أرشيف النشرات الجوية للخبير الجوي ( نــســيــم )

[ماجدونا]

الله يستر ويفكنا من البرد
ويارب تغيثنا

شـكــ وبارك الله فيك ـــرا لك ... لك مني أجمل تحية .

[نسيم]

وينه ندوره حنا من زمان ان طفينا المكيف احترينا واذا شغلناه بردنا

الله يعجل به والمطارح موجوده وكلشي والم..
والله يابوحمد البرد بس ننزعج من شي واحد الزكمه وكل يوم تحط طرف شماغك في خشمك .

[نسيم]

الله يجيب الخير
ومن اجل عين تكرم الف عين
من اجل المطر والخير نتحمل الخلاقين والحوسه
ايه الله يجيبه لكن حنا نعاني من ناس يدبلون كبودنا اذا جتهم الزكمه طلع المنديل ثم قام ينثر خشمه قسم انه يطلع اصوات مثل الصواعق ونغمات غريبه ،مايحترمون اللي عندهم.والا مسك طرف خشمه ثم قام يناخر.والله مشكله.

[نسيم]

الله يستر ويفكنا من البرد
ويارب تغيثنا

شـكــ وبارك الله فيك ـــرا لك ... لك مني أجمل تحية .
ماعليك يارجال مر المحلات وخذ من ذيك البجايم اللي كنها ترنق ،ولونها يميل للخضار وخذ شراب العائلة وخله فوق البجامة عشان مايشوفها احد .

[قابوس تمير]

شف انا مايعنيني الا هذا البلد واللي غيره الله يرزقه، مايهمني ابد ،لكن نستبشر خير.حنا وش نبي بالكويت ؟جعله مايسيل ابد.

وانت وش يضيق صدرك .. وراك معصب علينا

[نسيم]

شف انا مايعنيني الا هذا البلد واللي غيره الله يرزقه، مايهمني ابد ،لكن نستبشر خير.حنا وش نبي بالكويت ؟جعله مايسيل ابد.

وانت وش يضيق صدرك .. وراك معصب علينا

انا اقصد بلدنا وماجاورها ياقابوس

[قابوس تمير]

والكويت ماجاورها!!! جعلها تسيل فديتها والله ... تسلم يانسيم عساك ع القووة ... قربت لحظه الوداع يانسيم

[الأنيق]

آه يانسيم ياكثر ماتقول
يبي يجي مطر
والحين يبي يجي بردّ
وبكره بتقول يبي يجي برد(شبوب)
وبنحتريك لين تقول
يبي يجي حر

[طير شلوى]

الله يجيب البرد يالله الي يكسر ظهور الحمير ههههههههه

والله يعيينكم على السخاين انتم وعيلانكم ..

[نسيم]

آه يانسيم ياكثر ماتقول

يبي يجي مطر
والحين يبي يجي بردّ
وبكره بتقول يبي يجي برد(شبوب)
وبنحتريك لين تقول
يبي يجي حر


وش اسوي يابومنيرة ابي المطر وفلة الحجاج ذبحنا الغبار .

[نسيم]

والكويت ماجاورها!!! جعلها تسيل فديتها والله ... تسلم يانسيم عساك ع القووة ... قربت لحظه الوداع يانسيم
الكويت !وش حتى الكويت ؟البحر لاهوب ناقص ماه ولازايده ولا عندهم بر فيه خير، افضل شي عندهم الصمان والدبدبه وهذي في السعودية.

[نسيم]

الله يجيب البرد يالله الي يكسر ظهور الحمير ههههههههه

والله يعيينكم على السخاين انتم وعيلانكم ..
بلاك والله صاحي ياطير شلوى .ماهيب ماسكتك ركبك وظهرك من البرد .

[الأنيق]

وش اسوي يابومنيرة ابي المطر وفلة الحجاج ذبحنا الغبار .

الله يرزقنا ويغيثنا
يانسيم وتفل الحجاج
ويبعد عنى هالغبار

ولو أنا مادرينا عنه دام مافيه حر مو مشكله هالغبار

[طير شلوى]

تراك مذكور بالخير يانسيم ...

اذكر الله

[قابوس تمير]

اقول ماودك تعطينا الخريطة قبل لا انوم .. نشوف حولنا سحاب ولا لا

[نسيم]

اقول ماودك تعطينا الخريطة قبل لا انوم .. نشوف حولنا سحاب ولا لا
اقول ماودك تعوذ من الشيطان وتحكي زين .

[قابوس تمير]

هههههههههههههههههههههههههههههههههههههههههههههههههه هههه

[نسيم]

الله يرزقنا ويغيثنا
يانسيم وتفل الحجاج
ويبعد عنى هالغبار

ولو أنا مادرينا عنه دام مافيه حر مو مشكله هالغبار

امين الله يقبل دعاك يابومنيرة .ماعليك من الغبار؟الغبار هو المرض الله يكفينا شره فيه ناس تموت من الغبار ياخي .اذا الله معطيك صحة وعافية احمد ربك.

[نسيم]

تراك مذكور بالخير يانسيم ...

اذكر الله
الحمدلله اللي اذكر بالخير شي طيب ياطيرشلوى.والذكر الطيب هذا من محبت الله للعبد .

[نسيم]

هههههههههههههههههههههههههههههههههههههههههههههههههه هههه
اوه ،نسيت انك في الامارات ياقابوس .خل جنبك اسطوانة اكسجين لاتنكتم من الضحك

[طير شلوى]

ان الله اذا احب العبد ابتلاه ,,,

فالله حابني بالبلوة الي ابتليت فيها ...

[طير شلوى]

الذين يشاهدون محتوى الموضوع الآن : 2 ( الأعضاء 2 والزوار 0) ‏طير شلوى (http://www.tumaer.com/vb/member.php?u=146), ‏واحة الشوق (http://www.tumaer.com/vb/member.php?u=5409)

ماشاء الله تبارك الله ..

الحاظر الغائب ... يسعدني تواجده الله يحفظة

[قابوس تمير]

اهم شي لا تزعل علينا يانسيم .. وانا توي ما مشيت انشاء الله يوم الجمعة اوالسبت بحول الله وقوته.. اخر كشته هالسبوع والله يتمم على خير

[نسيم]

ان الله اذا احب العبد ابتلاه ,,,

فالله حابني بالبلوة الي ابتليت فيها ...
اعوذ بالله وش البلوى اللي انت مبتلي فيها.احمد ربك توك بزر وتشكي .والله يومني كبرك وانا اطمر الشجر .

[نسيم]

اهم شي لا تزعل علينا يانسيم .. وانا توي ما مشيت انشاء الله يوم الجمعة اوالسبت بحول الله وقوته.. اخر كشته هالسبوع والله يتمم على خير
كلامك يزعل .اجل عطنا النشرة بس كنك تامر على اصغر بزورك .اذا كانت الصداقه عندك كذا بلاش منها

[قابوس تمير]

اقول تعوذ من الشيطان وتصبح على خير

[نسيم]

اقول تعوذ من الشيطان وتصبح على خير
اعوذ بالله من الشيطان .
وانت من اهله

[معانق هم]

شف انا مايعنيني الا هذا البلد واللي غيره الله يرزقه، مايهمني ابد ،لكن نستبشر خير.حنا وش نبي بالكويت ؟جعله مايسيل ابد.


اي والله شتبي بالكويت ؟!
لاهي واقفه عليك ولا حنا واقفين على نشراتك
اللي لا تودي ولا تجيب مسوي فاهم وانت صفر عالشمال :t30:
ومدام مايعني لك شي لا تطلب مني وتقول شلون
الجو عندكم !!
( انا لك والزمن طويل قاعدلك عظم في البلعوم !! )

[المهند]

أجل ننفض المطارح الخضر المرنقطة حقت العام ...
وندور لنا فيكس ...

أنا أبروح أدور لي ديرة وأسوي فيها بيات شتوي ...
ألين الله يفرجها ,,,

[المهند]

8
8
8
8
8
8
8
8
8
8
8
8

بعدي .... شبّ عليه ...

[طير شلوى]

اعوذ بالله وش البلوى اللي انت مبتلي فيها.احمد ربك توك بزر وتشكي .والله يومني كبرك وانا اطمر الشجر .

الشكوى لله انا باليني الله بواحد غثيث الله في هالمنتدى هههههههه "

عومه ماتدري وش تسوي به

احمد ربك بس واشكرة ...

