يوم في حياة عضو

[وردهـ]

اشكر اختي احلام على استضافتي
و
انتظروني اخر النهار
عشان اقول لكم يومي

[وردهـ]

بسم الله الرحمن الرحيم
السلام عليكم ورحمة الله وبركاته
شاكره لكم انتظاري وجايه اخبركم بيوم من ايام حياتي
استيغضت الصباح كالعاده اغسل وجهي وعلى طول للمطبخ اشب الفرن على بريق القوه والشاهي
والفطور طبعا
نسيت اخبركم اي يوم طبعا يوم اجازه يوم الجمعه واترجى زوجي يطلعنا للبر زهقنا من البيت
جبت القهوه ومعلقه على البر ابي الطلعه من البيت
بعد صلاة الظهر حن قلبه علينا الله يعطيه العافيه وقال تجهزوا للرحله وجمعت اغراضي وانا ماادري عن الجو براء
وطبعا رحنا من جهة الشرقيه لم السيول الي تقل بحر ماشاء الله






http://center.jeddahbikers.com/download.php?img=3062










http://center.jeddahbikers.com/download.php?img=3064








السيارات الي مغرزه والي تطلع فيها
والعالم ماشاء الله على السيل جالسين





http://center.jeddahbikers.com/download.php?img=3063





ونزلنا وفرشناالفرشه بالقرب من السيل بس الهواء بارد بمعنى الكلمه حطينا الرواق عن الهواء وشبينا النار







http://center.jeddahbikers.com/download.php?img=3061






وصلينا العصر
وطبعا الزوج قال برد بنشرب الشاهي ونرجع للبيت قلت ما يخالف نرجع
طبعا كان الدجاج في السياره بنشوي
وبعد ما جمر الحطب شكله تحسف بالجمر جاب الدجاج وعطانيه اتبله وملحه وخليناه شوي من شان تطعم اللتتبيله فيه
وجلسنا نرجف من البرد والعيال ماستانسوا بالرحله يشوفون الماء ولا يلعبون به من البرد طبعا
وبعدين شوينا الدجاج









http://center.jeddahbikers.com/download.php?img=3058







واسرع له يستوي حطينا الصحن فوقه
http://center.jeddahbikers.com/download.php?img=3059









وشبينا نار ثانيه نتدفى بها







http://center.jeddahbikers.com/download.php?img=3060







وصلينا المغرب والعشاء جمعاوقصرا وتعشينا والحمد لله وغسلنا يديناوجمعنا العفش وركبناه في السياره ونظفنا المكان كما كان
رجعنا للبيت ودفاه والاستعداد ليوم السبت وغثاه
وسلامتكم
ارجو ان يعجبكم يومي
وسامحوني على قل الكلافه
لو داريه اني بحكي يومي لكم كان صورت من اول الطريق
الين رجعت للبيت
والله يعطيكم العافيه

[أبـوحـمـد]

ما شاء الله عليك يالورده البيضاء

بحق كان يوم جميل

بس لو هالبرد ..

الله يعافيك

[ام منى]

ماشاء الله عليكم يالورده يوم ممتع بس خرب عليكم البرد
تعوضونها ان شاء الله في يوم ازين منه..

[وردهـ]

ما شاء الله عليك يالورده البيضاء

بحق كان يوم جميل

بس لو هالبرد ..

الله يعافيك
صدقت كان يوم جميل بس بررررررررررد
وماخذنا احتياط للبرد
الله يعافيك على مرورك

[وردهـ]

ماشاء الله عليكم يالورده يوم ممتع بس خرب عليكم البرد
تعوضونها ان شاء الله في يوم ازين منه..
ان شاء الله يالغلا
برد ماخلانا نتحرك
اونلمس المويه

[احلام وردية]

ما شاء الله يوم ممتع وجميل
يكفي ان فيه طلعة بر
بس يحيييييييك من البرد دايم يخرب الكشته خاصة الصغار معاد يتحركون
يعطيك العافية على هاليوم الجميل

[وردهـ]

الله يعافيك ياحلام
ومشكوره للمره الثانيه على استضافتي

[موتي ولادمعة أمي]

يوم جميل ايته الورده البيضاءربنايسعد ايامك وتكوني دائما مستانسه

[ملاك الروح]

رحله جميله حتى مع البرد

مشكووووووره والله يعطيك الف عافيه

تحيااااااااااااااااتي

[سُلاَفْ القَصِيدْ]

ماشاء الله وش هالزين يالورده طلعه وشوي وحركات
الله يهنيكم يارب
ويعطيك العافيه http://www.rashed-elmajed.com/ashjan/a40.gif
وبانتظار الضيف القادم

[الأنيق]

ماشاء الله عليك يالورده وعلى يومك
الله يسعدك ويسعد ابو عيالك

[وردهـ]

