أرشيف النشرات الجوية للخبير الجوي ( نــســيــم )

[نسيم]

نسيت اقول احلى تقيم لك واحلى نجوووووووم

يا نجم
تسلم والله اذا حنا نجوم فأنت القمر يالمتحد.

[محترم باخلاقي]

الله يصبرنا الحن في تمير وحر وشلون الشرقيه اجل

[نسيم]

الله يصبرنا الحن في تمير وحر وشلون الشرقيه اجل
الشرقية ياخوي ماهيب غريب عليهم الرطوبة والحر اللي يطير القلب لكن حنا في الاونة الاخير وصلتنا الرطوبة بشكل ملفت في استمراريتها

[نسيم]

الان منخفضات الاستواء على اليمن واجزاء من جنوب جنوب المملكة .
هناك ابخره حارة على وسط المملكة وشمالها تحت تأثير هذه السحب بمشيئة الله تعالى.سوف تستمر هذه الحالة الى ان يخف الاستواء من هذه السحب كما هو واضح في الصور.
الرياح شمالية شمالية شرقية ساخنة .
على فكره اليوم حنا ناكل الرطب من الخلاص على وحده وثنتين وفيه رطب .

http://www.up-tumaer.net/up/uploads/images/tumaer-5e2c46a747.gif?PHPSESSID=46ea2f61aa6e2a203bc36df73 81db2d3

[المتميزة 26]

يارب سترك ..
مشكور نسيم

[طير شلوى]

عفيه عليكـ ،،
شخابيط على قولتكـ وبساط احمدي عندك في هالنشره ينسبط الواحد ولو ان الجو حر ،،
لاهنت

[أبـوحـمـد]

شماليه شرقيه ساخنه هذا الي تمر بالنخل يا نسيم...

واهم شي لا تنسى نبي مثل ذيك السنه..

تسلم على النشره ياراعيها..

[المتحـ2007ـد]

هلا والله يا نسيم

ان شاء الله الله يلطف بنا ويرحمنا

ويبرد علينا

[الموادع]

والله الحر ذبحنا
الله يجيب البراد
مشكور نسيم

[نسيم]

يارب سترك ..
مشكور نسيم
تسلمين على حضورك.دواء هالسموم عندي مطلع من البيت الا عقب العشاء وتنتهي المشكلة .
لكن ليش حاطه لون الاسم احمر نسيم.يعني اجي محل مخاوي تمير

[نسيم]

عفيه عليكـ ،،
شخابيط على قولتكـ وبساط احمدي عندك في هالنشره ينسبط الواحد ولو ان الجو حر ،،
لاهنت
يعافيك ربي .
كل شي بسيط مقبول في الحياة والتصنع متعب اخي طير شلوى .مارس حياتك كما خلقك الله في المنتدىفي الشارع في العمل وتحس براحة نفسية عظيمة لاتكلف ابد.

[نسيم]

شماليه شرقيه ساخنه هذا الي تمر بالنخل يا نسيم...

واهم شي لا تنسى نبي مثل ذيك السنه..

تسلم على النشره ياراعيها..
على البال مانيب ناسيها والبرحي ابشرك قام يتفضخ كنه مشمش .
تسلم ياصديقي لولاك موجود كان علوم.

[نسيم]

هلا والله يا نسيم

ان شاء الله الله يلطف بنا ويرحمنا

ويبرد علينا
الله يهلي بك اكثر بالمتحد.
ترى انبسط على الشدائد لان بعدها فرج بمشيئة الله

[نسيم]

والله الحر ذبحنا
الله يجيب البراد
مشكور نسيم
انت مايضرك الحر كنك من بعارين تهامه يالموادع.
تسلم على حضورك يابعد حالي .

[المهند]

تسلم على هالشخاميط يانسيمنا ..

http://www.up-tumaer.net/up/uploads/images/tumaer-5e2c46a747.gif?PHPSESSID=46ea2f61aa6e2a203bc36df73 81db2d3 </B></I>

</B></I>لكن البياض اللي في الدائرة ... كنه وجه لاعبة فيه الشمس .. يروع يا نسيم .. </B></I>

[نسيم]

تبقا يالمهند.
لكن رح المتميزة طالبتك ياويلك ويلاه حساب عسير

[المهند]

شكلي أبنقل موضوعها للشكاوي ..
على شان ما تتفرج .. !

[نسيم]

شكلي أبنقل موضوعها للشكاوي ..
على شان ما تتفرج .. !
الا هذي يالمهند .اشهد بالله انك حسود. يوم الله جاب السوالف والحكي وسعة تحرمنا منها قطع

[عرق الأرطى]

تسسسسسلم اخوي نسسسسسسيم على النشره والله يجيب البراد

[» اِلـَوَفْآءْ بـِنْـتْ]

صبآحكْ خير نسيمُ
ذبحنآ الحر غير شخآبيط ْ يمكنْ يجينآ برآد

[المهند]

خبيرنا ونسيمنا ..

اليوم مصبحين على سحاب زين ..
ويش الهرجه ؟؟

[جنـgن رجل~]

جزاك الله خير يانسيم

[نسيم]

تسسسسسلم اخوي نسسسسسسيم على النشره والله يجيب البراد
تبقا اخوي عرق الارطى

[نسيم]

صبآحكْ خير نسيمُ
ذبحنآ الحر غير شخآبيط ْ يمكنْ يجينآ برآد
هلا صباح النور والسرور يالوفاء .
وش نسوي من هالسحاب اللي ذبحنا كل الحر منه بمشيئة الله

[نسيم]

خبيرنا ونسيمنا ..