[نسيم]

8
8
8
8
8
8
8
8
8
8
8
8

بعدي .... شبّ عليه ...
المهند،وينك انت مراقب ،استخدم الصلاحيات ضد معانق هم.الرجل يهدد ويشتم .
على كذا ما راح نستمر .

[نسيم]

الشكوى لله انا باليني الله بواحد غثيث الله في هالمنتدى هههههههه "

عومه ماتدري وش تسوي به

احمد ربك بس واشكرة ...
لا ،لا، ياطير شلوى.
مايصلح الكلام هذا تراك تعديت شوي.ويعاقبك ربي وتغرز ان شاء الله.

[» اِلـَوَفْآءْ بـِنْـتْ]

نسيم الله من التسذب -----> :t41:
الفجر اليوم مكيف ع البآرد وحر وغبآر

[نسيم]

من الواضح اننا نعيش شبه حالة استقرار وقتي .ولاتزال الفرصة مهيئة بمشية الله بتكون السحب الخفيفة.
الرياح بمشيئة الله شرقيه شمالية هذه الليلة على المنطقة الوسطى والشمالية يميل للبرودة .
http://weather.pme.gov.sa/weather/satellite/meteosat/gif/ir/kingdom/pmesat1.gif

[نسيم]

نسيم الله من التسذب -----> :t41:


الفجر اليوم مكيف ع البآرد وحر وغبآر

انا ماقلت يبي يجي برد، اللي يقوله طير شلوى يبي البرد .

[» اِلـَوَفْآءْ بـِنْـتْ]

من الوآضح اننا نعيش بهذا المنتدى مع شخص يدعي ان المطر قادم والرياح شديدة
ونقوم نحنوا الضعفاء ونجهز المظلات واخذ الآحتياطات من الغرق
ولاتزال اكاذيبة مستمرة وتشكل خطراً ع الشعوب
بمشيئة الله الليلة سيتم الغاء جميع نشراتة ليعم الاطمنان داخل البيوت
ونسال الله عز وجل ان يغيثنا ويرزقنا الخيرآت
كن ُ بخير نسيم

[» اِلـَوَفْآءْ بـِنْـتْ]

ههههههههههههههههههههههههههههه
اجل من اللي سذب وقال تولموا للبرد هع

[ام منى]

الله يعين على البرد وحوسته
والله يجيب خير ان شاءالله
ومشكور على حرصك بتطليع الخلقان..

[قابوس تمير]

بيض الله وجهك يانسيم... والى الامام.تحياتي لك

[فديت تمير]

مشكووور نسيم الله يجيب اللي فيه خير

[طير شلوى]

انا ماقلت يبي يجي برد، اللي يقوله طير شلوى يبي البرد .
على كيفك هو ..!!

ابك انا شماعه عنك تقول طير شلوى هو الي يقول وما يقول

وش نوحك ياالشايب ...!!!

[زهرة الليلك]

بيض الله وجهك ... والى الامام.تحياتي لك

جزاك الله خبر

[نسيم]

من الواضح ان هناك هجمة شرسه ضد كل ناجح ومبدع.وهناك مرتفعات عدائية مصحوبة بكتله شحنات كهربائية صواعقيه.ونتمنى ان نشاهد منخفضات للحد من هذه العوالق الترابيه والغبار .
اخواني عليكم بالصبر وسوف تشاهدن بحول الله وقوته مايسر الخاطر.

[نسيم]

قابوس ،ترانا اصحاب ههههههه

[طير شلوى]

الله الله وجت على ماتمنى ياطير شلوى

عندس اياه لاتخلين هالعود ..!!!

..
.
الله يجيب الخير ان شاء الله

[نسيم]

بيض الله وجهك ... والى الامام.تحياتي لك


جزاك الله خبر




مشكور والله ان هذا العشم فيكم يازهرة الليلك

[نسيم]

ههههههههههههههههههههههههههههه
اجل من اللي سذب وقال تولموا للبرد هع
مدري عن احد .مدري، هم اللي يقولون

[نسيم]

الله يعين على البرد وحوسته
والله يجيب خير ان شاءالله
ومشكور على حرصك بتطليع الخلقان..
ام منى احرصي على العييل ترى فيه برد مقبل .الله يخلي لك ما عطاك

[نسيم]

الله الله وجت على ماتمنى ياطير شلوى

عندس اياه لاتخلين هالعود ..!!!

..
.
الله يجيب الخير ان شاء الله
طير شلوى ،لاتهمك الوفاء تراها غايره مني .

[نسيم]

مشكووور نسيم الله يجيب اللي فيه خير
تسلمين يا فديت تمير

[نسيم]

على كيفك هو ..!!

ابك انا شماعه عنك تقول طير شلوى هو الي يقول وما يقول

وش نوحك ياالشايب ...!!!
ياخوي ابي الفكه ،ولا لقيت الا انت ههههههههههههههههه

[جار القمر]

قطع .. البرد وجه الذيب ما ادانيه ابا الخلاقين والزكام والتدسس في العيّر وعروق السدر
اما تهيا لك تفلها في قيعة ماتشوف طرفها ماعليك الا فنيله وسورال
لاكن ازين مافي الشتاء المطر والربيع
شكرا نسيم

[جار القمر]

نسيم والله اني خايف عليك تصاب بصدمه عضبيه نفسيه تخليك معد تناظر السحاب
لاكن نقول يالله ربنا يحقق توقعاتك بس لومرة

[المهند]

الخبير الجوي ...
والمحلل الاقتصادي الكبير ...

نسيم ..

أشكرك على تقديم هذه النشرة ... ونطمع في تقديمها كنشرة صوت وصورة .. في الأيام القادمة ...

خبيرنا أبوحسن : أمس يذكر أن هناك أمطار بالقرب من حائل ... والتي سبق هطول أمطار فيها خلال الاسبوع الماضي ..

سؤالي : هل هناك سر في تكرر السحب على تلك المنطقة طبعاً بعد مشيئة الله أولاً وآخراً .؟
وما قصة المثل اللي يقول .. الحياء على الحياء .. ولو كثروا >>> مدري منهم ؟؟

[نسيم]

نسيم والله اني خايف عليك تصاب بصدمه عضبيه نفسيه تخليك معد تناظر السحاب
لاكن نقول يالله ربنا يحقق توقعاتك بس لومرة
لا ماعليك ،انا استخدم وسائل الامن والسلامة .لابس كمام ودرع مضاد للقذائف الصاروخية.يعني في حالة تأهب .

[معانق هم]

من قالك تقرب صوب الكويت ؟!
لاتجيب طاريها رجائاً حنا بغنى عنك وعن نشراتك
والمهند ماراح يستخدم صلاحياته لإني ماغلطت عليك
( العين بالعين والسن بالسن والبادي أظلم )

[نسيم]

الخبير الجوي ...
والمحلل الاقتصادي الكبير ...

نسيم ..

أشكرك على تقديم هذه النشرة ... ونطمع في تقديمها كنشرة صوت وصورة .. في الأيام القادمة ...

خبيرنا أبوحسن : أمس يذكر أن هناك أمطار بالقرب من حائل ... والتي سبق هطول أمطار فيها خلال الاسبوع الماضي ..

سؤالي : هل هناك سر في تكرر السحب على تلك المنطقة طبعاً بعد مشيئة الله أولاً وآخراً .؟
وما قصة المثل اللي يقول .. الحياء على الحياء .. ولو كثروا >>> مدري منهم ؟؟
تسلم والله يالمهند.ايه هذا الكلام خبير ومدح.والله مستعد اطلع النشرة بالصوت لكن وشلون؟
المهم/الامطار بارادة الله سبحانه وتعالى يرسلها الى من يشاء.علميا هو ان المنخفض وجد كمية من الرطوبة اي خزانات مائيه ،اللتقاء السحب بها بمشيئة الله يسبب تصادم وتلقيخ لهذه الكتل .
كلام السابقين الشياب من واقع تجاربهم ومشاهداتهم بأن سحاب الوسم اذا اتجه في اي اتجاه سبحان الله يصبح من الوسم ويستمر عليه اي وسم له مكان ويستدل به مسيرته.
الله ينشبك يالمهند .

[المهند]

ومنكم نستفيد ...

عفيه عليك ...