موتي ولا دمعت امي
ملاك الروح
الراقيه
ابو منيره
يعطيكم العافيه
و
الله يسعد ايامكم وتسلمون على مروركم

[جنـgن رجل~]

ماشاءالله يالورده يومك حلو الله لاييحرمك من الوناسه وماشاءالله شوي وحركات الله يسعدكم ومشكوره اختي على الموضوع

[وردهـ]

الله يسعد ايامك
و
مشكور دحوم الخالديه99
على المرور

[موتي ولادمعة أمي]

والله وناسه حد يحصل احد يفرفش معه الله يوفقكم

[وردهـ]

مشكوره يالغلا
الله الوناسه زينه

[احلام وردية]

اليوم ان شاء الله راح يكون معنا في يوم في حياة عضو
الاخت ريم النفوذ
حياك الله اختي معنا

[ريم النفود]

مرحبا
مشكوره خيتو احلام على الاختيار مع اني مشغوله بالاختبارات :t177:
بس لعيون المنتدى
صحيت عندي محاضره تاخير ومحاضره غثيثه شوي وكنت متاخره وعلى اعصابي رحت كالعاده الدكتوره ماجت لسا
جلسنا مع الشله سواليف والدكتوره برضوا ماجت افطرنا جت عطتنا المحاضره وكنت انا وصديقتي جنب الشباك وكان الجو خيال :t180:
قلت لها ودي اخذ صوره قالت اتحداك تسوينها <طبعا بالمحاضره المهم سويتها وصورت ولا كن كملت المحاضره برااااااا طردتني :t24:
انا وصديقتي واستمتعنا بالجو الحلو ورجعت البيت بدري واهم شي الصوره
نمت الى 1 الليل صحيت وراي اختبار صعب ورحت الجامعه مواصله اختباري الحمدلله كويس والحين بكبر المخده وانوم :76: تمسون على خيرر

http://up4.m5zn.com/9bjndthcm6y53q1w0kvpz47xgs82rf/2010/1/11/04/ncvmu0ofo.jpg (http://www.tobikat.com)
طبعا هذي جامعه سعود من اليسار د.كيف .كليه الاداب .دايت سنتر .بوابه 4 الوسط الصاله الرياضيه بالوجه المبنى الكبير مبناي مبنى اللغات والترجمه
اتمنى يكون يومي خفيف واسفه على التاخير......دمتم بود

[موتي ولادمعة أمي]

تقبلوا مروري اخوكم موتي ولا دمعة أمي

[وردهـ]

الله يوفقك
وينهي ملل الاختبارات بالنجاح

[فديت تمير]

في انتضار يوم عضو اآآخر

[احلام وردية]

ماشاء الله عليك ياريم النفود وشلون قدرتي تصورين
وزين بس طردوك من المحاضره ما وقفوك
من جدجراءة
بس يعطيك العافية على الصوره
خليتينا نشوف جو الجامعه
الله يوفقك بامتحانك
استمتعنا معك بجو الاختبارات (او بمعنى آخر رجعتينالجو الاختبارات )

[احلام وردية]

في انتضار يوم عضو اآآخر

ابشري يا فديت تمير
وان شاء الله بيكون معنا
الاخت الهنوف
حياها الله وبإنتضار يومها

[&الهنــــوف&]

مشكوره اختي ........( احلام ورديه )

ولي عووده قريبـــــــــــه بأذن اللــــــــــــــه ...........تحيااتي

[أبـوحـمـد]

ما شاء الله عليكم والله استمتعنا معكم في يومكم اليومي
وحلوه الصوره يا ريم بس جازفتي وصرتي قدها..
وزين الي جت على كذا..

والله يوفقك وينجحك..

وننتظر الاخت الهنوف <---- اعجلي قصرنا..

[&الهنــــوف&]

الســـــــلام عليكم .....

طبعــــــــا ان ابسرد لكم احداث يوم الأربعاء الي فات ........

امي الله يخليهاا قالت للكل اخواتي واخواني بنطلع للأستراحه بعد العصر مبااشره...

طبعاا استعديناا بااالقهوه وتوابعها والشاهي وتوابعه:t177: ...والعشاءكالعاده .. ابوي يتكفل فيه

لأنه يكون يامندي اومشوي ..... طبعا استعداد البنات في الغالب .....يككون

كمبيوتر وشنطه ! !

طبعا امي لما جينا نطلع من البيت ....:t172: حلفت انو ولا كمبيوتر يطلع معانا ...... والي تجيبه حرره

راح اكب عليه مويه..........انا خفت ...ههههههههههاي وقلت باالأصل ماراح اجيبه..

بدأ الكذب ؟ ؟

وبعض ناس زعلوا وطلعناا ورجعنا وهم مايتكلمون ....... واذا كلمناهم عصبوا علينا ..

نكدت على نفسها وبس......

طلعناا وانبسطنا...... ولالاللالالازم الجيران يتصدرون اول القائمه في الحضور لأن امي ماتستغني...