اليوم مصبحين على سحاب زين ..
ويش الهرجه ؟؟
من امس وحنا نحكي عن هالسحاب ماشفته في الخرابيط.هذا الله يسلمك سحاب طبخ يطبخ الاوادم مع التمر

[نسيم]

جزاك الله خير يانسيم
الله يجزاك الجنة ويرحم والديك عن النار

[المهند]

على طاري طباخ الآوادم ..
أمس العصر متقهوي في روضة الخشم ..

وأشوف دخيخلات تناقز ..
الدخيخلات الشهب .. اللي أنت خابر .. اللي لهن شنبات ..

تتوقع وصل الدخل ..

[ابوخليــــل]

مشكور اخوي نسيم

[نسيم]

مشكور اخوي نسيم
تسلم اخوي على حضورك

[نسيم]

بحول الله تعالى راح تخف الحرارة من الغد نظراَ لعدم دخول سحب استوائية على جنوب المملكة.
الرياح بمشيئة الله شمالية.وراح يكون هناك انخفاض في درجات الحرارة ليلاَ .
ملاحظة/تكلمنا حسب ماهو مبين لنا في الصور وربما تستمر اذا استمر المنخفض الاستوائي.وراح نكون بحول الله متابعين كان حنا من الحيين خلال الساعات القادمة.
ملاحظة يالمهند ولايهون الاخوان انت تشوف اللون الابيض هذا اذا اخطيت مسحت ويطلع اللون ابيض وانت خابر توني عارف للمساحة
http://www.up-tumaer.net/up/uploads/images/tumaer-1b4a65eeb8.gif?PHPSESSID=9cf09e748c65f323992f12059 5c91025

[عرق الأرطى]

تسلم نسسسسيم على النشره والحر ذبحنا

[كحيلان التميمي]

علومك غانمه اليوم يانسيم
ومايخالف علي الخط زين ولو
المهم براد مع ان اليوم غمته
تحياتي لك

[أبـوحـمـد]

اليوم اخف من امس في الهبايب..

لكن لازال الجو محتر قليلاَ

تسلم يا خبيرنا..

[المهند]

نسيم ..
والله يا سحاب شمال ..

شوي ويمطر ..

[الموادع]

انت مايضرك الحر كنك من بعارين تهامه يالموادع.
تسلم على حضورك يابعد حالي .
لي 5ايام مسخن ومنوم مرتين بالطواري الخميس والجمعه
وتقول مايضرك الى هاذي الساعه وانا اروح للمستشقى اغز ابر جعل يجيك
ماجاني عشان تعرف وشلون تتسخن ووتوصف فيني ..
ماذقت النوم زين هاليومين ذابحتني الحراره على هالمسكنات ولاتنفع بعد
الله يصلحك بس الظاهر السخاين من ورى راسك:t20:

[نسيم]

تسلم نسسسسيم على النشره والحر ذبحنا
تبقا ياعرق الارطى

[نسيم]

علومك غانمه اليوم يانسيم

ومايخالف علي الخط زين ولو
المهم براد مع ان اليوم غمته

تحياتي لك

الكامل الله ياكحيلان

[نسيم]

اليوم اخف من امس في الهبايب..

لكن لازال الجو محتر قليلاَ

تسلم يا خبيرنا..
الظاهر ان بكره احر من ايام راحت .
تسلم ياصديقي

[نسيم]

نسيم ..
والله يا سحاب شمال ..

شوي ويمطر ..
تكفى مانبيه هالوقت .والله يا ان طاح طشه مطر ان ان تغلي من الحر

[نسيم]

بدت الان حركة الاستواء على جنوب المملكة كما هو واضح في الصورة.وبمشيئة الله راح تبدء موجه حارة اذا استمر ضخ الاستواء على المرتفعات الجنوبية جنوب المملكة اليمن بهذه الطريقة
http://www.up-tumaer.net/up/uploads/images/tumaer-c7568ca92a.gif?PHPSESSID=ba34d8286e5482c43ea144a9c 4ea7180

[الأنيق]

الله يجزاك خير
ويبرد عليناوعليك ..

[روح الورد]

الله يعطيك العافيه على جهودك الطيبه

[ابن المملكة]

الرياض 29 رجب 1431 هـ المــوافق 11 يوليو 2010 م واس
توقعت الرئاسة العامة للأرصاد وحماية البيئة في تقرير لها عن حالة الطقس اليوم الأحد بمشيئة الله تعالى بأن يكون الطقس لطيف على المصائف الجنوبية الغربية والغربية وشديد الحرارة على شرق ووسط المملكة حار على بقية المناطق مع نشاط في الرياح السطحية مما يؤدي إلى رؤية غير جيدة على الحدود الشمالية واجزاء من شرق ووسط المملكة تمتد حتى الاجزاء الجنوبية للمملكة (منطقة نجران والاجزاء الداخلية لجنوب المملكة ).
وتوقعت الرئاسة أن تظهر كما تظهر تشكيلات من السحب المتوسطة على مناطق جنوب غرب وغرب المملكة تمتد حتى الأجزاء الجنوبية للمملكة تشمل منطقة نجران , والفرصة مهيئة لظهور السحب الركامية الرعدية الممطرة على مرتفعات ( الطائف ، الباحة ، عسير, جازان).
كما توقعت أن تكون الرياح السطحية على البحر الأحمر شمالية غربية الى غربية بسرعة 15 - 42 كم/ساعة وارتفاع الموج من متر إلى متر ونصف وحالة البحر خفيف إلى متوسط الموج .
أما الرياح السطحية في الخليج العربي فتكون شرقية الى جنوبية شرقية بسرعة 15 - 37 كم/ساعة وارتفاع الموج من متر إلى متر ونصف وحالة البحر خفيف إلى متوسط الموج.
// انتهى //
07:17 ت م