[نسيم]

من قالك تقرب صوب الكويت ؟!
لاتجيب طاريها رجائاً حنا بغنى عنك وعن نشراتك
والمهند ماراح يستخدم صلاحياته لإني ماغلطت عليك
( العين بالعين والسن بالسن والبادي أظلم )
ليه ،والكويت قرءان منزل ومنزه مايمسه الا المطهرين.
وبعدين وش قلنا في كويتك . ان جاه مطر وان ماجاه مايعنينا في شي.بس نستبشر ونقول كود المطر على الدبدبه والصمان.

[نسيم]

ومنكم نستفيد ...

عفيه عليك ...
تسلم يالمهند .بس لاتعودها ثانيه ههههههههههههههههههههههه

[أبـوحـمـد]

صدقني يا صديقي كلامك درر وعسل بس مدري ليش بعض الناس ضدك:t175:


مشكور على هذي النشره وان شاء الله نشوف المرتفعات الي تذكر ولا قد شفناها..

[معانق هم]

ليه ،والكويت قرءان منزل ومنزه مايمسه الا المطهرين.
وبعدين وش قلنا في كويتك . ان جاه مطر وان ماجاه مايعنينا في شي.بس نستبشر ونقول كود المطر على الدبدبه والصمان.


الله يكملك بعقلك انشاءالله !!
وبعدين شلون تقول شقلنا عن الكويت ؟!
نسيت كلامك اللي امس !
ارجع الصفحة الاولى وتعرف شقلت
صدق اللي قال
( كلام الليل يمحيه النهار )

[نسيم]

صدقني يا صديقي كلامك درر وعسل بس مدري ليش بعض الناس ضدك:t175:


مشكور على هذي النشره وان شاء الله نشوف المرتفعات الي تذكر ولا قد شفناها..
تسلم والله انت العسل وكلامك اللي يوسع الصدر.
المرتفعات ياصديقي كل يوم نشوفها الى من هبت شمال وصارت السماء زرقا وبرد يقطع القلب هذا المرتفع حعلنا مانشوف من شر

[نسيم]

الله يكملك بعقلك انشاءالله !!
وبعدين شلون تقول شقلنا عن الكويت ؟!
نسيت كلامك اللي امس !
ارجع الصفحة الاولى وتعرف شقلت
صدق اللي قال
( كلام الليل يمحيه النهار )
شف تراك بديت تجاوز شوي لكن مافيه مشكله انا عبد من عبيد الله.لكن تتجاوز في الدين مايصلح يامعانق هم بارك الله فيك.

[معانق هم]

شف تراك بديت تجاوز شوي لكن مافيه مشكله انا عبد من عبيد الله.لكن تتجاوز في الدين مايصلح يامعانق هم بارك الله فيك.

علم نفسك يابو الشباب
اقول استريييح بس

[نسيم]

علم نفسك يابو الشباب
اقول استريييح بس
شف ترى من الاخطاء الشائعة اللي دايم يقع فيها الجهله
كتابة (انشاء الله)وهذا خطأ كبير.والصحيح ان شاء الله.
وبعدين انت وش فيك دايم تغلط على الناس ،تنطل الكلام ماتعرف معناه.والله انك غريب .

[جار القمر]

وش جاكم ترى الشيطان يحولها من مزحه لرزحه
تعوذو من ابليس واعوانه

[قابوس تمير]

قابوس ،ترانا اصحاب ههههههه

مافيه شك يانسيم ...

[نسيم]

وش جاكم ترى الشيطان يحولها من مزحه لرزحه
تعوذو من ابليس واعوانه
ياخوي اشغلني من الصبح ياجار القمر.يقول لاتقول في الكويت شي.وانا ما غلطت .
هالحين ياجار القمر لو اقولك ابشر بالسيل تبي تستانس تحسبنه في ديرتك صح والا انا غلطان ياجار القمر.واذا قلت لك انه في جيزان وش بتقول ؟طبيعي بيضيق صدرك ودك انه في تمير ولا في جيزان .
معانق هم مسكين طار فالعجه يحسب اني رب العالمين اسير السحاب.

[نسيم]

قطع .. البرد وجه الذيب ما ادانيه ابا الخلاقين والزكام والتدسس في العيّر وعروق السدر
اما تهيا لك تفلها في قيعة ماتشوف طرفها ماعليك الا فنيله وسورال
لاكن ازين مافي الشتاء المطر والربيع
شكرا نسيم
ايه هذا الكلام .فنيلة علاق والصروال مقوصر وقماريه تسوى الدنيا .

[نسيم]

مافيه شك يانسيم ...

عندي خبر

[معانق هم]

الله يكملك بعقلك
ويهديك ..

[نسيم]

من اليوم اعلن المقاطعه عن المدعو معانق هم.
شف لاعاد اشوفك داخل في مواضعي او قاربها هم تشوف شي مايصلح لك.
واذا شفته جاي او متكلم تراي ابرتكب فيه جنايه واشهدوا يا ناس.
نسيم

[» اِلـَوَفْآءْ بـِنْـتْ]

نسيم أبشرك أمطار غزيرة عندنا ---> http://www.tumaer.com/vb/images/icons/tongue326.gif
انت وياه تعوذوا من الشيطان

لاتمير .. ولاكويت
يارب تصب السيل صب ع العرآآق ---> برآ

كنُ بخير

[» اِلـَوَفْآءْ بـِنْـتْ]

طير شلوى ،لاتهمك الوفاء تراها غايره مني .


http://www.tumaer.com/vb/images/icons/tongue326.gif

http://www.tumaer.com/vb/images/icons/tongue326.gif

http://www.tumaer.com/vb/images/icons/tongue326.gif

[نسيم]

http://www.tumaer.com/vb/images/icons/tongue326.gif

http://www.tumaer.com/vb/images/icons/tongue326.gif


http://www.tumaer.com/vb/images/icons/tongue326.gif

هههههههههههههههههههه
الوفاء والله انك مجنون

[نسيم]

نسيم أبشرك أمطار غزيرة عندنا ---> http://www.tumaer.com/vb/images/icons/tongue326.gif

انت وياه تعوذوا من الشيطان

لاتمير .. ولاكويت
يارب تصب السيل صب ع العرآآق ---> برآ


كنُ بخير

اعوذ بالله من الشيطان .
جزاك الله خير يالوفاء اشهد بالله انك وافية عقل.

[معانق هم]

من اليوم اعلن المقاطعه عن المدعو معانق هم.
شف لاعاد اشوفك داخل في مواضعي او قاربها هم تشوف شي مايصلح لك.
واذا شفته جاي او متكلم تراي ابرتكب فيه جنايه واشهدوا يا ناس.
نسيم

مو على كيفك !!

وبشوف يالله ورني شلون صايره الجنايه
حمره خضره صفره !!

[نسيم]

بداية دخول منخفض افريقي جميل جدا وبتجاه المنطقة الوسطى تحديدا ونرجوا من الله العلي القدير ان نشاهده غدا بحول الله.
دخول المنخفض من الجهه الغربية .
http://weather.pme.gov.sa/weather/satellite/meteosat/gif/ir/kingdom/pmesat1.gif

[جار القمر]

شكرا نسيم بس مافهمت العنوان
لاتكون تضايقت من كلامنا

[المهند]

من اليوم اعلن المقاطعه عن المدعو معانق هم.
شف لاعاد اشوفك داخل في مواضعي او قاربها هم تشوف شي مايصلح لك.
واذا شفته جاي او متكلم تراي ابرتكب فيه جنايه واشهدوا يا ناس.
نسيم

شف عاد ... أنت ونشراتك ...

علماً جاك ويتعداك .... موضوع ما يدخل فيه معانق هم محناب داخلين فيه ...

كل شيء إلا أبوعبدالعزيز يا أبو حسن ...

[المهند]

:t168:معانق هم .. جاء .... أو ما مر من هنا ...!!!

على العموم أبنتظره ألين يجي ..!!!

خبيرنا ... بالنسبة للمنخفض الافريقي .. هل تقصد به الخطيط اللي جاي من الغرب ... ياخوفتي يرده ضلع الحجاز ...
ألا يالله تعطينا خيره ,, وتكفينا شره ...!!

[جار القمر]

تكالبت الظباء على خراش فلايدري خراش مايصيد
نسيم تعددت الجبهات عليك حتى المهند حميت حصاته مدري وش سوّق هالحميه عنده
الله يجيب الخير لتمير وان جاء على الكويت فلاحنابكارهين

[أبـوحـمـد]

النشرات الاخيره ملزومين نتابعها ..

المنخفض هذا ما عرفته الا منك يا نسيم اطال الله في عمرك

ونفعنا بك

تحياتي لك:t33:

[معانق هم]

شف عاد ... أنت ونشراتك ...

