ما يمنع نشارك الشباب في أمطار الخاتلة والحفنة الاربعاء 21/5/1431

[المهند]

السلام عليكم ورحمة الله وبركاته ..

لقيت لي برنامج رهيب .. يصغر الصور ويكتب عليها ويحط لها إطار .. وشيءً مانعرفه بضغطة زر .. فقلت ليش مانجرب ونشارك الشباب هالفرحة المُطرية ... والجوية ...

كنت طالع العصر يم جهة أم الشقوق .. فيوم وصلت الغراميل شفت سحابة سوداء جنوب عني ... قلت ياولد .. خل ألحق هالسحابة .. ياقربها على الفويلق ..
يوم شفت سيف الرحمة .. قلت جابه الله .. أبلقطه وأرقى عليه .. كودي أشوف السيل وينه فيه .. لكن عجزت آصل له .. كل ماجيت حوله نحاش ..
** أنتم تشوفونه .. عند مراح الإبل ..

http://m5awitumair.com/upload/uploaded/10_01273092453.jpg

** المراد .. عقبت مسحية روضة نورة اللي للخط السريع .. وتعديت الفويلق ... وماش السحاب كل ماله يقص جنوب... فما ردني إلا ديرة يقال لها الخاتلة ..

http://m5awitumair.com/upload/uploaded/10_11273092453.jpg

** سبحان الله .. ما أمداني أدخل هالديرة .. إلا البركة تنزل عليهم .. طاح علينا مطر طيب بالحيل بالحيل ..

http://m5awitumair.com/upload/uploaded/10_21273092453.jpg

** ومشت الشوارع .. ومريت من عند هاللوحة ..

http://m5awitumair.com/upload/uploaded/10_01273092473.jpg

** وطحت لي في شباب .. تحت مظله .. والنعم بهم .. دعوني للقلطة يوم شافوني وحيد .. فشكرتهم ونشدتهم عن درب الطوقي .. ومشيت من عندهم والمرازيم منطلقة ..

http://m5awitumair.com/upload/uploaded/10_11273092473.jpg

** تبينت في علو الديرة من شمال .. على جال طعس .. وعطيتهم لقطة ..

http://m5awitumair.com/upload/uploaded/10_21273092473.jpg

** ظهرت من الديرة على وين .. على وين .. ياولد .. قلت أنا لعبتي الشلالات .. يالله للطوقي .. والدعوة كلها ماء .

http://m5awitumair.com/upload/uploaded/10_01273092495.jpg

** ما تشوف إلا الوبل ... والحزوم والطعوس تمشي من قوة ماشاء الله ..

http://m5awitumair.com/upload/uploaded/10_11273092495.jpg

http://m5awitumair.com/upload/uploaded/10_21273092495.jpg

** هالشعيب في الطريق ... مليان عقب أمس .. ويمشي من الوبل ...

http://m5awitumair.com/upload/uploaded/10_11273092516.jpg

** وهالشباب لقيتهم مغرزين .. وبيّن أن حالتهم حالة ..

http://m5awitumair.com/upload/uploaded/10_21273092516.jpg

** مريت على سرعتي .. روضة الخفس ... وأنا على الطريق العام .. لقيتها طهاة وحدة .. قلت الحمدلله .. مابدهاش أضيع وقت وأنزل .. مابقي إلا عشر ويذن المغرب .. خل ألحق على شلالالالالالات الطوقي ..
جيت للشلالات ... فلقيت ... كل شيء قد فات ... ومن قو الجفاف .. الناس كاشته تحت الكوبري .. وعلى قول القواله .. أنه الظهر يمشي ... والعهدة على الراوي ..

http://m5awitumair.com/upload/uploaded/10_01273092540.jpg

** قلت .. وين أروح ياولد .. وين أروح .. ووين أروح ... العين أظلمت .. وطريقاً جيت معه لاتعود معه .. فقلت يالله للحفنة ..يوم أني أقبلت عليها ... إلا هالحزوم محوله .. من السحابة اللي قبل شوي..

http://m5awitumair.com/upload/uploaded/10_11273092540.jpg

** يوم إني شفت كتبتة الصمان .. خفق قلبي .. توجهت مع الدوار يم الحفنة .. لقيت كل الحزوم صابه على بعضها ...

http://m5awitumair.com/upload/uploaded/10_21273092540.jpg

** المهم وما امداني أتعدى الحفنة .. طلع لي في الصورة ذا التمساح ... مدري وش الله جابه .. أنا رافع لي صورة وطلع لي بدالها .. فما حبيت أني احرمه من الظهور الإعلامي مرة ثانية ..

http://m5awitumair.com/upload/uploaded/10_11257303934.jpg

وفي النهاية ... ترى الدعوة وسعة صدر ... يالله لك الحمد .. ويوم أني شفت تقارير الشباب عن سيول سدير ...اللي ماكتب لي أني أشوفها .. قلت ما يمنع أننا نجرب هالبرنامج الجميل ... ونشارك بموضوع بسيط ..
وتراه ما يستاهل أي تقييم ... أو نجمه ..

