يوم في حياة عضو

[احلام وردية]

http://www.up-tumaer.net/up//uploads/images/tumaer-258143daea.gif

يوم في حياة عضو

موٍضوع جميلـ, وخفيف ويـآليت آلجميــع .. يشآرك فيه ..

آلفكره عجبتـــني وحبيت آطبقها في منتدآنآ آلمتأآلـــق ..

سنقوم بإستضآفة عضوٍ|ه ..تحكي اويحكي لنآ عن مسآر يٍوٍـٍوٍمه|ا...على شكل قصة او حكاية

منذ آن تصحٍوٍ صباحاً ===> حتى يحل آلليل وتنآم...

متحدثين بحريه تآمة وبأسلوب..عفوي جداً..

ويستحسن آن يكٍون الآسلٍوب يحوي

بعض آلمــرح والإنطلاق والتحرر من قيود الموآضيع آلرتيـبه

اوقصه ظريفه مرت عليك


ثم بعد أن تنتهي تقوم بأختيار عضو|ه بعدك..

لتسولف لنآ عن تفآصيل يومه|ا وكيف تقضيه...

وتذكر آلتفاصيل ليكون آلموضوع ممتعّ ...

طبعآ كل عضو نختآره ويتتكلم عن نفسه بعد آن ينتهي

لا ينسى

يختار العضو اللي يليه وهكذا....


الموضوع محتاااج تفآآعــــل مستمٍرٍ ...

واول عضوه معنا بتكون..


ونستفتح الموضوع بمشرفتنا الغالية

& الراقيه&

[» اِلـَوَفْآءْ بـِنْـتْ]

فكره جداً رائعة وخطيييرة
يستآهل الخمس َ نجوم ُhttp://www.tumaer.com/vb/tum/rating/rating_5.gif
بأنتظآر الراقيه
سلمت ِ يالغلا ِ ...كوني ْ بخير

[سُلاَفْ القَصِيدْ]

الله يعطيك العافيه احلآم على الفكره الروعه http://forums.mzaeen.com/images/smilies/icon_redface.gif
ومشكوره على ترشيحي
وانتظروني للعصر ان شاء الله لأني الحين مصدعه هههههههههه
دمتي بهذا التميز والابداع

[ام منى]

فكره روعه..وفيها تسليه للجميع
يعطيك العافيه
بانتظار الراقيه..

[جار القمر]

فكره حلوة
شكرا احلام ورديه

[سُلاَفْ القَصِيدْ]

السلام عليكم ..
هلا وغلآ .. بالجميع .. http://www.wzz6.com/smilies09/up/77.gif (http://www.wzz6.com/)
طبعا بما ان احلآم رشحتني اول وحده عاد تحملو ماجاكم .. http://www.wzz6.com/smilies09/up/67.png (http://www.wzz6.com/) << هههه http://forum.ma3ali.net/images/smilies/seko.gif

.. المهم .. ندخل في الزبده
بما ان ايام الأسبوع كلها ايام عاديه روتين فطور غداء عشاء نوم وكل بين وجبه وجبة نت http://www.wzz6.com/smilies09/up/65.gif (http://www.wzz6.com/)
فحبيت ان اكتب أفضل يوم بحياتي وهو يوم خميس من الخميسات اللي راحت .. ! >>> http://www.wzz6.com/smilies09/up/65.gif (http://www.wzz6.com/)
حيث السهر و الأستهبال وفلة الحجاج و الوناسه http://www.wzz6.com/smilies09/up/66.png (http://www.wzz6.com/)
قرر أخوي المحروس الكبير http://www.wzz6.com/smilies03/up/013.gif (http://www.wzz6.com/) .. و اخوي الصغير أبو ضروس .. http://www.wzz6.com/smilies03/up/wzz6(13).gif (http://www.wzz6.com/)انهم يطلعون بكره للمزرعه الصبح .. http://www.wzz6.com/smilies09/up/65.gif (http://www.wzz6.com/) طبعآ واكيد بياخذونا معاهم http://www.wzz6.com/smilies07/up/86.gif (http://www.wzz6.com/) لأن احنا بنسوي لهم الكيك والحركات الحلوه و توعدناهم http://www.wzz6.com/smilies07/up/92.gif (http://www.wzz6.com/) أن ما طلعونا بنحرمهم من الكيك والبساكيت http://www.wzz6.com/smilies09/up/bx9.gif (http://www.wzz6.com/)
يوم جاء با كر .. و بالتحديد الساعه 7 صباحاً بتوقيت قرنتش http://www.wzz6.com/smilies09/up/66.png (http://www.wzz6.com/) دخلنا المطبخ ندهر نسوي الفطور
واخواني جالسين يرى ينتظرونا وهات هالروئح يشمها اللي بالمنتدى http://forum.ma3ali.net/images/smilies/seko.gif
واخيرآ طلعنا وماصدقوا خبر ان احنا طلعنا http://www.wzz6.com/smilies07/up/92.gif (http://www.wzz6.com/)
المهم كل واحد يلبس نعاله واللي ياخذ سلة الشاهي وحالتنا حاله واخوي يهاوش ويقول يالله اركبوا
ولآ هونا http://www.wzz6.com/smilies03/up/wzz6(17).gif (http://www.wzz6.com/) فيها تهوينه على طول حملنا اغراضنا لصندوق الددسن خخخخخخخخـ
طبعآ اخواني قدام http://www.wzz6.com/smilies03/up/71_asmilies-com.gif (http://www.wzz6.com/) واحنا متحاشرين ورى هههههههـ بس وناسه http://forum.ma3ali.net/images/smilies/biggrin.gif
واخيرآ وصلنا المزرعه ومعنا قشنا واغراضنا الميراندا والأيسكريم اهم شي
و فرشنا الزوليه عند الشجر وجنب حوش الغنم http://www.wzz6.com/smilies09/up/66.png (http://www.wzz6.com/)<<~ مشاء الله مكان استراتيجي .. http://forum.ma3ali.net/images/smilies/seko.gif
و بعدها فرشنا السماط وحطينا الفطور ..وصار اخواني يممدحون في الفطور الأ وهو الصبيب
وتشققنا من الفرحه من كثر مايمدحون وهم ياكلون أكتشفنا ان الصبيب كله عجين http://forum.ma3ali.net/images/smilies/ac6.gif << هذا اللي يمدح ! http://forum.ma3ali.net/images/smilies/ac6.gif http://forum.ma3ali.net/images/smilies/seko.gif قال اخوي http://www.wzz6.com/smilies03/up/014.gif (http://www.wzz6.com/) والله لو ان احنا ماخذين لكل واحد سندويشتين فلافل و حمدنا الله .. كان أرحم <<~ ابو التحطيم بعد التسدح والتبطح عقب الفطور http://www.wzz6.com/smilies09/up/67.png (http://www.wzz6.com/) .. قلنا بنغير مكاننا لانه ماش بدت الشمس تجي علينا .. :/
المهم .. شلنا عفشنا و زوليتنا وفرشناها في البراد وعند العشب ..
و جبنا قوارير الميرندا و الأيسكريمات <<~ أهم شي .. وكل واحد يشرب وياكل ومستانين وهات سوالف وضحك وهستره يوم رفعت أختي الزوليه عشان بتطلع نعلتها ..
طلعت علينا عقرب صغيره http://www.wzz6.com/smilies08/up/cry2.gif (http://www.wzz6.com/) المهم قمنا وتطامرنا http://www.wzz6.com/smilies09/up/b4ac8c93f3.gif (http://www.wzz6.com/) من على الفرشه واللي طير نعلته واللي كب الميرندا حقته والبزران يصيحونhttp://www.wzz6.com/smilies08/up/7zn_081.gif (http://www.wzz6.com/) ايسكريماتهم طاحت في التراب
أما حالة أخواني.. بغوا يعضون ثيابهم ويهجون .. http://www.wzz6.com/smilies03/up/wzz6.gif (http://www.wzz6.com/)
المهم هداهم الله و ذبحوا العقرب والحمد لله ما قرصت أحد
و بعدها كملنا يومنا ,, و رجعنا للبيت .. http://www.wzz6.com/smilies09/up/66.png (http://www.wzz6.com/)
وتوته توته وخلصت الحتوتهhttp://www.cheesebuerger.de/images/midi/froehlich/a033.gif
.
يالله مع السلامه .. http://www.wzz6.com/smilies08/up/Fg_009.gif (http://www.wzz6.com/)
.
اختكم الراقيه http://forum.ma3ali.net/images/smilies/as2.gif
,
ارشح اللي بعدي صاحبة الموضوع فالتتفضل مشكورهhttp://forum.ma3ali.net/images/smilies/cool.gif

[سويد السويدي]

اول شي الزبده بالثلاجه
يازين المكان الي جلستو عنده <<< ريحه زكيه تشطفك مع الذبان
ما الوم الصبيب يكون عجين من طبخك

وبس هذي القصه احسب انك طبختي
كل هذاك اليوم رح كذا اكل ورجعه للبيت
لا والله القصه الرائعه يسلموووو ..

[مزاجيه]

مشاالله وش الحركات في المنتدى شي طيب وفكرتن حلوه .
بنتضارك ........احلام ورديه

[سويد السويدي]

بي انتظارك يا احلام

[سُلاَفْ القَصِيدْ]

اول شي الزبده بالثلاجه
يازين المكان الي جلستو عنده <<< ريحه زكيه تشطفك مع الذبان
ما الوم الصبيب يكون عجين من طبخك

وبس هذي القصه احسب انك طبختي
كل هذاك اليوم رح كذا اكل ورجعه للبيت
لا والله القصه الرائعه يسلموووو ..

استر ماوجهت ههههههههههhttp://forum.ma3ali.net/images/smilies/confused.gif
انت عارف العيال مايعجبهم العجب ولآ الصيام برجب
اجل وش نسوي نروح ناكل ونرجع ههههههه
حياك سويد
منورنا http://www.cheesebuerger.de/images/midi/froehlich/a033.gif

[سويد السويدي]

استر ماوجهت ههههههههههhttp://forum.ma3ali.net/images/smilies/confused.gif


انت عارف العيال مايعجبهم العجب ولآ الصيام برجب
اجل وش نسوي نروح ناكل لين ونرجع ههههههه
حياك سويد

منورنا http://www.cheesebuerger.de/images/midi/froehlich/a033.gif


ما وجهت الا الطيب
في هذ معك حق لا ويوم كلو الصبيب قالو ياليت ما خذين فلافل
في هذي ما يعجبهم الصيام برجب
دمتي بخير ...

[سُلاَفْ القَصِيدْ]

ما وجهت الا الطيب
في هذ معك حق لا ويوم كلو الصبيب قالو ياليت ما خذين فلافل
في هذي ما يعجبهم الصيام برجب
دمتي بخير ...

خخخخخخـ سويد انت كذا http://www.cheesebuerger.de/images/midi/froehlich/a025.gif

[احلام وردية]

ماشاء الله عليك يالراقية
مزرعة وحركات سوي خير واعزمينا فيها
والله فله ووناسه
يعطيك العافية
ولي رجعة بعد شوي

[ام منى]

ياهوانا ضحكت عليكم من جد تخيلت اشكالكم
لاوجنب حوش الغنم ..خخخخ
يعطيك العافيه

[احلام وردية]

بسم الله عسى ما تأخرت عليكم
بس رحت شوي شبيت على القهوة وجيت

ابتدي يومي على طول بدون مقدمات
اليوم بصراحة من الايام المملة في حياتي من قمت وانا مكسله

لا تلوموني كل ما نمت في الليل جاء واحد يفحط في الشارع اذانا والله من الساعة ثنتين الين قبل الفجر بشوي وهو يلف ويدور وكل ما قلت خلاص راح رجع يفحط الله يهديه موذي لخلق الله

ويوم دقت الساعة خمس ونص وانا اتقلب بالفراش اقوم ما اقوم اقوم ما اقوم وطبعا جت الساعة ست وانا أراود نفسي


طمرت وتعوذت من ابليس وعلى طول اقوم بناتي للمدرسه والعله ولدي باول ابتدائي يبي لنا ساعة نساحره يلبس ويتسنع

وبعد ما راحوا عيالي للمدرسة طار عني النوم وجلست على النت طيران لمنتدى تمير ويطري علي الموضوع وانزله

ثم بديت اقلب في النت شوي
وبعدها قمت اسوي لي فطير على قدي
ثم حسيت بتعب (اكيد رازه عمري عند النت )

دخلت ونمت شوي الا باللي فوق راسي (يمه ابي عصير)بنتي الصغيره

ما تتخيلون في هاللحظه والله ودي اصيح ما امداني اتلذذ بنومتي
اقوم لها وارجع انام

شوي ويجون بناتي من المدرسة اقوم افتح الباب واجلس معهم شوي ما دريت الا وانا منجطه اشخر

والا بصوت سيارة سي السيد جايب ولده من المدرسه (يعني خلاص مافيه امل انام)
واقوم اصلي واشب القهوة

اما الغداء والله ما سويت مكسره ما اقدر اوقف بالمطبخ جبنا من برا
والا دجاجتي على المجلى دخلتها قلت نلقاها عشاء
بعد الغداء غفيت شوي ثم اذن العصر قمت اصلي وعلى طول مصدعه ابي شاهي نصيت المطبخ حضرت الشاهي والبسكوت والحب واجتمعنا عليه
وعندي بنت غثيثه ما تحب الشاهي جابت حليب ابو قوس وهات يا شرب

وقدام المجد من روضة لبسمه ل الصغارابي هالبزران يهجدون عندها بس طلعت انا البزر
شوي اتفرج وشوي انام (جوعانه نوم )

نسيت اقول لكم الولد عنده اختبار في الحروف بكره واذاكر له لكن لا حياة لمن تنادي وهو لعاب وعيار آخر شيء جته نعله في ظهره وقلت ابخليك الحين والوعد في الليل ويا ويلك ان ماركزت معي && الله يعيني ودي يجي شاطر (معاناة أم)
يازين البنات عند العيال والله ما غثوني مثله

وبعده اذن المغرب وما اسمع غير هواش الابو على عياله توم وجيري يبون يصلون معه وهو يقول لا تلعبون في المسجد ما تصلون زين

اقترحت عليه اقتراح يأخذ معه واحد والعشاء واحد بس ما فيه فايده يبون يروحون كلهم ||ومن بغاه كله خلاه كله||

وبعد الصلاة جاء الاب واخذ عياله للحديقه مواعدهم اذا مارحتوا معي للمسجد اطلع بكم (شفتوا عاد )وانا جلست على النت
واليوم طبعا الثلاثاء وبكره وراي روحة لتمير فلازم اغسل ملابس

وها انا اسرد لكم يومي بالتفصيل:93:

وبس انتهت الحتوته
وان شاء الله ما اكون ثقيله عليكم

ارشح بعدي اختي الوفاء بنت
حياكي اختي الوفاء

[يا قلبي لاتحزن]

ماشاءالله الموضوع حلو وفيه اكشن وقول لي ام منى عندك خير وعندنا خير اخوي الصغير عجزنا عنه يعرف حرف الراء وشلون لو يعلمونهم انجليزي

[ام منى]

ياحليلك يااحلام انتي وعيالك ويخليهم لك ويحفظهم
تصلحون في مسلسل هههههههههه
يعطيك العافيه

[سويد السويدي]

بصراحه عيالك يذكروني بعيال عمي الله يخليهم لك
بس نسيت اقولك شي اذا سمعتي احد يفحط دقي على الشرطه

[سويد السويدي]

بانتظارك يالوفاء بنت

[سُلاَفْ القَصِيدْ]

يازين البنات عند العيال

في هذي صدقتي ياحبي للبنات وبس ههههههههههhttp://www.m-ro7e.com/vb/images/smilies/glb.gif

[سُلاَفْ القَصِيدْ]

ياهوانا ضحكت عليكم من جد تخيلت اشكالكم
لاوجنب حوش الغنم ..خخخخ
يعطيك العافيه
هههههههههههههههـ لو بكمل لكم السالفه كان بتموتين جد من الضحك وبتاخذ مني عشر صفحات خخخخخخخخخخخـ
خلي الطابق مستور بس كانت طلعه خياليه
ان شاء الله هالونااسه اليوم ودوووووووم

[احلام وردية]

وينك يالوفاء بنت
طال الانتظار
يالله حياك معنا
نبي نسمع سواليفك

[» اِلـَوَفْآءْ بـِنْـتْ]

سلمت ِ يالغلا ِ ع الدعوة
واليوم راح
َ بكرة لي حضور وبالصور
bRb

[سويد السويدي]

ان ما رديتي رح نغيرك يالوفاء بنت
بسرعه لا تطولين علينا

[ملاك الروح]

الله يعينك يا احلام على عيالك
بصراحه ضاق صدري وانا اقرأ الاحداث اللي صارت في يومك
تحياااااااااااااتي

[» اِلـَوَفْآءْ بـِنْـتْ]

آسفه جداً ع التآخير .. بس انتم عآرفين تسكير المنتدى والتغيرآآآت اشغلتني
بس آحمل كم صورة واحكيلكم كل اللي صآر معي هع

[سويد السويدي]

يالله طولت علينا القصه

[احلام وردية]

بإنتظارك لا تطولين
متشوقين للقصة

[احلام وردية]

