uploads/images/tumaer-6b3fb1fdd4.jpg
بحيره فكتوريا
http://www.up-tumaer.net/up//uploads/images/tumaer-6c46bfb1d1.jpg
http://www.up-tumaer.net/up//uploads/images/tumaer-ac74af2a15.jpg
http://www.up-tumaer.net/up//uploads/images/tumaer-782bc3e86d.jpg
http://www.up-tumaer.net/up//uploads/images/tumaer-e38c273e30.jpg
http://www.up-tumaer.net/up//uploads/images/tumaer-ac883c8fc5.jpg
http://www.up-tumaer.net/up//uploads/images/tumaer-65968d49c5.jpg
واحلالاه يالشوزل:t24:
http://www.up-tumaer.net/up//uploads/images/tumaer-f8ff8596fc.jpg
أكثر مافي الهايد بارك هالسناجب ( من يصيده ولايتعرض له عليه غرامه كبيره )
http://www.up-tumaer.net/up//uploads/images/tumaer-f9001688e0.jpg
http://www.up-tumaer.net/up//uploads/images/tumaer-1a4b1e81d9.jpg
http://www.up-tumaer.net/up//uploads/images/tumaer-ba7d485c3a.jpg
http://www.up-tumaer.net/up//uploads/images/tumaer-f0c3d7f9c3.jpg
http://www.up-tumaer.net/up//uploads/images/tumaer-660b339eef.jpg
http://www.up-tumaer.net/up//uploads/images/tumaer-5551cda8ad.jpg
http://www.up-tumaer.net/up//uploads/images/tumaer-36de20e7a8.jpg
عين لندن ( London Eye )
http://www.up-tumaer.net/up//uploads/images/tumaer-96524f43eb.jpg
http://www.up-tumaer.net/up//uploads/images/tumaer-011c5b12ac.jpg
http://www.up-tumaer.net/up//uploads/images/tumaer-250ac54bf1.jpg
http://www.up-tumaer.net/up//uploads/images/tumaer-e17f78e2ef.jpg
http://www.up-tumaer.net/up//uploads/images/tumaer-741a2b32b9.jpg
http://www.up-tumaer.net/up//uploads/images/tumaer-78a63f162c.jpg
http://www.up-tumaer.net/up//uploads/images/tumaer-d74657c639.jpg
http://www.up-tumaer.net/up//uploads/images/tumaer-7c00690fce.jpg
http://www.up-tumaer.net/up//uploads/images/tumaer-1d0e496b5f.jpg
العربيه للعود موجود بشارع اكسفورد وبشارع اجور رود
http://www.up-tumaer.net/up//uploads/images/tumaer-122d9f735c.jpg
محطه اندرقراوند
http://www.up-tumaer.net/up//uploads/images/tumaer-f2353e836a.jpg
http://www.up-tumaer.net/up//uploads/images/tumaer-fbbeea20e0.jpg
البيكاديلي
http://www.up-tumaer.net/up//uploads/images/tumaer-979e6b458f.jpg
هذا الهرم حق البريطانيين بري مارك تلقاه في اول شارع الاكسفورد رابع عمارة بعد الهايد بارك ومقابل فندق تيستل ماربل ارتش وكمبرلاند ( انصح من يذهب للندن لزيارته تجد كل حاجتك وباسعار مناسبه جدا وبضاعه جيده )
http://www.up-tumaer.net/up//uploads/images/tumaer-5e6b8dd20a.jpg
http://www.up-tumaer.net/up//uploads/images/tumaer-4d958d02aa.jpg
بعد كم يوم قررت اروح للاوتيلت في قرية بستر
الاوتليت او القرية المخفضة يعني مجمع او مكان تلقى فيه جميع محلات الماركات العالميه بس يكون عليها تخفيض كبير والسبب في التخفيض اما انها تكون موديلات الموسم الماضي وهذا اغلب شي او انها موديلات الموسم الحالي بس يكون البضاعه فيها بعض العيوب .. يعني مثلا زرار طايح ولا خياطه مايله من جهه معينه ولا القطعه فيها شي وغيره طبعا من اشهر مراكز الاوتيلت في اوربا هو الموجود بجنب لندن وبالتحديد في بيستر والقرية هذي موجودة بجنب مدينة اوكسفورد اللي فيها الجامعه العريقة والمعروفة..