طبعا انا مااحب اجلس في مكان واحد:72: بين امي وجيرانها واخواتي واجلس شوي مع ابوي واخواني

وشوي اداري ذا الزعلانه.....بس مااعبرتني ...كيفها ......! !

ضبط ابوي الله يخليه العشاء وابوي من النوعيه اللي لأاحد يقرب شغلي لين اخلص

يعني مريحناا .. الله يسلمه ..... واخوي يوم الخميس تمايم ولده ...... ورحنا وجينا وهويعزم

وابوي وامي يذكرون فيه لاتخلي الفلان ..... ولايزعلون الفلان ...........وووو

تعشيناا ورتبناا امورناا ..........وابوي كالعاده يمر على الغرف وعلى مجلسه قبل مانرجع

زيادة تأكيد........ان كل شي في مكانه

رجعنا البيت وحااولت اناام بدري ما قدرت ......... واختي فلت حجاجها.:t32:......مابغت

وجلسنا نسولف انا وامي لحد الساعه وحده ونص ......

بعدها تصبحوون علىخير استسلمت للنوم


وسلالالالالالامتكم :t24:اتمنى ات يكون يومي خفيف وممتع ؟ ؟

[مجهول الهويه]

احسن تسوي امكم فيكم كل واحد معه كمبيوتره تروحون هناك كل واحد ماسك زاويه وعيوانه على الكمبيوتر
لاسواليف ولاوسعة صدر
بس شكل الطلعه فله
اهم شي انكم انبسطتو براحلتكم
وعلى فكره مبروك على المولود الجديد

[أبـوحـمـد]

زين اجل الي سلمت منكم الكمبيوترات ذيك الليله..
يوم جميل وممتع قضيتوه مع بعضكم الله يجمعكم
ولا يفرق شملكم والله يخليلك اهلك..
تحياتي لك ..

[وردهـ]

ماشاء الله على امك زين ماسوت بكم
والله يوم ممتع ورائع من قدك في استراحه
يعطيك العافيه

[احلام وردية]

الله يعطيك العافية على هاليوم الرايق
الله يسلم اميمتكم اللي تجمعكم وابيكم اللي يهندس ويتفنن ويطبخ لكم
صدق العائلة ما تكمل سعادتها الا بالوالدين الله يحفظهم
استمتعنا معك يالهنوف بها لرحلة العائلية

[&الهنــــوف&]

مجنونك ....... الورده البيضاء......ابوحمد.......... احلام ورديه

مشكورين

ومعزومين الأسبوع الجاي نفلهـــــــــــا مع بعض ........ بس ولا وااحد يجيب جهازه.... والأستـراحه ملك ابوي

اقبلوا الدعوه ...... وخذوا الوصف

[أبـوحـمـد]

ومعزومين الأسبوع الجاي نفلهـــــــــــا مع بعض ........ بس ولا وااحد يجيب جهازه.... والأستـراحه ملك ابوي



حنا ما طلعنا الا نبي الفكه من اجهزتنا من ناحيتي موافق موافق

[ام منى]

ماشاء الله عليكم يالهنوف الله يديم السعاده والوناسه
والله يخلي لك اهلك..
يوم جميل وممتع..

[&الهنــــوف&]

........ مانستغني عن اطيب قلب بالمنتدى.(ام منى )........ وانتي معزومه

[سُلاَفْ القَصِيدْ]

ريم النفود / الهنوف
يعطيكم العافيه استمتعنا بيومكم الجميل
الله يهنيكم ويسعدكم يارب
والشكر موصول للغاليه احلام على الموضوع الشيق والممتع..

[احلام وردية]

مجنونك ....... الورده البيضاء......ابوحمد.......... احلام ورديه

مشكورين

ومعزومين الأسبوع الجاي نفلهـــــــــــا مع بعض ........ بس ولا وااحد يجيب جهازه.... والأستـراحه ملك ابوي

اقبلوا الدعوه ...... وخذوا الوصف


ماعندي مانع يالهنوف وعساك على القوة
والله ودنا بالطلعه والوناسه

[احلام وردية]

ريم النفود / الهنوف
يعطيكم العافيه استمتعنا بيومكم الجميل
الله يهنيكم ويسعدكم يارب
والشكر موصول للغاليه احلام على الموضوع الشيق والممتع..
الله يسلمك الراقية
ولا تحرمونا من حضوركم

[احلام وردية]

بما انه اليوم الجمعه اكيد مر علينا يوم غير عن روتين الاسبوع يوم الاربعاء والخميس
ونتمنى نعيش هاليوم مع اخونا حبي الوحيد تمير
فـــ اهلا به
وبإنتضاره

[&الهنــــوف&]

ننتظر .................... لالالالالا تطول ........... ياااحبي الوحيد تمير

[عزوز الرياض]