ياحليلك يااحلام انتي وعيالك ويخليهم لك ويحفظهم
تصلحون في مسلسل هههههههههه
يعطيك العافيه
مسلسل اي مسلسل انا وعيالي طاش ماطاش براسها
نصلح يحطونا مسلسل رمضاني
نورتيني ام منى

[احلام وردية]

بصراحه عيالك يذكروني بعيال عمي الله يخليهم لك
بس نسيت اقولك شي اذا سمعتي احد يفحط دقي على الشرطه

اهلا بسويد السويدي
انا وعيال عمك من جنسنا كثير بس الله يعينا عليهم
اما بالنسبه ل المفحط كل رجال الحاره يطلعون على صوته وما زينوا له شيء الظاهر شايل اللوحة
والشرطه عجزوا

[احلام وردية]

الله يعينك يا احلام على عيالك
بصراحه ضاق صدري وانا اقرأ الاحداث اللي صارت في يومك
تحياااااااااااااتي


شكلي رحمت روحي من كلامك
بس الله يعينك اذا جاك عيال ودرسوا
راح ينبت في راسك نخل

[سويد السويدي]

ههههههههههه
حلوه نخل يا احلام

[» اِلـَوَفْآءْ بـِنْـتْ]

السلام عليكم ورحمة الله وبركاته
صبآح الخير .. http://www.5foq.com/vb/smail/rose.gifhttp://www.5foq.com/vb/images/smilies/CE_DP_Stealer.gif
طبعاً اليوم َ هو الخميس َ اللي رآآح .. وقسمن ْ ياسرع دورآت الأيام
كن الخميس بالأمس
المهم .. طبعاً كنت موآصلة يوم الأربعاء ليلاً ع النت
العب http://www.5foq.com/vb/smail/sm/33458_01226244133.png بلياردوا
بعدين َ آذن الفجر وجاء الخميس َhttp://www.5foq.com/vb/images/Smiles2/mo13.gif .. وصليت َ
وفتحت الفتوشوب وجلست اصمم مسجات ومن هالحركآت وماخلصتهآ الآ الساعة سبع ونصف ونزلتهآ بقسمي
وبعدهآ رحت ونمت <--- راح يومتس نوم http://www.5foq.com/vb/smail/sm/33458_11226244133.gif:t49:
وبعدين َ قمت الساعة الواحدة ظهراً والآ القهوة والتميرآآت جاهزة
وجلست اتقهوي http://www.5foq.com/vb/emoticons/jjhg.gif
شطبت عشان كن شئ وآآضح والملقف وآآجد ---->ماتقصد أبوحمدhttp://www.5foq.com/vb/images/mmm/sffdsvd.gif


http://3zqtr.net/up/3zqtr_1748089669.JPG


وبعدها رحت َ وغفيت شوي لين آذان العصر َhttp://www.5foq.com/vb/emoticons/14.gif
وبعد العصر طلعت َ لقرآيب َ لنا ---> بيت عمي
وسوآلف معهم وسعة صدر .. وبعد المغرب رحنا للسوقhttp://www.5foq.com/vb/smail/sm/icon120.gif
السوق ريآآآض غاليري
وآذن العشاء بالسوق وجلسنا لنا ع طاولة وطلبنا شئ نشفطة --->http://www.5foq.com/vb/emoticons/14.gif http://www.5foq.com/vb/emoticons/14.gif http://www.5foq.com/vb/emoticons/14.gif http://www.5foq.com/vb/emoticons/14.gif http://www.5foq.com/vb/emoticons/14.gif http://www.5foq.com/vb/emoticons/14.gif


http://3zqtr.net/up/3zqtr_1617374120.JPG


http://3zqtr.net/up/3zqtr_713891236.JPG


http://www.5foq.com/vb/emoticons/3.gif
وبعدها جلسنا نحومي بالسوق ... وبعدها طلعنا الساعة 9 من السوق الى سوق المملكة ----> وليت مارحنا http://www.5foq.com/vb/smail/sm5.gifhttp://www.5foq.com/vb/smail/sm5.gifhttp://www.5foq.com/vb/smail/sm5.gif
تخبرون يوم خميس َ والعالم ضايعة خير شر كيف عآد بيوم خميس وآجازتهم .
المهم خذنا لنا كم غرض وصعدنا الدور الثاني طبعاً
الا انا صعدت بالأصانصير http://www.5foq.com/vb/emoticons/eh_s(2).gif
ودخلنا محل شنط َ وآعجبتني شنطة قلت كم
قآل لي 18 الآآف انا بوقتهآ انعقد لسآني وسوين نفسي عآدي عندي السعر ---> رحمت نفسي
بس وآآضح اني تلعثمت :72:
شوفوهآ اللي ع اليسار اول وحدة سوداء
تستاهل السعر ..!!

http://3zqtr.net/up/3zqtr_388813647.JPG


وتبون الجد وضح علينآ الصدمة ورآآعي المحل حمآر http://www.5foq.com/vb/smail/sm/grins.gifhttp://www.5foq.com/vb/smail/sm/icon120.gif
قال روحوآ للجهة الثانية وشوفوآ الشنط سعرها 45 الف
بعدها شهقت َ وذبيت الميانة وعصبت َ وقلت لو معي ملايين
ماشريتهآ .. اشتري شنطة اعلقها ع ستفي كم دقيقة بـ 45 الف
http://www.5foq.com/vb/smail2/43.gif

http://3zqtr.net/up/3zqtr_122945555.JPG


وقال لي بيجي نآس تشتريهآ قلت هذولاَ مهبل :t49:
قال بوريكم شنط وقولوا لي تتوقعون كم سعرها

http://3zqtr.net/up/3zqtr_625242367.JPG


قلت َ لة ماندري قول وآخلص علينا
وفتح الدولاب لانهآ كانت مسكر عليهآ وطلع الكرت اللي في الشنطة
وقال هذي بـ 89 الف
وهنا شهقت َ ثم شهقوا اللي معي http://www.5foq.com/vb/smail/sm/get-6-2007-4nw_net_5vj863pi.gif
قلت َ معقولة احد يشتريهآ عطاني رد كنة وجهه
قال البنت ليش يسمونهآ بنت قلت ليش
قال عشانها دلع ---->http://www.5foq.com/vb/images/Smils%20For%205foq/015.gif وتحب تشتري وتدلع نفسها
قلت َ مهري نص الشنطة ..:t24:
قال الله يعطيكم َ قلت َ لو معي ماشتريهآ
وهذي شناط الدنيآ يالله الأخرة وبس .. وطلعنا من المحل
وروسنا تعورنا http://www.5foq.com/vb/emoticons/20.gif

وَ رحنا للبيت َوتعشينا .. ونمنا .. وتصبحون ع الف خير

[سويد السويدي]

قصه رائعه بس فيها شو من التعب
من سوق لسوق ومن محل لي محل
والتصوير وانت ماشي امتعتينا بيومك
بس المره الثانيه خذي معك دفتر شيكات
عشان اذا عجبتك شنطه تشترينها بشيك مزور

[احلام وردية]

هذا هو يوم الخميس يروح في مسايير او السوق
وان كان على الشنطه اللي اعجبتك
والله ان تلقينها في مكان ثاني وبسعر التراب
الوفاء بنت استمتعنا معك بيومك(( وانتي من اهل الخير))
لكن ما رشحتي احد بعدك
بدوري ارشح ام منى

[أبـوحـمـد]

شطبت عشان كن شئ وآآضح والملقف وآآجد ---->ماتقصد أبوحمدhttp://www.5foq.com/vb/images/mmm/sffdsvd.gif



زين الي شطبتي بس تراها ما تعكس شكل لونها اخضر فاتح هههه



قال روحوآ للجهة الثانية وشوفوآ الشنط سعرها 45 الف
وقال هذي بـ 89 الف



معقول هذي اسعارهم شنطه بهذي القيمه http://www.tumaer.com/vb/images/icons/icon5535.gifhttp://www.tumaer.com/vb/images/icons/icon5535.gifhttp://www.tumaer.com/vb/images/icons/icon5535.gif
89 الف اشتري بها جيب شاص جديد من وكالته ولا احطها في شنطه مدري وشي..


ماشاء الله عليك اختي الوفاء استمتعنا بيومك
والمزينه انه مصور..
تحياتي لك..

[ام منى]

مشاءالله عليك يالوفاء من سوق في سوق
والعجب سعر الشناط!!!!
استمتعنا بيومك المصور..
انتظروني شوي وراجعه لكم

[- فوق مستواك -]

الرآقية [ يوم رائع وسهل وخفيف ^.^ شكرآ ].
آحلام وردية [ يومك جدآ صعب مع البزورة ^.^ الله يعينك شكرآ ].


الوفآء بنت ~
©
يوم رائع ومميز ..
اومااا الشنط بهالسعر والله غالي بالمرة ~

مشكور ع اليوم الحلو واحسنتي الاختيار بالصور ™
وآصلي تميزك والى الامآم ~

لكن مارشحتي احد ~

•

[طير شلوى]

السلام عليكم ورحمة الله وبركاته
وعليكم السلام ورحمه الله وبركاته

صبآح الخير .. http://www.5foq.com/vb/smail/rose.gifhttp://www.5foq.com/vb/images/smilies/CE_DP_Stealer.gif
صباح النو والسرور

طبعاً اليوم َ هو الخميس َ اللي رآآح .. وقسمن ْ ياسرع دورآت الأيام
كن الخميس بالأمس
انه .. انه
المهم .. طبعاً كنت موآصلة يوم الأربعاء ليلاً ع النت
العب http://www.5foq.com/vb/smail/sm/33458_01226244133.png بلياردوا

وش حادك
بعدين َ آذن الفجر وجاء الخميس َhttp://www.5foq.com/vb/images/Smiles2/mo13.gif .. وصليت َ
اللهم لارياء
وفتحت الفتوشوب وجلست اصمم مسجات ومن هالحركآت وماخلصتهآ الآ الساعة سبع ونصف ونزلتهآ بقسمي
وبعدهآ رحت ونمت <--- راح يومتس نوم http://www.5foq.com/vb/smail/sm/33458_11226244133.gif:t49:
الله يخلف عليتس
وبعدين َ قمت الساعة الواحدة ظهراً والآ القهوة والتميرآآت جاهزة
وجلست اتقهوي http://www.5foq.com/vb/emoticons/jjhg.gif
بالعافيه بس ذبحك النوم وخاست جنوبك مع النوم











قال روحوآ للجهة الثانية وشوفوآ الشنط سعرها 45 الف
بعدها شهقت َ وذبيت الميانة وعصبت َ وقلت لو معي ملايين
ماشريتهآ .. اشتري شنطة اعلقها ع ستفي كم دقيقة بـ 45 الف

ههههههههههه "
ودي اعلق بس تعوذت من ابليس وهونت
http://www.5foq.com/vb/smail2/43.gif




وقال لي بيجي نآس تشتريهآ قلت هذولاَ مهبل :t49:
قال بوريكم شنط وقولوا لي تتوقعون كم سعرها

قلت َ لة ماندري قول وآخلص علينا
وفتح الدولاب لانهآ كانت مسكر عليهآ وطلع الكرت اللي في الشنطة
وقال هذي بـ 89 الف
اصحاب العقول في راحه
قال البنت ليش يسمونهآ بنت قلت ليش
قال عشانها دلع ---->http://www.5foq.com/vb/images/Smils%20For%205foq/015.gif وتحب تشتري وتدلع نفسها
تعريف جديد للبنت ..!!!
عشنا وشفنا

[ام منى]

كان يوم جمعه في المزرعه مجتمعين عند اهلي<امي وابوي>:t10: اخواني واخواتي ماشاءالله قمة الوناسه:t24: وهالبزران صجه ولجه مايخلون الواحد ينوم:044: من فجرالله قايمين اللي يلعب:t13::t94: والي يصارخ الله يهديهم يالله عاد النوم وطار من العين قلت مافيه قومي وانزلي وبصراحه الجو خيال وادخل المطبخ ونسوي الفطورمع الوالده الله يخليها لنا ويحفظها افطرنا وخلصنا وجلسنا برا على الدكه الى ان اذن الظهر جهزنا القهوه التمر والحلى وسوالف وسعة صدر خلاص انا معد اشوف قايمة من فجر:12smilies: واروح في وحدة من الغرف واغفي لي شوي :045:..
والا وقت الغداء تغدينا يله اتصل ابو العيال بنمشي للرياض صلينا العصرومشينافي السياره :80:الله لايوريكم طقني واطقك ماندري الا وهم نايمين ماينلامون قايمين من فجر وصلنا للبيت صلينا المغرب وهات من الحوسه الي مارتب دروسه والي عنده حفظ :t86:خلصنا جاء وقت العشاء مالي خلق اسوي شي جبنا من برا تعشينا ونمنا .

وبس مع السلامه..:t24:

[احلام وردية]

ماشاء الله عليك ام منى من قدك فطورزين ومع الوالدة
يوم الجمعه الصبح حلو لكن آخر النهار ثقيل وخاصة اذا كان وراك روحة ل الرياض
مشكورة ام منى ماقصرتي
بس ما رشحتي احد بعدك
امم اممممم ارشح سويد السويدي

[سويد السويدي]

لي رجعه بكره لكم ...

[احلام وردية]

لي رجعه بكره لكم ...
حياك الله بس لا تبطي علينا
متشوقين ليومك

[سويد السويدي]

ان شاء الله

[ام منى]

ماشاء الله عليك ام منى من قدك فطورزين ومع الوالدة
يوم الجمعه الصبح حلو لكن آخر النهار ثقيل وخاصة اذا كان وراك روحة ل الرياض
مشكورة ام منى ماقصرتي
بس ما رشحتي احد بعدك
امم اممممم ارشح سويد السويدي
مشكوره احلام والله يجمعنا ولايفرق بينا ..
ياشين الروحه للرياض يصير الواحد مقصر وماله خلق..

[سويد السويدي]

ما شاء الله عليك يا ام منى
والله يعينك على عيالك بالاجازه

[ام منى]

ما شاء الله عليك يا ام منى
والله يعينك على عيالك بالاجازه
مشكور سويد
ويله ورناوشلون يصير يومك..

[» اِلـَوَفْآءْ بـِنْـتْ]

شكراً لمن حضر وعلق ----> خفت اقلب الردود سوآآلف ونخرب الموضوع ع أحلام
والله يومك َ جميل أم منى والله يعينك َ ع وجع الرآآس
:t24:

[الموادع]

الرآقيه " عليكم مكان بالمزرعه يفتح النفس ( عند الغنم)
جالسين تحلبون وعلى طول بالبياله مع الفطور الظاهر ههه
أحلام عندك وعندي خير الله يصلح العطاء
ام منى الله يطول لك بعمر الوالده ويصلح لك ذريتك
الوفاء الشنطه الي معك بكم تبعينه ؟
الاسواق هاذي سبشل يعني اطلعي منها .
سويد مبلش العالم وتقول بكره بتظارك
=---=
موضوع شيق ورائع الله يعافيك

[» اِلـَوَفْآءْ بـِنْـتْ]

الوفاء الشنطه الي معك بكم تبعينه ؟
الاسواق هاذي سبشل يعني اطلعي منها .


خخخخخخخ
يعني انت تردها لي .. مافي مشكلة اشتريها بس اخاف من الله يحاسبني عليها
واخاف عليك تموت مطعم وكلت فية ب300 وبغيت تموت علينا .. كيف لواحط الشنطة بالمنتدى واقول شريتها :t24:

[ام منى]

ام منى الله يطول لك بعمر الوالده ويصلح لك ذريتك
اللهم امين
الله يحفظ لي امي وابوي ويخليهم لي والله يهدي عيالي ويوفقهم
وجزاك الله خيرا ولك بمثل ماقلت..

[أبـوحـمـد]

الله يعافيك ام منى استمتعنا معك بيومك والله يحفط لك اهلك من كل شر..

[سويد السويدي]

لحظات واعود لكم ...

[ام منى]

الله يعافيك ام منى استمتعنا معك بيومك والله يحفط لك اهلك من كل شر..
جزاك الله خيرا

[سويد السويدي]

اشكر الاخت احلام ورديه على الترشيح واليكم القصه ...