[ابوخليــــل]

مشكور على النقل المفيد

[ابن المملكة]

مشكور على النقل المفيد
مشكور على المرور

[جنـgن رجل~]

سلمت اخوي والله والف شكر لك
ودي,,

[نسيم]

لي 5ايام مسخن ومنوم مرتين بالطواري الخميس والجمعه
وتقول مايضرك الى هاذي الساعه وانا اروح للمستشقى اغز ابر جعل يجيك
ماجاني عشان تعرف وشلون تتسخن ووتوصف فيني ..
ماذقت النوم زين هاليومين ذابحتني الحراره على هالمسكنات ولاتنفع بعد
الله يصلحك بس الظاهر السخاين من ورى راسك:t20:
بلاك والله تتروش وتجي حدر المكيف.
وبعدين لاتدعي على اخوك المسلم حرام عليك.الموادع خف على نفسك شوي من المطافش وتطيب .على فكرة كل الناس يجيهم حرارة وش حيثك انت؟

[نسيم]

الله يجزاك خير
ويبرد عليناوعليك ..
الله يجزاك الجنة ويرحم والديك عن النار وكل مسلم

[نسيم]

الله يعطيك العافيه على جهودك الطيبه
الله والديك عن النار

[» اِلـَوَفْآءْ بـِنْـتْ]

الحرآرة تزيد ي نسيمُ
وش آخبآر الطقس اليومُ عندك

[ابن المملكة]

مشكور على اطلاعك على الموضوع

[المهند]

توقعاتك يا ابن المملكة ما تغيرت ..

من يوم قمت تطرحها عندنا وهي نفسها ما يتغير إلا التاريخ واليوم فقط ..
وإلا هذي توقعات بهطول أمطار على مرتفعات عسير ... وشمس حارة على نجد .. والموج ما قد تغير من متر إلى متر ونصف ..
شكراً على ما جاء منك ..

[الموادع]

بلاك والله تتروش وتجي حدر المكيف.
وبعدين لاتدعي على اخوك المسلم حرام عليك.الموادع خف على نفسك شوي من المطافش وتطيب .على فكرة كل الناس يجيهم حرارة وش حيثك انت؟

والله ماني جاي مثلك هاذي وحده
والشي الثاني الدعوه تخص والتوصيف يعم
يعني التوصيف اشد يفتح عيون مغمضه
عيبك الوحيد الي مضيق صدري فيك ومضيق غيري
التوصيف :t20:

[ابن المملكة]

توقعاتك يا ابن المملكة ما تغيرت ..

من يوم قمت تطرحها عندنا وهي نفسها ما يتغير إلا التاريخ واليوم فقط ..
وإلا هذي توقعات بهطول أمطار على مرتفعات عسير ... وشمس حارة على نجد .. والموج ما قد تغير من متر إلى متر ونصف ..
شكراً على ما جاء منك ..
المهند :ـــ

التوقعات ليست من نسيج الخيال بل تنقل من مصدرها الرسمى وهى مصلحة الارصاد وحماية البيئة
ولانشكك في مصداقيتهم لكون هذا يعتمد عليه في تزويد المطارات - الموانئ - وبعض الجهات ذات العلاقة بحالة الطقس
اليومي أما ماذكر بأن حالة الطقس لاتختلف من يوم ليوم بل يتغير اليوم والتاريخ حسب ماذكرت
فهذا منافي للحقيقة فحالة الطقس ليست مستقرة

[المهند]

المهند :ـــ

التوقعات ليست من نسيج الخيال بل تنقل من مصدرها الرسمى وهى مصلحة الارصاد وحماية البيئة
ولانشكك في مصداقيتهم لكون هذا يعتمد عليه في تزويد المطارات - الموانئ - وبعض الجهات ذات العلاقة بحالة الطقس
اليومي أما ماذكر بأن حالة الطقس لاتختلف من يوم ليوم بل يتغير اليوم والتاريخ حسب ماذكرت
فهذا منافي للحقيقة فحالة الطقس ليست مستقرة
يالله نعارضك يا ابن المملكة على شان ترد علينا ..

شكراً لتوضيحك ..

وينك يا نسيم ... يقصر ما جاب مثل كلامك المتزن يا ابن المملكة ...

تحياتي لك ..

[نسيم]

والله ماني جاي مثلك هاذي وحده
والشي الثاني الدعوه تخص والتوصيف يعم
يعني التوصيف اشد يفتح عيون مغمضه
عيبك الوحيد الي مضيق صدري فيك ومضيق غيري

التوصيف :t20:

انا ماخذ التوصيف من ناحية الدقه في توصيل المعلومة فقط يالموادع لاتروح بعيد، ولاتحسب ان فيك انت وغيرك ميزة افضل من غيركم .

