يا أرقّ انسان قاسي / كيف في حقي قسيت

[لميس]

http://www.ceprya.net/imgcache/701c3bc614170da8862edfea537eb4bd.jpg





كلّ ماناديت : وينك ، صدني عنّك قساك
يا أرقّ انسان قاسي / كيف في حقي قسيت




من كثر صدمة عيوني في تغلّيك وجفاك !
كنت أشكّ انك حبيبي ذاك يوم اني سعيت



كيف قلبك طاوعك تترك مبانينا وراك
كيف كفّينك تدمّر ما بكفّينك ،بنيت



كيف كيف وألف كيفٍ صاحت بوجهك : وراك ؟
هو خطاي اني منحتك / أو خطاي اني وفيت ؟



كنت لك : حضن يدفّيك ويصارع لك عناك
صرت لي : منفى تشربني عنادك / وارتويت



كنت لك : صبح تسلّف نسمته من عطر فاك
صرت لي : ليل ٍ يكسّرني ./ ويبني ألف بيت



كنت لك : بستاان عطّر راحتينك واحتواك
صرت لي نار ٍ تحرّق راحتيني / وارتميت



أجمع الذكرى / شظايا ، وآتخيلني : معاك ..
وأتخيلني فحضنك من قسى بردي لقيت !



حضن : دفّاني وشتّت برد خضته في هوااااك
حضن : جمّعني وبعثر حزن عارم / واهتنيت



يادفى هالكون / ياكون الدفى ماذا دهاك ؟
بسألك وأرجوك جاوب في بعادك وش جنيت



جيت لك : والبرد قارس وانت مستكثر دفاك
إما يدفيني : وصالك وإلا جعلي مادفيت !

[يقين]

رائعه يالموسه...

[جار القمر]

شكرا لميس على الاختيار الجميل

[وردهـ]

صح السانك
كلمات رائعه
يعطيك العافيه

[لميس]

تشكرات ع روعة مروركم
ودي واحترامي لكم

[سويد السويدي]

يعافيك ربي على الطرح الرائع
كلمات راقت لي

[لميس]

تشكرات ع روعة المرور
ودي لكـ

[تحدوك ياقلبي]

كيف كيف وألف كيفٍ صاحت بوجهك : وراك ؟
هو خطاي اني منحتك / أو خطاي اني وفيت ؟
ابداع~~لك تحياتيّ

[لميس]

تشكرات ع روعة المرور
ودي لكـ

[قوت القلوب]

كلمات رائعه بحق
نثرتي الجمال في طيااتها
احساس رائع
ونبض واسع بالخيال
يعطيك العافيه
ودي واحترامي

[لميس]

مشكورة ع روعة مرورك غلاتي
نورتي موضوعي
ودي ووردي لكـ