في يوم الاربعاء وانا جالس بالبيت >>> على المنتدى
جاني اتصال من شخص عزيز علي وقالي يالله نروح
لم القصيم ويوم ركبت معه نسيت البوك بالبيت
بس تدرون وين كنا فيه حول تفتيش الزلفي
ويقومون بالتفتيش وتفتيش السياره ويدقون برنت وما يصدقون اني اسمي افلان ولد فلان ونتحول لم قسم شرطة
الغاط الي الله لا يعيده من قسم اعوذ بالله
ناس بجم تقول جايهم ارهابي مكلبش اليدين والرجلين
بصراحه انا قلت عسى منيب ذابح احد اعوذ بالله
وندخل على الظابط قال هلا والله ومرحبا من وين جاين قلت من الرياض اهل الرياض
قلت هلا بكم والله قال وين رايحين انت وخويك
قلت ابد مسيرين على باريس نجد ويجيني القلم
يمشي مليون بصدري قلت يالعن ام الاحترام الي تعرفه
قام وقال الي ما يمشي بي اثباته يعتبر مجرم قلتله سجل
الرقم المدني وشيك على اسمي اذا بغيت تعرف من اكون
قال اقول اسكت ولو اسمع صوت والله لجدعك بالزنزانه
قلت الله يستر من الزنزانه اثر الرجال مطول ويقوم خوي
ويرجع لم الرياض وانا ما ادري عنه انه راجع لم الرياض
واقوم وانام لك ذيك الليله عندهم الله لا يعيدها من روحه
واقوم واقول بصوت عالي ياما في السجن مضاليم قال العسكري الي مستلم على باب السجن وش تقول قلت سلامتك ويقومون ويجيبون
العشاء الله يدوم النعمه يارب رز ابيض مافيه ملح ودجاج
ما انطبخ زين اقوله طيب جب جوالي بدق على الوالد
قال انت متسول قلت احترم الفاظك ويرتفع الظغط عندي 1000 قلت اسمع انت والله لو انك ادمي افصخ البدله وتعال ادخل >>> قطع ازرار عسكري عليه 6 شهور قلت اسمع الوعد المحكمه يوم السبت وانا اوريك على الفاظك القبيحه ويجي يوم الخميس الصبح ويدخلون علي واحد سكران والعياذ بالله ويقوم ويتلفظ على العسكري ويجونك يمشون مليون ويوطونه برجولهم ويجي خويي الصبح ويجيب الاثبات ويطلعوني وانتهت السالفه وارجع لم
الرياض وارفع خطاب عليهم وتنتهي السالفه ...

وارشح اخوي ابو حمد

[الموادع]

هههههههه
بس ماودي اضحك اخاف يصير علي مثلك ياسويد
والله قهرني تصرفهم معك يآخي معروف السعودي من الاجنبي إلا كانك تشبه يماني خخخخ عشان كذى صرت متسلسل
الحمدلله على سلامتك ومادرينا عنك كان خليناك عندهم قصدي طلعناك من عندهم حللني لايصير لي ماصار لك .
دمت بخير

[» اِلـَوَفْآءْ بـِنْـتْ]

قلت ابد مسيرين على باريس نجد ويجيني القلم
يمشي مليون بصدري قلت يالعن ام الاحترام الي تعرفه

:t49::t49::t49::t49::t49::t49::t49:
:t49::t49::t49::t49:
:t49::t49:
:t49:


من جدك َ والله
للأسف كان التعامل كذا ..!! وشئ غريب َ فعلا ً

[سويد السويدي]

هههههههه
بس ماودي اضحك اخاف يصير علي مثلك ياسويد
والله قهرني تصرفهم معك يآخي معروف السعودي من الاجنبي إلا كانك تشبه يماني خخخخ عشان كذى صرت متسلسل
الحمدلله على سلامتك ومادرينا عنك كان خليناك عندهم قصدي طلعناك من عندهم حللني لايصير لي ماصار لك .
دمت بخير

الله يحللك يالموادع تراني والله كنت قاعد اضحك
على واحد ماسكينه رايح لم ماكدونالدز على رجليه
وما معه اثبات قمة استهبل عليه واضحك
بس والله جلست يومين الا انا ناسي الاثبات

[سويد السويدي]

:t49::t49::t49::t49::t49::t49::t49:
:t49::t49::t49::t49:
:t49::t49:
:t49:
من جدك َ والله
للأسف كان التعامل كذا ..!! وشئ غريب َ فعلا ً

اقول جعل ما يجيك مثل ما جاني

[وردهـ]

والله رحمتك من جد يالسويد
قصتك تقطع القلب
والله يكون بعون الي مثلك ينسى الهويه

[جار القمر]

الحمدلله على السلامه
والاعراب هذا حالهم وهذي قمة الدبلوماسيه عندهم

[ام منى]

خخخخخ
هذي نهاية الضحك على الناس
الله لاتبلانا..

[احلام وردية]

والله استمتعنا معك يا سويد بها القصة
اما يومك راح خساره من باريس نجد لزنزانه وعسكري على الراس
وكملت بالسكران الله يعافينا (شكلك انهبلت يوم دخل عليك )
تسلم سويد
وبإنتضارك ابو حمد

[سويد السويدي]

والله رحمتك من جد يالسويد
قصتك تقطع القلب
والله يكون بعون الي مثلك ينسى الهويه
الورده البيضاء
ايه والله الله يعين الي بينسى هويته

[سويد السويدي]

الحمدلله على السلامه
والاعراب هذا حالهم وهذي قمة الدبلوماسيه عندهم

الله يسلمك يا خوي
وش نقول غير حسبي الله عليهم

[سويد السويدي]

خخخخخ
هذي نهاية الضحك على الناس
الله لاتبلانا..

ام منى
بلا ضحك لا يجيك
ما جاني بسبب الضحك
والله لا يبلا الجميع ...

[سويد السويدي]

والله استمتعنا معك يا سويد بها القصة
اما يومك راح خساره من باريس نجد لزنزانه وعسكري على الراس
وكملت بالسكران الله يعافينا (شكلك انهبلت يوم دخل عليك )
تسلم سويد
وبإنتضارك ابو حمد
لا لاتخافين كانها على السكران
من يوم دخل يسب العساكر
ويرضونه وهو ساكت
والحمد لله الي طلعني بالسلامه

[سويد السويدي]

ابو حمد وينك الله يطول بعمرك ...

[أبـوحـمـد]

للاسف الشديد ما عندنا الا نا جهله ووضعو لهم منصب ا ما يجعلنا نحقد عليهم ..
رجل الامن المفروض يحترم المواطن مهما صار
لكن عندنا هنا ناس جهله وللاسف الشديد ما معه ولا شهاده ..

شكل يومك يا سويد راح بين هالحيطان الله يكون بعونك ..
دزلي راساله يا سويد عشان ادري توني داري يوم دخلت الموضوع
لي عوده..

[أبـوحـمـد]

للإسف الشديد ما عندنا الا نا جهله ووضعو لهم منصب هذا ما يجعلنا نحقد عليهم ..
رجل الامن المفروض يحترم المواطن مهما صار
لكن عندنا هنا ناس جهله وللإسف الشديد ما معه ولا شهاده ..

شكل يومك يا سويد راح بين هالحيطان الله يكون بعونك ..
دزلي راساله يا سويد عشان ادري توني داري يوم دخلت الموضوع
لي عوده..

[أبـوحـمـد]

http://m5awitumair.com/upload/uploaded/12_21239787110.jpg

http://m5awitumair.com/upload/uploaded/12_01239787243.jpg

لي شهر وانا رحت وبروح للرياض واخيرا
امس رحت بعد الظهر خرجت من الدوام
وعلى الرياض تعرفون الواحد لازم يروح بدري عشان
الزحمات الي في الرياض ويا خذ احتياطه..
كنت ذيك الايام اخاف ادخل في الزحمات تدرون ليش
لان ما معي تأمين على السياره وصار الحين اجباري ..
الحين صرت اشطفهم تشطيف اول يسجنونك اذا صدمت احد وتتبهذل الحين ماعليك رزالهم التأمين وافتك منهم..

المهم رحت لمهمه عشان اخلصها بدري ومتوقع اخلصها مع المغرب لكن المسأله طالت وما خلصت منهم الا قبل العشاء بشوي..
ويوم خلصت منهم جاء في بالي محل في الرياض
بس ما ادري وينه فيه اخذت رقمه من رفيق لي من
شهر ونص تقريباَ المهم انا ما حفظت الرقم قلت بلقاة في السجل ولقيت رقم يشابه الرقم الي عطاني خويي
وخزنته معي بس ما صاررفيقنا راعي المحل صار رفيق قديم لي ووالله اني استحيت منه --->ورور!!
المهم دقيت عليه والا الي يكلمني رجال>> سعودي السلام عليكم..
وعليكم السلام..
قلت كيف حالك اخوي قال بخير ..

وقلت بالله محلكم هذا وين يا اخوي موصف لي واحد من الربع ووصفه ماهوزين
وبغيت اخذه منك ..
قال علينا يا.......!! <---- العياره..
قلت شكلك عيارانت قال بزود .. قلت في نفسي شكل راعي المحل هذا فله..
المهم قلت وين محلكم هذا قال في......!!<--- قلت الرجال يمون!!
اترك عنك الحسي الي ماله سنع عساك حولنا بس
قلت وينك انت قال في المزرعه انا وابوي جالسين
قلت انا الحين في البر بس شفت سياره مثل سيارتك
ماره جنبنا وقلت اتصل عليه يجي يمنا
الين استرجته في الكلام الين عرفت صوته ودريت اني داق بالغلط..<----- يا شين هالموقف!!
المهم مشت على الرجال وسلكت له والحمد لله ..

المهم وانا طالع من الرياض شافني واحد من ربعي
في طريق الملك فهد والله الصدفه بعد ..
دق علي وسلم وقالي وينك فيه قلت ابد في تمير
قال شف التفت يمينك ويوم التفت الا هو يضحك علي
والله ضاع وجهي..
انا يوم اقوله في تمير ما بغيت يعرف اني بالرياض
وما رحت له..
المهم قال بسبقك للبيت قلت زين انا وراك
خفت يزعل علي..
وتعشيت عنده والحمد لله ولا مطرست مطعم هندي ولا تركي ولا ايطالي ولا بنغالي ولا سوري ولا مدري وش بعد..

ويوم جت الساعه10 وانطلق الى تمير جعلها السيل ان شاء الله ..

http://m5awitumair.com/upload/uploaded/12_01239787110.jpg

http://m5awitumair.com/upload/uploaded/12_01238778252.jpg

ووصلت الساعه 11وربع
هذا يومي كله راح في الرياض والزحمات
والغثى ..

ارشح بعي>> طيرشلوى

[سويد السويدي]

للاسف الشديد ما عندنا الا نا جهله ووضعو لهم منصب ا ما يجعلنا نحقد عليهم ..
رجل الامن المفروض يحترم المواطن مهما صار
لكن عندنا هنا ناس جهله وللاسف الشديد ما معه ولا شهاده ..

شكل يومك يا سويد راح بين هالحيطان الله يكون بعونك ..
دزلي راساله يا سويد عشان ادري توني داري يوم دخلت الموضوع
لي عوده..
والله معك حق يا ابوحمد والله هذاك اليوم
يمسكني واحد واطلع له اثبات اخوي
قال وش اسمك قلت مشاري
ويناظر الصوره قال هذا انت قلت ايه
قال يالله رح لا اشوفك تدور
والله انه ما يعرف يقراء الله لا يبلانا بس
وكانها على الحيطان والله اني تعبت
حسبي الله عليهم
واسف اني ما ارسلت رساله لك يا ابو حمد ...

[طير شلوى]

يوم دراسي جديد ..

الساعه 7 وربع حركت من البيت متوجهه للجامعه .

بسم الله وع بركه الله تحرك من البيت وتطلع ع الدايري تجلس ساعه الا ربع عشان تاصل ...
تقعد تعشق في الموتر كل شوي وتاقف لين يجيك شد عضلي من هالزحمات
وتكره الدراسه وتكره الرياض كلها من هالزحمات الي تروع "

المراد وتقبل ع الجامعه وماتصدق خبر تدخل المواقف تلقاهم وقفين كل واحد يحتري الثاني يتحرك ..!!
وتشوف هالسكرتي لايهش لا ينش ..

قصدي ضابط اوب سكرتي

وتقعد تحوس واخر شي توقف فوق رصيف ولا تلفزة بين هالمواتر ..

والحمد الله تخلص من هالمشكله وتدخل الكليه وتروح تاخذ لك مويه تبل ريقك ..

ولا الساعه قد صارت 8 وخمس دقايق
تدخل القاعه الا الدكتور توه داخل قبلك بثانيه ويردك يقول انت متأخر ...!!

عجيب حلال عليه حرام علينا ..

الدكتور / وش مأخرك يا سعود.
سعود / الي اخرك هو الي اخرني .
الدكتور / بابتسامه المواقف زحمه شوي
سعود / انتم الله يحييك لكم مواقف خاصه . وش نقول حنا
الدكتور/ ادخل ولا تتأخرة مرة ثانيه .
سعود يخاطب نفسه / ايييييه يالدنيا .. الحلال حلال ابونا والقوم اطردونا.

والدكتور يبدا اشرح وسعود راعي سالفه مع رفيدزة الي جنبه يخططون ع فطور عند فوال خابرينه قريب التميس عنده ع كيف كيفك ..
وماصدقوا خبر طلعوا من القاعه الا هم ناصين الفوال "

وافطرنا ورجعنا للمحاظرة الثانيه الا فيه دكتور شريطي
ابلشنا بيعات شريات عقارات سيارات بتاع كلوة الله يجزاه خير .

لايقول تراني مالي في التدريس بس نقطع الوقت عندكم ونمشي لأشغالنا <<< شين وقوي عن

اخر شي يقولن هذي الجامعه الاولى عربيا <<< امحق بس زيوا مواقفكم الله لايعيدها من مواقف مغير كل يوم جاين مخش ودقش في مواترانا .

..
.

دمتم سالمين

[سويد السويدي]

ابو حمد ثاني مره خلك صريح
عشان ما تنكب مع احد مره ثانيه
وهد السرعه مره ثانيه يالغالي

[سويد السويدي]

طير شلوى لا تعلق على احد
واذا بغيت مواقف ذبها على الشارع
مو لزم تدخل موترك بالداخل
الخمس دقايق الي انت بتدور موقف فيها
استفد منها بالمشي ولا تعلق على الدكاتره
الله معطيهم قوة في السمع عشان ما تتفاجئ بحرمان اخر السنه

[سُلاَفْ القَصِيدْ]

يعطيكم العافيه

بجد والله استمتعنا بمواقفكم الحلوه

والله ياهي فضايح مابعدهاش فضايح خخخخخخخخخ بس تهبل ـ:72:

طير شلوى مارشحت اللي بعدك منو:t24:

[وردهـ]

يحليلكم
ابو حمد حبل الكذب قصير
طير شلوى اسبق الناس للجامعه عشان تلقى موقف لسيارتك

[احلام وردية]

ابو حمد اول ما قلت رايح ل الرياض عندي شغل قلت اكيد معارض سيارات
او الصناعية هذي شغلتكم يا الرجال
صراحة استمتعنا معك ابو حمد
ودام فيه جوالات لا عاد تكذب تراها وهقه
دزلي راساله يا سويد عشان ادري توني داري يوم دخلت الموضوع

انا ارسلت لك ابو حمد لا اكون غلطت وارسلت لغيرك
مشكور ابو حمد وحمدا لله على سلامتك

[احلام وردية]

طير شلوى الله يعينك على يومك اكيد هذا روتين يومي في حياتك
استمتعنا معك بجو الجامعه وغثاها
بس ما رشحت احد بعدك
وان بدوري ارشح نسيم

[أبـوحـمـد]

ابو حمد ثاني مره خلك صريح
عشان ما تنكب مع احد مره ثانيه
وهد السرعه مره ثانيه يالغالي

صدقت والله وعلى ما قالت الورده البيضاء
حبل الكذب قصير>> تراي ما اسرعت يا سويد..
تحياتي لك..

[أبـوحـمـد]

يعطيكم العافيه


بجد والله استمتعنا بمواقفكم الحلوه

والله ياهي فضايح مابعدهاش فضايح خخخخخخخخخ بس تهبل ـ:72:


طير شلوى مارشحت اللي بعدك منو:t24:


الله من الشي يالراقيه بس هذا الي يحضرني الآن ..
تحياتي لك..

[أبـوحـمـد]

يحليلكم
ابو حمد حبل الكذب قصير


والله انك صاقه والمشكله مهيب اول مره
كل مره اطيح في هالمواقف هذي
خلاص من اليوم هذا بكون صريح:t24::t24:

[أبـوحـمـد]

ابو حمد اول ما قلت رايح ل الرياض عندي شغل قلت اكيد معارض سيارات
او الصناعية هذي شغلتكم يا الرجال
صراحة استمتعنا معك ابو حمد
ودام فيه جوالات لا عاد تكذب تراها وهقه

انا ارسلت لك ابو حمد لا اكون غلطت وارسلت لغيرك
مشكور ابو حمد وحمدا لله على سلامتك

تبين الصدق يا احلام لا هذي ولا هذي بس كان لي شغل بالصناعيه وما امداني عليه يبيلي 3ساعات او اكثر لو ادخل الصناعيه..
لكن نبي نخلي لها يوم مخصص
بس مدري متى !!
وتوبه ان كذبت على احد خلاص استادبت من اليوم هذا..
شكل الرساله راحت لشخص ثاني
لو جتني دخلت على طول..
الله يسلمك اخت احلام وشاكر لك موضوعك
وتفاعل الاعضاء..

[أبـوحـمـد]

طير شلوى وراك ما تبكر تجي قبل موعدك بساعه
وش يضرك عاد لو خذت احتياطك..
وهذا مهوب عذرانك ما لقيت مواقف >>تعال بدري
والله يعينكم على هالزحمات ..

[ام منى]

ابوحمد:هذي الرياض وزحمتها..
اجل الي عايش فيها وش يسوي
طيرشلوى:الله يعينك ويوفقك ربي..

[أبـوحـمـد]

ابوحمد:هذي الرياض وزحمتها..
اجل الي عايش فيها وش يسوي

ما اقول الا الله يعينكم يا ام منى على هالزحمات
انا مستحيل جدا اني اعيش في الرياض..