[وردهـ]

تشكر اخوي
على النشره الجويه

[نسيم]

على طاري طباخ الآوادم ..
أمس العصر متقهوي في روضة الخشم ..

وأشوف دخيخلات تناقز ..
الدخيخلات الشهب .. اللي أنت خابر .. اللي لهن شنبات ..

تتوقع وصل الدخل ..
نطلع بكره ونشوف .لكن حسب الخبرة والمعلومات القديمة ان الايام هذي يجي كبه من خمسة ايام الى عشرة وينتهي وبعدها يجي غيره.

[الأنيق]

ماخبرنا الدخل يجي كبه ثمن يروح ويجي ثانيه..
أو هذي من سبب تغير المناخ. والشخابيط

[نسيم]

ماخبرنا الدخل يجي كبه ثمن يروح ويجي ثانيه..
أو هذي من سبب تغير المناخ. والشخابيط
بس حنا خابرين يابومنيرة ,يعني خبرك افضل من خبرنا ويمكن انك تخبر شي وانا ماخبره ويمكن اني اخبر شي ماتخبره وكل واحد يذكر اللي يخبره .

[الأنيق]

بس حنا خابرين يابومنيرة ,يعني خبرك افضل من خبرنا ويمكن انك تخبر شي وانا ماخبره ويمكن اني اخبر شي ماتخبره وكل واحد يذكر اللي يخبره .

يازينك أنت وردك يانسيم.
وبعدين وش أنت مرسلي على التقييم
ترى حكيك مردود عليه
وتستاهل التقييم والنجوم على هالشخابيط..

[نسيم]

لايزال الاستواء يضخ السحب علىالمرتفعات الجنوبية والسوالح الغربية.
الرياح بمشيئة الله تعالي شرقية .
اليوم راح يكون اخف سحب من الايام السابقه بحول الله تعالي وان شاء الله يتحسن الجو تدريجي.
بداية تكون السحاب من بعد الظهر

http://www.up-tumaer.net/up/uploads/images/tumaer-45fea85695.gif?PHPSESSID=d05f56143867ca569622595e0 3ff0614

[نسيم]

الحرآرة تزيد ي نسيمُ
وش آخبآر الطقس اليومُ عندك
اكيد اختناالعزيزة حنا في القيض يعني مافيه مجال للبراد ابد لكن نقول يتحسن ليلا فقط.
والنشرة الان موجوده

[نسيم]

وبعدين وش أنت مرسلي على التقييم
..
لاتصير فضيحة وانا خابرك مايقعد العلم في بطنك.لكن كلها يومين مثل ماقلت لك وبس.

[الأنيق]

الله يسمع منك يانسيم.

[الأنيق]

لاتصير فضيحة وانا خابرك مايقعد العلم في بطنك.لكن كلها يومين مثل ماقلت لك وبس.
يومنك خابر العلم مايقعد في بطني وشوله تقولي..
وبعدين لاتكذب ماقلت لي يومين..

[نسيم]

يومنك خابر العلم مايقعد في بطني وشوله تقولي..
وبعدين لاتكذب ماقلت لي يومين..
او ثلاثة ايام تراي قمت انسى مدري وش جايني او قايل لواحد غيرك واحسبه انت

[نسيم]

الله يسمع منك يانسيم.
قام الاستواء يضخ علينا من المزن اللي تحرق احراق وتكتم الجو يابومنيرة بمشيئة الله

[الأنيق]

او ثلاثة ايام تراي قمت انسى مدري وش جايني او قايل لواحد غيرك واحسبه انت

مشكلة الواحد يبي يعذرك عشان كبر سنك..
ومالنا إللى الأجر..

[نسيم]

مشكلة الواحد يبي يعذرك عشان كبر سنك..
ومالنا إللى الأجر..
الله يرحم والديك عن النار ,تراي ناوي اخطب فا ارجوك لاتشوه سمعتي وتقول كبير سن .

[وردهـ]

مشكور على النشره
اخوي نسيم

[ابن المملكة]

يالله نعارضك يا ابن المملكة على شان ترد علينا ..

شكراً لتوضيحك ..

وينك يا نسيم ... يقصر ما جاب مثل كلامك المتزن يا ابن المملكة ...

تحياتي لك ..
الف شكر على المتابعة
الف شكر على المداعبة
الف شكر على الكلمات الرائعة
الف شكر على متابعتك للموضوع
الف شكر على اهتمامك وحسن اطلاعك فهذا يعطى العضو مزيدا من الابداع والتواصل الدائم مع المنتدى

[المهند]

موضوع مكرر ..
اتمنى من المشرف دمجه مع موضوع ابن المملكة ..

[نسيم]

بدينا من هالحين .

[المهند]

لو ألحن بادين .. إن كان شلته أنا ...

[جنـgن رجل~]

تسلم على التقرير

[عرق الأرطى]

تسلم اخوي نسسسسسسيم على النشره
تحياتي ...

[» اِلـَوَفْآءْ بـِنْـتْ]

تسلمُ نسيمُ على المتآبعة المستمرة
والله يسمع منك ونبرد شووي

[أبـوحـمـد]

اليوم الجو حريا نسيم وفيه شوي من الرطوبه...