علماً جاك ويتعداك .... موضوع ما يدخل فيه معانق هم محناب داخلين فيه ...

كل شيء إلا أبوعبدالعزيز يا أبو حسن ...



ياخي ازعجنا هالنسيم مايخلي الواحد بحاله !!
تقول مافي الكون غيري قاعد ويناشبني !
المهند بما انك راعي فزعات تراني بوجهك http://www.tumaer.com/vb/images/icons/icon10.gif
ماودي استخدم صلاحياتي
عطني الضوء الأخضر واوريك فيه http://www.tumaer.com/vb/images/icons/icon10.gif

[المهند]

لايردك إلا رسالة خاصة يا أبوعبدالعزيز ...

والله لأعلمك في هالنسيم وأخليه . امممممممممم .........صفير ...

[معانق هم]

:t168:معانق هم .. جاء .... أو ما مر من هنا ...!!!

على العموم أبنتظره ألين يجي ..!!!

خبيرنا ... بالنسبة للمنخفض الافريقي .. هل تقصد به الخطيط اللي جاي من الغرب ... ياخوفتي يرده ضلع الحجاز ...
ألا يالله تعطينا خيره ,, وتكفينا شره ...!!

موجود معانق هم يالمهند http://www.tumaer.com/vb/images/icons/icon10.gif
ماعليك يالمهند واقف له عظم في البلعوم
شكلي والله العالم برتكب فيه جريمه
واشرب من دمه http://www.tumaer.com/vb/images/icons/83838.gif

[المهند]

واشرب من دمه http://www.tumaer.com/vb/images/icons/83838.gif
بالله ... كثر لي الآيس ...!!!

[معانق هم]

لايردك إلا رسالة خاصة يا أبوعبدالعزيز ...

والله لأعلمك في هالنسيم وأخليه . امممممممممم .........صفير ...

مايحتاج رساله حقي اخذه بيدي http://www.tumaer.com/vb/images/icons/mad3131.gif
وعينه تشوف !!!

[معانق هم]

بالله ... كثر لي الآيس ...!!!

ايه حاظر طلباتك اوامر http://www.tumaer.com/vb/images/icons/icon10.gif

[نسيم]

جار القمر،اخوك نسيم انتهى اللي معانق هم قام يهدده.

[نسيم]

شكرا نسيم بس مافهمت العنوان
لاتكون تضايقت من كلامنا
لابد ،لاني صراحة انصدمت صدمه قوية.لكن ابحاول اتجاوز بعض المطبات الصناعية.

[نسيم]

:t168:معانق هم .. جاء .... أو ما مر من هنا ...!!!
الا شايفه في الاحمدي رايح يم حولي .
على العموم أبنتظره ألين يجي ..!!!

خبيرنا ... بالنسبة للمنخفض الافريقي .. هل تقصد به الخطيط اللي جاي من الغرب ... ياخوفتي يرده ضلع الحجاز ...
ألا يالله تعطينا خيره ,, وتكفينا شره ...!!
المنخفض الافريقي هذا جميل ورائع وغزير الامطار نتمنى من الله ان نشاهد خيره هنا الى حد الخفجي والرقعي ومنه جنوب شرق بس يالمهند.

[نسيم]

النشرات الاخيره ملزومين نتابعها ..

المنخفض هذا ما عرفته الا منك يا نسيم اطال الله في عمرك

ونفعنا بك

تحياتي لك:t33:
صديقي ،احس كلامك مطر على قلبي ،واذا شفت ردك قبل اقراه ادلي اتبسم .
هذا انا اسميه منخفض الخير وان شاء الله يكون نافع غير ضار.

[نسيم]

موجود معانق هم يالمهند http://www.tumaer.com/vb/images/icons/icon10.gif
ماعليك يالمهند واقف له عظم في البلعوم
شكلي والله العالم برتكب فيه جريمه
واشرب من دمه http://www.tumaer.com/vb/images/icons/83838.gif
يامه ،روعني هههههههههههههه

[معانق هم]

جار القمر،اخوك نسيم انتهى اللي معانق هم قام يهدده.


:044:

[نسيم]

هناك حالة استقرار وقتي هذا اليوم ولايزال هناك مؤشرات طيبة بمشيئة الله تعالى لتكون السحب ودخول المنخفضات الاستوائية والافريقية وايضا منخفض البحر المتوسط.
لاتزال المنخفضات شمال وشرق المملكة .الرياح جنوبية على المنطقة الوسطى.ونتوقع ان يكون هناك ارتفاع في درجات الحرارة نهاراً ويميل للبرودة ليلاً.
<FONT size=6>http://weather.pme.gov.sa/weather/satellite/meteosat/gif/ir/kingdom/pmesat1.gif

http://image.weather.com/web/blank.gifhttp://www.weather.com/RealMedia/ads/adstream_lx.ads/www.weather.com/p/f/r/p/maps/intl/2138696432/MapSpon/15899_TWCi_DESKTOP_29911323/11763_mapspon_DT_050208.html/35653631353836323461653565363130?_RM_EMPTY_&provider=quigo&age=2009&gender=%20&cobrand=undefined&vw=1&mode=normal&dec=undcl&rsi=10001

[جار القمر]

صدقت يانسيم درجة الحراره اليوم 38 لنا كم يوم ماتعدت 34 وعسى الله يجيب الخير

[فديت تمير]

مشكوور نسيم الله يجيب الخير والارزااق يااارب

[المتحـ2007ـد]

الله يجيب السيل يا نسيم

هالسنه المطر يم الشمال

الله يرزقنا ما رزقهم

[نسيم]

صدقت يانسيم درجة الحراره اليوم 38 لنا كم يوم ماتعدت 34 وعسى الله يجيب الخير
العلم عند الله لكن البرد زين الوقت هذا وضروي جدا لان مافيه مطر بدون برد بمشيئة الله

[نسيم]

مشكوور نسيم الله يجيب الخير والارزااق يااارب
تسلم اخوي.الله كريم

[نسيم]

الله يجيب السيل يا نسيم

هالسنه المطر يم الشمال

الله يرزقنا ما رزقهم
المتحد جرت العادة ان تمير يسيل اخر المناطق سبحان الله .
الله كريم نشوف الامطار والفجر ابورابض .

[المهند]

الواضح أننا نعطش اليوم ...

كل شوي معبي من البرادة ...

[نسيم]

الواضح أننا نعطش اليوم ...

كل شوي معبي من البرادة ...
اشوى ان الست قضت والا كان علوم

[قابوس تمير]

الــــــــــــلــــــــه كريـــــــــــــــــم .... شكراً يانسيم

[وسعاوي]

مشكور نسيم والله يجيب خير

[سويد السويدي]

الله يجيب الخير يا كريم

[نسيم]

الــــــــــــلــــــــه كريـــــــــــــــــم .... شكراً يانسيم
سبحانه .مششششششششششششكور ياقابوس

[نسيم]

مشكور نسيم والله يجيب خير
الله يسمع منك اخوي

[نسيم]

الله يجيب الخير يا كريم
الله يسمع منك ياسويد

[عرق الأرطى]

تسلم يانسيم على النشره وعسى الله يجيب الخير

[عرق الأرطى]

تسلم نسيم على النشره

[طبعي الوفاء]

الله يجيب المطر
شكر يانسيم

[نسيم]

تسلم يانسيم على النشره وعسى الله يجيب الخير
تبقا اخوي عرق الارطى

[نسيم]

اليوم الساعة 8ليلا امطار على الزبيرة تحديدا عريق المظيهير وبروق عن الزبيرة قبله وشرق وجنوب والارض مرتويه بالماء جعلها الله سقيا خير وبركة.
البروق تذكر قبل ساعات شمال مدينة تمير.
لايزال شمال المملكة الاوفر حظ بالمنخفضات والسحب الممطرة .
نتوقع بمشيئة الله خلال الايام القادمة دخول منخفضات استوائية وان نشاهد مايسر بحول الله وقوته .
http://weather.pme.gov.sa/weather/satellite/meteosat/gif/ir/kingdom/pmesat1.gif

[معانق هم]

مشكور على النشره
وعسى الله يجيب الخير

[طير شلوى]

الله يجيب الخير "

اشحذوا ربكم ياجماعه الخير ...