[خطوة أمل]

مواقف حلوة خصوصا راعي السجون

لا يضيق خلقك السجن للرجااااااال ياحلو خبرنا قبل نرسل لك فول وطعميه

هههههههه خخخخخخخخخخخ ابموت من الضحك عليه

الله يسعدكم ياجماعتي

[نسيم]

احلام وردية انا جيت بس اصبروا على ابدور لي حكي.

[احلام وردية]

حياك الله ونحن ننتظرك
ومشتاقين ليومك اكيد راح يكون فله

[نسيم]

حياك الله ونحن ننتظرك
ومشتاقين ليومك اكيد راح يكون فله
ماش مالقيت شي عجزت اتذكر والله

[نسيم]

-------------------------------------------------
ابنتظر بكره واجيب اليوم

[أبـوحـمـد]

اقول ما صار يوم هذا يا نسيم صار اسبوع الحين
عجل علينا يا رجال لو تعطينا من الارانب الي عندك
تراها عادي بس اخلص علينا..

[نسيم]

كنت متفق مع العائلة ان يوم الخميس نبيه يوم مفتوح( فري)متسوق وناكل في المطاعم ونبي ندور فندق ونرتاح فيه ويوم الجمعة ندور مطعم ونتغدا فيه .المهم قمنا الخميس مبكرين وفطرنا والموتر شغال يوم طلعنا وركب بعضنا والبعض الاخر يشيل شنطه واللي يشيل البزور الصغار .
المهم يوم طلعت لين فيه ربع يوقفونا عند الموتر (سلام عليكم)قلت مرحبا .والفيئة هذى من خارج البلد(الضيوف).حنا نركب موترنا يعني يفهمها الغبي .قلت اقلطوا .انا قلتها والا ماقلتها الا يوم نزلوا (ياالله صباح خير).
وانا ارجع للاهل قلت هاه وش رايكم .صراحة صدمه قوية .خرب المشروع وخرب الونس .وقاموا البزور يبكون نبي نروح والضيوف يسمعون ويشوفون وضعنا اللي حنا فيه .والضيوف هذولا ماهمب جايين من طرقه بس كذا له شغل وقفلت المحلات الظهر يبي يجلس عندي لين تفتح المحلات العصرويلقيني قفاه.
انا صراحة بين غار ونار .قلت عيالي ولا شياطين خلق الله .
قلت اقلطوا في المزرعة وانا جايكم .وخلي العمال يقومون بالواجب وانا اروح في دربي.
المهم اني مشيت واتصل على العامل وهو يعرف شغله .قلت وش صار على ضيوفك انا احسبنهم زعلوا .قال العامل هذولا هم متسدحين ويقولون عطنا الغداء .قلت للعامل غدهم وصلح اللي يبون .
مشكور يا احلام على الاستضافة

[فديت تمير]

خخخخخخ عجبهم الوووضع
بس مشااء الله عليك ~

[قصام]

اشكر صاحب الموضوع على هذا الابداع
واشكر كل من شارك بسرد يوم من ايامه
الي بالتوقيف والي بالجامعه لكن والله ذكرتني بالجامعه ومواقفها
يا حليلكم اجل قلق المواقف خخخخخخخ
زين ما سويت يا نسيييم الاقربون اولى بالمعرووف

تشكرااااتي

[أبـوحـمـد]

واخيرا جيت يا نسيم >> ما بغيت يا اخي..

تبي الصدق فيه ناس ما همها الا انفسها وبس وما تستحي ابد ..
بس اذا تبي شوري يا نسيم كلمه تستحي منها بدها..
وزين سويت ..

[احلام وردية]

ماشاء الله عليك يا نسيم
كنت متوقعه يومك راح يكون فيه اكشن
بس وشلون جسرت تخليهم الا ان كنت تمون عليهم
والله كنت مشغوله اليوم بس دخلت اتشوف اذا نزلت يومك والا بعدك
لكن ما رشحت احد بعدك
انا بدوري ارشح بدالك جار القمر

[نسيم]

واخيرا جيت يا نسيم >> ما بغيت يا اخي..

تبي الصدق فيه ناس ما همها الا انفسها وبس وما تستحي ابد ..
بس اذا تبي شوري يا نسيم كلمه تستحي منها بدها..
وزين سويت ..
ياخوي بعض الناس مايستحي ولا يبي يقدر الظرف اللي انت فيه.هو يشوف الوضع قدامه بس مايبي يفهم كنه مايشوف جعله العمى اللي يعميه.بشر ميت دماغيا ياصديقي.

[سويد السويدي]

هذولي من الفئه الي ما تستحي والله يعينك عليهم يا نسيم

[نسيم]

ماشاء الله عليك يا نسيم
كنت متوقعه يومك راح يكون فيه اكشن
بس وشلون جسرت تخليهم الا ان كنت تمون عليهم
والله كنت مشغوله اليوم بس دخلت اتشوف اذا نزلت يومك والا بعدك
لكن ما رشحت احد بعدك
انا بدوري ارشح بدالك جار القمر
وشلون اكشن يا احلام ؟بلاش اللغاز .لا والله مهنا ميانه لكن دمعة الطفل تسوى ستين واحد من الاشكال اللي ماتقدر الظرف.
جار القمر والله يستاهل .لكن تراي والله مادريت اني اختار احد.

[خطوة أمل]

موقف مزعج

ولكن خير ماسويت....وخيركم وخيركم لأهله

دمت بود

[احلام وردية]

وينك يا جار القمر بإنتضار يومك
لا تطول الغيبه

[جار القمر]

ابشري طال عمرك
جتني الرساله وانا مستعجل لان وراي مشوار مزعج قلت فرصه نخليه هو اليوم المطلوب
خلوني احدثكم عن اليوم من يوم فتحت عيوني الين هلحين
انه في يوم السبت الموافق 4-11-1430 هـ كنا على موعد انا والاهل والبزوره للذهاب للسوق لشراء ملابس العيد وحاجياته
عندنما رنت الساعة معلنة القيام لصلاة الفجر استيقضت من النوم مخروشا لا ادري وش انا فيه من حزه ولما تكر انني في الفجر وان وراي قومه ووضوء وخروج من البيت للصلاة وانا اسمع صوت الهواء يصوفر والدرايش لها قرقعه جاني الشيطان وقال لي خذ لك غفوة يمديك باقي على الاقامة 20 دقيقة ولولا خوفي من اله كان سحبتها نومه الين تطلع الشمس وترتفع قيد رمح ولاكني تعوذت من ابليس وقلعه الله عني المهم توضيت ولبست ثوبي وكلي زمل وش يايطلع في هالبرد وانا عيشتي وعيشة البرد مانداني بعض
فتحت الباب ولاكن ولله الحمد كان الهواء مهوب على ماسمعت كان دافي نوعا ما
صليت مع الجماعة وعندنا امام الله يجزاه خير صلاته قلبه قلبه هو يسجد وحنا تونا نركع واذا سلم والانا تونا في السجده التالية
رجعت عقب الصلاة قلت افتح المنتدى او ارقد ولاكن تفكيري السليم قادني لاخذ غفوة لان وراي مشوار
استيقضت من النوم عند الساعة السابعة صباحا ولقيت المرة مصلحة القهوة تقهوينا وجبت الخبز وافطرنا وعينا من الله خير
بعدها اعلنا حالة الاستنفار وقومنا البزوره وركبنا السيارة وانطلقنا الى حيث اتجهت بنا وكانت وجهتها الى العاصمة الرياض
وكنا في سعادتةغامرة حيث كان الاولاد ينشدون تاره ويكبرون تارة وسواليف وعلوم زينه وماكدر خاطري غير ازعاجهم وواحد منهم واقف في المرتبه اللي وراي وحاط خشته عند اذني ويسولف وينشد ويكبر وانا اللي افك مزلاج المرتبه وادفه والاه طايرن في قزازة وراء ابلشي وافجر اذني
وصلنا الرياض حول الظهر وقمنا ندور ونبرم الين صلوا الناس وبنتدي الصغيره تقول يبه ياويلك من الله يبي يحطك في النار ( اعوذ بالله من النار ) قلت ليش قالت طلعو من الصلاة وانت ماصليت >> معودتها الابلا الله يجزاها خير
هالكلمة اثرت في بس صرفتها وقلت لها يابنيتي المسافر يجوز له أن يجمع بين صلاتي الظهر مع العصر جمع تقديم او تأخير أيهما شاء ونحن سوف نجمعها مع العصر ان شاء الله
بعد الصلاة فتحت المحلات ورحنا لمطعم بيت الشواية وتغدينا فيه وفلينا الحجاج وانبسطنا وبغينا مانطلع منه
ركبنا السيارة ورحنا نتمشى الين يذن العصر وماسرع الوقت في الرياض يطير طيران
اذن العصر ورحنا لمسجد في شمال الرياض وصلينا فيه الظهر مع العصر جمعا ونصف قصر ( 6 ركعات )
بعدها توجهنا للسوق ودخلنا السوق
وهنا بدأت الأعصاب تشتد وبدأت الانفس تشين وبدأت الخشش تتفخ
لقيتو شي لا
وش رايكم في هذا
لا هذا ما يصلح
هذا قديم
هذا لابسينه العام
هذا شايفينه على الفلان
هذا طويل
هذا قصير
وخذ من هالموواويل
الين طقت انبيراتي
قالت هالسوق مافيه شي قوه لسوقن اخر قلنا يالله امرنا لله
ورحنا لسوق اخر ومن محل في محل ومافيه الا النار الحاميه
وكل شوي متهاوش مع المرة بس ياصبرها >> لو ماصبرت ماحصلت
وياصبري بعد عليها >> وش اسوي عييلي
اذن المغرب ماخلصنا الطلبات رحنا وصلينا ورجعنا بعد الصلاة وازين مالقيت ثوب الاصيل من زمان وانا ادوره ولا لقيته
وهالبزران موجعين راسي كل شوي ساحبني واحد يبه تعال شف واروح معه والقاه شايف له لعبه او كورة او شريط سوني او شي ينوكل يبه اشتره لي
يوم مابقي على اذان العشاء الاعشر دقايق شبيت عليهم اركبو والا رحت عنكم انا جوعاااااان ابي شي آكله تحدر الغداء من كثر المشاوير
طلعنا والنفوس شينه وهي تقول خلنا نقعد بعد العشاء قلت اركبي لايجي علم ثاني يصلح العيد بلا حنا
رجنا محندرين يكلموني وانا ساكت
مرينا البقاله وخمخمت اشياء نقرضها تعبرنا الين ناصل البيت عصيرات وكيك وفطاير حلاة بقر واهم شي عندي واكلتي المفضله من البقالة بطاطس برينجليز الاصلي الاحمر مع حمضيات او ميرندا ياسلام
عقب ما قرمشنا البطاطس كن الخاطر بدا يزين وبدت السوالف وجيناك لاقطينه
وفي الرجعه كالعاده الاولاد يتهاوشون وخذ ياصياح وازعاج ولاكن الحمدلله الحاله مهيب تطول لان النوم مايخليهم في حالهم
وصلنا البيت وصلينا صلاة العشاء وفتحت التلفزيون ولقيت مباراة الهلال وجلست عندها الين خلصت والحمدلله فاز الهلال ثم غيرت القناة ولقيت مباراة الريال وكملت السهرة عليها والحمدلله فاز الريال واثناء المباراة كان العشاء قد جهز وتعشينا وحمدنا الله على عطائه
بعدها توجهت الى مالنا عنه غنى منتدانا الحبيب وبدات اكتب مذكرات رحلتي الميمونه مع زوجتي المصونه واولادها حيث النكهه التي يخالطها الازعاج مثل المطر لاجاء معه عج
والسلام عليكم ورحمة الله وبركاته
وشكرا لاختي احلام ورديه على اختياري

[أبـوحـمـد]

ما شاء الله عليك اخوي جار القمريوم جميل قضيته مع اهلك وابنائك والله يخليهم لك ويحفظهم..
ويقول المثل لاجل عين تكرم مدينه..
وصدقت والله الحريم ما يعجبهم شي والحل الوحيد
لهم انك تجيب لهم بدون ما يرحون معك صدقيني
بيقولون وش زينه وتعرف تختار..
والحمد لله على السلامه..

[احلام وردية]

الله يعظم اجرك ويجعله بميزان حسناتك
وهذا السوق دوخه ووجع راس وتطلع ما حصلت شيء
هذا انا رجولي مورمة من الدوران
والرجال مثلك يصيح وينادي من يصيح
خلها على الله ونتحملكم مقدرين تعبكم معنا
استمتعنا معك جار القمر وحمدا لله على سلامتك
والله يخلي لك عيالك
خاصة اللي تحثك على الصلاة
وكالعادة ما رشحت احد بعدك انا بدوري ارشح
قوت القلوب

[خطوة أمل]

ياخوي حرام عليك كان نمت بالرياض وكملت المدام التسوق

ترى السوق يبي بال رايق ولانكد وانت مستعجل تقول وراك الجنة

على العموم ماقصرت ويعطيك عااااافية

[سُلاَفْ القَصِيدْ]

يعطيك العافيه جار القمر
ذكرتنا بالسوق الله يعينا على دوخته
ياحظكم انتهيت من السوق عقبالي ان شاء الله هههههههههههههه:t24:
مشكوره احلآم على ابداعك وتميزك بالموضوع
وبانتظار قوت القلوب

[ام منى]

يوم متعب وشاق الله يعينك بس كل هذا من اجل العيال وامهم الله يخليهم لك
وجعل وناستكم دوووم

[نسيم]

احمد ربك اللي خلصت عساي منظلك انا بروح بكره الله يعيني .

[جار القمر]

ما شاء الله عليك اخوي جار القمريوم جميل قضيته مع اهلك وابنائك والله يخليهم لك ويحفظهم..
ويقول المثل لاجل عين تكرم مدينه..
وصدقت والله الحريم ما يعجبهم شي والحل الوحيد
لهم انك تجيب لهم بدون ما يرحون معك صدقيني
بيقولون وش زينه وتعرف تختار..
والحمد لله على السلامه..
ايه ياابوحمد جميل !!! جميل لوني رايح بهم للبر او الشاطي اما السوق نروح مستانسين ونرجع متهاوشين
اما قولت جب لهم كبها من راسك مرة جب لهم بدون محد يقول لي يعني مسوي مهداوي يوم لبس الولد بدلته طلع نصف بطنه كنه هالي يرقصن في التلفزيون
احسن حل عطهم فلوس وذبهم في السوق ورح وسع صدرك لك ساعتين او ثلاث ثم تعال وركبهم وكن شي ماصار
شكرا لمرورك

[جار القمر]

الله يعظم اجرك ويجعله بميزان حسناتك
وهذا السوق دوخه ووجع راس وتطلع ما حصلت شيء
هذا انا رجولي مورمة من الدوران
والرجال مثلك يصيح وينادي من يصيح
خلها على الله ونتحملكم مقدرين تعبكم معنا
استمتعنا معك جار القمر وحمدا لله على سلامتك
والله يخلي لك عيالك
خاصة اللي تحثك على الصلاة
وكالعادة ما رشحت احد بعدك انا بدوري ارشح
قوت القلوب
الله يوسع بالعافيه اختي احلام ورديه
والله يخلي لنا ولكم ويصلح عييلنا وعييلكم
الترشيح كان على بالي من بديت اكتب الموضوع بس في النهايه وكالعاده سيت
شكرا لمرورك العذب

[جار القمر]

ياخوي حرام عليك كان نمت بالرياض وكملت المدام التسوق

ترى السوق يبي بال رايق ولانكد وانت مستعجل تقول وراك الجنة

على العموم ماقصرت ويعطيك عااااافية
ومادراك المرة شابتن علي تقول خل نستاجر شقة ونكمل مقاضينا بكرة قلت لالالالالا نروح لتمير ونرجع بكره >> وش يضمن لي ان تمير مايروح من مكانه !!
شكرا لمرورك

[جار القمر]

يعطيك العافيه جار القمر
ذكرتنا بالسوق الله يعينا على دوخته
ياحظكم انتهيت من السوق عقبالي ان شاء الله هههههههههههههه:t24:
مشكوره احلآم على ابداعك وتميزك بالموضوع
وبانتظار قوت القلوب

الله يعينكم وتبونتاخذون حقكم من التعب ولغثاء والاسعار هالسنة نار مولعه مافيه باقل من 100 لوهي فنيلةوحده
شرفني مرورك

[جار القمر]

يوم متعب وشاق الله يعينك بس كل هذا من اجل العيال وامهم الله يخليهم لك
وجعل وناستكم دوووم
هو صحيح تعب وزهق وخساير بس اذا وصلنا البيت وفلت المرة البضاعه وبدت تلبس العييل وفرحو وجاء كل واحد يقول يبه الله يعافيك تنسينا كل التعب
الله يخلي لنا ولك ويصلحهم
شكرا ام منى لمرورك

[جار القمر]

احمد ربك اللي خلصت عساي منظلك انا بروح بكره الله يعيني .
ياحبي لك يانسيم وين خلصنا معه
خلصنا من روحة الرياض باقي لفه على المجمعه والحوطة ويمكن يتطور الامر وتاصل للزلفي او شقرا
اذا رحت بكرة كثر الدراهم ترى السوق هالسنة نار موقده التجار حالفين انهم يفقرونا
شكرا لمرورك

[نسيم]

ياحبي لك يانسيم وين خلصنا معه
خلصنا من روحة الرياض باقي لفه على المجمعه والحوطة ويمكن يتطور الامر وتاصل للزلفي او شقرا
اذا رحت بكرة كثر الدراهم ترى السوق هالسنة نار موقده التجار حالفين انهم يفقرونا
شكرا لمرورك
الدراهم هوينه عند الزحمات وقلة الحياء .لا.واذا جينا قالوا نبي نغيره ،هذي القاضية اللي تقتلني ياجار القمر.

