قصيدة المقاهي

[اسير تمير]

آخرتها بالمقاهي

تذكرين اول ماشفتك في محلات أبو زاهي
*من بعدها صرت أتابع خطوتك صبح وعشيه
ماحد بالسوق يا كل الملا شد انتباهي
*غيرك انتي لعنبوها نظرة العين البريه
تذكريني يوم كنت مراهق وطايش ولاهي
*تذكريني يوم أغني فيك ياوردة نديه
تذكرين العيد يوم أني نثرت قلاص شاهي
*يوم شفتك قمت مثل اللي وطاله فوق حيه
يومها شفتك ضحكتي وارتبكت وقمت أضاهي
*صرت أنا أضحك معك مدري وأثرني أضحك عليه
تذكريني يوم أجمع كل مصروفي وأباهي*
كان همي وانشغالي بس ابشري لك هديه
تذكريني يوم أحبك تأمريني بالنواهي*
تذكريني كنت قيسك وانتي ليى العامريه
تذكريني يوم أقابل بيتكم والعذر واهي*
كنت أمثل دور منهو واقف ينطر خويه
تذكرين الهوشة اللي صارت بوسط الملاهي*
كنت أبثبت لك غلاك وغيرتي والمقدريه
تذكريني يوم أعاند وأهجرك وأقول راهي*
كلها ساعات وأرجع أشتكي ما صار فيه*
كل ماشفتك أقوم من الغلا وأقول كاهي*
احسب إن أحد نشدني من تحب وقلت ذيه
والله إني ماهقيت ان أخرتها بالمقاهي
*اشرب الشيشه وأقول من القهر راحت عليه

[توأم الجود]

ارفق ارفق ارفق

الا صدرك ياسير تمير

الشيشة

مرة وحدة

وبعدين القصة غير مرتبة من خلال القصيدة

بس تدري مش حالك

تقبل تحياتي

[عصي الدمع]

اختيار موفق

وياليت تذكر لنا صاحب القصيدة -- ان كانت منقوله --


وتحية

[هادي]

قصيدتك اخوي مهويب اللي انت تبي

لو حطيتها في ساحة الصرقعه كاااااان احسن

والرااي لمشرفين الساحه

مشكوووووووووووووووووووور



سلام