دعاء الرسول صلى الله عليه وسلم في طلب نزول المطر كان يرفع يديه ويقول
( اللهم انت الله لاإله إلا انت الغني ونحن الفقراء ، أنزل علينا الغيث ، واجعل ما انزلت لنا قوة وبلاغاً إلى حين )


شكرا لك على النشرات الجويه اخوي نسيم

[عرق الأرطى]

عسى الله يجيب الخير
تسسلم نسسسسيم

[أبـوحـمـد]

الله يبكربه ان شاء الله .. اليوم العصر كن السحاب زين شمال ..

تسلم وما قصرت..

[نسيم]

الله يبكربه ان شاء الله .. اليوم العصر كن السحاب زين شمال ..

تسلم وما قصرت..
http://www.up-tumaer.net/up/uploads/images/tumaer-6e08f783ff.gif?PHPSESSID=178c44f559b919a7ae5c9cbf0 19488a6
وش رايك في الوردة الحمرا ياصديقي

[نسيم]

مشكور على النشره
وعسى الله يجيب الخير
تسلم حبيبي على المشاركه.وش اخبار الجو عندكم في الكويت.

[نسيم]

الله يجيب الخير "

اشحذوا ربكم ياجماعه الخير ...

دعاء الرسول صلى الله عليه وسلم في طلب نزول المطر كان يرفع يديه ويقول
( اللهم انت الله لاإله إلا انت الغني ونحن الفقراء ، أنزل علينا الغيث ، واجعل ما انزلت لنا قوة وبلاغاً إلى حين )


شكرا لك على النشرات الجويه اخوي نسيم
اللهم صلي وسلم على محمد ،
تسلم والله على الاضافة الجميلة اللي كلها خير وبركه ياطير شلوى.
الله يغيث البلاد والعباد

[نسيم]

عسى الله يجيب الخير
تسسلم نسسسسيم
تسلم ياعرق الارطى

[» اِلـَوَفْآءْ بـِنْـتْ]

نسيم دام هالنشرات تنزل كل يوم
فآستريح ماكو مطر http://www.5foq.com/vb/images/icons/icon10.gif
كل التقديرَ

[أبـوحـمـد]

http://www.up-tumaer.net/up/uploads/images/tumaer-6e08f783ff.gif?PHPSESSID=178c44f559b919a7ae5c9cbf0 19488a6
وش رايك في الوردة الحمرا ياصديقي



كل الي يجي منك زين بس وش طاريها مهيب عادتك..

[» اِلـَوَفْآءْ بـِنْـتْ]

أعترف نسيم http://www.5foq.com/vb/emoticons/5.gif

[قابوس تمير]

حي الله نسيم ... اخبارك اليوم تسر الخاطر ... ولاتنسنا من الورد او مالنا نصيب

شاكر ومقدر متابعتك للأحوال الجوية ... تحياتي

[نسيم]

كل الي يجي منك زين بس وش طاريها مهيب عادتك..
هههههههههه مستانس واخاف اعلمكم تضحكون علي.

[نسيم]

أعترف نسيم http://www.5foq.com/vb/emoticons/5.gif
خايف من الاعتراف هههههههههههههه

[نسيم]

حي الله نسيم ... اخبارك اليوم تسر الخاطر ... ولاتنسنا من الورد او مالنا نصيب

شاكر ومقدر متابعتك للأحوال الجوية ... تحياتي

والله انك تستاهل من يبرز هالورده في وجهك لانك توسع صدري تالي الليل ياقابوس
خذ
http://www.up-tumaer.net/up/uploads/images/tumaer-6e08f783ff.gif?PHPSESSID=178c44f559b919a7ae5c9cbf0 19488a6

[قابوس تمير]

نعنبو بليسك ما اطيبك .. والله انك تحرجنا بكرمك اللامحدود .. تصبح على خير يانسيم

[معانق هم]

تسلم حبيبي على المشاركه.وش اخبار الجو عندكم في الكويت.

الحمدالله الجو حلو وغيوم ومطر :71:

[جار القمر]

شكرا نسيم على الاخبار الساره بس متى نسمع قولت سالت شعبان تمير

[نسيم]

نعنبو بليسك ما اطيبك .. والله انك تحرجنا بكرمك اللامحدود .. تصبح على خير يانسيم
تراي استحي من الحكي الزين ههههههههه

[نسيم]

شكرا نسيم على الاخبار الساره بس متى نسمع قولت سالت شعبان تمير
تسلم ياجار القمر وابشر بالخير

[نسيم]

لاتزال حالة عدم الاستقرار مستمرة .وهناك سحب قادمة من البحر الاحمر تتمركز على شمال المنطقة الوسطى .ونتوقع تكون سحب رعديه من خفيفة الى متوسطة .
الرياح بمشئية الله شمالية هذه الليلة
http://weather.pme.gov.sa/weather/satellite/meteosat/gif/ir/kingdom/pmesat1.gif

[أبـوحـمـد]

اجل اليوم الوعد في الثنيا غي اعلو هذيك الدكه..

[جار القمر]

الله يجيب الخير

[نسيم]

اجل اليوم الوعد في الثنيا غي اعلو هذيك الدكه..
في محلنا كل يوم يابوحمد بس جب الرجال معك

[نسيم]

الله يجيب الخير
الله كريم ياجارالقمر

[المتحـ2007ـد]

هلا والله بنسيم

الجو اليوم كاااايف الله يجيب السيل

توقعات تفصيلية للطقس لمدة ٥ أيام في تمير

http://www.foreca.com/meteogram.php?loc_id=100396550&lang=ar

[عرق الأرطى]

عسى الله يجيب الخير
تسلم نسسسسسسسيم

[نسيم]

كما اشرنا الى ان الرياح سوف تهب شمالية الظهر بمشيئة الله.
نحن الان نقبع في مرتفع جوي لا يتضح الى الان مدته.
الاجواء غير مستقره نوع ماء لكن مع المتابعه الليلة وغدا سوف يتضح الجو بشكل عام بحول الله وقوته.
المنخفض الان على الكويت والاجزاء الشرقية والشمالية من المملكة.
http://weather.pme.gov.sa/weather/satellite/meteosat/gif/ir/kingdom/pmesat1.gif

[معانق هم]

مشكور على النشره يانسيم
والله يجيب الخير ..

[جار القمر]

افا ياذالعلم وين راحت المنخفضات
بالعادة الرياح الشماليه تكون محمله بالاتربه والغبار فهل تتوقع الليله يجي معها غبار نصكك الدرايش لايبغتنا وحنا نايمين
شكرا نسيم

[النادر]

الله يعافيك اخوي نسيم تصدق
عاد قمت انتظر النشره كل يوم
استمر وانا اخوك وان شاء الله
نفرح بالمطر عن قريب
بس الله الله بالدعاء والاستغفار

[نسيم]

مشكور على النشره يانسيم
والله يجيب الخير ..
تسلم اخوي معانق هم .وشلون الاجواء في الخفجي والدبدبه والصمان ههههههههههههه

[نسيم]

افا ياذالعلم وين راحت المنخفضات
بالعادة الرياح الشماليه تكون محمله بالاتربه والغبار فهل تتوقع الليله يجي معها غبار نصكك الدرايش لايبغتنا وحنا نايمين
شكرا نسيم
كل شي بيد الله سبحانه ياجار القمر .لكن ان شاء الله ربي مايخلينا.
والله حسب المعتاد بأن المرتفعات الجويه الشماليه من البحر المتوسط يكون هناك اثارة للاتربة والغبار نتيجة تغير الضغط الجوي بحول الله وقوته. وان شاء الله نقول بدري على الكلام هذا يعني في العقارب وشباط ان شاء الله.

[نسيم]

الله يعافيك اخوي نسيم تصدق
عاد قمت انتظر النشره كل يوم
استمر وانا اخوك وان شاء الله
نفرح بالمطر عن قريب
بس الله الله بالدعاء والاستغفار
هذا مما يسعدني يالنادر واعتز به اي والله.
قال تعالى (( استغروا ربكم إنه كان غفارا & يرسل عليكم السماء مدرارا)
هذا توجيه صريح من رب العالمين يالنادر بأن الاستغفار هو من مسببات الخير والامطار.
تحياتي لك نسيم

[جار القمر]

جانا العج يا نسيم الله يستر ويلطف

[أبـوحـمـد]

الحمد لله رب العالمين
اللهم اسقنا الغيث ولا تجعلنا من القانطين ..