هلا وغلا احلام ورديه معليش على التاخر بس كنت مشغول الين عيوني
يوم الجمعه كنت في البر وكان الجوى بارد وانا كنت نايم وكل ماقمت فتحت الفراش لقيت الجو مظلم وظاق صدري ودي اقوم بس انا شبعت نوم ماني فاضي اقوم المهم نمت مره ثانيه واحلام حلام مدري هو خيااااااال ولا صدق حلامت اني في البر ويوم فتحت الفراش ولا الدب فوق راسي يقولي اطلع قلت رح لمك بس قال بلا هبال اطلع ولا عظيتك ويوم قال بعضعك قلت خلاص ماني لاعب قال وش منتب لاعب قلت بتاكلني وش العبه لا تخربها قال قم بس قم واقوم واطلع من الفراش وذر الدعوه في حلام وخوي يقومني يقول قم صل ويحسبني استهبل معه يقول انت يابو فيصل استهبالك ماتخليه حتى وانت نايم قلت والله ما استهبل واصلن هو خويي دب ما الام المهم صلينا وشبينا الضوء وتقهوينا وافطرنا ومشينا في الروضات نتمشا رضه في روضه ووقفنا نتغدى وابو عبدالله كبس لنا كبسه ولا مطعم التنهات يسويها كبسه حاشي مع زلطه خياليه طماط مع بصل مع خيار مع ليمون تقطيع صغار وتغدينا ومشينا ورحت لتمير عند اهلي وجلست معهم وتقهويت ثم رحت لرياض وانا ياااالله اشوووووووف دربي بلحالي وكل شوي نايم وكل شوي نايم الين وصلت البيت انسدحت في مرقدي ويم جيت انام ولا انا جوعاااااان متعيجز اروح للمطعم قلت نوم خفيف احلى شي وانام وتجي الساعه ثنتين ولابطني يقرقع من الجوع وروح اخذلي سندوشت لها اسبوع في الثلجه وحميتها وكلتها ونمت وانا ما كملتها
اتمنا انكم استمتعتم معي واسف عن التاخير كان عندي موعد يوم السبت ولا جيت الدوم وشكر لك مره اخر احلام ورديه على الموضوع المتالق
ارشح طير شلوى

[فديت تمير]

مع زلطه خياليه ...>>>زلطه يؤ ياكبرها سلطه خخخخخخ
حشى اجل خويك دب خخخخخخخخخخ
عليك حلم مب صاحي خخخخخخخخخخخخخخخ
يوم صراحه رهيبه
بانتظاار طير شلوى

[احلام وردية]

من قدك نايم في البر(وحده تتمنى البر)
زين اللي ما رجفك ونقزك رفيقك يحسبك تستهبل
يوم ممتع قضيناه معك بس ياليتك جبت لنا من صور البر
لكن لي ملاحظه عليك
ما كان لازم تمشي للرياض وانت فيك نوم الله لا يقدر شر يجي عليك حادث وبعدها ما ينفع الندم

تشرفنا بحضورك واستمتعنا بيومك
وبإنتضارك ياطير شلوى

[عزوز الرياض]

الله يسلمكم الصور موجوده953

[عزوز الرياض]

احلام ورديه ان شاء الله تتحقق امنياتك انك تنامين في البر وتوسعين صدرك

[وردهـ]

ماشاء الله عليك يوم ممتع
يسلمك ربي ويعطيك العافيه

[احلام وردية]

حبي الوحيد تمير تسلم على الصوره
وربناكريم يكتب لنا طلعة بر زينه
مره ثانيه تسلم ومشكور

[طير شلوى]

يوم دراسي جديد ..

الساعه 7 وربع حركت من البيت متوجهه للجامعه .

بسم الله وع بركه الله تحرك من البيت وتطلع ع الدايري تجلس ساعه الا ربع عشان تاصل ...
تقعد تعشق في الموتر كل شوي وتاقف لين يجيك شد عضلي من هالزحمات
وتكره الدراسه وتكره الرياض كلها من هالزحمات الي تروع "

المراد وتقبل ع الجامعه وماتصدق خبر تدخل المواقف تلقاهم وقفين كل واحد يحتري الثاني يتحرك ..!!
وتشوف هالسكرتي لايهش لا ينش ..

قصدي ضابط اوب سكرتي

وتقعد تحوس واخر شي توقف فوق رصيف ولا تلفزة بين هالمواتر ..

والحمد الله تخلص من هالمشكله وتدخل الكليه وتروح تاخذ لك مويه تبل ريقك ..

ولا الساعه قد صارت 8 وخمس دقايق
تدخل القاعه الا الدكتور توه داخل قبلك بثانيه ويردك يقول انت متأخر ...!!

عجيب حلال عليه حرام علينا ..