[خطوة أمل]

الله يعين زوجاتكم عليكم بس

والفرج من الله

[وردهـ]

يحليلكم وايامكم الحلوة
الله يديمها عليكم

[سويد السويدي]

تحمل يا جار القمر

[» اِلـَوَفْآءْ بـِنْـتْ]

هههههههههههههههههههههههههههههههههه
روعة يومك َ أخي جار وبالذات َ مع البزورة :t49:

[قوت القلوب]

السلام عليكم
يسعد لي مساكم
اسفه لاني تأخرت عليكم
في البدايه اشكر احلام ورديه على دعوتها لي وعلى موضوعها المميز
واتمنى ما اكون ممله بسرد يوم من ايام حياتي
في يوم من الأيام كنا رايحين للثمامه نتمشى :t67:
كان الوقت تقريبآ قبل المغرب ويوم وصلنا ولا الناس ماشاء الله ماخلت مكان ماقعدت فيه :t5:
ونشوف قدامنا هذيك الحرمه الي تسوق الدباب وكانت تسرع وعلى طول تشقلبت وطاحت منه:80:
ويتجمعون الناس عليها وبناتها وعيالها يصيحون عندها وشكلها كانت كبيره شوي وكان مغمى عليه وتنزف
ويتصلون الناس بالأسعاف يبلغونهم وطبعآ حنا رحنا قبل ماتجي
وبصراحه احس اني ما استانست هذاك اليوم لأن منظر الحرمه قدام عيوني مانسيته
احس اني تأثرت يوم شفتها لأني اول مره اشوف قدامي مثل هالمنظر
وبصراحه كرهت الدبابات وقلت لزوجي خلاص ودي نرجع للبيت مانبي نركب العيال الدباب
لكنهم رفضو وقالو لي حنا جايين الثمامه عشان نلعب ونوسع صدورنا ونسواللي شافوه مشكلتهم اطفال ومايعرفون مصلحة انفسهم
وقالو لي الحرمه ماتعرف تسوق وانا اقولهم كم من من فرحه انقلبت لحزن
آآآآآه ياليتهم يفهمون مخاطر الدباب وكم واحد بسببه مات اوصارت له اعاقه
الله يكفينا شر الحوادث
ويحفظ عيالنا وعيالكم
اتمنى اني كنت ضيفه خفيفه عليكم
تحياااااتي لكم

[احلام وردية]

تسلمين اختي قوت
وفعلا الدبابات مخاطرها كثيره
وانا بصراحه ما اايد إن الحرمه تركب الدبابات
مشكوره قوت القلوب اسعدتينا بيومك وعقبال الرحلات الجايه تكون احلى واحلى
ومثل غيرك نسيتي تختارين عضو بعدك
اختار العضو الموادع

[لميس]

يوم رائع قوت القلوب

وذكرتيني بموقف صار لي قبل فترة
مرة ركبت دباب في مخيمنا في الثمامه كان مسكر
وطحت وطاح الدباب فوقي هههههههه :47:
انا كنت افحط على بالي قدام بنات خالتي

وحلفت امي ماأركبه مرة ثانيه :134:

بس والله احساس رهيب وانت تسوقينه

تسلمون على هالموضوع الشيق

احترامي للجميع:t24::t24:

[قوت القلوب]

تسلمين اختي قوت
وفعلا الدبابات مخاطرها كثيره
وانا بصراحه ما اايد إن الحرمه تركب الدبابات
مشكوره قوت القلوب اسعدتينا بيومك وعقبال الرحلات الجايه تكون احلى واحلى
ومثل غيرك نسيتي تختارين عضو بعدك
اختار العضو الموادع

الله يسلمك يالغلا
واكيد الدبابات لها مخاطر كثيره
الله يعينا في هالوقت تكثر الرحلات البريه
معليش كنت ناويه اختار فديت تمير ونسيت
في انتظار الموادع

[قوت القلوب]

يوم رائع قوت القلوب

وذكرتيني بموقف صار لي قبل فترة
مرة ركبت دباب في مخيمنا في الثمامه كان مسكر
وطحت وطاح الدباب فوقي هههههههه :47:
انا كنت افحط على بالي قدام بنات خالتي

وحلفت امي ماأركبه مرة ثانيه :134:

بس والله احساس رهيب وانت تسوقينه

تسلمون على هالموضوع الشيق

احترامي للجميع:t24::t24:

الرااااائع هوحضورك يالغلا
وسلامتك ماتشوفين شر
ثاني مره انتبهي ولاتسوين نفسك فاهمه عند بنات خالتك :t32:
ماتنلام امك من خوفها عليك حلفت انك ماتركبينه
وانتي شكلك ماتبتي لو يحصلك مره ثانيه ركبتيه
بانتظار دورك يالغلا

[سويد السويدي]

يوم يضيق الخلق يا قوت القلوب
والدباب على كثر اخطاره الا انه يمهد
لك اشياء كثيره << اسئلي مجرب
بصراحه كسرة خاطري هالحرمه

[الموادع]

شكر وتقدير للأخت أحلام ورديه على الدعوه
وبصرآآحه مفاجاه مااستعديت لها لكن بتكلم عن يومي هاذى من أصبحت حتى فتحت الجهاز وحصلت الدعوه ..

بسم الله الرحمن الرحيم
بدآيه :
صليت الفجر ومن ثم أكملت النوووووم :044: حتى الساعه 9,30ص :84:ومن ثم ذهبت للأسترآحه أشيك على العمآآآل ورجعت للبيت وقبل مريت على الخباز وجبت معي خبز حآآآر ورحت للبيت واحصل القهوره جاهزه :110:ومطاق مع البزران وملوكي يقول بابا صلح السيكل :t62:واقوله بكره ويزعل علي يقول كل يوم بكره واخته الثانيه بابا ودنا للمزرعه واقول لها ياالله صباح خير اعقلوا وشوي يجي الفطووور فول ونواااشف وحليب كايف :t177:وماصدقت اخلص من الفطور وانحاش من صجة المبزره وعلى طول دقيت على واحد من الشباب:68: وخليته يمرني اروح اجيب بلاط على سيارته للاستراحه ناقصني وحنا نحمل البلاط جانا رش خفيف:71: بس برد علينا ياسلام وادخل الاستراحه والعمال جالسين يركبون البيبان :t187:واشرفت عليهم شوي ونزلت البلاط وجلست اطقطق شوي الا الظهر مذن وصليت الظهر وارجع للأستراحه انظفه لان كل سبت دوريه فيها نتعشى ونظفت الاستراحه وجهزت المكان ورحت للبيت وجلست شوي ولعبت البزوره حتى أذآن العصر طبعاً ماتغديت أتجوع للعشى خخخخ المهم صليت العصر واتصلت على عمتي وقلت لها تتقهوين معي بالاستراحه قالت مايخالف عجيز الله يرحم بحالها وكلمت ام العيال تزهب الشاي وتصلح شي يوكل مع الشاي واطمر وامر محل الشكولاته واخذ من عنده مشكل فطاير للشاي وامر عمتي ثم عيالي:t10: ونروح للاستراحه :t67:ووسعنا الصدر فيها وتقهوينا ولعبت الصغار :t21::88:حتى أذآن المغرب ثم وديت العيال والعمه للبيت وبعد الصلاة عوده للأستراحه وجاء الشباب واحد تلو الاخر كلنا 6 ستة أنفار القهوه كل سبت على واحد هي والعشاء شبيت النار وتقهوينا:t39::t177: وسوالف وطرف وتعليقات حتى أذآن العشاء وبعد الصلاة سوالف عن السيول الي بجده وش الي صار وماصار وهاذى معه مقطع فيديو للحدث وهاذى معه مقطع آخر وسوالف عن البيوت والبنايات ولو جانا السيل يقلون عز الله الي بروح فيها وانت استراحك مكانه عالي مو جايه السيل :113: وسوالف حتى اتصل راعي المطعم يقول العشاء زاهب تعالوا خذوه وطمر الي عليه العشاء وجابه وتعشينا عشىً طيب :t110: مع مشروب البيره :t183: وبعد العشاء نقول وين نودي باقي العشاء حسافه يكب كثير مافيه عمال والي يقول العمال فسقو ماعاد ياكلون انشره للطيور وانا اقول عطوه اي واحد محتاج لان العشاء مره كثير ماوكل وبالاخير تتطوع واحد وخذه للعمال البريد وجلسه على النار مع بيالة شاي ويطمر واحد للسياره ويجيب كتاب عنوانه الشؤم للشيخ السدحان وصححه الشيخ ابن جبرين رحمه الله ويتكلم ان الشؤم يلحق بالابن السابع وعن اللعنه وان اللعنه اذا لم تصب الشخص ترجع للآعن والشرح هناء يطول حتى ختمت الجلسه وكل واحد راح للبيته وطفيت النار والانوار ورحت اجيب عيالي من عمتي وصلت البيت وعلى طول النت ورساله من احلام دعوه لحياة عضو .
وهناء النهايه
وارشح الي كانت قوت تبي ترشحه فديت تمير
الله يسلمك يالغلا
واكيد الدبابات لها مخاطر كثيره
الله يعينا في هالوقت تكثر الرحلات البريه
معليش كنت ناويه اختار فديت تمير ونسيت
في انتظار الموادع
والسلام هو خير ختام

[طير شلوى]

ماشاء الله تفصيل كامل اخوي الموادع عن يومك هذا ...

الا ماعطيتنا سالفه يومك امس بعد "
سالفتك ماتنمل

ودنا كل يوم تجي هنا وتقول لنا وش صار لك في يومك هذا وش رايك ؟

..
.

دمتم سالمين

[الموادع]

ماشاء الله تفصيل كامل اخوي الموادع عن يومك هذا ...
تسلم يالغالي على المرور
الا ماعطيتنا سالفه يومك امس بعد "
سالفتك ماتنمل
هاذى من ذوقك وابشر تعال انت بس واسولف عليك حق سنه كامله خخخ
ودنا كل يوم تجي هنا وتقول لنا وش صار لك في يومك هذا وش رايك ؟
اختاروني كل يوم وابشر ههههه
..
.

دمتم سالمين
منور يومي يالغالي

[السحابة9]

يعطينا من الرخيص الله يهديه الموادع ابي سالفة الطلعة تذكره انا وانت في ..............
وكانت طلعة حللللللللللللللللللللوه مرررررررررررررره وانا انبسطت تذكر تراه من زمان يا حبيبي قبل تقريبا عشر سنوات صحيح انها بعيدة لكن تذكرة زين بالمرة وانت انبسطت منها

[نسيم]

الموادع صراحة كنت انتظر مزيد من الاثارة لكن حلوة جلستكم واجتماعكم بس اللي اللتمسته منك انا حنا مانصلح معك !!!!!!!جايبين كتاب !!!
احس انك انسان منفتح لبرالي يالموادع .ماعندك تلفزيون ؟مافيه مشاهدة اخبار ؟

[الموادع]

يعطينا من الرخيص الله يهديه الموادع
اي رخيص الله يهديك والله هاذى الي حصل معي اليوم تراي على نياتي تجلس تكذبني ؟؟
ابي سالفة الطلعة تذكره انا وانت في .............. في ايش مااذكر؟؟
وكانت طلعة حللللللللللللللللللللوه مرررررررررررررره وانا انبسطت تذكر تراه من زمان يا حبيبي قبل تقريبا عشر سنوات صحيح انها بعيدة لكن تذكرة زين بالمرة وانت انبسطت منها
ماذكرت عشاي البارح اذكر طلعه معك وبعدين ماعرفتك عشان اذكر طلعه معك ؟؟؟
وشاكر تواجدك بيومي الي مو مصدقه هههه

الموادع صراحة كنت انتظر مزيد من الاثارة لكن حلوة جلستكم واجتماعكم بس اللي اللتمسته منك انا حنا مانصلح معك !!!!!!!جايبين كتاب !!!
احس انك انسان منفتح لبرالي يالموادع .ماعندك تلفزيون ؟مافيه مشاهدة اخبار ؟
هلا بنسيم ماشاء الله حتى هناء ملاحقني
المهم ليه ماتصلح لي تراي بتاع كله خخخخ
بعدين وش فيه الكتاب مافيه الا العلم والحمدلله
عشان مانقوم من مكانا الا والملائكه حافتنا ويذكرنا الله عنده وعندي تلفزيون الي هو تلف العيون واشوف الاخبار وكل حاجه والي تبي عندي اقلط وتقهو وتعش وابشر باللي يسعدك يالغالي كم نسيم عندنا ههه
منور يومي ودمت بخير

[نسيم]

فعلا انت رجل تحب الحياة وتحب ممارستها كما ينبغي لكن يبدو لي انك مافهمتها الا عن كبر .
انا لو ما احبك ماجيت اقراء واتباع لك لانك انسان حبوب وش حليلك فيك شعرت محبه.لكن نصيحة حاول انك تطلق يداك تبحث عن الحرية المقيده بضوابط .
لكن تقول التلفزيون متلف للعيون هذي فيها شي من التسمم الفكري .
بالعكس التلفزيون مفيد ويوسع الصدر وحاول انك تمشي على رغبتك وهواك انت شخصيا لا تنظر الى اقرانك وتمشي على ارادتهم .

[نسيم]

اسف نسيت.
بالنسبة للملائكة تحف المسلمين جميعا ماهوب لازم يصير معك كتاب الشؤم.

[سويد السويدي]

عاد كذا ما ينفع

[أبـوحـمـد]

ما شاء الله عليكم يوميات جميله
استمتعنا معكم بالقراءه >> ما عندي كلام اقوله خلص..
تحياتي لكم..

[سويد السويدي]

هههههههههه
وش رايك فيهم يا ابو حمد

[نسيم]

فيه شي خطأ ياناس ؟كلام ونقاش اخوي .

[سويد السويدي]

يا عيني قالبينها سواليف

[الموادع]

فعلا انت رجل تحب الحياة وتحب ممارستها كما ينبغي لكن يبدو لي انك مافهمتها الا عن كبر .
انا لو ما احبك ماجيت اقراء واتباع لك لانك انسان حبوب وش حليلك فيك شعرت محبه.لكن نصيحة حاول انك تطلق يداك تبحث عن الحرية المقيده بضوابط .
لكن تقول التلفزيون متلف للعيون هذي فيها شي من التسمم الفكري .
بالعكس التلفزيون مفيد ويوسع الصدر وحاول انك تمشي على رغبتك وهواك انت شخصيا لا تنظر الى اقرانك وتمشي على ارادتهم .
انا دائماً أحب الي يعجبني ويعجب هوائي ولوني جلست اسمع لكلام الناس وانتقاداتهم علي مادخلت النت ولاعشت حياتي بسعاده الي يعجبني اسويه واهم شي يرضي ربي ويرضيني ولاعلي من حكي الناس بظهري والحمدلله انا سعيد واسعد بمرورك وتواجدك يالغالي
اسف نسيت.
بالنسبة للملائكة تحف المسلمين جميعا ماهوب لازم يصير معك كتاب الشؤم.
نسيم كيف حالك ...
كتاب الشؤم هاذى جاء طاريه يوم السيول على جده لان البعض يقول شؤم وماادري كيف فقرئنا الكتاب والملائكه تحف الي يذكرون الله افضل من ان نقوم من مكاننا كأننا قمنا من عند جيفة حمار كما ورد بالاحاديث ويمكنك فاهم قصدي لاتروح بعيد

عاد كذا ما ينفع
وش الي ماينفع ياقليبي خخخ
منورنا يالغالي

ما شاء الله عليكم يوميات جميله
استمتعنا معكم بالقراءه >> ما عندي كلام اقوله خلص..
تحياتي لكم..
الاجمل تواجدك العطر منورنا
وخلاص بعد خخخ

[نسيم]

سويد ،ترى الموادع صديقي ورفيق عمر لكن تغير علي وحبيت اذكره يوم حنا في شارع العصارات وسوق العلف منول .

[سويد السويدي]

هههههههههههه
وانا كنت اصلي وراه
يعني امام مسجد خوالي سابقا

[طير شلوى]

منهو الموادع الي تحسون عنه ..!!!

احس اني قد شفته ؟

سوق علف + شارع العصارات + امام مسجد + صديق نسيم + يعرفه سويد = رجل فاضل ونتشرف بمعرفته

[نسيم]

منهو الموادع الي تحسون عنه ..!!!

احس اني قد شفته ؟

سوق علف + شارع العصارات + امام مسجد + صديق نسيم + يعرفه سويد = رجل فاضل ونتشرف بمعرفته
ونعم الرجل الموادع.رجل فاضل وصاحب طاعة واخلاق عالية حفظه الله ورعاه من كل مكروه .لكن المداعبات والمزح قد تخرج شوي عن لكن كل انسان مسئول عن كلامه.
انا حبيت اكبره وحطه عود يوم اذكر شارع العصارات وسوق العلف في شارع الريس مايعرفه الارجل كبير سن .والا والله اني ما اعرف الموادع ولاحصل لي الشرف بلقائه .واتشرف به واعتز به لانه رجل ذو خلق عظيم ومحترم وصاحب طاعة وفقه الله الى كل خير.

