الى متي قطع لاشاره

[ولد الحصون]

مسيكم بالخير ياجمعت الربع وشلونكم
يا أهل تمير الي صار لي اليوم لا زم تشوفون له حل
انا من زوار مدينه تمير واول ما جيت وقفت امام الاشاره يوم خضرت مشيت ولاكن وللآاسف فيه سيارتين قطعات الاشاره كالعده بس هل مره غير
والسبب اني شفت سياره احد العماله الوافده يقطع الاشاره فستغربت ولحقت به حتى وقفنا عند الاشاره الثانيه فقتربت منه وقلت له يالحبيب تراك
قاطع الاشاره. واذابه مصري وقالي (وماله مكل واحد يقطع الاشاره ) وهو مبتسم وانا منذهل منه
معقووووووول وصل التسيب والاستهتار بالارواح

وانا من هذا المنبر اناشد رئيس الشرطه لوضع حل لهذه المشكله
مع انه والله كم مره الي اجي لتمير والوضع على ماهو عليه وصرت اذاولعت الاشاره عندي امشي بشويش وخايف من هلي يقطعون الاشاره لا والمشكله انه يقطعها وهوكاااااافخ ام الدعسه طيب ليه وش عندك
ياخي اذا ماانت تخاف على نفسك الاخرين يخافون على ارواحهم (العمر مش بعزئه )
الله يهدي شباب المسلمين لما يحبه ويرضاه
والسلام عليكم ورحمه الله وبركااته

[طير شلوى]

وعليكم السلام ورحمه الله وبركاته ،،
حياك الله ياراعي الحصون ،،
تمير وينها فيه ذي الي تتكلم عنها .!!!
عندنا بتميرنا مانشوف هالشي وحنا من سكانها .

[دحوم الخالديه]

ياخوي احمد انا ماقد شفت احد يقطع من هالوافده ابدا

[L O R D]

يارجال بعض رجال الشرطة

لاصاروا عند الإشارة ولع السفتي وقطعها

وإذا تعداها طفاهـ ولا كن شيء صار هع

الله يهدي الجميع بسسسس

[أبشر]

المفروض تخلي عنوانك الى مته اشاراة ياهل تمير

نبي دوارات بدل الاشارات
انا ياوحد الصدق ماقد وقفت عندها بس ماعليكم اقطعها بشويش بشويش بعد مامشط المنطقه من الماره والتاكد من خلو المنطقه من الشرطه ^_^

[لورنس العرب]

إلا أنتم اللي وين عايشين فيه

صادق أخوي ولد الحصون

إلا عندنا في تمير مال للإشارة أي إحترام

المعروف إن الإشارة ما يقطعها إلا المراهق

لكن عندنا في تمير

يقطعها الوافد

والشايب

والمطوع وغيرهم

بعدين

ياليت يكون عندنا شوي أدب مع الآخرين

[الجارح 2000]

خمس إشارات :t172: عشوائيه في تقاطع واحد
لو كان مكانها دوار كان ريحت البلد والشرطه
شوفو شقرى والمجمعه :t166:

[T_N_T]

اشارة تقاطع جسر الخليج مع صلاح الدين(الستين) من الاشارات الكبيرة في الرياض .. انا اوقف فيها كل يوم ما ازمل لها مثل ما ازمل لاشارة الملتقى!!!
(انا عندي احساس ان اللي مركبها عبقري خاصةً الوقت والترتيب؟؟؟؟

[النايف]

والله انكم صادقين المفروض شي اسمه اشارة يشال
وبعدين يالحبيب الشرطة ماهي فاضيه
عندها مشاكل غير هالاشاره
وبعدين وش دخل الشرطه
وين هالمرور
الشرطه شارع الثلاثين وعساها
ما اقول في الاخير الا الله يعين اهل تمير
على مصايب غيرهم

[مثل القمرعالي]

اخي ولد الحصوون انا اتفق معك ان هناك قطع الاشاره من المراهقين والاجانب والشيبان ....بل ليس في تميرفقط انما في جميع الدياروالقرى وفي سدير خاصه!!!!