شكراً لصبركم ..

[مخاوي تمير]

أمير وبس

بحروفك وكلماتك وصورك

حتى لو تفيض ولو ما تكتب اي شيء

فانت أمير وبس

دائماً وابداً التميز والروعة هي عنوانك

فلا تنسانا في البرنامج :t18:

نسيت يا ابو مهند مدري ليش احب الخاتلة واهلها

هل لطيبتهم ولكرمهم وحسن اخلاقهم امر في ذلك

[فتى الديرة]

يعطيك العافيه يالمهند على الصور الى يشرح الصدر

[الادميرال]

مشكور ويعطيك العافيه

[الأنيق]

أي والله مايمنع نشوف مثل
جمال هالتقرير الجديد المميز وهذا أول تقرير عن الخاتله

وبيض الله وجهك ولا خيب تعبك
ومبارك عليك هالخير ياملك الرحلات....

أحترامي وتقديري وشوقي لتقاريرك؟

[نسيم]

من اللي يمنعك يالمهند؟
انت لوتحط صورة ساقي يمشي عندي كنه نهر النيل.

[نسيم]

السلام عليكم ورحمة الله وبركاته ..
سبحان الله .. ما أمداني أدخل هالديرة .. إلا البركة تنزل عليهم .. طاح علينا مطر طيب بالحيل بالحيل ..

http://m5awitumair.com/upload/uploaded/10_21273092453.jpg
..
سبحان الله كلك بركه يالمهند!!!!انت من يوم تمشي والغمام فوق راسك .ماتجي بكره تسيلنا .

[التسعاوي]

يعطيك العافيه يالمهند على الصور ...

[عرق الأرطى]

مشا الله الله يجعل فيها البركه ان شاء الله
تسلم اخوي المهند على التقرير المميز والتمساح الي مدري وش جابه
تحياتي لك .

[سُلاَفْ القَصِيدْ]

الله يعطيك العافية .... على التقرير المميز أمطار ووناسه وسعة صدر
كل الشكر والتقدير لك على مجهودك الرائع
والله يجعلهآ أمطآر خير وبركه
مآشآء الله على هالمرآزيم مصفوفة صفه جذبت أنتبآهي
بيت وآحد وفيه ستة مرآزيم !!

http://m5awitumair.com/upload/uploaded/10_11273092473.jpg

[المهند]

أمير وبس


بحروفك وكلماتك وصورك

حتى لو تفيض ولو ما تكتب اي شيء

فانت أمير وبس

دائماً وابداً التميز والروعة هي عنوانك

فلا تنسانا في البرنامج :t18:

نسيت يا ابو مهند مدري ليش احب الخاتلة واهلها


هل لطيبتهم ولكرمهم وحسن اخلاقهم امر في ذلك


والله إنك صادق ..
من يوم شافني واحداً منهم وسألته عن الطريق ... قال لي من وين جاي : قلت من تمير .. وهو اللي يلزم علي ..
البرنامج أبطقطق عليه ... والله ياهو حلو .. لكن ما أدري عن صفوة الصور هي تغيرت أو لا؟

[المهند]

يعطيك العافيه يالمهند على الصور الى يشرح الصدر

الله يعافيك يافتى الديرة ...
شكراً لحضورك وتواجدك الدائم ...

[المهند]

مشكور ويعطيك العافيه

العفو ...
والله يعافيك أخوي الادميرال ...

[المهند]

أي والله مايمنع نشوف مثل
جمال هالتقرير الجديد المميز وهذا أول تقرير عن الخاتله

وبيض الله وجهك ولا خيب تعبك
ومبارك عليك هالخير ياملك الرحلات....

أحترامي وتقديري وشوقي لتقاريرك؟
أشوى ...
أهم شيء يجوز لك يا أبو المناير ..
الله يبيض وجهك ... ويسود شعرك ...!!

[المهند]

من اللي يمنعك يالمهند؟
انت لوتحط صورة ساقي يمشي عندي كنه نهر النيل.
عساك سالم .. يانسيم ...
أنت من عقب هاك الاصبع وأنا أدور لك تقارير ..
يا أخوك علامة فارقة ذاك الظفر ...!!

لكن استحيت يوم شفت الدعوة برديات وسيول من الشباب...