[نسيم]

مشكور على النشره
اخوي نسيم
تسلمين ياورده على حضورك اخت عزيزة وغالية

[نسيم]

اليوم الجو حريا نسيم وفيه شوي من الرطوبه...
والله هالجو ياصديقي غرض الدخل تكفى

[نسيم]

لو ألحن بادين .. إن كان شلته أنا ...
والله السلطة.مافيه احد يمنعنا من المهند.وين الادارة من هالسلطه ترى وذاه عم

[نسيم]

تسلم على التقرير
تبقا اخوي 99دحوم

[نسيم]

تسلم اخوي نسسسسسسيم على النشره
تحياتي ...
تبقا اخوي عرق الارطى

[ابن المملكة]

تشكر اخوي
على النشره الجويه
الف شكر على المرور

[نسيم]

تسلمُ نسيمُ على المتآبعة المستمرة
والله يسمع منك ونبرد شووي
تبقين يالوفاء وربي يسلمك ان شاء الله .
ابشري بالخير ان شاء الله

[ابن المملكة]

الرياض 30 رجب 1431 هـ المــوافق 12 يوليو 2010 م واس
توقعت الرئاسة العامة للأرصاد وحماية البيئة في تقرير لها عن حالة الطقس اليوم الإثنين بمشيئة الله تعالى بأن يكون الطقس لطيف على المصائف الجنوبية الغربية والغربية , شديد الحرارة على شرق ووسط المملكة حار على بقية المناطق و استمرار نشاط الرياح السطحية مثيرة للأتربة والغبار على أجزاء من شمال المملكة وتمتد حتى منطقة المدينة المنورة يشمل ذلك مدينة حائل.
وتوقعت الرئاسة أن تظهر كما تظهر تشكيلات من السحب المتوسطة على مناطق جنوب وغرب المملكة تمتد حتى الأجزاء الجنوبية من شرق ووسط المملكة, والفرصة مهيئة لظهور السحب الركامية الرعدية الممطرة على مرتفعات ( الطائف ، الباحة ، عسير, جازان).
كما توقعت أن تكون الرياح السطحية على البحر الأحمر شمالية غربية إلى غربية على الجزء الشمالي وجنوبية إلى جنوبية غربية على الجزئيين الأوسط والجنوبي بسرعة 15 - 42 كم/ساعة وارتفاع الموج من متر إلى متر ونصف تصل إلى مترين على أجزاء من الجزئيين الشمالي والجنوبي وحالة البحر خفيف إلى متوسط الموج .
أما الرياح السطحية في الخليج العربي فتكون شرقية إلى جنوبية شرقية بسرعة 15 - 37 كم/ساعة وارتفاع الموج من متر إلى متر ونصف وحالة البحر خفيف إلى متوسط الموج.
// انتهى //
07:07 ت م

[ابوخليــــل]

مشكور اخوي ابن المملكه على النقل

[ابن المملكة]

هاااااوووى تمير
اشكرك على حضورك

[المتحـ2007ـد]

مشكوووور يا ابن المملكه على النشررره


شديد الحرارة على شرق ووسط المملكة حار على بقية المناطق و استمرار نشاط الرياح السطحية مثيرة للأتربة والغبار على أجزاء من شمال المملكة وتمتد حتى منطقة المدينة المنورة يشمل ذلك مدينة حائل.



هذي اجوائنا ما تتغير ابد الا في الشتاء عسى الله يعجل به

[نسيم]

بحول الله وقوته راح تتحسن الاجواء الى الافضل ليلا وتكون السماء صافية مع رياح شمالية.
الحالة الجوية والتغيرات يا اخوان تتغير في خلال ساعات في مثل الايام هذي .وحنا راح يكون تقريرنا عن حالة يوم واحد فقط مع المتابعة لكل حالة.
http://www.up-tumaer.net/up/uploads/images/tumaer-5cd5273952.gif?PHPSESSID=5860ef21d7268708cb31300e9 3672c0b

[المتحـ2007ـد]

الحمد لله يا نسيم البراد او نسناسه زين لوه في الليل

كل الشكر لك والله يعطيك العافيه

وما لنا غناة عنك

واحلى تقيم

[وردهـ]

مشكور اخوي
نسيم

[المهند]

الله يعين ..
أجل يبي لنا كل يوم تقرير على هالحالة ..

زودً على الحر .. كثرت علينا النشرات ..

[نسيم]

الحمد لله يا نسيم البراد او نسناسه زين لوه في الليل

كل الشكر لك والله يعطيك العافيه

وما لنا غناة عنك

واحلى تقيم
ابشر بالخير يالمتحد وان شاء الله بعد 4ايام راح تشوف براد واجواء جميلة.
لكن نبي منك فزعة يالمتحد

[المتحـ2007ـد]

ابشر بالخير يالمتحد وان شاء الله بعد 4ايام راح تشوف براد واجواء جميلة.
لكن نبي منك فزعة يالمتحد


عيوووووني لك انت امر بس

[نسيم]

عيوووووني لك انت امر بس
تسلم عيونك يالمتحد.ياخوك انا لي ماضوع خذته الراقية والمهند وحطوه في الشكاوي .الماضوع ياخوك تعبت عليه وكتبتناه ويوم زينتناه جاني المهند والراقية وخذوه عنوة جهرا والعين ترى.يرضيك هالشي ؟
ابيك ترد موضوع في ساحة الاعضاء
http://www.tumaer.com/vb/showthread.php?t=70202&page=5

[ابن المملكة]

شكرا على مروركم عالموضوع

[عرق الأرطى]

يازين البرادات
تسلم نسسسسسسسسيم ..