[المهند]

وعليكم السلام ورحمة الله وبركاته ..
لا أحد ينكر الخطأ الكبير من قطع الاشارة .. وما تسببه من أخطار للآمنين والسالكين الطريق الأخضر ..
وأصبحت الدعوة معكوسة فعندما تصبح الإشارة خضراء .. فيجب عليك الوقوف للاطمنئان بخلو الطريق ..
وقطع الاشارة لا يبرر أبداً ما سأذكره من مرئيات ..
محافظة شقراء تحتفل بإطفاء آخر إشارة وتفعيل جانب الدوارات والذي لقي رفضاً كبيراً أول الأمر .. ولكن بحنكة وتخطيط مهندسها ورئيس بلديتها استطاع تجاوز الأمر ..
محافظة المجمعة أوجدت حلول لبعض الاشارات إما في الحواري أو على شارعها العام ..
بإيجاد دوارات صغيرة .. أو مسارات ذكيه ..
ونحن نحتفل في مدينتنا بتأسيس إشارة جديدة .. ونفتخر بوجود خمس إشارات في تقاطع واحد ... ولم يجد له مهندسينا حلاً لهذه المعضله ..
إشارة محطة الملتقى للمتجه شمالاً مرة توقف .. ومرة تخاف توقف .. يجي أحد من زوار المدينة ويصدمك لوقوفك أمامه ..
هناك حلول .. وهناك حركات فنيّه .. لايجيدها إلا المهندسين البارعين ونتمنى أن يرزقنا الله بواحداً منهم ..
على العموم قطع الإشارة جريمة .. سواء كان مواطناً أم مقيما ..

[جوري]

اخي راعي الحصون احسن حل لمشكلتك انك لاتجي لتمير
وخلاص انتهت المشكله الحن تعودنا على ذا الشي وصار عادة

[جار القمر]

صاحب الرد 1 و 2
ليش نكابر ونقول مافيه احد يقطعها
معك حق ياراعي الحصون الاشارات عندنا في تمير مالها اي احترام لان الكل يقطعها حتى افراد الشرطه
والشرطة عندنا مالها اي هيبه
انا شفت كم مره ناس يقطعونها ورجل الشرطة يشوف ولا يسوي اي شي كاني به يقول وش لك وللمشاكل
وازيدك من الشعر بيت
تراها تخبط بعض المرات يعني يمكن يولعن اشارتين خضر في وقت واحد او تجلس ساعه تنتظرها تولع خضراء وهي ماسكه خط حمراء
وانتبه تقع الاشارة اللي عند محطة الملتقى وانت جاي من الجنوب متجه للشمال ----> يمين
تراك تعتبر مخالف
فيه واحد شايب عمره فوق الستين انعطف يمين من عند الاشاره ومسكته الدورية قالوا قاطع الاشاره وبعد اخذ ورد
قال انا لي 40 سنه اسوق اول مره تصير ان اللي يلف يمين يعتبر قاطع اشارة
صحيح ماودنا نطلع فضايح مدينتنا لكن الشمس ماتغطى بغربال

[جوري]

تعوذ من بلايس يا شباب

[sarab88]

الله يعطيك الف العافيه ياولد الحصون والله انك تجيب العلم اللي يقطعون الإشارات هالمبزرة ودك تمسكه وترنه لين يعظ الأرض دايم يقطعون ويسببون مشاكل للشياب والله مايستاهل من يدعي عليه وتقبلوووو تحياتي:t136:

[جعبوط تميراوي]

وش شوله الموضوع كله خلاص افهموهاا لا حد يقطع الاشاره وخلاصنا

[دحوم الخالديه]

سويتوها سالفه ترا...

[- فوق مستواك -]

هو بوة اشارة في تمير http://vb.eqla3.com/images/smilies/Looking_anim.gifhttp://vb.eqla3.com/images/smilies/grins.gif

[مهند2000]

لاحياة لمن تنادي

[النادر]

انصح كل من يدخل تمير باخذ الحيطه والحذر فهناك الكثير من المتهورين
ومهما صار لون الاشاره انتبه وحط في بالك مثل (اذا مسكت الطاره فخل الناس كلها بنظرك ماتعرف تسوق )
وخلك منتبه وخاصه في تمير بذات .
والله يعافيك

[ولد الحصون]

وعليكم السلام ورحمه الله وبركاته ،،
حياك الله ياراعي الحصون ،،
تمير وينها فيه ذي الي تتكلم عنها .!!!
عندنا بتميرنا مانشوف هالشي وحنا من سكانها .