الدكتور / وش مأخرك يا سعود.
سعود / الي اخرك هو الي اخرني .
الدكتور / بابتسامه المواقف زحمه شوي
سعود / انتم الله يحييك لكم مواقف خاصه . وش نقول حنا
الدكتور/ ادخل ولا تتأخرة مرة ثانيه .
سعود يخاطب نفسه / ايييييه يالدنيا .. الحلال حلال ابونا والقوم اطردونا.

والدكتور يبدا اشرح وسعود راعي سالفه مع رفيدزة الي جنبه يخططون ع فطور عند فوال خابرينه قريب التميس عنده ع كيف كيفك ..
وماصدقوا خبر طلعوا من القاعه الا هم ناصين الفوال "

وافطرنا ورجعنا للمحاظرة الثانيه الا فيه دكتور شريطي
ابلشنا بيعات شريات عقارات سيارات بتاع كلوة الله يجزاه خير .

لايقول تراني مالي في التدريس بس نقطع الوقت عندكم ونمشي لأشغالنا <<< شين وقوي عن

اخر شي يقولن هذي الجامعه الاولى عربيا <<< امحق بس زيوا مواقفكم الله لايعيدها من مواقف مغير كل يوم جاين مخش ودقش في مواترانا .

..
.

دمتم سالمين
هذي مشاركتي يا حبي الوحيد تمير:t24:

[احلام وردية]

يا طير شلوى يصلح تجيب لنا يوم جديد
غير ايام الدراسة كشتة بر طلعة مع الاهل
او خلاص ما صدقت يخلص يومك

[» اِلـَوَفْآءْ بـِنْـتْ]

هههههههههههههههههههههههههههههههههههههههههه
تصدق َ يصلح َ تكتب َ قصص هع
وقصمنْ فطست َ ضحك ِ عليك حلوة حسيت رجعت كلمات َ قديمة جداً
هههههههههههههههههه

[&الهنــــوف&]

هههههههههههههههه

حلــــــــــــــــــــــــــــووه بس وش معنى... دقش

[احلام وردية]

السلام عليكم يا احلى اعضاء
بما ان الإختبارات خلصت والحين وقت عطله واكيد مر علينا ايام حلوه
راح نرجع للاعضاء ونعيش معهم ايمهم بحلوها ومرها
وراح يكون معنا الاخت تروفه وراح نعيش معها يومها
بإنتضارك يالغلا وبإنتضاريومك وياليت يكون فيه صور لتزيد المتعه

[تروفه]

السلام عليكم ورحمة الله وبركاته

طبعا اخترت لكم يوم من ايام الأجازه هذي وكان هذا اليوم في الشرقيه

وكانت الرحله مع الأهل وبنات العم _ _ بعد صلاة الظهر مباشره طلعنا

لشاطئ نصف القمر وكان الجو رووعه وغيوم

جلسنا اول مااوصلنا الشاطئ مع لأهل وبعدها توجهنا احنا البنات للبحر

والأستمتاع بالبحر واموااجه واللعب

لعبنا سولفنا انبسطنا اكلنا وكل شي في خااطرنا سويناه

اذن المغرب وحسينا بالبرد تجمعنا حوول بعض
انا واخوااتي وبنات

عمي وانوااع السوالف واحنا تبرعنا بتصليح العشاء وبدينا نتبل الدجاج

طبعا كان شوي وشوينا مع ان اغلبه احترق

بس العوض ولا القطيعه جتنا كم تهزيئه خفيفه بس الجماعه يغطون

على بعض ولا همنا اكلنا واكلوا الي يتنعفقون ولما جت

الساعه وحده قالوا ياالله مشينا رجعنا بعد يوم ممتع وجميل وتمنيت ان

كل الأعضاء معي وخاصه احلام ورديه

لأنها تهتم بيوميات الأعضاءوسلامتكم


اتمنى يكون يوم خفيف وظريف على قلوبكم

[سُلاَفْ القَصِيدْ]

يعطيك العافيه تروفه
استمتعت وعشت معك بيومك صراحه روعه والجلسه على البحر اروع
وحمدلله على سلآمتك

[احلام وردية]

تسلمين والله يا تروفه ياليت والله اني معكم على شط البحر نسمرونسولف وابشري بالسوالف اللي ما تخلص
استمتعنا معك يالغاليةبيومك الجميل وعشاك المحترق
بس والله فله رحلتكم ومع بنات العم تكمل

[موتي ولادمعة أمي]

الله يسعدكم والله يوم ممتع تروفه

[ابو محمد التميمي]

ما شا لة فكرة حلوة____مرة________اهنيك على عقلك الذكي ما شا لةةةة______________________

[احلام وردية]

اليوم راح يكون ضيفتنا
موتي ولا دمعة امي
وان شاء الله نستمتع معا بيومها
لا تتاخرين علينا يالغالية بإنتضارك وانتضار احداث يومك

[أبـوحـمـد]

يوم جميل يا تروقه وما شاء الله عليكم شوي ووناسه
مع اقاربك الله يونسكم..