[سويد السويدي]

انا اشهد انه اخلاق
وبعدين يا نسيم وش دخل العصارات
والعلف وشارع الريس بالموادع

[الموادع]

سويد ،ترى الموادع صديقي ورفيق عمر لكن تغير علي وحبيت اذكره يوم حنا في شارع العصارات وسوق العلف منول .

بغيت أصدق جلست أتذكر بس ماخشت المخ ؟؟
شارع العصارات وسوق العلف الي ماادري وينها فيه ..
ماتخلي عيارتك .

ونعم الرجل الموادع.رجل فاضل وصاحب طاعة واخلاق عالية حفظه الله ورعاه من كل مكروه .
شف يانسيم ترآك تكبرني اكثر من اللازم انا على قد حالي الله المستعان وماعليك زود والله يرحم الحال ويعفو عنا مقصرين مع الله لكن الشكوى على الله ويالله انك تثبتنا على الطاعه .
لكن المداعبات والمزح قد تخرج شوي عن لكن كل انسان مسئول عن كلامه.
اما المداعبات والمزح فمعروف عنك ذالك ولااتوقع احد بيزعل منك لانه عارفك مزحك عيار ثقيل بس من يتحمله يروع بعضه كفانا الله الشر خخخ
انا حبيت اكبره وحطه عود يوم اذكر شارع العصارات وسوق العلف في شارع الريس مايعرفه الارجل كبير سن .
وش تكبر فيني الزمن راح يكبرني بس يالله خير العصى ان الله عطاني عمر بشيلها وانت معي خخخ
والا والله اني ما اعرف الموادع ولاحصل لي الشرف بلقائه .واتشرف به واعتز به لانه رجل ذو خلق عظيم ومحترم وصاحب طاعة وفقه الله الى كل خير.
تسلم يانسيم هاذى من طيب قلبك والله يعافيك وشاكر لك على الاطراء الي انا مو قده كبير علي انا واعوذ بالله من انا شخص عادي مثلكم الله يحفظنا واياكم على الطاعه

هههههههههههه
وانا كنت اصلي وراه
يعني امام مسجد خوالي سابقا

انا اشهد انه اخلاق
وبعدين يا نسيم وش دخل العصارات
والعلف وشارع الريس بالموادع
تسلم ياسويد وكلك خير وبركه والله يعافيك
فيك من نسيم تدور المقاشر خخخ
منور وياهلافيك وفي عيارتك خخ

منهو الموادع الي تحسون عنه ..!!!

احس اني قد شفته ؟

سوق علف + شارع العصارات + امام مسجد + صديق نسيم + يعرفه سويد = رجل فاضل ونتشرف بمعرفته

تسلم ياطير شلوى والله افضل شي في اخوي تركي انه عرفني على رجال يندر ان نحصل عليهم فوالله من دون مجامله معرفتي بك ومخاوتك شرف لي فأنت واخوك رِجال تنحطون على الجرح يبرى تسلم يالغالي ودائم بالخير سابق والله لايحرمنا منك .

[طير شلوى]

تسلم ياطير شلوى والله افضل شي في اخوي تركي انه عرفني على رجال يندر ان نحصل عليهم فوالله من دون مجامله معرفتي بك ومخاوتك شرف لي فأنت واخوك رِجال تنحطون على الجرح يبرى تسلم يالغالي ودائم بالخير سابق والله لايحرمنا منك .
شهاده اعتز فيها واباهي "

ولكـ بالمثل ابو عبدالملك ...

..
.
دمت سالما معافا

[سويد السويدي]

تسلم ياسويد وكلك خير وبركه والله يعافيك
فيك من نسيم تدور المقاشر خخخ
منور وياهلافيك وفي عيارتك خخ
.

هههههههههه
متاثر من نسيم
هلا بك يابو عبدالملك

[احلام وردية]

يوم جميل مليئ بالنشاط والحركه
وعسى الله يحفظ لك عمتك
ويمتعها على الطاعه
استمتعنا معك بيومك
اسعد الله جميع ايامك اخي الموادع
وما شاء الله الشباب ما قصروا كلن قام يمدحك(تستاهل المدح)
بإنتظار اخونا فديت تمير

[الموادع]

يوم جميل مليئ بالنشاط والحركه
وعسى الله يحفظ لك عمتك
ويمتعها على الطاعه
اللهم آمين تسلمي يالغلا
استمتعنا معك بيومك
هاذى من ذوقك
اسعد الله جميع ايامك اخي الموادع
اللهم آمين وآيامك كذالك
وما شاء الله الشباب ما قصروا كلن قام يمدحك(تستاهل المدح)
والله ماني اهل لكل المدح لكن الله يحفظنا ويهدينا
بإنتظار اخونا فديت تمير
وشاكر مره اخرى دعوتك وشكرا لك

[» اِلـَوَفْآءْ بـِنْـتْ]

استمتعت بايامكمُ كلها َ... لي تعليق ع الموادع :t24:
وقسمن بالله لو انك َ مو من تمير لاقول انت جدي :t32::t32:
كنُِ بخير َ



http://www.up-00.com/h2files/p3w19728.gif

[الموادع]

استمتعت بايامكمُ كلها َ... لي تعليق ع الموادع :t24:
وقسمن بالله لو انك َ مو من تمير لاقول انت جدي :t32::t32:
كنُِ بخير َ



http://www.up-00.com/h2files/p3w19728.gif

جدك او عمك ..
وليه وش لاحظتي وعلى فكره تمير من عهد قريب من 6سنوات وفيها وانا من سكان الرياض سابقاً ومولود بالرياض ومتربي بالرياض .

[» اِلـَوَفْآءْ بـِنْـتْ]

وبعد العشاء نقول وين نودي باقي العشاء حسافه يكب كثير مافيه عمال والي يقول العمال فسقو ماعاد ياكلون انشره للطيور وانا اقول عطوه اي واحد محتاج لان العشاء مره كثير ماوكل وبالاخير تتطوع واحد وخذه للعمال البريد




:t24:

[الموادع]

لغة التمارى وين تروح لابد منها ..
اشوى جت على كذى خخ
شكر لك

[» اِلـَوَفْآءْ بـِنْـتْ]

ههههههههههههههههههههههههههههه
آحمد ربك آجل

[سويد السويدي]

من عنده اليوم ولا تبون اعطيكم موقف من المواقف
الي جتني هذي اليومين

[احلام وردية]

من عنده اليوم ولا تبون اعطيكم موقف من المواقف
الي جتني هذي اليومين

عند فديت تمير بس مدري وينه ما هوب حاضر
ياليت والله تعطينا من مواقفك
وتمتعنا بسوالفك :72:

[احلام وردية]

وينك يا فديت تمير
اول قلنا يمكن حاج رجعوا الحجاج ووزعوا الحج وانت مختفي
الله يردك سالم غانم
والين ترجع
راح نختار ملاك الروح
لنستمتع معا بيومها
فأهلا ومرحبا

[ملاك الروح]

الله يعطيك العافيه احلآم على الفكره الروعه :t24:
ومشكوره على ترشيحي
وانتظروني ان شاء الله لأني الحين توني قايمه من النوم هههههههههه
دمتي في حفظ الرحمن
تحيااااااااااااااااتي

[احلام وردية]

في انتظارك يالغلا

[لميس]

بانتظار ملاك الروح

وع فكرة تواقيعكم جنان مرهـ

[ام منى]

بانتظارك ملاك..
لاتتاخرين علينا..

[فديت تمير]

المهم ..
ثانكس عالاختياار >>مصممين اني ولد انا بنت !!!
والا خليني اقول الموقف ...
يوم كنت بالمدرسه بحصه الانجليزي بتجي المعلمه والبلوه اني نشبت بالبااب والمعلمه ورايه تحتريني ادخل ما درت اني متوهقه ~
وياا ليتها مره وحده نشبت بهالعروه المنكسره (ثلالالاث مرااااااااااااات ومعلمه وحده) والله مب حااله بس بنفس الووقت فشلهــــ ..
وبــــــــــــــــــــــــــــــــــــــــــس
دمتم بحفظ الرحمن
واان شااء الله ما كنت ثقيله عليكم...

[فديت تمير]

وسووري عالتااخير احلام وريهههــــ ~
ما حجيت بتمير اناا ...

[سويد السويدي]

خوش موقف والله
والله يعينك على المعلمه عسى ما نقصت عليك
الدرجات ههههههههه

[فديت تمير]

خخخخخخخ
خير تنقص درجاات عشااني نشبت بالبااب والله مو حاااله شسووي عروه البااب منكسره..

[ملاك الروح]

بسم الله الرحمن الرحيم
اسفه على التأخير
واذا قرأتوا عن يومي راح تعذروني

ابدأ يومي بعد ما اصلي الفجر أقوم عيالي للمدرسه ثم ابدأ بنفسي
ألبس وأصفف شعراتي وأحط الميك أب (وحده رررايقه هههههه:t32:)
ثم اصحي زوجي ويوديني للمرسه وهو يروح للعمل:t67:
بعد الظهر اجي للبيت ويكون في استقبالي صغاري الاعزاء:86:
بعد ما اغير ملابسي واصلي الظهر وارجع واشوف وش عندهم
وكل واحد يقول يمه شوفي هذا:t43: واصدع لحد ما يجون الكبار من مدرستهم:t159:
وبعد ما يغيرون ملابسهم واشوف سجلات واجباتهم اقول لهم ضفوا وجيهكم ابغى اناااااام:t15: ويااااااالله يجيني النوم
واذا جاء العصر يجي زوجي من العمل :t157:ونتغدى:t110:
وبعدها اقعد على النت وادخل المنتدى:t53:
ويجي ولدي الصغير ويبدأ الموال يمه ما لعبوني ويمه ما ركبوني سيكل (يعني ما اخذ راحتي على النت):t103:
وبعد ما يقوم الابو يكون الشاي:t177: جاهز مع المكسرات والبسكويت:t144:
ونتجمع عند التلفزيون:t52:
وبعد العشاء امسك واحد من العيال واذاكر له وبالطقاق لانه ييغى يكمل لعبته مع اخوانه عند
البلا ستيشن واذا جاء وقت النوم (يالله كل واحد في سريره:016: )
وانا يجيني النوم وهم ما ناموا:phroon.com-159:(الله يعظم الاجر)
وهذا يوم في حيااااااااتي ويتكرر ايام الاسبوع
والحمد لله ان فيه راحه الخميس والجمعه والا كان علووووووم:t32:
اتمنى ان اكون ما ثقلت عليكم
ودعواتكم
تحياااااااااااااااتي
اترك اختيار العضو اللي بعدي لاحلام وشكرا

[ام منى]

الله يعظم اجري واجرك..يومي نفس يومك
الله يعينا بس

[احلام وردية]

فديت تمير انتي في تمير وانا اتحرى للقريض والمساويك
الله من الفشله بس اخاف تقول المدرسه انك متعمده ثلاث مرات ما تعرفين تمشين
انتبهي ترى في الرابعه بينشق المريول
على العموم استمتعنا بيومك ورجعتي لنا طعم الدراسه وذكرياتها
اسفه احسبك ولد توي ادري انك بنوته

[احلام وردية]

الله يعينك يا ملاك مقدرين تعبك (الحال من بعضه )
والله الحن وهالصغار كننا طاش ما طاش
من نقوم الين ننام وحنا في غثى معهم
موفقه دائما
وامتعتينا بيومك واحداثه
تسلمييييييييين

ونرشح بعدك الاخ الفاضل المهند

[سُلاَفْ القَصِيدْ]

استمتعت باااااايامكم http://www.5foq.com/vb/images/smilies/CE_DP_Stealer.gif

يعطيكم العافيه جميعآآ http://www.5foq.com/vb/smail/rose.gif

والله يعينكم بجد والله ام منى وملاك واحلآم على بزارينكم هههههههههههههه http://www.5foq.com/vb/smail/sm/eek.gif

انا من رايي تاخذون فترة نقاهه بعيد عن بزرانكم وازعاجاتهمhttp://forum.bnateeen.com/images/smilies/3/3ffe8168e7fedd3f3197fcb02e97778a.gif وخلوها يوم بالأسبوع

وكل وحده تحط بزرانها عند اهلها واكيد بتشوفون الفرق >> وخذو راي الراقيه واكيد بتدعون لي http://www.5foq.com/vb/smail2/0000.gif

..
..

وبانتظار اخوي المهند

[لميس]

هههه فديت تمير يالبا قلبك والله تذكرت شكلك وانتي ناشبه

ان شالله ماجاك شيء الزم ماعلينا انتي يالغالية

ودي ووردي لكـ

[لميس]

احلام وردية الله يعينك والله من جد رحمتك الله يصبرك غلاتي

ودي ووردي لروحك الطاهرهـ

[ملاك الروح]

الله يعظم اجري واجرك..يومي نفس يومك
الله يعينا بس
اللهم ااااااااامين

والله يعيننا واياك على تربيتهم

تحياااااااااااااااااتي

[ملاك الروح]

الله يعينك يا ملاك مقدرين تعبك (الحال من بعضه )
والله الحن وهالصغار كننا طاش ما طاش
من نقوم الين ننام وحنا في غثى معهم
موفقه دائما
وامتعتينا بيومك واحداثه
تسلمييييييييين

ونرشح بعدك الاخ الفاضل المهند
الله يسلمك حبيبتي

والله يعيننا على صغارنا

تحيااااااااااااااتي

[ملاك الروح]

استمتعت باااااايامكم http://www.5foq.com/vb/images/smilies/CE_DP_Stealer.gif

يعطيكم العافيه جميعآآ http://www.5foq.com/vb/smail/rose.gif

والله يعينكم بجد والله ام منى وملاك واحلآم على بزارينكم هههههههههههههه http://www.5foq.com/vb/smail/sm/eek.gif

انا من رايي تاخذون فترة نقاهه بعيد عن بزرانكم وازعاجاتهمhttp://forum.bnateeen.com/images/smilies/3/3ffe8168e7fedd3f3197fcb02e97778a.gif وخلوها يوم بالأسبوع

وكل وحده تحط بزرانها عند اهلها واكيد بتشوفون الفرق >> وخذو راي الراقيه واكيد بتدعون لي http://www.5foq.com/vb/smail2/0000.gif

..
..

وبانتظار اخوي المهند

الله يعاااااافيك الراقيه

وتهني بحياة العزوبيه قبل ما يجونك البزارين :t32:

وتحسين بغثاهم

تحياااااااااااااااااااتي

[احلام وردية]

استمتعت باااااايامكم http://www.5foq.com/vb/images/smilies/CE_DP_Stealer.gif

يعطيكم العافيه جميعآآ http://www.5foq.com/vb/smail/rose.gif

والله يعينكم بجد والله ام منى وملاك واحلآم على بزارينكم هههههههههههههه http://www.5foq.com/vb/smail/sm/eek.gif

انا من رايي تاخذون فترة نقاهه بعيد عن بزرانكم وازعاجاتهمhttp://forum.bnateeen.com/images/smilies/3/3ffe8168e7fedd3f3197fcb02e97778a.gif وخلوها يوم بالأسبوع

وكل وحده تحط بزرانها عند اهلها واكيد بتشوفون الفرق >> وخذو راي الراقيه واكيد بتدعون لي http://www.5foq.com/vb/smail2/0000.gif

..
..

وبانتظار اخوي المهند

واهلنا مكلفين بعيالنا
ما بزيناهم الحن يا اهلهم يبزونهم اهلنا
وانا بصراحة ما اقدر اخلي عيالي عند احد حتى لو ليله
قلبي ما يطيعني
واحمدي ربك ما بعد جاك الغثاء وخذي حقك من الدنيا

[المهند]

مرحباً بالجميع ..
وبصراحة ورطت بين هالموضوع وموضوع الوفاء بنت تتصل بك ..
ما علينا ..
أنا عند برنامجين في وسط الاسبوع وفي نهاية الاسبوع وبا ختصرهن
الساعة خمس أقوم وأتهيأ لصلاة الفجر ..
أداء الصلاة والعودة للتشيك على المنتدى والمطالعة ..
الساعة السادسة والنصف أحمي الموتر ثم إلى الدوام في عشيرة ..
ينتهي الدوام الساعة الواحدة والعودة إلى المنزل لأداء وجبة الغداء .. والطقطقة على النت ثم الخضوع ولمدة لاتزيد عن السبع دقائق للنوم ..
ثم أداء الصلاة وبعد العصر دوام ..
إلى قبيل المغرب ..
وبعد المغرب أدور أحد يتقهوى عندي أو أروح أتقهوى عن أحد ..
إلى آذان العشاء ..
بعد الصلاة الذهاب إلى المحل ومتابعة بعض الأعمال فيه والتشييك على الحسابات ..
ثم في التاسعة والنصف العودة إلى المنزل والقيام بالعشاء ثم تصفح النت إلى قرابة الثانية عشر ليلاً ..
أما في الإجازة فبعد الفجر الجلوس على النت إلى السابعة ثم النوم إلى الثامنة والنصف وأداء الفطور ..
ويالله تشوف لأحد يكشت .. هذا إذا صارت في الديرة ..
ثم كشتة إلى الليل وعودة إلى النوم ..
هذا مالدي ..
ومالدى أخوي ملك البراري المتحد أكثر ... فانتظروه ..