الظاهر انك تناظر بعينك انت وبكلامك هذا كأنك مؤيد لها ولا وش رايك

[ولد الحصون]

ياخوي احمد انا ماقد شفت احد يقطع من هالوافده ابدا




يادحومي الله يهديك قل الحق ولو على نفسك ولاتكون محايد
ولو تبي تشوف الوضع بأم عينك حدد لي يوم واوريك الوضع مبااااااشر

[ولد الحصون]

يارجال بعض رجال الشرطة

لاصاروا عند الإشارة ولع السفتي وقطعها

وإذا تعداها طفاهـ ولا كن شيء صار هع

الله يهدي الجميع بسسسس



ايه الله يكون بالعون ياخوي يانجم
شرفني تواجدك

[دحوم الخالديه]

يادحومي الله يهديك قل الحق ولو على نفسك ولاتكون محايد
ولو تبي تشوف الوضع بأم عينك حدد لي يوم واوريك الوضع مبااااااشر </B></I>



طيب في الحوطه مايقطعونها ..؟
كم مره شفت واحد يقطعها ...

[ولد الحصون]

المفروض تخلي عنوانك الى مته اشاراة ياهل تمير

نبي دوارات بدل الاشارات
انا ياوحد الصدق ماقد وقفت عندها بس ماعليكم اقطعها بشويش بشويش بعد مامشط المنطقه من الماره والتاكد من خلو المنطقه من الشرطه ^_^



هلابك اخوي عزالله انك صادق الحل الامثل يكون فيه دورات بدل الاشارات
واسأل الله تعالى ان يهديك عن قطع الاشاره بس انت تقطعها بشويش الخوف والله من الي يقطعها وهو مشوت يمشي مليونين هذا والله المصيبه

تحياتي لك

[عاشق ديرتي]

ايييييييييييييييييييييييييييييييه
الله كريم بس
مرهـ تقطع ومرهـ ينتظم

[النوخذة]

ياحبكم للتشكي ,,

!!

[ملك سدير]

والله انكم مشكله
اول شي قطع الاشاره في كل مكان وذلك يرجع الى تنمية عقل الشخص وفهمه في الصح والخطا
وبعدين الشرطه كيف تغطي كله دوريه تطلع في اليوم
تغطي واحد يفحط ولا واحد يقطع اشاره ولا الاماكن المهمه
والله نحمد ربنا ماعندنا جرائم وهذا الفضل لله وحده ثم للرجال الامن
شوفو سدير والمجمعه وثادق في الاسبوع كم سرقه
شوفو ي يمسكون عندنا في قضايا جنائيه وهذا يدل كم مره نشوف عند المسجد ينجلد
الشرطه تتابع القضايا الجنائيه هذا همه في الاول والاخير السيطره على الجنائي
خلونا نقدم خطاب نطلب قسم مرور

[المهند]

والله انكم مشكله
اول شي قطع الاشاره في كل مكان وذلك يرجع الى تنمية عقل الشخص وفهمه في الصح والخطا
وبعدين الشرطه كيف تغطي كله دوريه تطلع في اليوم
تغطي واحد يفحط ولا واحد يقطع اشاره ولا الاماكن المهمه
والله نحمد ربنا ماعندنا جرائم وهذا الفضل لله وحده ثم للرجال الامن
شوفو سدير والمجمعه وثادق في الاسبوع كم سرقه
شوفو ي يمسكون عندنا في قضايا جنائيه وهذا يدل كم مره نشوف عند المسجد ينجلد
الشرطه تتابع القضايا الجنائيه هذا همه في الاول والاخير السيطره على الجنائي
خلونا نقدم خطاب نطلب قسم مرور
يجب أن نطالب .. بزيادة الدوريات المرورية .. ويفترض أن يكون لرئيس المركز اليد الطولى في ذلك والمطالبة بزيادة دوريات المرور .. لا أن يعمل هو كدورية مرور ..!!
أيضاً شرطة تمير تحتاج لقوة إضافية .. والكثير من الامكانيات .. وألا يكون المخفر مأوى للمنقولين تأديبياً ..!!
بإذن الله سأطرح موضوع كامل يحكي عن مخفر شرطة تمير ...
ماله وما عليه وما يجب أن يكون له ..!!
متى تيسر الأمر .. !!

[ملك سدير]

لازم يكون فيه تعاون ونرتقي مستوى المخفر

ونطلب زياده من العسكر والسيارات

[ولد الحصون]

إلا أنتم اللي وين عايشين فيه

صادق أخوي ولد الحصون

إلا عندنا في تمير مال للإشارة أي إحترام

المعروف إن الإشارة ما يقطعها إلا المراهق

لكن عندنا في تمير

يقطعها الوافد

والشايب

والمطوع وغيرهم

بعدين

ياليت يكون عندنا شوي أدب مع الآخرين




حياك اخوي لورنس عزالله انك صادق
وهد اعصابك لانو كل رد يدل على شخصيه صاحبه



شرفني تواجدك

[ولد الحصون]