إنخفاض ملموس في درجات الحرارة خاصة العظمى منها على أجزاء من شمال غرب وغرب المملكة ولازالت الفرصة مهيئة بمشيئة الله تعالى لتكون السحب الرعدية الممطرة على أجزاء من شمال شرق المملكة والمرتفعات الجنوبية الغربية والغربية يشمل ذلك المناطق الواقعه بين المدينة المنورة والقصيم وحائل وحفر الباطن , وتتأثر الرؤية الافقية بالأتربة المثارة والغبار على مناطق شمال وأجزاء من الوسط المملكة ( الرياض – القصيم ), كما يتوقع تكون الضباب على المرتفعات الجبلية والجزء الجنوبي للبحر الأحمر وذلك خلال ساعات الصباح الباكر .

http://weather.pme.gov.sa/weather-maps/sat_ir_web1.jpg

[المهند]

أول مرة تصدق يانسيم نشرتك ...

هبت علينا نجله ..
الله يكفينا شرها ... ويرفعها عننا ...

[نقا الكرم]

تصحيح الآية الكريمة ، قال تعالى :{ فقلت أستغفروا ربكم إنه كان غفارا يرسل السماء عليكم مدرارا } .

والليلة بررررد ،،، الله يستر من الصخاين ....

[نسيم]

جانا العج يا نسيم الله يستر ويلطف
مهوب عج عج هبايب وهذي بمشيئة الله تعالى ردة فعل بماكان من تأثير الرياح الجنوبية اللي لها ايام لازم ترده الشمال ثانية واذا استمرت الى الغد يستقر الجو ويثبت مالا نريد اللي هو المرتفع الجوي.
والواضح ان شاء الله ان هناك حركة من المنخفض المتوسطي والاستوائي .
وان شاء الله نتكلم عنه بعد قليل .

[قابوس تمير]

آها يانسيم وش العلووووووووووووووم وش الجديد

[نسيم]

آها يانسيم وش العلووووووووووووووم وش الجديد
مابعد شفت شي ياقابوس

[نسيم]

الحمد لله رب العالمين
اللهم اسقنا الغيث ولا تجعلنا من القانطين ..

إنخفاض ملموس في درجات الحرارة خاصة العظمى منها على أجزاء من شمال غرب وغرب المملكة ولازالت الفرصة مهيئة بمشيئة الله تعالى لتكون السحب الرعدية الممطرة على أجزاء من شمال شرق المملكة والمرتفعات الجنوبية الغربية والغربية يشمل ذلك المناطق الواقعه بين المدينة المنورة والقصيم وحائل وحفر الباطن , وتتأثر الرؤية الافقية بالأتربة المثارة والغبار على مناطق شمال وأجزاء من الوسط المملكة ( الرياض – القصيم ), كما يتوقع تكون الضباب على المرتفعات الجبلية والجزء الجنوبي للبحر الأحمر وذلك خلال ساعات الصباح الباكر .

http://weather.pme.gov.sa/weather-maps/sat_ir_web1.jpg


اشكرك جزيل الشكر ياصديقي على الاضافة الجميلة والرائعة.

[نسيم]

أول مرة تصدق يانسيم نشرتك ...

هبت علينا نجله ..
الله يكفينا شرها ... ويرفعها عننا ...
اسرع للفرج يالمهند وابشر بالخير ان شاء الله.
والله اني انتظر اللحظة هذي الرياح الشمالية بشغف لان الرياح الشمالية بمشيئة الله تغير اتجاه السحب وتنشط الحركة .

[ولد العز]

نسيم بيض الله وجهك على ها النشرات اليومية


الله يغيثا وجميع بلدان المسلمين

[عرق الأرطى]

تسلم نسيم على النشره

[نسيم]

نسيم بيض الله وجهك على ها النشرات اليومية


الله يغيثا وجميع بلدان المسلمين
تسلم والله اخوي ولد العز

[نسيم]

تسلم نسيم على النشره
تبقا ياعرق الارطى

[نسيم]

هلا والله بنسيم

الجو اليوم كاااايف الله يجيب السيل

توقعات تفصيلية للطقس لمدة ٥ أيام في تمير

http://www.foreca.com/meteogram.php?loc_id=100396550&lang=ar

يعطيك العافية يالمتحد على الاثراء الدائم لهذه الساحة الرائعة الجميلة اللي تشرف عليها

[نسيم]

عسى الله يجيب الخير
تسلم نسسسسسسسيم
امين الله يقبل دعاك ياعرق الارطى

[» اِلـَوَفْآءْ بـِنْـتْ]

بشر نسيم جاكم مطر
قايل لكَ اترك النشرات وأبشر بالمطر هع

[نسيم]

بشر نسيم جاكم مطر


قايل لكَ اترك النشرات وأبشر بالمطر هع

مقدر تعودت على الخرطي يالوفاء ههههههههههههه

[» اِلـَوَفْآءْ بـِنْـتْ]

وآضح انك َ تعودت ع التسذب
وقسمن توقيعك َ عاجبني احسك واحدن كشخه هع

[نسيم]

Thank you my brother breeze on the rave Newsletter
hwary mstar abw hammad

[نسيم]

عسى الله يجيب الخير
شكرا نسيم على جهودك
امين الله يقبل منك ان شاء الله

[نسيم]

وآضح انك َ تعودت ع التسذب


وقسمن توقيعك َ عاجبني احسك واحدن كشخه هع

اما كذبت عليكم من اكذب عليه؟علميني.
الله من واحد كبده تفرك على التوقيع .اجل توقيع ابوحمد توقيع كنه في جو معجج.الحمدلله ان توقيعي مسيوم مني امس 500ريال واللي يرزق الله .

[نسيم]

اليوم هناك تغير وبداية دخول منخفض متوسطي شمال غرب المملكة .
المرتفع كما توقعنا بلامس لم يستمر ولله الحمد .الرياح شرقية الى شرقية جنوبية.واخرالنهار لنا عودة لمتابعة التغيرات الجديدة بمشيئة الله
http://weather.pme.gov.sa/weather/satellite/meteosat/gif/ir/kingdom/pmesat1.gif

[معانق هم]

يعطيك العافيه نسيم على النشره
وعسى الله يجيب الخير http://www.tumaer.com/vb/images/icons/673637.gif

[نسيم]

يعطيك العافيه نسيم على النشره
وعسى الله يجيب الخير http://www.tumaer.com/vb/images/icons/673637.gif
تسلم يامعانق هم.
بالله نبي تعلم عن الرياح عندكم جنوب والاشرق والا غرب والا شمال للاهمية .
اكون شاكر لك تعاونك.

[معانق هم]

الرياح شماليه الي شرقيه خفيفه الي معتدلة السرعه
تترواح سرعتها مابين 12 الي 32 كليو متر في الساعه

[نسيم]

الرياح شماليه الي شرقيه خفيفه الي معتدلة السرعه
تترواح سرعتها مابين 12 الي 32 كليو متر في الساعه

حلو المنخفض عنكم يامعانق هم غرب جنوب كما توقعنا.
الرياح الشمالية الشرقية نسميها(نسري)ويقول العوام (نسري عليه الحياء يسري)ابشروا بالخير يا اهل الكويت .

[نسيم]

http://www.sat24.com/image.ashx?country=afeg&type=loop&index=12&time=&sat=ir

[النادر]

الله يعافيك اخوي نسيم والله يجيب السيل لو في الليل
والله الله بالاستغفار والدعاء

[جار القمر]

شكرا نسيم على النشرة

[أبـوحـمـد]

اهم شي نبي الليله وباكر الصبح يا نسيم..

[نسيم]

http://www.sat24.com/image.ashx?country=afeg&type=loop&index=12&time=&sat=ir
هذي الصورة مصورة البارح من طيارة ابوحمد الشراعية حقت بالي .ركبنا فيه لين جينا دريبات الخيل على المخاشر ثم الارطاوي والاخت الوفاء معنا على الاتصال توجهنا عن اي طائرة او جسم غريب سبحان الله يعني برج مراقبة.

[نسيم]

الله يعافيك اخوي نسيم والله يجيب السيل لو في الليل
والله الله بالاستغفار والدعاء
تسلم يالنادر .ابشر بالخير، الله من السيول والخيرات بمشيئة الله

[نسيم]

شكرا نسيم على النشرة
تسلم ياجار القمر.

[نسيم]

اهم شي نبي الليله وباكر الصبح يا نسيم..
ابشر هههههههههههه والله يابرد جاي يابوحمد ان تخفى صدق معد نشوفك ابد.

[المهند]

خبيرنا الجوي ...
مساءك فُل وكادي ...