تبعد عن لندن مسافة ساعه تقريبا بالقطار .. ويمكن بعد تروحون لها عن طريق الباص..
عشان تاصل للاوتليت تنطلق من محطة قطارات في لندن مثل مارليبورن او بادنقتون لقرية بستر ولما تاصل محطة القطارات في بستر (اسمها بيستر نورث) تاخذ تاكسي (ميني باص) وهي موجودة بكثره هناك راح يوصلك للاوتليت بتقريبا 2 الى 3 باوند ويبعد الاوتليت عن محطة القطارات اقل من خمس دقايق..
هذا الاوتيلت فيه اكثر من 120 محل من جميع الماركات العالمية المشهورة في جميع المجالات زي الملابس النسائية والرجالية وملابس الاطفال والاكسسوارات والشنط .
بعض أشهر الماركات الموجوده هناك:
Bally, Clarks, Timberland, Burberry, D&G, Diesel, Levi's, Dior, DKNY, Calvin Klein, Cerruti 1881, Celine, Dunhill, Donna Karan, Ermenegildo Zegna, Guess, Hugo Boss, Kipling, , Puma,
التخفيض على البضايع الموجودة في الاوتليت هذا يصل الى 60% على مدار السنة
وهذي الصور من الطريق من لندن لبستر
http://www.up-tumaer.net/up//uploads/images/tumaer-3a99450309.jpg
http://www.up-tumaer.net/up//uploads/images/tumaer-8d590ff203.jpg
http://www.up-tumaer.net/up//uploads/images/tumaer-488e434a38.jpg
http://www.up-tumaer.net/up//uploads/images/tumaer-7715da5e0a.jpg
http://www.up-tumaer.net/up//uploads/images/tumaer-124750a0f7.jpg
منظر ليلي لعين لندن
http://www.up-tumaer.net/up//uploads/images/tumaer-cfdad75588.jpg
متعوب عليها هاللقطه
http://www.up-tumaer.net/up//uploads/images/tumaer-d44d0b50d0.jpg
في الهايد بارك قهوه عقب العصر :t177:
http://www.up-tumaer.net/up//uploads/images/tumaer-21fbc5873f.jpg
.....
رحلة بيروت
موعد الاقلاع 6 م بتوقيت لندن
الخطوط البريطانيه BMI
وصلت مطار هيثرو على الساعه 3 ونص تقريبا وكانت الاجراءات سهله جدا ولكن خفت من احتساب الوزن الزائد ( هناك مايرحمون ويمكن تدفع قيمه الوزن الزايد تعادل قيمه تذكره طيران جديده وحصل لي هالشي سابقا في مطار دوله اوربيه ولكن الحمد لله تبت من ذيك المره فوزعت العفش بشكل مناسب ) وانا رايح بشنطه وراجع بثنتين ولكن الحمد لله تسهلت الامور ..
أقلعنا برعاية الله
http://www.up-tumaer.net/up//uploads/images/tumaer-fea4b50f12.jpg
http://www.up-tumaer.net/up//uploads/images/tumaer-5ba53c5a99.jpg
http://www.up-tumaer.net/up//uploads/images/tumaer-0ff02fc18b.jpg
ووصلنا بيروت بحدود الساعه 10 ونص مساء والاجراءات بالمطار تمت بسهوله وكان مفترض اخلص بعشر دقايق ولكن ( كان جنبي بالطياره سيده مسنه وساعدتها في تعبئه الاستماره واستلام عفشها ونشبت لي تعزم اسير عليهم )
عاد هالمره كان فيه سائق بانتظاري وهذا ساعدني كثير يعني من الكاونتر واستلام العفش للسياره على طول ( عندهم كداده مثل اللي نشوفهم بمطار الرياض ولكن انصح بالتنسيق وحجز سائق لاستقبالك مسبقا احسن ) .. وللفندق على طول بشارع الحمراء صح وسط البلد زحمه وحر ولكن الفندق كان اكثر من ممتاز ونظيف جدا وراقي
http://www.up-tumaer.net/up//uploads/images/tumaer-0046df4278.jpg
طبعا الزياره اليوميه المجدوله هي السولييدر لفتره مابعد العشاء وهو الشارع الاشهر ببيروت وعليه المقاهي والمطاعم اما فتره مابعد الظهر فهي مفتوحه إما الذهاب لجونيه او طلوع الجبل باتجاه عاليه أو بحمدون
السعوديين غالبيتهم في عاليـــه والكويتين في بحمدون وكانها هذي منطقه سعوديه وهذي منطقه كويتيه .. والاجواء بالجبل طبعا افضل من بيروت من ناحيه انخفاض درجه الحراره ولطافه الجو ..أما الأسعار فغاليه وبشكل مبالغ فيه ..