خمس إشارات :t172: عشوائيه في تقاطع واحد


لو كان مكانها دوار كان ريحت البلد والشرطه

شوفو شقرى والمجمعه :t166:



الجارح اتمنا ان يرى اقتراحك النور قريبآ
احلا تحيه لك

[ولد الحصون]

والله انكم مشكله
اول شي قطع الاشاره في كل مكان وذلك يرجع الى تنمية عقل الشخص وفهمه في الصح والخطا
وبعدين الشرطه كيف تغطي كله دوريه تطلع في اليوم
تغطي واحد يفحط ولا واحد يقطع اشاره ولا الاماكن المهمه
والله نحمد ربنا ماعندنا جرائم وهذا الفضل لله وحده ثم للرجال الامن
شوفو سدير والمجمعه وثادق في الاسبوع كم سرقه
شوفو ي يمسكون عندنا في قضايا جنائيه وهذا يدل كم مره نشوف عند المسجد ينجلد
الشرطه تتابع القضايا الجنائيه هذا همه في الاول والاخير السيطره على الجنائي
خلونا نقدم خطاب نطلب قسم مرور

حياك يا ملك سدير
نعم وللااسف مثل ماقلت قطع الاشاره في كل مكان ولكن في تمير بشكل قوي ولافت للنظر
والشرطه مشكوره على ماتبذله من جهد صحيح مامن قصوروالله يعطيهم العافيه ولكن يفترض ان يتدارك الوضع الحالي ويعالج قبل فوات الاوان
اما بوضع دوار اوغيره

سرني تواجدك تحياتي

[فيصل ***]

أي مشكله عندكم يأهل تمير ترمونها على الشرطه
أعطت الشرطه من المخلفات حتى سجلت أعلى نسبه من المخلفات المروريه على مستوى المحافظه
..
حاسبو أنفسكم قبل أن تحاسبو الأخرين
الله يعين الشرطه عليكم

[نواف التميمي 506]

اقوووول اول ماجاء المدير مركز شرطه الجديد شرطتكم في تمير ماشاء الله مافي احد من يقطع الاشارة ولا احد يفحط وغيرهااا من الأمور
وبعد اشهر قليله حتى صار المرور يقطع الاشارة وانا شايف امام عيني
اذا كانت الشرطه هكذا فلا تلوووم ابنائنا وشيبنا والعماله الوافدة




المركز الشرطه يبي احد شديد ومن ابناء البلد تمير

[صمتي حكمه]

وشلون تبي الناس ماتقطع الاشاره ورجال الشرطه هم اول الناس يقطعونها على سيارتهم المدنيه

[أبونواف11]

الصدق ما عرفنا للإشارة زين

مرة نوقف ومرة نقطعها

صرنا بسبب إشارات تمير نقطع إشارات في الرياض تعودنا على قطع الإشارات وتوهقنا

[صاحب المعالي]

انا اردلى كلام طير شلوىوكذبت وخاب ظنك يا طير وانت اول من يقطع الاشاره وتقول ما عندنا احد يقطع الاشاره وانت من سكان الرياض بعد ليه تقول انا من سكانها ارجومنك ان لا تكذب مره اخرا ومشكور يا ولد الحصون على تنبيهك الرائع هم لو يخلون شارع الثلاثين ويروحون عند ااحد الاشاراة ويصيدون الي يقطعون الاشاراة ابرك من دورانهم بالثلاثن ودمتم سالمين

[كن كن ثادق]

كان أول عندنا بالديره مركبين عندنا إشارة عند الدفاع المدني بس ما نجحت وقلبوها دوار

[الحمادي]

بصراحة انا شخصياا صااارلي بتمير قرابة سبع شهور واللة ياكثر اللي يقطع الاشارة

والشرطة بروسهم يقطعونهاا وحنا لحالنا اللي نوقف عند الاشارة

[أبوكدش]

المفروض يحطون دواااراات بدال الاشاره

[ولد الحصون]

عز الله انكم صااادقين المفروض يحطون دورات بدل الاشارت
في نظر الاغلبيه هذا هو الحل
تشكرات للجميع على المشاركه

تحياتي

[مصرقعهـ بقوهـ]

والله صراحهـ هالاشارات محطوطه زينه
يجيكـ وااااااحد طااااير الله من الشركااات اللي عنده عشان يطير
خير سلامات
ماتشوووف الاشاااره يامال الصمرقع ..

<<عصبت..
خخخخخ

[محبوبك سدير]

تمير لايوجد فيها الي تقوله ياخوي ياولد الحصون