[المتحـ2007ـد]

تسلم عيونك يالمتحد.ياخوك انا لي ماضوع خذته الراقية والمهند وحطوه في الشكاوي .الماضوع ياخوك تعبت عليه وكتبتناه ويوم زينتناه جاني المهند والراقية وخذوه عنوة جهرا والعين ترى.يرضيك هالشي ؟
ابيك ترد موضوع في ساحة الاعضاء
http://www.tumaer.com/vb/showthread.php?t=70202&page=5 (http://www.tumaer.com/vb/showthread.php?t=70202&page=5)


حرااام عليك يا نسيم موضوووعك حلو مررررره

وأكيد ان المهند والراقيه يعرفون المواضيع الزينه ويحطونها

في مواقعها المناسبه لذا سأشاركم في هذا الموضوع لجماله

[وردهـ]

مشكور اخوي
يعطيك العافيه

[نسيم]

يازين البرادات
تسلم نسسسسسسسسيم ..
تسلم على حضورك ياعرق الارطى

[نسيم]

حرااام عليك يا نسيم موضوووعك حلو مررررره

وأكيد ان المهند والراقيه يعرفون المواضيع الزينه ويحطونها

في مواقعها المناسبه لذا سأشاركم في هذا الموضوع لجماله
الله يسلمك يالمتحد زانا داري انك انت الوحيد اللي يقدر الزين.
لكن هذولا فيهم حسد ويحسدوني انا بالذات يالمتحد

[نسيم]

ان شاء الله من الغد يتحسن الجو بحول الله ليلا وتخف الغته شوي يعني نتنفس زين .
http://www.up-tumaer.net/up/uploads/images/tumaer-437cb5aa5c.gif?PHPSESSID=6ced55a8edb8c8ed5ccf6fc0b 21c191c

[أبـوحـمـد]

اليوم براد شوي مع هبايب نسناس حر..

تسلم على النشره يا نسيم...

[نسيم]

اليوم براد شوي مع هبايب نسناس حر..

تسلم على النشره يا نسيم...
فيه سخونه شوي لكن ان شاء الله يزين

[ابن المملكة]

الرياض 01 شعبان 1431 هـ المــوافق 13 يوليو 2010 م واس
توقعت الرئاسة العامة للأرصاد وحماية البيئة في تقرير لها عن حالة الطقس اليوم الثلاثاء بمشيئة الله تعالى بأن يبقى الطقس لطيف على المصائف الجنوبية الغربية والغربية , شديد الحرارة على شرق ووسط المملكة حار على بقية المناطق . كما يستمر نشاط الرياح السطحية مثيرة للأتربة والغبار على أجزاء من شمال المملكة وتمتد حتى منطقة المدينة المنورة وشرقها ووسطها يشمل ذلك مناطق حائل والقصيم .
وتوقعت الرئاسة أن تظهر تشكيلات من السحب المنخفضة والمتوسطة تتواجد على مناطق جنوب وغرب المملكة مع فرصة لظهور السحب الركامية الرعدية الممطرة على مرتفعات ( الطائف ، الباحة ، عسير, جازان) تمتد لتشمل اجزاء من منطقة مكة المكرمة تسبق بنشاط في الرياح السطحية مثيرة للأتربة والغبار .
كما توقعت أن تكون الرياح السطحية على البحر الأحمر جنوبية غربية بسرعة 15 – 42 كم/ساعة وارتفاع الموج من متر إلى متر ونصف تصل الى مترين خلال النهار وحالة البحر متوسط الموج .
أما الرياح السطحية في الخليج العربي فتكون جنوبية شرقية الى شرقية بسرعة 15 – 38 كم/ساعة وارتفاع الموج من متر إلى متر ونصف وحالة البحر خفيف إلى متوسط الموج.
// انتهى //
07:12 ت م

[ابوخليــــل]

مشكور اخوي ابن المملكه على الابداع في طرح المواضيع

[مفارق هم]

رضينا بقدر الله وتدبيره ولا حول لنا ولا قوة الا به

مشكور

[فارس الجزيرة]

مشكور ابن المملكه ..

[أنكسار انثى}..]

بارك الله فيك أخوي أبن المملكه
على التقرير والله يعطيك الف عافيه
ودمتم بخير

[نسيم]

سماء صافية بحول الله .الرياح شمالية شرقية .
الاجواء بشكل عام لهذا اليوم ويوم الغد كما ذكرنا سابقا بمشيئة الله تميل الى تحسن ملحوظ في انخفاض درجات الحرارة.ومن اليوم وصاعدا راح تبرد الارض خلال الايام القادمة ونفتك من ذاك الوهاج اللي ذبحنا كن حنا في مقرصه.

http://www.up-tumaer.net/up//uploads/images/tumaer-2dbf8252b2.gif (http://www.up-tumaer.net/up//uploads/images/tumaer-2dbf8252b2.gif)

[المتحـ2007ـد]

هلا هلا بالخبير الجوووي وحياك ربي

وان شاء الله الاجواااااء تعتدل الى الأبرد قبل لا ياصل رمضان

[ابن المملكة]

مشكورين على ردودكم التي سعدنا بها

[مخاوي تمير]