توقعاتك لإجازة الويك اند ..
هل ستصبح الأجواء رائعة ولطيفة بمشيئة الله ...

أم نزبن روضة الخشم ...

[نسيم]

خبيرنا الجوي ...
مساءك فُل وكادي ...

توقعاتك لإجازة الويك اند ..
هل ستصبح الأجواء رائعة ولطيفة بمشيئة الله ...

أم نزبن روضة الخشم ...
الويك اند وينها عن نقا هشال يالمهند تصدق اول مرة اسمع بها.
بكره تراك تبي تحالا للشميسه ،مار كانك صامل على البر دور المحل اللي فيه حطب.
المهند نبي نوسع صدر معانق هم وش رايك بالصورة هذي
http://img44.imageshack.us/img44/338/snapshot20091104064856.jpg (http://img44.imageshack.us/my.php?image=snapshot20091104064856.jpg)

[عرق الأرطى]

مشكور نسسسسيم

[» اِلـَوَفْآءْ بـِنْـتْ]

ههههههه الله يرجك َ... خلاص سذب علينا
وتوقيعك َ لاتبيعة لأحد حتى أبوحمد ضايقن صدرة من توقيعك َ
مرسل لي يقول ابي مثل حق نسيم وتراك َ مهتويه وانتي تسوين لة
قلت له ضف وجهك َ ماعندي تواقيع ----> http://www.5foq.com/vb/smail/Emo_5.png
ونسيم يستاهل يكفي انة معطينا علوم الجو أول بأول --->http://www.5foq.com/vb/smail/sm/grins.gif

[نسيم]

ههههههه الله يرجك َ... خلاص سذب علينا

وتوقيعك َ لاتبيعة لأحد حتى أبوحمد ضايقن صدرة من توقيعك َ
مرسل لي يقول ابي مثل حق نسيم وتراك َ مهتويه وانتي تسوين لة
قلت له ضف وجهك َ ماعندي تواقيع ----> http://www.5foq.com/vb/smail/Emo_5.png

ونسيم يستاهل يكفي انة معطينا علوم الجو أول بأول --->http://www.5foq.com/vb/smail/sm/grins.gif

ابوحمد امس نواي يسرقه لكن يخاف من الفضايح .والله لفضح به سنه ان مد يده .
ماعليك زود يالوفاء انتي راعية المعاريف علينا منول وهالحين عسا الله لايخلينا من تواجدك وحضورك المشمس .

[نسيم]

هناك منخفض شمال غرب المملكة والان يتمركز شمال المملكة كما كان الاسبوع الماضي على الجوف وتبوك وعرر لكن لايزال في بدايته .الان يوجد هناك نسبة بخار تتسرب يتجاه الجنوب الغربي للمملكة قادم من الاستواء.نتمنى من الله العلي القدير ان يغيث البلاد والعباد.
الرياح بمشيئة الله ان استمر المخنفض هذه الليلة على شمال المملكة ان تكون الرياح جنوبية والله اعلم من الليلة والصباح الباكر.
http://weather.pme.gov.sa/weather/satellite/meteosat/gif/ir/kingdom/pmesat1.gif

[أبوكدش]

مشكوور نسيموه
لبى قلبك
..
الله يسمع منك يااارب ويغثنا

[نسيم]

مشكوور نسيموه
لبى قلبك
..
الله يسمع منك يااارب ويغثنا
لبى عمرك يابوكدش هههههههههه

[نسيم]

المنخفض الان استقر شمال المملكة تحديدا.
نحن نعيش الان في حالة عدم استقرار واضح لكن لم نشاهد اي تغير بالنسبة للمنخفضات بمشيئة الله.
الرطوبة عالية جدا والرياح تميل للجنوب بمشيئة الله في هذه اللحظات .
وان شاء الله نشاهد مايسر في ساعات النهار القادمة ويتضح لنا اكثر بحول الله.
http://weather.pme.gov.sa/weather/satellite/meteosat/gif/ir/kingdom/pmesat1.gif

[الأنيق]

الله يجيب الخير
ويرزقنآآآآآآآآآآ
عافاك ربي نسيم
على هالنشرات اليوميه

تحياتي وتقديري لك

[نسيم]

الله يجيب الخير

ويرزقنآآآآآآآآآآ
عافاك ربي نسيم
على هالنشرات اليوميه

تحياتي وتقديري لك

الله يعافيك ويسلمك يابومنيرة

[المتحـ2007ـد]

الله يعطيك العافيه يا نسيم على هذه النشرات

الجو صاف
يبدو مثل:+24°
بارومتر: 1021.0 ضغط جوي مرتفع
نقطة الندى: +13°
الرطوبة: 50%
مستوى الرؤية: 7 كم

[نسيم]

الله يعطيك العافيه يا نسيم على هذه النشرات

الجو صاف
يبدو مثل:+24°
بارومتر: 1021.0 ضغط جوي مرتفع
نقطة الندى: +13°
الرطوبة: 50%
مستوى الرؤية: 7 كم
تسلم والله يالمتحد وان شاء الله نشوف الخير لان الوقت الى الان بدري وكل ما يتأخر المطر افضل

[أبـوحـمـد]

Thank you my brother breeze on the rave Newsletter

[جار القمر]

عسى الله يجيب الخير
شكرا نسيم على جهودك

[كلاش تمير]

مشكور يانسيم على التغطية
الله يجيب الخير

[عرق الأرطى]

الله يجيب الخير نسسسسيم

[نسيم]

مشكور يانسيم على التغطية
الله يجيب الخير
الله يجيب الخير ان شاء الله

[نسيم]

الله يجيب الخير نسسسسيم
امين الله يجيبه

[شقاوي]

مشكور يا نسيم على التغطيه
وشكرك على موضوعك الرائع يا ذيبان
والله يجي السيل
امين يا ربي

[نسيم]

مشكور يا نسيم على التغطيه
وشكرك على موضوعك الرائع يا ذيبان
والله يجي السيل
امين يا ربي
تسلم ياشقاوي يعطيك العافية

[نسيم]

السماء صافية على معظم مناطق المملكة .الرياح هذه اللحظة جنوبية غربية.
الحالة الجوية تميل الى حالة شبه استقرار وقتيه.
نتوقع هذه الليلة بمشيئة الله ان تكون الرياح شمالية شرقية على المنطقة الوسطى وشمال المنطقة الوسطى.
هناك في شمال غرب المملكة بداية منخفض متوسطي قادم بمشيئة الله تعالى نتوقع ان يدخل المملكة من يوم الغد والله اعلم.
http://weather.pme.gov.sa/weather/satellite/meteosat/gif/ir/kingdom/pmesat1.gif

[» اِلـَوَفْآءْ بـِنْـتْ]

أجل مافية مطر يانسيم --->http://www.5foq.com/vb/emoticons/20.gif
الله يغيثنآ يارب
كنُ بخير

[نسيم]

أجل مافية مطر يانسيم --->http://www.5foq.com/vb/emoticons/20.gif

الله يغيثنآ يارب

كنُ بخير

ابشري بالخير ان شاء الله .

[النجدي]

مشكور نسيم على هذه النشرات وهذا الجهد

اللهم أغثنا

اللهم أغثنا

اللهم أغثنا

[قابوس تمير]

لا هنت يانسيم ... تحياتي

[جار القمر]

شكرا يانسيم على النشرة بس اليوم علمك مهوب زين وعسى الله يجيب الخير ويعجل به

[نسيم]

مشكور نسيم على هذه النشرات وهذا الجهد

اللهم أغثنا

اللهم أغثنا

اللهم أغثنا
الله يقبل دعاك يالنجدي

[نسيم]

لا هنت يانسيم ... تحياتي
لاهنت ياقابوس تسلم

[نسيم]

شكرا يانسيم على النشرة بس اليوم علمك مهوب زين وعسى الله يجيب الخير ويعجل به
مافي يدي حيلة ياجار القمر.

[نسيم]

انا اليوم متفائل جدا بمشيئة الله تعالى ان يكون هذا الاسبوع حافل بالخيرات والامطار علما ان الصور لم توضح شيء.
كنت اتمنى هذا السماء الصافي لانه راح يكون هناك بحول الله تغير في الحركه وهبوب الرياح.
هناك تسرب بخار ماء من المنخفض الاستوائي وايضا الجهه الغربية من المملكة عبر البحر الاحمر.وهناك بداية حركة على بحر العرب .
من الغد ان شاء سوف نشاهد بمشيئة الله النصوب الثقيله (السحب الركامية)وراح تتضح لنا خلال الساعات القادمة بحول الله.
http://weather.pme.gov.sa/weather/satellite/meteosat/gif/ir/kingdom/pmesat1.gif

[المهند]

تفاءلو بالخير تجدوه ...