[احلام وردية]

ماشاء الله اخي المهند يومك مليء بالجد والاجتهاد
ودوامين بعد الله يعينك
احس انه ما تصدق يجي الليل وتنام
استمتعنا بيومك والله يعطيك العافية ويزيدك نشاط

بإنتظارك اخي المتحد حياك الله

[المهند]

ماشاء الله اخي المهند يومك مليء بالجد والاجتهاد
ودوامين بعد الله يعينك
احس انه ما تصدق يجي الليل وتنام
استمتعنا بيومك والله يعطيك العافية ويزيدك نشاط

بإنتظارك اخي المتحد حياك الله
ليه دوامين .. واللي عقب صلاة العشاء ...
هذا اللي يخلي الخميس والجمعة لها طعم .. ولازم تحلل ..

[» اِلـَوَفْآءْ بـِنْـتْ]

كان َ الله بعونك َ اخي المهند ... دوآمين مشكلة
بس ماشاء الله عليك َ نظامي جداً
الله يوفقك َ
كنٌ بخير

[سويد السويدي]

الله يكون بعونك يالمهند
انتبه بس بهالطريق تراه اقشر
الله يسعدك ويوفقك يارب

[فديت تمير]

الله يوفقك المهند ..
ويسر امركــ ~

[ملاك الروح]

الله يعينك يا المهند على الدوامين

مشكوووووور والله يعطيك الف عافيه

تحيااااااااااااااااتي

[سُلاَفْ القَصِيدْ]

ماشاء الله عليك اخي المهند
كل ايامك محسوبه وبالدقه الله يعطيك العافيه
وبانتظار ملك البراري المتحــــــــــــــــ2007ــد

[المتحـ2007ـد]

توي جاي من البر مقصر


طلعت من الدوام اليوم الساعه 9 الصباح من عقب امس الساعه 9 الصبح


يعني اداوم 24 ساعه واطلع يومين اريح امحق راحه من يوم

اطلع اشيل الكميره واكشت ولا ارجع الا المغرب او العشاء او

امرح في بعض الاحيان

واليوم جدولي كان على هذا الرابط طلعت الساعه 9

http://www.tumaer.com/vb/showthread.php?t=59735

ورجعت بدري لاني مقصر وتعبان وفي النوووووم

وهذي هو كل يوم في حياتي ما عندي شغل فاضي

[نسيم]

صدقني يالمتحد انك تحسد على هذا الجدول.حرية انطلاق بلاقيود .لكن المشكله اللي وراه حريم وبزور تكفى لاتضيق صدري.

[نسيم]

المهند ،ياخوي كنك مغصوب على الحكي.وين عين العبد ؟هههههه او نسيتها .

[سويد السويدي]

ما شاء الله عليك حريه

[» اِلـَوَفْآءْ بـِنْـتْ]

هههههههههههههههههههههههههههههههههه
نسيم ُ اجر لك ِ
المتحد مافيه آحسن ِ من يومك ِ

[أريًجْ آلأزْهًآرْ]

استمتعت بايامكم
عسى ايامكم كلها افراح

[احلام وردية]

ما شاء الله المكان روعه

http://m5awitumair.com/upload/uploaded/11_01260811072.jpg

يومك وناسه وسعة صدر
شكلك حر لا مسوليه ولا شيء
بس دوامك شوي صعب 24 ساعة كثير
الله يوسع صدرك بالعافية استمتعنا بشوفة السيل والجو الخيال
موفق المتحد

[احلام وردية]

وقع الاختيار اليوم عليك لميس ودنا نشوف يومك و كيف تقضينه
اليوم يومك يا اختي لميس
حياك الله

[جار القمر]

خذ حقك يالمتحدقبل يجيك ما يشغلك ودني جبني ودلي جب لي
الله يسعد ايامك
بنتظار لميس

[لميس]

مشكورة احلام وردية ع الترشيح

ولي باكـ

[لميس]

مسآء الخـــير لآحلى آعضاء

يومياتي ايام الاسبوع ممله ونفس الروتين مافيه شيء يتغير

وراح اكتب لكم يوم الخميس الي طاف

اول شي اصحى الظهر وطبعا اصلي واساعد امي في المطبخ بعدين نتغداء

ووقت العصر اجلس اشاهد التلفزيون او النت بعدين نجيب القهوة والشاي ونجلس انا وخواتي نفقش على بعض كل وحدة تنصب ع الثانيه ههههه :t169:

وقررنا ذاك اليوم نروح هايبر بندة ومترتها كلها عاد تعرفون محجورة ايام الاسبوع ومانلام

وجبت لكم بعض الصور الي عجبتني وكل عضو يخذ قاتوه تعجبهـ

http://up.joreyat.org/15Dec2009/03112009(002).jpg (http://www.joreyat.org)



http://up.joreyat.org/15Dec2009/03112009(003).jpg (http://www.joreyat.org)




بعدين رحت اشتري لي حلويات لازم اعبي غرفتي من الحلاو وهذا بعض الشيء ماصورته كله خاف يطيحوني بعين بعض الناس ههههه:72:

http://up.joreyat.org/15Dec2009/14112009(001).jpg (http://www.joreyat.org)

ورجعنا البيت وتعشينا وجلست ع النت وبس :107:

واشكرك يااحلام وردية ع روعة موضوعك

ودي ووردي لك غلاتي

[تحدوك ياقلبي]

هههههههههه


لميس اهم شي الحلويات صحتين على قلبك ياالغاليه

يوم حلو وممتع مثلك

[لميس]

تسلم خيو


اكييد اهم شيء الحلويات ولا وش حنا بلاهـ ههههه :72:


نورت اهلاوي :t24:


ودي ووردي لكـ

[سويد السويدي]

الاخت لميس شوي شوي على نفسك
من هالحلا لا يجيك سكر
امتعتينا بيومك الرائع
ومشكوره على تفاعلك

[المهند]

المهند ،ياخوي كنك مغصوب على الحكي.وين عين العبد ؟هههههه او نسيتها .
الله لايعيد الشر ..
تكفى لاتذكرينها .. تراي أشم ريحتها ..

[نسيم]

فعلا يوم جميل جدا لاني حسيت بوضعكم وحبكم للترفيه عن انفسكم وهذا حق لكم علما اني ماحب الروحات للاسواق لكن الاحساس بلاخرين مطلوب.
لكن وش العبارة اللي كتبتيها في اخر الموضوع(وكل عضو يخذ قاتوه تعجبهـ)وش قاتوه؟

[لميس]

الاخت لميس شوي شوي على نفسك
من هالحلا لا يجيك سكر
امتعتينا بيومك الرائع
ومشكوره على تفاعلك
::
::
السكر مايجي الا الي يكرهون الحلويات ولا الي بياكل مايضرهـ
العفو خيو منور
ودي لكـ

[لميس]

فعلا يوم جميل جدا لاني حسيت بوضعكم وحبكم للترفيه عن انفسكم وهذا حق لكم علما اني ماحب الروحات للاسواق لكن الاحساس بلاخرين مطلوب.
لكن وش العبارة اللي كتبتيها في اخر الموضوع(وكل عضو يخذ قاتوه تعجبهـ)وش قاتوه؟

::
::

قاتوه الله يسلمك يعني كيك بالعربي هههه:t24:
الحين عرفت معناه اختار لك وحدة من الي نزلتها بالصور
ومشكور على المرور منور
ودي واحترامي لكـ

[احلام وردية]

مشكوره لميس على احلى قاتوه
ياملا الغناة
استمتعنا معك بالتسوق والدوجي
لكن ما خبرت في تمير هايبر بنده
مره ثانيه مشكوره لميس

لكن كالعاده تتركون اختيار العضو لي
اتمنا يكون ضيفنا الجاي مخاوي تمير
ويشاركنا بموضوعنا ويمتعنا بيومه
بإنتضارك فلا تتأخر علينا

[مخاوي تمير]

طرح رائع من مشرفتنا القديرة احلام وردية

والف شكر لاختيارها لي في هذا اليوم الرائع من حياة عضو


.. ..

بسم الله

هو يوم مقارب حداً ماء لاغلب واكثر الجماعة هنا بالمنتدى وخارجة

وهو الاستيقاظ بحدود الساعة ( 5,15 ) صباحاً لصلاة الفجر ..

بعد اداء الصلاة على طول سيده للمرقد واكمال ما تبقى من نوم للساعة ( 7,10 )

صباحاً حيث يتم الاستيقاظ ومن ثم الذهاب للدوام ..

في حدود الساعة ( 8,30 ) صباحاً الخروج من الدوام والوقوف في الطابور لاخذ

الخبز الحار كالمعتاد كل صباح .. يا هو اني اغتث اذا سبقني عامل البلدية في اخذ الخبز

يركنا رك لانه ياخذ ( بعشرة تريل ) ( 10 ريال ) .

بعد ذلك الذهاب للبيت للافطار وشرب الشاهي ومن بعدها العودة للدوام .. والبقاء فيه حتى

انتهاء وقت الدوام .. بعد العودة للبيت يكون الغداء جاهز مع صجة العيال الله يحفظهم

ويخليهم لي وما يمدي الواحد يخلص من الغداء الا هو يؤذن لصلاة العصر

وما يمدي الواحد يتمغط وينسدح ولو عشر دقائق ..

بعد الصلاة قليل الجلوس بالبيت في هذه الاوقات خاصة لروعة الجو ..

المغرب هذا امره مزعج لي بسبب كثرة طلبات المدرسة لبناتي كل

يوم ما لي الا شغلة ودنا للسوق ودنا للمكتبة نبي كذا وكذا !!

المهم يكون شغل هذا الوقت على عجل عشان الحق وامرعلى احد

المقربين لقلبي وهم كثر ولله الحمد لاخذ جولة والتمشي والدردشة ...

بعد صلاة العشاء هو الامر المهم عندي وهو الرئيسي في يومي فهذا الوقت يسير علي اغلى

الناس وبعض الاصدقاء وهذا البرنامج شبه يومي 99% في هذه الجلسة سعة الصدر والعلوم

الغانمه تستمر هذه الجلسة لحدود الساعة ( 10.30 ) مساء تقريباً .

بحدود الساعة ( 11 ) مساء الجلوس امام شاشة الكمبيوتر وتصفح اغلى منتدى لقلبي وفي حياتي .

بعض الاحيان استمر بحدود الساعة ( 2.30 ) صباحاً بسبب سعة الصدر مع الاعضاء الطيبين اللي

معهم الوقت يمشي من دون ما نحس فيه ..


ها هو مجمل يومي في اوقات الدوام .. و في ايام الاجازة هنالك تغير 180 درجة ...

اتمنى بان اعطيت ما عندي بكل وضوح ..

[نسيم]

يوم جميل ومرتب يامخاوي تمير .لكن البكستاني هذا كل الناس تشكي منه خصوصا اللي يحفرون القلبان والله ياهم يقدرون التميس غدا عشاء فطور وبعدين يد الواحد منهم كنها مرباع واصابع كبار .اجل لوياكلون لحم وش ظنك يامخاوي تمير؟

[الأنيق]

مشاء الله عليك مرتب يومك
ويعطيك العافيه على وضوحك
وأبدعي الله أن هالباكستاني مايسبقك
أو أن موظفين البلديه يغيرو وقت فطورهم

[سويد السويدي]

ما شاء الله عليك يا مخاوي تمير
يوم مرتب والله يحفظلك
عيالك يارب تحمل ياخوك

[احلام وردية]

ماشاء الله
يومك مديرنا الغالي مليء بالصله والتواصل
وهذا ان دل على شيء فهوان الدنيا ما زالت بخير وما فيه احلى من صلة الاقارب
يوم ممتع ومرتب استمتعنا معك بيومك
فلك كل الشكر والتقدير

وضيفنا القادم بإذن الله
هو ابو منيرة
حياك الله ونحن بإنتضارك

[الأنيق]

شكراً لك يا أحلام على أختياري
ولي رجعه
لسرد يوم من أيام حياتي

[سويد السويدي]

لا تطول يا ابو منيره
نبيه يوم يكون من الايام
القديمه لك

[الأنيق]

بسم الله الرحن الرحيم

طبعاً الواحد يحب يذكر الأيام الحلوه ولاكن من كثرتها
الواحد يحمد ربه على دوام النعمه الي عايش فيها ولاكن ودي أذكر يوم أمس لأنه في الذاكره قبل مايمسح
أبد صباحي بصلاة الفجر أن الله وفقنا
وأودي:108: هالصغار عسى الله يصلحهم للمدرسه
وأرجع وأنام:t149: لين قبل الظهر لأن ماكان عندي دوام أمس
قمت وعلى طول قهوه وسبع تمرات
وماكنت مشتهي الفطور لقرب حزت الغداء
تغديت وعلى طول أرفع الجوال وأدور أي واحد من هالشقرديه
يخاويني للبر:80: وأمس رحت وتقهويت في الشوكي ومرينا أخ عزيز علينا قبل المغرب وشربنا عنده شوية حليبه ورجعت للبيت قبل العشاء وجلس مع العائله حتى مابعد أذان العشاء
وطلعت أصلي وأجيب بعض من الطلبات اليوميه
المعتاده
وأرجع للبيت عشان هالبرد يخلينا بيتوتيين غصب
وجلست على:t53: النت أمس من بعد العشاء لين صارت الساعه ثنتين:12smilies: وانا في بيتي الغالي منتداي منتدى مدينة تمبر الله يحفظه ويخليه لنا
وسجلت خروج ونمت وهذا يوم أمس

بس ودي أذكر اليوم إلا قبله
ولاكن فيه صور وأنا وهالصور مشكله
ولا يوم منتاز كله صيد في هالبلابل وشوي
أنتظروه يوم من الأيام في ساحة البراري

وأتمنى أني كنت ضيف خفيف
على الجميع في ذكر يومي


أحترامي لجميع من يمر ويقراء في يومي

وشكراً لمشرفتنى المتميز أحلام ورديه على هذه الدعوه
حفظك الله ورعاك أينما كنتي

[سويد السويدي]

ما شاء الله عليك يا ابو منيره
يوم رائع وجميل والله يخليلك هالعيال
لا تكون متقاعد ولا تبي تعترف لنا
ههههههههه

[&الهنــــوف&]

مشكـــــــــور ابومنيره ........ انســـــــــجمنا مع يومك وطر يقتك في سررده

بس اكـــــــــــثرر ما عجبني .....نووو متك لحد قبل الــــــــــظهرر

وشـــــــــنيتك ؟؟؟؟؟؟؟ فيه مشا ووير أكثر من كذا ........ لو ماحاشك البرد

[الأنيق]

ما شاء الله عليك يا ابو منيره
يوم رائع وجميل والله يخليلك هالعيال
لا تكون متقاعد ولا تبي تعترف لنا
ههههههههه
الله يسلمك ياسويد على هالمداخله
ويجزاك خير على كلامك
لاعاد متقاعد بسم الله علي
توني صغير عسى الله يطول عمري فيطاعته


شكراً لك من القلب

[الأنيق]

مشكـــــــــور ابومنيره ........ انســـــــــجمنا مع يومك وطر يقتك في سررده

بس اكـــــــــــثرر ما عجبني .....نووو متك لحد قبل الــــــــــظهرر

وشـــــــــنيتك ؟؟؟؟؟؟؟ فيه مشا ووير أكثر من كذا ........ لو ماحاشك البرد
سلمك ربي يالهنوف على كلامك
الطيب يالطيبه

اي والله لو ماجانا هالبرد كان كملانا
العشاء في البر

حفظك الله من كل مكروه

وشكراً لكي من القلب على مرورك

[مخاوي تمير]

حتى في يومك رائع يا ابو منيرة

بصراحة يعجبني اليوم وتسلسله بهذا الشكل

الله يحفظك ويخليك لعيالك ولعين ترجيك والله يسمت ويحفظ عيالك لك

استمتعنا بهذا اليوم الجميل والرائع بكل ما فيه يا صديقي الغالي

[احلام وردية]

ماشاء الله عليك ابو منيره
متبع السنه تبداء نهارك بسبع تمرات
عيني عليكم بارده يالرجال متى ما طقت في روسكم توجهتوا للبر
استمتعنا معك بيومك وعرفنا كيف تقضيه
الله يعطيك العافيه ويخليك لعيالك

وبإذن الله ضيفنا الجاي اهلاوي
فحياك الله اخونا العزيز وبإنتضارك

[الأنيق]

حتى في يومك رائع يا ابو منيرة

بصراحة يعجبني اليوم وتسلسله بهذا الشكل

الله يحفظك ويخليك لعيالك ولعين ترجيك والله يسمت ويحفظ عيالك لك

استمتعنا بهذا اليوم الجميل والرائع بكل ما فيه يا صديقي الغالي



هلا والله وغلا بك يالغالي
نورت يومي بمداخلتك
تسلم ويسلم من جابك من كل شر
وعسى الله يدوم التواصل الا بينا

وجعلك ماتشوف شر في حياتك


وشكراً لك من أعماق قلبي

[الأنيق]

ماشاء الله عليك ابو منيره
متبع السنه تبداء نهارك بسبع تمرات
عيني عليكم بارده يالرجال متى ما طقت في روسكم توجهتوا للبر
استمتعنا معك بيومك وعرفنا كيف تقضيه
الله يعطيك العافيه ويخليك لعيالك

وبإذن الله ضيفنا الجاي اهلاوي
فحياك الله اخونا العزيز وبإنتضارك

هلا بك يامشرفتنا الموقره
وشكراً لكي لأختياري ضيف لديكم


تحياتي وتقديري لكي

[تحدوك ياقلبي]

ماشاء الله عليك ابو منيره
متبع السنه تبداء نهارك بسبع تمرات
عيني عليكم بارده يالرجال متى ما طقت في روسكم توجهتوا للبر
استمتعنا معك بيومك وعرفنا كيف تقضيه
الله يعطيك العافيه ويخليك لعيالك

وبإذن الله ضيفنا الجاي اهلاوي
فحياك الله اخونا العزيز وبإنتضارك


اكيد انى بشارك ويسعدنى ترشيحك اختى الغاليه

بس بنخليها لبكره انشالله ابكتبلكم كل الى يصير معى من طق طق لسلام عليكم

طبعا يومي بيتخلله بعض الهواش:t180:لانى اموت بشي اسمه مطاقات:t32:

لى عوده:72::72:

[احلام وردية]

بإنتضارك اهلاوي
وبإنتضار مغامراتك

[سويد السويدي]

لا تتاخر يا اهلاوي

[أبـوحـمـد]

ما شاء الله عليكم مبطي ما مريتكم هنا..
لكن استمتعت معكم ومع يومياتكم الجميله..