ما شفنا براد يا نسيم

والاجواء اليوم متكدره

والحرارة طاقة 49 درجة مئوية

و مشكور يا خبيرنا على هالنشرة اللذيذة

بص شوف درجة الحرارة اليوم الثلاثاء الساعة ( 2 ظهراً )

الموافق 1 / 8 / 1431هـ

http://www.up-tumaer.net/up//uploads/images/tumaer-ddd0a5c9f5.jpg (http://www.up-tumaer.net/up//uploads/images/tumaer-ddd0a5c9f5.jpg)

[نسيم]

هلا هلا بالخبير الجوووي وحياك ربي

وان شاء الله الاجواااااء تعتدل الى الأبرد قبل لا ياصل رمضان
ان شاء الله يتحسن الايام هذي ونتنفس شوي .
ياخوي وشلون سويت بها كذا .

[عرق الأرطى]

القيظ ذبحنا الله يبرد علينا
تسلم نسسسسسيم .

[نسيم]

ما شفنا براد يا نسيم



والاجواء اليوم متكدره

والحرارة طاقة 49 درجة مئوية

و مشكور يا خبيرنا على هالنشرة اللذيذة

بص شوف درجة الحرارة اليوم الثلاثاء الساعة ( 2 ظهراً )

الموافق 1 / 8 / 1431هـ


http://www.up-tumaer.net/up//uploads/images/tumaer-ddd0a5c9f5.jpg (http://www.up-tumaer.net/up//uploads/images/tumaer-ddd0a5c9f5.jpg)

طبيعي يامخاوي تمير تصل الى 50درجة في العراء والنهار طبيعي جدا لكن المشكلة اذا ارتفعت درجات الحرارة ليلا هذا هو مقاس الحر يابعد الدنيا كلها.
ثاني مره لاعاد تفشلنا وتصور الدرجات خلها تمشي لايجي مقرود وينشب في حلوقنا وحنا مقصرين مافينا شده.

[محترم باخلاقي]

ان كان الجو سذا لين ارمضان الله يصبرنا الحراره ذبحتنا الحين بمكيف وحر شلون لو بدوون ولا اذا نمنا مانتلحف ومشغلين
المكيف الله يصبرنا

[محترم باخلاقي]

مشككككككككور على النقل

[نسيم]

القيظ ذبحنا الله يبرد علينا
تسلم نسسسسسيم .
هذا حالنا ياخوي متعودين عليه

[نسيم]

ان كان الجو سذا لين ارمضان الله يصبرنا الحراره ذبحتنا الحين بمكيف وحر شلون لو بدوون ولا اذا نمنا مانتلحف ومشغلين
المكيف الله يصبرنا
الحمدلله ياخوي كل شي متوفر من فضل الله.
الموت والله العمال الضعوف في البر

[نسيم]

http://www.tumaer.com/vb/mwaextraedit4/extra/59.gif

[أنكسار انثى}..]

جهودك أخوي نسيم مشكوره ولله الحمد اليوم أحسن من أمس
الله يرزقنا شكر نعمته والله يصبر أخوانا المسلمين
اللى لابيت ولاماوئ الحمد لله ودمتم بخير

[أبـوحـمـد]

من شوي درجه الحراره 47وهو المغرب يا بالكم في الظهر..

اذا استمر على كذا مشكله والله..

مشكورر يا نسيم..

[نسيم]

جنوب المملكة السنة هذي راح يكون صيف خيال يفوق ماتتخيلونه بمشيئة الله تعالي اوربا وافضل منها من ناحية الامطار والضباب والاستواء بدء يضخ بمشيئة الله كميات عالية من البخار ياحلالاة ان حنا في الوسم كان تشوفون شي يفوق الوصف من الامطار .
اما المنطقة الوسطى وشماله الله يعين على الغتات والرطوبة والرياح الساخنة.
بمشيئة الله تعالى نتوقع ان يكون وسم هذا العام امطار وخيرات بحول الله تعالي .اذا استمر الوضع على هذا الحال من الحرارة الشديدة راح يكون موسم صيد الدخل شي رهيب .
http://www.up-tumaer.net/up/uploads/images/tumaer-2616a53480.gif?PHPSESSID=354945029125d73b918e1fe4a 71be18e

[» اِلـَوَفْآءْ بـِنْـتْ]

نبيّ الحينْ برآد والمطر بعدينْ
نسيمُ تسآنْ كتبت أسمي على الخريطة ----> على بآلهآ جدآر الفصل

[نسيم]

نبيّ الحينْ برآد والمطر بعدينْ
نسيمُ تسآنْ كتبت أسمي على الخريطة ----> على بآلهآ جدآر الفصل
ماش ياخوك ماعرفت اكتب مثل المتحد.مدري وش يسوون بها.

[فارس الجزيرة]

ماشءالله تبارك الله

وش هالزين يا نسيم .. ايه هذي النشره اللي الواحد يصبح عليها ..

وكتابتك وش زينها حتى اللون ما يحتاج ..

بس لو تبي تكتب مثل المتحد بدل الفرشه اللي في الرسام اختر اللي مكتوب عليها حرف A واختر الثانيه من تحت ..