[موتي ولادمعة أمي]

مساكم الله بالخير جميع

بس حبيت ابين اني ذكر ولست بانثى << خخخخخخخ

طيب اشكركم على الترشيح

والله انا ماني من اهل تمير بس حبيت اهل تمير انا ضيف عليهم وبحكم عملي عندهم

اصحى على صلاة الفجر واخذ لي شور واصلي الفجر وارجع وازين لي دلة قهوه من اللي يحبها قلبكم << قهوة عزوبي الله يستر ههههههههههههههه

المهم انا بعد ما اتقهوى البس الثوب ورشتين عطر واتكشخ << حشى رايح عرس هههههههههه

واقابل بعض الزملاء بالعمل وسوالف وحش وحش من اللي يهد الحيل هههههههههههههههه

وبعدها على الطابور الصباحي واقف مفهي ما شوف الا الطلاب 1234

وبعدها على الفصل

عاد بالفصل اجلس ياولد قم واقف جاوب شاطر ومن هالسوالف

وبالفسحه فطور من يد هندي هههههههههههههه مدري انا ابي اعرف الهنود هم يطبخون والا يغسلون والا يرتبون صراحه مكاين هههههههههههههههههه

المهم ماعلينا بعد الفطور ارجع للفصل كابس امها لين النفس تقول بس خلاص ابي اتنفس من الاكل

واشرح وانا بين صاحي ونايم اشوف الطلاب دبل هههههههههههههه

وبعد المدرسه على اول مطعم هندي << ايش قصتك مع الهنود انت

واتغدى ومعه لبن بارد يكبس على البطن وادوخ اشوف الفراش يشكي

واحلى نومه

واصحى على صلاة العصر واصلي واسوي لي دلة ثانيه قهوه مع بسكويتات جلكسي ومارس وسنيكرس<< ايش بقى ههههههههههههههه

المهم وعلى العصر اطلع اتمشى بس مدري عن نفسي الا انا الوحيد اللي يتمشى هههههههههههههههههههه

يعني وحداني بالشوارع

وارجع البيت على المغرب واصحح دفاتر الطلاب واحضر دروسي واقلامي وكل شي<< بطل هههههههههههههههههههههه

والعشاء اصلي وارجع وعلى tvواندور مباريات لو دوري هندي بتابع ههههههههههههههههههههه

وعلى هالحال الى الساعه 11 ونص وبعدها اخش على النت الى الساعه 1 وبعدها احلى نومه

مع العلم ان دخولي ع النت الظهر تقريبا ساعه او نص ساعه والمغرب اذا مافيه تصحيح كثير وبعد 10

وتوته توته وانتهت الحتوته << قصه مو يوميات


اعتذر على الاطاله واشكركم مره اخرى على الترشيح

تحياتي

[احلام وردية]

بالعكس ما فيه اطاله استمتعنا معك بيومك
والله يحييك بتمير ويعينك على الوحده
يوم معلم منظم ومرتب
لكن فيه احساس بالملل الله يعينك
جميل ان نعيش مع غيرنا يومه ونشوف وشلون عايش
مره ثانية الله يحييك في تمير وتو مااسفرت وانورت بوجودك

[موتي ولادمعة أمي]

اشكرك من كل قلبي على الاستضافه الرائعه والترحيب الجميل وتمير منوره بأهلها اهل الجود والكرم فما وجدته من طيبت اهلها وحسن استقبالهم قد اشعرني انني لست في غربه بل عند اهلي وناسي وانا اسف على التاخر والف شكر على المرور

[عزوز الرياض]

يخوك عايدي فلها تعال سير علينا في المزرعه نطلع منا ولا مناالمهم وسع صدرك لا تكون وحداني والله ان تموت قبل يومك خلك مطنش والله تعيش اسالني طنش الوحده تنبسط اكثر

[موتي ولادمعة أمي]

اشكرك عزوز من كل قلبي على المرور الجميل وعلى هذه الدعوه الجميله الله لايحرمك الوناسه

[سُلاَفْ القَصِيدْ]

سعدت بيومك اخي موتي ولا دمعة امي
بالرغم من انك وحيد الا ان يومك يتسم بالنظام ماشاء الله
برنامجك اليومي منظم ودقيق
يعطيك العافيه
تقديري

[موتي ولادمعة أمي]

الشكر موجه لكي اختي الراقيه على مرورك الجميل تحياتي

[عزوز الرياض]

الله يسلمك اخوي الوناسة زينه ولا من دونها كاني مالي ضروووووس هع مالي خلق اطلع ضروسي

[احلام وردية]

اشكركم من قلبي ايها الاعضاء الطيبين على تواصلكم
واليوم راح نستضيف اختنا تميراوية فله
لنتعرف على نضام يومها او لتحكي لن يوم جميل مر بها
بإنتضارها ونشوف الفله معها
فحياها الله