- انصح من يزور بيروت باستئجار سياره صغيره ( تطلع يوميتها 40دولار ممكن تعادل 150 ريال موديل 2010) وهي افضل طبعا من تكسي ممكن يوديك الجبل ذهاب فقط بنفس هالمبلغ او يمكن ب 60 دولار يعني اذا طلعاتك كثيره ومشاويرك يمكن تدفع 120 دولار باليوم فاستئجار السياره ارحم .. وأما ان كانت مشاويرك محدوده فانصح بصراحه ( بتكسي بيروت ) مكتب خاص وسيارات خاصه فخمه تكلمهم ويرسلون لك السايق بمكانك اللي انت فيه ويقولون لك سعر المشوار قبل ولا فيه مجال للاحتيال وسيارات مرسيدس ولو تبي بانوراما ، اما التاكسي العادي فاغلبهم للاسف شغال استغلال بالخليجيين سواء من ناحية الاسعار او حتى التعامل .
أتركم مع الصور :
http://www.up-tumaer.net/up//uploads/images/tumaer-74f7eb98c9.jpg
الصوره التاليه من مطعم جنة بحمدون
http://www.up-tumaer.net/up//uploads/images/tumaer-1e0353bea2.jpg
مغارة جعيتا
http://www.up-tumaer.net/up//uploads/images/tumaer-f745cda5a1.jpg
http://www.up-tumaer.net/up//uploads/images/tumaer-57e6d25266.jpg
http://www.up-tumaer.net/up//uploads/images/tumaer-4ca11524ff.jpg
جونيه
http://www.up-tumaer.net/up//uploads/images/tumaer-792ed3a26a.jpg
السولييديــر
http://www.up-tumaer.net/up//uploads/images/tumaer-cb84fd1324.jpg
http://www.up-tumaer.net/up//uploads/images/tumaer-d52f88cd84.jpg
http://www.up-tumaer.net/up//uploads/images/tumaer-c2c3985f26.jpg
http://www.up-tumaer.net/up//uploads/images/tumaer-625f957ce3.jpg
http://www.up-tumaer.net/up//uploads/images/tumaer-f594533382.jpg
وحان موعد العوده وكان موعد الاقلاع الساعه 8 بتوقيت بيروت ، هالمره يوم خلصت تسليم العفش الا قدامي شغاله شكلها سيلانيه تصيح طايفتها الرحله وتطلبني اكلم من جوالي على كفيلها اقوله ، قمت كلمته وقلت له ترا شغالتكم راحت عنها الطياره .. شوي الا جايني طاير يجي 20 شغاله مثل وضعها قلت شكل طيار الرحله حقتكم قفلت معه وشغل ومشى فاضي وجهتهم لمكتب الامن بالمطار قلت روحو لهم يسنعونكم وتوجهت للبوابات ( اتذكر دخل وقت المغرب قبل موعد الرحله وحنا جالسين قدام البوابه والمذيع الداخلي للمطار يصدح باغاني فيروز وليييييه هالحين شلون تصلي وهذي تغني واخرتها توكلنا على الله وصلينا وكعادتي اخر من يركب الطياره ( مدري وش هالسر سواء برحله داخليه أو دوليه سواء رحت مبكر ولا متاخر اخر من يركب محاكيكم ) .. اقلعنا بحفظ الله
http://www.up-tumaer.net/up//uploads/images/tumaer-2575984906.jpg
ووصلت الرياض عند العاشره والنصف مساء ..
اتمنى ينال تقريري المتواضع رضاكم
اخوكم : شواق
http://www.alhwamel.com/vb/uploaded/33_01286284748.jpg