وحنا والله متفائلين خير إن شاء الله ..
الأيام اللي راحت للشمال ... والأيام الجاية بينزل للوسطى بإذن الواحد ...

[جار القمر]

الله يقوله ويجينا السيل مشتاقين له بالحيل
شكرا نسيم

[كلاش تمير]

يجيب الله خير

[نسيم]

تفاءلو بالخير تجدوه ...

وحنا والله متفائلين خير إن شاء الله ..
الأيام اللي راحت للشمال ... والأيام الجاية بينزل للوسطى بإذن الواحد ...
يازين الى من قالوا ام مشوق مليانه ،ياه، الا ياالله انك تجيبه

[نسيم]

الله يقوله ويجينا السيل مشتاقين له بالحيل
شكرا نسيم
ماعلى الله شي صعيب وان شاء الله نشوفه بكره بحول الله

[نسيم]

يجيب الله خير
الله كريم ياكلاش وخل توكلك بالله قوي .لقول الرسول صلى الله عليه وسلم ( لو اتكلتم على الله حق توكله لرزقكم كما يرزق الطير تغدوا خماصا وتعود بطانا )
للفائدة فقط

[المهند]

يازين الى من قالوا ام مشوق مليانه ،ياه، الا ياالله انك تجيبه

ام مشوق ... هذي وينها فيه ...؟؟
شكلها مليناه مشق ..!!!

[أبـوحـمـد]

من الغد ان شاء سوف نشاهد بمشيئة الله النصوب الثقيله (السحب الركامية)وراح تتضح لنا خلال الساعات القادمة بحول الله.



الا يالله يا كريم تعجل به..

[نسيم]

ام مشوق ... هذي وينها فيه ...؟؟
شكلها مليناه مشق ..!!!
ههههههههههههههههههههههههههههه
المهند تصدق توني انتبه لها .

[نسيم]

الا يالله يا كريم تعجل به..

ياقربها ان شاء الله

[قابوس تمير]

الله كريم يانسيم .. ماش الخريطة صلوقع مرررة.. شاكرين

[احلام وردية]

الله كريم وقريب ان شاء الله نتباشر بالخير

[شقاوي]

اشكرك على التغطيه الحلوه
والله يجيب الخير انشاء الله
لك مني اجمل واطلق تحيه
تقبلو مروري

[نسيم]

الان الجو غير مستقر وهناك حركة منخفضات من شمال غرب المملكة وغرب وغرب جنوب المملكة.
نتوقع ان نشاهد بدايتها اليوم سحب خفيفة وخلال الثمان والاربعين ساعة القادمة يكون افضل بمشيئة الله تعالى.
الان الاعصار بتجاه بحر العرب ونتمنى من الله ان تكون خلال اليومين القادمة تؤثر على جنوب المملكة .
http://weather.pme.gov.sa/weather/satellite/meteosat/gif/ir/kingdom/pmesat1.gif

[المتحـ2007ـد]

حالة الطقس لخمس ايام في تمير

http://www.foreca.com/meteogram.php?loc_id=100396550&lang=ar

الجو صافي
بارومتر: 1018.0 ضغط جوي مرتفع
نقطة الندى: +12°
الرطوبة: 29%
مستوى الرؤية: 10 كم
توقعات لمدة ٣ أيام



اليوم (http://www.foreca.com/Saudi_Arabia/Tumayr?details=20091107)
http://www.foreca.com/img/symb-50x50/d000.png
العظمى: +31°
الصغرى: +18°

غدًا (http://www.foreca.com/Saudi_Arabia/Tumayr?details=20091108)
http://www.foreca.com/img/symb-50x50/d200.png
العظمى: +32°
الصغرى: +18°




الاثنين (http://www.foreca.com/Saudi_Arabia/Tumayr?details=20091109)
http://www.foreca.com/img/symb-50x50/d200.png
العظمى: +32°
الصغرى: +18°

[أبـوحـمـد]

الا يالله يا كريم ان شاء الله نشاهد ما يسرنا

اللهم اغثنا
اللهم اغثنا

[نسيم]

تسلم يالمتحد على الاضافة اللي الوافية .
يعطيك العافية

[نسيم]

الا يالله يا كريم ان شاء الله نشاهد ما يسرنا

اللهم اغثنا
اللهم اغثنا
ابوحمد انا عندي احساس بمشيئة الله انه مع بداية النجم الثالث او قبله يبي يجينا سيل كل يذكره

[ماجدونا]

الله كريم وعسى الله يغيثنا

تسلم يالغالي

[نسيم]

الله كريم وعسى الله يغيثنا

تسلم يالغالي
الله يسمع منك ان شاء الله

[نسيم]

من الواضح اننا نعيش هذه الايام الى حالة شبه استقرار تعم معظم مناطق المملكة وايضا خارج المملكة.
نتوقع ان تستمر هذه الحالة الى ايام قادمة بمشيئة الله تعالى.
وسوف نتابع الى ان يفرجها الله علينا ويرزق الخير .
http://weather.pme.gov.sa/weather/satellite/meteosat/gif/ir/kingdom/pmesat1.gif

[أبـوحـمـد]

ننتحرى قبل المغرب على كلام المتحد ونشوف ..

الله يغيثنا ويرحمنا..

[المتحـ2007ـد]

شف يا نسيم انت وابو حمد ان شاء الله بتشوف السحاب العصر على حسب هذه النشره

http://www.yr.no/place/Saudi_Arabia/Ar_Riyāḑ/Tumayr/meteogram.png

وان شاء الله نشوف الخير قريباً

ومشكوووور على النشره يا نسيم

[نسيم]

ننتحرى قبل المغرب على كلام المتحد ونشوف ..

الله يغيثنا ويرحمنا..
المتحد كلامه ضبط ولا عندي فيه شك واي شي يقوله المتحد يعتبر صح يابوحمد!!!!!!

[نسيم]

شف يا نسيم انت وابو حمد ان شاء الله بتشوف السحاب العصر على حسب هذه النشره

http://www.yr.no/place/Saudi_Arabia/Ar_Riyāḑ/Tumayr/meteogram.png

وان شاء الله نشوف الخير قريباً

ومشكوووور على النشره يا نسيم
الله يسمع منك ان شاء الله يالمتحد.تسلم والله على الاخبار الجميلة اللي توسع الصدر.

[الأنيق]

الله يجزاكم خير
وأنشاء الله يصدق كلام المتحد

اللهم أغثنا وأرحمنا برحمتك

تحياتي وتقديري

[المهند]

يالله ياللي تغسل الأرض بالسيل .. اغسل قلوب أهل الحسد من حسدها ...

عسى الله يرحمنا ويرحم بهائمنا .. ولا اللي يشوف الحسد اللي يمشي على الأرض يقول وشلون ييجينا مطر ...

الله يرفق بحالنا ...

[ابو مشعل]

يالله يارب يجينا السيل ويغيثتا
اللهم امين

[» اِلـَوَفْآءْ بـِنْـتْ]

يالله ياللي تغسل الأرض بالسيل .. اغسل قلوب أهل الحسد من حسدها ...





اللهم آمين يارب .. اللهم أغثنا يارب ..
نسيم قايلتن لك َ ماوراء نشراتك َ خير ---> برا

[أبوكدش]

اللهم اغثنا
والله يسمع منك

[شقاوي]

مشكورين وبيض لله وجيهكم
والله يجيب الخير يا ربي
ولكم مني اطيب تحيه
تقبلو مروري

[المتحـ2007ـد]

نشى السحاب العصر لكن روحت عوايم ما أمره الله

لكن بعد غداً ان شاء الله يوم الاربعاء الصباح الساعه 7.30 الى 8 بتشوفون السحاب

وان شاء الله نتوقع هطول رش خفيف

[نسيم]

فيه اعصار قادم على المحيط الهندي وهو الان يتجاه السواحل العمانية .
متى يصل الله اعلم.
الاجواء تميل الى حالة استقرار بوجه عام على المملكة.
http://weather.pme.gov.sa/weather/satellite/meteosat/gif/ir/kingdom/pmesat1.gif

[أبوكدش]

مشكووور ياخبيرنا نسيموه على ماتقدمه