[تميراويه فله]

يعطيكـ آلف عآفيهـ احلام ورديه

احم احم <<صحه


يلا

بسم الله الرحمن الرحيم
السلام عليكم ورحمة الله وبركاته
اما بعد <<صارت اذاعه ماصاارت يوميات <<لايكثر هجرك وخلصينـآ <<ان شاء الله
راح اقوولك يوومي بالمدرسه :)
صباح يووم الثلاثاء ..الساعهـ السادسه صبـاحا في الرياض

استيقظت (تميراويه فله ) من نومـهآآ جت مامـآ طقت الباب بقووهـ
طآخ طخ طآخ<<وكاد الباب ان ينكسر <<ابووكـ ياذا اللغهـ
تميراويه فله :بناام لا اريد ان اذهب للمدرسه
مـآمآ :قومي مو ع كيفك ماتبي ترووحي للمدرسه
تميراويه فله: يالله ان شاء الله
وقمت من لذيذ النووم بعدهـآرحت ترووشت
وبعد ماخلصت رحت وافطرت لي فطيره باللبنه
ورحت وقوومت خيووو يلا قووم ودني للمدرسه تأخرت
وكان اليووم يووم مفتووح وجبت بطاطس لييز وببسي وعلتس
بعد كذا رحت عند اصدقاتي وجلسنا نسوولف ويووم خلصت الفسحه رقينا فووق للفصل والكل تاحت احنا نبي ناخذ راحتنا واحنا فووق
جمعنا الطاولت كلها جنب بعض وسووينا دائره وجلسنا
وحطينا البطاطس والعلك والببسي حق العائله والفراوله كلها بالطاوله وجلسنا نسمع اغاني ونشووف صوور وبعد كذا جت صديقتي هتو بتفتح الببسي ومو قادره وانا جالسه جنبها ا وتحاول تفتح وطاح منها ع الارض وكملت لين فتح وطاااش وانا يقال اني شاطره فرحت ومسكته بيدي ومن الشطاره الي فيني ملاني وبعد كذا طاح من الارض وانكب وشلناه وجلسنا وخليناه هههههههه
وبعد كذا صديقتي هتو بتكلم ريوم في اذنها وهنا اختي حسبته شئ ثاني يعني يتكلمو عنها فقامت تلاحق هتو وهنا قامو يدوورون ومادرينا الا وهتو طاحت لقينها ع الارض وهنا جلسنا ندوورها ومالقينها انا هنا خلااص مت من الضحك وانا جالسه اضحك طحت معها ههههههههههههه بعد كذا شفانها ساكته مو قادره تسووي شئ
انا قلت لها قوومي ماتقدر تقوول ما اقدر رجلي تعورني انا هنا حسبتها تستهبل قلت لها قوومي بس والعبيها ع غييري تراني اعرفك هنـآ قالت والله ما اقدر انا يقال اني دكتووره قلت لها شووفي انا بسحب رجلك ع طوول وبتطيب <<والله متأثره من كثر ماشووف الافلام ههههههههههه
هنا قالت لا انتي مهبووولها نا قلت لها براحتكـ وخليتها وجلست تحاول وبعد كذا قامت بس يالله يالله تمشئ <<مسكيينه
هنا حاولنا احنا والبنات نساعدها لانه خلااص طلعه وبعد كذا رحت للبيت لانه نادى علي وصليت ونمت لين العصر وبعدها تغديت وكلمتها وقالت انهم حطو لي جبس انا هنا مت ضحك ههههههههههههه
لانها تحش في اختي فعشان كذا ربي عااقبه <<لايكثر بس
وصكيت منها ورحت وذاكرت شووي ودخلت النت وصليت المغرب وذاكرت درووسي <<ام الدفااره
وجلست تحت شووي وتعشيت ونمت
وسلامتكم ..وصح لسـآن قايلها <<بدأت تلخبط
ووووووووووووووبس

[عيونه]

هههههههههههههههههههههههههههههههههههههههههههههههههه هـ

عيوني قامت تلاقط هع هع

اووما هتوو لبى قلبها شي شي ..//

استمتعت وانا أقرآآ عن يووومك..

لا هنتِ

[تميراويه فله]

هههههههههههههههههههههههههههههههههههههههههههههههههه هـ

عيوني قامت تلاقط هع هع

اووما هتوو لبى قلبها شي شي ..//

استمتعت وانا أقرآآ عن يووومك..