[المهند]

سبحان الله كلك بركه يالمهند!!!!انت من يوم تمشي والغمام فوق راسك .ماتجي بكره تسيلنا .

أنت ما تصدق ..!!
وأنا أمشي في البر مطر خفيف ..ألين وصلت للخاتلة ... وسبحان الله هل عليهم هاك الماء يانسيم ..وطلعت من عندهم وهي تمطر ..

[المهند]

يعطيك العافيه يالمهند على الصور ...

الله يعافيك يالتسعاوي ..
مارحت تضبب هالاسبوع ؟؟

[المهند]

مشا الله الله يجعل فيها البركه ان شاء الله
تسلم اخوي المهند على التقرير المميز والتمساح الي مدري وش جابه
تحياتي لك .

عسك سالم يالعرق ..
هالتمساح عقب حديقة حيوانات في الدمام ..
وماأدري وش طلعه في مركز التحميل ...
رحمته وقلت والله لاطلعك ثانية ..

بشرنا عن سيلكم يالعرق ..

[المهند]

الله يعطيك العافية .... على التقرير المميز أمطار ووناسه وسعة صدر

كل الشكر والتقدير لك على مجهودك الرائع
والله يجعلهآ أمطآر خير وبركه
مآشآء الله على هالمرآزيم مصفوفة صفه جذبت أنتبآهي
بيت وآحد وفيه ستة مرآزيم !!


http://m5awitumair.com/upload/uploaded/10_11273092473.jpg


هالمرازيم لويجي واحد ويصكرها كان طاحت على أهلها ...
ماشاء الله مصفوفة صف ..
شكراً لمرورك أختي الراقية ...

[أبـوحـمـد]

عز الله البارح شعيب الحسي يمشي من اللجاء للجاء وشكله زاد على الخاتله البارح..

[المتحـ2007ـد]

هلا بالمهند

وبالتأكيد ما تمنع المشاركه مع الشباب

جوله رااائعه والحمد لله لقيتا خير

ويكفي صورة هالتمساااح

كل الشكر لك والله يعافيك

[ماجدونا]

الحمدلله على نعمة الله

ومشكووووووووور اخوي

[ولد العز]

تغطيه رائعه سلمت اناملك على التصوير المبدع
لاهنت يا المهند

[شاص 2005]

مشكووووووووووور المهند

[المهند]

عز الله البارح شعيب الحسي يمشي من اللجاء للجاء وشكله زاد على الخاتله البارح..
واللي بيمشي .. إن شاء الله ..
جاني صب ..صب .. في الخاتلة ..

[المهند]

هلا بالمهند

وبالتأكيد ما تمنع المشاركه مع الشباب

جوله رااائعه والحمد لله لقيتا خير

ويكفي صورة هالتمساااح

كل الشكر لك والله يعافيك
هالتمساح بلشنا به ...
يقول طالع طالع ..
قلت له حياك الله ..
العفو ..

[المهند]

الحمدلله على نعمة الله

ومشكووووووووور اخوي
العفو .. .
ويالله لك الحمد ياماجدونا ..

[المهند]

تغطيه رائعه سلمت اناملك على التصوير المبدع


لاهنت يا المهند


الله لايهينك أخوي ولد العز ..
شكراً لمرورك ..

[المهند]

مشكووووووووووور المهند

العفو ...
ياشاص ..
تبي تستنى جديدي ...

[فتى السويدي]

مشكوووور اخووي المهند على الصور الرئع ويعطيك العاااااااااافية اللهم اجعلها امطار خيير وبركه

[أبو تميم الفيصل]

ماشاء الله تبارك الله بارك الله فيك على التقرير الرئع

</B></I>

[النادر]

يعافيك ربي يالمهند وانتبه تصور جنب البيوت تراك منتب في تمير
والله يحفظك من كل شر

[المارد]

مشكور على التقرير الرائع

[المهند]

مشكوووور اخووي المهند على الصور الرئع ويعطيك العاااااااااافية اللهم اجعلها امطار خيير وبركه
العفو اخوي الطربوش ..
شاكر لك هالمرور .. الدائم ..

[المهند]

مشكور على التقرير الرائع
العفو ..
والله يحييك يالمارد ..

[المهند]

ماشاء الله تبارك الله بارك الله فيك على التقرير الرئع

</B></I>

الله يبارك فيك يا أبوتميم ..
حضور جميل ..

[المهند]

يعافيك ربي يالمهند وانتبه تصور جنب البيوت تراك منتب في تمير
والله يحفظك من كل شر

لا معليك ..
الكل مستانس بهالمطر .. ولا أحداً يشوف الثاني من الوبل ..

حفظ الله الجميع ..

[راعي الفزعه]

مشكور على هذا التقرير المصور
تحياتي للجميع ...