الاخت لميس ارفقي على اسنونك من الحلويات
وتراي خذت قطعه بدون فاتوره..
يوم جميل وممتع..



الاخ العزيز مخاوي تمير يومك جميل ومرتب
وتعال بدري عند الخباز او وصني والا وصيتك
ونخلص..
والله يحفظلك اولا دك..


ابومنيره لا تصير انت الي معي في الشوكي بس
يوم نصيد البلابل هههههههه
يومك جميل بس تراي سبقت في تنزيل الموضوع..
المهم تراي امزح نبي موضوعك انت..
اخلص علينا خل نشوف لك اي تقريرفي الساحه ننتظرك..
والله يخلي لك عيالك ويحفظهم..

[لميس]

الاخت لميس ارفقي على اسنونك من الحلويات
وتراي خذت قطعه بدون فاتوره..
يوم جميل وممتع..

::

::

هذا اذا صارت لي سنون هههه
تشكرات ابوحمد ع مرورك
نورت الموضوع
ودي لكـ

[سُلاَفْ القَصِيدْ]

ماشاء الله يوميات روعه بروعة اصحابها

استمتعت بقرأتها

تسلمين احلام على موضوعك المميز

ويعطيكم الف عافيه

[لميس]

مشكوره لميس على احلى قاتوه
ياملا الغناة
استمتعنا معك بالتسوق والدوجي
لكن ما خبرت في تمير هايبر بنده
مره ثانيه مشكوره لميس

لكن كالعاده تتركون اختيار العضو لي
اتمنا يكون ضيفنا الجاي مخاوي تمير
ويشاركنا بموضوعنا ويمتعنا بيومه
بإنتضارك فلا تتأخر علينا

::

::

العفو غلاتي وردك بحد ذاته شرف لي
وانا من الرياض فديتها
معليش لاني مارشحت والله مانتبهت الله يعينك علينا يالغلا :t24:
ودي ووردي لروحك الطاهره

[تحدوك ياقلبي]

بسم الله الرحمن الرحيم

اخباركم صبايا:107: وشباب:76:

طبعااا بما انه تم ترشيحي بهالموضوع ابكتب لكم اغرب يوم حصل معى يوم كان مليان مواقف مضحكه مبكيه ماتقدرون تحكمون الا اذا قريتوها
اليوم هذا كان يوم من الايام العاديه الروتينيه انا كنت احسبه كذا بس لا شوفو وش الى صار>>>فكنا من مقدماتك

عشان تتحمسون بس:t24:


الموهم,,,قمت الساعه 7 صباحا اتشخص والبس كالعاده عشان الدوام:t177:
وانا في طريقي للمستشفى شفت حادث الله يكفيكم شره:t172:شاحنه مقلوبه اكثر من مره والى فيها ميت ودمه بلارض انا طبعا احتريت وماقدرت استحمل نزلت ودخلتنت من وسط العالم الى واقفين طلع هندى دقينا على الشرطه وخذو اجرائتهم وركبت سيارتى ورحت لعملى وانا متنكد من المنظر ونفسي بخشمي

المهم يوم وصلت طبعا لانى اشتغل بمستشفى حامل البالطوعلى يدي وكان وقتها مطر:71:ويطيح بلارض وكان فيه طين

قلت ايوووه بس كملت !!!ر والبالطو عليه طين وش باقي بعد؟؟؟

رحت الحمامات غسلته ونظفته وشوف العامل قالى انا انظفه انا اسويه انا فهمت الى يبيه طلعت خمسه وعطيته>>>بخيل ماعليكم استرووااا على ماوجاهتو

هههههه

بعدينن خذه نظفه ورحت دخلت العياده ويرن هذاك التلفون التلفون الى عندى بالغرفه حشاا ماهو تلفون جرس انذارـشي انفقع براسي قمت مفزوع ورديت
الا المدير يقول انت جاى متاخر وحنا قفلنا التوقيع

قلت قفل مع نفسك بغيت انفخ عليه بس الحمدلله مسكت اعصابي وعدت...
عقبها رحت افطر مع الشباب لقيتهم جايبين فطاير وسندويتشات جبن وبيض

قلت بس هذا المطلوب:72:كلنا وخلصنا بعد الفطور
لازم الشاى ..رحنا نسوي شاي واركب على الهيتر وينفقع في وجهى شكله مثل حالتى مسكين شوي وينفجر المهم انفجر

انا قلت لالالالا ماصارت قفلت مع امى وقتهااا

بغيت اطااق وتهاوش مع كلالى بالمستشفى

دخلت العياده رن الجوال

الا ورقم غريب قلت الوو:t169:لوو..

ماحد تكلم ...؟؟؟
سكيتها ...رجع دق قلنا الو:t169:ماحد رد
دقيت عليه قلت لو ترجع تتصل للعن والدينك والدين والدينك انا مانى ناقصك..لا ويطلع اخوى بس الشبكه ملخبطه عنده وداق من رقم موبايلي من مصر

ههههههههههه

هههههههههههه

كلمته وخلصت وماصدقت يجي اخر النهار واروح البيت:72:

رحت البيت لقيت الوالده الله يحفظها مصلحه هذاك الغداا الى نساني كل الامى ذاك اليوم:t32:

وعقبها حطيت راسي ونمت وقمت العشاا اطق طق على المنتدى حالى من حالكم

وسلامتكم:72::72:

اتمنى انه يكون يوم خفيف على قلوبكم مثل ماكان ثقيل على قلبي:t24:

[لميس]

يحرام كسر خاطري الرجال المتوفي الله يرحمه
والله يعينك من جد يومك متعب وشاق
الحمدالله اني عاطله هههه
ودي ووردي لكـ

[تحدوك ياقلبي]

ايييييي ناس عاطله وناس دور النوم وتتمناه

مشكوره لموس على التعليق

من جد كان يوم شاق الله لايعيده

[احلام وردية]

الله يعينك يومك صعب ومليء بالمصايب
صدق شكلك تحب الطقاق
اهلاوي استمتعنا بيومك ومغامراتك
من اجمل الايام اللي مرت علي

وضيفنا الجاي بإذن الله سيكون النادر
حياك الله ونبي يوم مميز
طرارويتشرط

[النادر]

ابشرو انتم تامرون امر
اليوم انزل موضوعي
وشكرا اختي احلام وردية

[احلام وردية]

بإنتظارك يا مشرفنا

[النادر]

بسم الله الرحمن الرحيم
اولاً اشكر اختي احلام ورديه على الاستضافه طبعاً يومي مثل كل الاعضاء مافيه فرق كثير
بس فيه يوم يختلف عن يوم حسب المواعيد والعزايم وحنا ماعندنا نظام ومانحبه يعني حريه .
يالله نبدا اليوم وقت الصبح طبعاً اكيد بعد صلاة الفجر انام اقل من ساعه ثم اصحى الساعه 6 ونص اخذ لي بيالة شاهي ثم
نودي العيال للمدارس الله يصلحهم وعند الساعه 7 وربع اجي وافتح المنتدى لمدة ربع ساعه وودي اشب النار بس
ماش الوقت ضيق مايمديك تحك راسك
اخذ بعض الاخبار الرياضية وفي الساعة 8 الا ربع نشغل ونمشي للدوام علماً بان دوامي في حوطة سدير وليس تمير
وفي الدوام اكيد مخصص للشغل بشكل كبير فيه فطور جماعي كل يوم الساعه 9 نشكل ترى ماهوب (فول وعدس ومرق ).
اطلع من الدوام تقريبا الواحده والنصف
الساعه 2 في تمير طبعاً اتغدى واجي افتح المنتدى كمتصفح الى اذان العصر لان الوقت ضيق مايمدي المنتدى
يفتح ولا ابو كرم يذن بعد الصلاة اطلع اما نسير او نتمشى اهم شي نغير جو
او نروح للنادي اذا صرنا فاضين بعد المغرب مخصص للوالدة طبعاً كل يوم عندها مثل الدوام ولو ماجيت تسئل عني اذا كنت موجود
لازم اجلس مع امي الله يخليها لي ويخليلكم امهاتكم .
المهم اذا اذن العشاء صليت في المسجد اللي عند بيت الوالد ونمر البقاله وناخذ مقاضي للبيت ارجع للبيت
اذا ماكنت مرتبط باي موعد اجلس قدام المشب
خاصه هالايام والبرد يخلي الجلسه زينه اوقدام شاشة المحمول وشاشة التلفزيون وطبعاً اكيد منتدى تمير
هو اللي ماخذ كل وقتي بالليل في الساعه 11 اخذ برنامج الجوله في art وبعد نهايتها تكون الساعه 12 وفوق
نتوكل على الله وحط راسي وانام واقول الله يحفظكم جميع
صور لي اليوم عند مبارة الهلال والشباب
ماش هزايم اليوم كلنا لاهلال ولانصر
http://m5awitumair.com/upload/uploaded/7_01261855909.jpg

http://m5awitumair.com/upload/uploaded/7_11261855909.jpg

الله يعطيكم العافيه ومشكور اختي احلام وردية مره اخرى

[تحدوك ياقلبي]

ماشلله يوم رائع بروعتك اخى الغالي

تشكر عليه

اخوك اهلاوي

[جار القمر]

الله يخلي لك امك ويمتعها بالصحه والعافيه
ويصلح لك اولادك يخليهم لك ويخليك لهم
وجعل ايامك كلها سعاده وفرح

http://m5awitumair.com/upload/uploaded/7_01261855909.jpg
وشذا شاب بجيكة مويه

يوم ممتع

[سُلاَفْ القَصِيدْ]

اخوي النادر سعداء بمعايشة يومك
يوم هادي و بسيط استمتعنا معك
ويدل على هدؤك وإتزان شخصك الكريم :)

دمت بأسعد حال :) http://www.al-zen.com/vb/images/icoksa7/25.gif

[النادر]

الله يخلي لك امك ويمتعها بالصحه والعافيه
ويصلح لك اولادك يخليهم لك ويخليك لهم
وجعل ايامك كلها سعاده وفرح

http://m5awitumair.com/upload/uploaded/7_01261855909.jpg
وشذا شاب بجيكة مويه

يوم ممتع

امين جعل من جابك للجنه
الي تشوف سمر بس كثر الحركه يشكلها مية لون
والله محييك يالغالي

[احلام وردية]

تسلم اخي النادر
شكلك منضم وقتك
سعدنا بيومك وتعايشنا معك
وعساك دوم بار بوالدتك والله يخليها لك
ومشكور على تفاعلك معنا
ويجعل ايامك كلها هنا

ويشرفنا يكون ضيفنا القادم عصي الدمع
فحياك الله وبياك
وبإنتــــــــــــــظارك يا عصي الدمع

[وردهـ]

وااااااااااااااااااااااو روعه ايامكم
وروووووووووووووووعه الموضوع
يعطيكم العافيه في انتظارايام واعضاء اخرين

[ام منى]

جعل ايامكم كلها سعاده وهنى..
والله يوفقكم يارب..
ويعطيك الف عافيه اختي احلام
ع المجهود والطرح المميز
دمتي بحفظ الرحمن

[الأنيق]

هلاوغلا بالنادر
واجعل عيالك يبرون بك
مثل مابريت يوالديك
وعسى الله يطول في عمارهم ويخليهم لك
آمـيـن يارب العالمين
http://m5awitumair.com/upload/uploaded/7_01261855909.jpg

هذا السمر الا تقول وش زين شبته
بس شكلك كل ماضيع الهلال هجمه
حطيت يديك على هالضو وحستها

يوم هاديء مثل راعيه
ماشاء الله عليك

سلامي وتقديري لشخصك

[عصي الدمع]

؛؛
السلام عليكم

صبح الليل . .!!

:t177:

. . يومي . . مشوار طويل . . يبدا في الغالب من هالوقت . . او بعد . . صلاة الفجر . .

اول شي . . نومي محيوس . . و مرات ما فيه . . نوم . . :t177:

في طريقي للدوام . . يوميا . . يدق علي . . سعد . . وينك ؟ . . وينك ؟ . . و ويوميا . .

جوابي . . في الطريق . . في الطريق . . !!

التوقيع . . ما فيه . . امر . . الكوفي شوب . . ون كابتشينو . . دبل شوت . . عشان اصحصح

و اغسل ريحة الاثم = الفم . .

تشغيل جهاز الحاسب الالي . . و التشييك على شبكات و اجهزة المكاتب . . و الموظفين

بالمتابعة . . و استقبال . . المراجعين . . و الهواش الدائم . . ليس مني . . و لكن من الحبيب

سعد . . من 9 . . تبدا النحشات . . اللي يطلع للفطور . . و اللي يطلع ما تشوفه . .

و لا متجمعين . . عند سالفة . . نور و البلوي . . و خط الستة . .

الساعه 12 . . راحة . . و يجي فيها غطه خفيفه . . بالنسبه لي . . غالبا . . نحشه . .

الجرايد . . اقراها يا في المكتب او الشقه . . حسب الشغل . . يعني اذا فيه شغل انحشت

و اذا فيه سوالف و شواهي . . جلست . . :t177:

اصلي العصر . . مرات فيه غدا و مرات . . خفايف . . اهم شي ما انام . . الشاهي زاهب

و اشوف التي في = التلفزيون . . الى المغرب . .

يبدا وقت الزيارات . . و شوفة الربع و الاهل . . كل يوم شكل . . و مرات اجلس يوم كامل

ما اطلع ابدا لغير الصلاة . . و مرات اقول . . اووووه صلوا ؟ . . !!

بعد العشاء . . لازم كم كاس . . شاهي . . الحلا فيه ذواقه . . و امسك لي يا كتاب . .

أو . . ريموت التي في . . او احيانا . . الانترنت . .

من 12 . . يبدا وقت الجهاد مع النوم . . بالعين جلاب السهر . .

و سلامتكم . . و اذا احتجتوا تفصيل اكثر . . اسألوا . . و لن اجاوب . . لاني . . قصرت

؛؛

:t177:

[احلام وردية]

يومك شاق وصعب من قبل الفجر وش حادك اربح النوم

حسب الشغل . . يعني اذا فيه شغل انحشت

و اذا فيه سوالف و شواهي . . جلست . . :t177:
يعني حسب السوالف مو حسب الشغل
شكلكم فالينها في المكتب ورادين بالشعب

و سلامتكم . . و اذا احتجتوا تفصيل اكثر . . اسألوا . . و لن اجاوب . . لاني . . قصرت
شكلك عجاز
على العموم استمتعنا معك وعايشنا يومك المتعب
الله يعطيك العافيه

[» اِلـَوَفْآءْ بـِنْـتْ]

يوميات َ رائعة بروعه َ آعضاءنا
استمتعنا بآيامهم
كل الشكر

[احلام وردية]

اشكر جميع ضيوفناعلى تواصلهم
واستمتعنا معهم بأيام متنوعه منها السهل والممتع ومنها الصعب والشاق
وراح يكون
ضيفنا القادم
دحوم الخالدية
حياك الله وتفضل وامتعنا بيومك
ونبي يوم مميز من ايامك

[احلام وردية]

وينك يا دحوم الخالدية
بإنتضارك
لا تطول علينا

[احلام وردية]

بما ان دحوم الخالدية تأخر علينا
راح نستضيف الاخت الورده البيضاء
حياك الله معنا في يوم في حياة عضو وتو ما نور المكان بوجودك

[سُلاَفْ القَصِيدْ]

ماشاء الله يوميات روعه
يعطيكم العافيه جميعآ
وبانتظار يوم الورده البيضاء بشوق .....

[سويد السويدي]

ننتظرك يا الورده البيضاء
لا تتاخرين علينا ...