لا هنتِ

دوومز الضحكهـ يالغلآآآ
سلامت عنوونكـ
ههههههههههههههههه فديتهـآ والله

مشكوورهـ وان شاء الله نشووف يووميك يالغلا .."
اسعدتني بردك الجميل
كل الشكر لك ..~

[احلام وردية]

اثرك بزر يا تميراوية فله تطامرين وتلعبين (هههههههههههه)
بس والله رجعتيني للوراء وذكريات الدراسة والهبال
يازين هذيك الايام وناسه
صدق فللللللللللللله يومك
ومسويه دكتوره اشوى ان البنت ما طاوعتك و راحت فيها
من جد استمتعت وانا اقراء يومك وكأني معكم بالمدرسة (حسيت بجو الدراسة)
تسلمين وحياك ربي على متصفحي وتو ما زاد نور

[تميراويه فله]

اثرك بزر يا تميراوية فله تطامرين وتلعبين (هههههههههههه)
بس والله رجعتيني للوراء وذكريات الدراسة والهبال
يازين هذيك الايام وناسه
صدق فللللللللللللله يومك
ومسويه دكتوره اشوى ان البنت ما طاوعتك و راحت فيها
من جد استمتعت وانا اقراء يومك وكأني معكم بالمدرسة (حسيت بجو الدراسة)
تسلمين وحياك ربي على متصفحي وتو ما زاد نور


ههههههههههههههههه
عااااد مووو بزززر مرره ووحده <<برآآ
اي والله ياليــت الزمــان يرجع لووورا لو يووم واحد بس .."
تسلميي يالغلآآ والفله هو انتي يابعدهم
شفتي كييف والله اني سنعه اساعدها والله بس هي الي مارضت وماطاعت كلامي <<يازينكـ وانتي ساكتهـ
حيـآآكـ الله والمدرسه بتنوور بووجوودكـ ياعسسل
واشكركـ مرره ثـانيهـ ع مووضوووعكـ الرآآئع
واصلي ياامبدعه
موووفقهـ ..~

[احلام وردية]

بعد غياب ضيافتنا عنكم لمدة ولكي لا تملوا الموضوع تركتكم قليلا
والان عدت
ومع ضيوف جدد
ونبدأ بأخونا فارس الجزيرة يحكي لنا يومه او احد ايام اجازة الاسبوع اللي عطلناه
ولكم شكري
وبإنتضار فارس الجزيره

[فارس الجزيرة]

السلام عليكم ..

مشكورين على الموضوع .. وعلى الترشيح ..

لي عوده في اقرب فرصه ..

[احلام وردية]

بإنتضارك اخي الكريم
لا تبطي علينا

[احلام وردية]

بما ان اخونا فارس تأخر علينا
نرشح الاخت الغالية صمتي ذبحني
لنسعد معا بيومها ومافيه من ابتسامت
او نواسيها ان كان يوم حزين وان شاء الله تكون كل ايامها سعيدة يارب
صمتي ذبحني بإنتضارك
وانت يا اخي فارس بإنتضارك متى سنحت لك الفرصة

[صمتــي ذبحنــي]

موضوع رائع يا احلام ورديه
مشكووووره ع الترشيح _~
لي عوده ان شاءالله..

[فارس الجزيرة]

آسف على التأخير بس اليومين اللي راحت ما دخلت النت ..

ان شاءالله لي عوده ..

بإنتظار اختنا صمتي ..

[سُلاَفْ القَصِيدْ]

روعه مآشآء الله يومك ياتميبرآويه
أنبسطت وأنا أقرأ فيه
يااحلو جو المدرسه والمغآمرات اللي فيه تجنن
تسلمين أحلآم على موضوعك
بأنتظآر صمتي وبعدهآ فآرس

[احلام وردية]

وينك يا صمتي ذبحني
لا تطولين علينا

[صمتــي ذبحنــي]

ادري اني قطعيه بس وش اسوي
والله اني عبرت تعبير عن موقف لي
وطولت وانا اكتبه.. في الاخير يقولي انت لم تسجل >> والله قهر تعبيري طااااااار
بس ان شاءالله اكتبه اليوم_~

[سُلاَفْ القَصِيدْ]

بآآآنتظآرك يااصمتي لآتطولين

[حـلآي مـعـذب غـيـري]

http://www.tumaer.com/vb/mwaextraedit4/extra/49.gif

[احلام وردية]

بما ان الاخت صمتي تأخرت علينا وطولت الغيبه
راح نرشح اختنا حلاي معذب غيري
ونستمتع معا بيومها
حياك الله اختنا الغالية وبإنتضارك ارجوا انك ما تطولين علينا

[حـلآي مـعـذب غـيـري]

خلوها يوم الاحد لان راسي مصدع الان

[ام منى]

احلام ياليت تكملين موضوعك لانه حلو وشيق ..

[لا تـعـتـذر مـسـمـوح..~~]

اي والله يآآآآآآآآآآريت,,

[احلام وردية]

والله حتى انا اتمنى نكمل الموضوع

جلست اقراء في يوميات الاعضاء والبسمه وش كبرها كني اول مره اقراها

يوميات ممتعه

وان شاء الله راح اكمل

بس نحتاج لتفاعل الاعضاء