[ابن المملكة]

الرياض 02 شعبان 1431 هـ المــوافق 14 يوليو 2010 م واس
توقعت الرئاسة العامة للأرصاد وحماية البيئة في تقرير لها عن حالة الطقس اليوم الأربعاء بمشيئة الله تعالى بأن يبقى الطقس لطيف على المصائف الجنوبية الغربية والغربية , شديد الحرارة على شرق ووسط المملكة حار على بقية المناطق . كما يستمر نشاط الرياح السطحية مثيرة للأتربة والغبار على أجزاء من شمال المملكة وتمتد حتى منطقة المدينة المنورة يشمل ذلك مناطق حائل والقصيم والأجزاء الواقعة بين مكة المكرمة والمدينة المنورة .
وتوقعت الرئاسة أن تظهر تشكيلات من السحب المنخفضة والمتوسطة على مناطق جنوب وغرب المملكة مع فرصة لظهور السحب الركامية الرعدية الممطرة على مرتفعات ( الطائف ، الباحة ، عسير, جازان) تمتد لتشمل اجزاء من منطقة مكة المكرمة تسبق بنشاط في الرياح السطحية مثيرة للأتربة والغبار.
كما توقعت أن تكون الرياح السطحية على البحر الأحمر غربية الى جنوبية غربية بسرعة 15 – 42 كم/ساعة
وارتفاع الموج من متر إلى متر ونصف تصل الى مترين خلال النهار وحالة البحر متوسط الموج .
أما الرياح السطحية في الخليج العربي فتكون جنوبية شرقية الى شرقية بسرعة 15 – 40 كم/ساعة وارتفاع الموج من متر إلى متر ونصف وحالة البحر خفيف إلى متوسط الموج.
// انتهى //
07:00 ت م

[» اِلـَوَفْآءْ بـِنْـتْ]

شكراً لك َ آبنْ المملكة والله يبرد علينآ

[ابن المملكة]

الوفاء بنت
اشكرك على حسن مرورك

[عرق الأرطى]

تسلم نسسسسسسسيم على النشره

[نسيم]

ماشءالله تبارك الله

وش هالزين يا نسيم .. ايه هذي النشره اللي الواحد يصبح عليها ..

وكتابتك وش زينها حتى اللون ما يحتاج ..

بس لو تبي تكتب مثل المتحد بدل الفرشه اللي في الرسام اختر اللي مكتوب عليها حرف A واختر الثانيه من تحت ..
عجزت يافارس والله عجزت.الفرشة هذي جت معي كذا مدري وشلون جت.
تبي العلم ازود من هالكتابة وعلى هالحال معد نبيها نخاف نخلفها كلها

[نسيم]

تسلم نسسسسسسسيم على النشره
تبقا اخوي

[وردهـ]

تشكر اخوي
يعطيك العافيه

[نسيم]

تسلمين ياورده

[الدواسر كواسر]

يا نسيم وش هالحر والله شكلي بهاجر للقطب الشمالي والله

واحد من الربع تو مكلمه من نيوزلاندا عندهم ثلووج ومزكم وماكله البرد وحنا متفسخين من الحر والقرف وازودك من الشعر بيت حتى المكيف صار مايبرد قصر من الحر اللي جانا

آ آ آ و و و ف ف ف

[نسيم]

هذي محاولة لكن ماعرفت كيف اقر الخطوط للكتابة.واذاكتبت معد تشتغل الفرشة
http://www.up-tumaer.net/up/uploads/images/tumaer-01d656f13e.gif?PHPSESSID=90a0ad09013a12364093b80a1 b0609bb

[المتحـ2007ـد]

اخص يا نسيم والله عرفتا تكتب زين

والنشره الحمد لله نستانس لشفناها هنا واذا طلعنا ذبحنا الحررررررررر

كل الشكر لك والله يعافيك

[نسيم]

المتحد انا ماعرفت كيف احط الكتابة في المكان اللي انا ابي مثل السهم ودي انه مشر على مركز الحرارة يعني المؤشر هو اللي يسيطر علي انا ما اسيطر عليه.وبعد ين اذا كتبت معد اقدراسوي اسهم

[نسيم]

الجنوب عليه سحب قوية جدا
http://www.up-tumaer.net/up/uploads/images/tumaer-5a816b8995.gif?PHPSESSID=62c4de075e3c3123d5f7f889a 6850a3c

[النادر]

مشاء الله اخيرا
رجعت النشره يانسيم
عز الله انك جبل مايهزك ريح
مشكور والله يعافيك يارب

[ابن المملكة]

سحب رعدية ممطرة متوسطة ومنخفضة على الجنوبية الغربية



http://www.alwatan.com.sa/Images/newsimages/3576/ad39.jpg

طقس اليوم الخميس


الرياض: واس 2010-07-15 7:59 AM
توقعت الرئاسة العامة للأرصاد وحماية البيئة في تقرير لها عن حالة الطقس اليوم (الخميس 15/07/2010 – 07:00) بمشيئة الله تعالى بأن يبقى الطقس لطيف على المصائف الجنوبية الغربية والغربية, شديد الحرارة على شرق ووسط المملكة حار على بقية المناطق. كما يستمر نشاط الرياح السطحية مثيرة للأتربة والغبار على أجزاء من شمال المملكة يشمل ذلك مناطق حائل والأجزاء الواقعة بين مكة المكرمة والمدينة المنورة خاصة الساحلية منها.
وتوقعت الرئاسة أن تظهر تشكيلات من السحب المنخفضة والمتوسطة على مناطق جنوب وغرب المملكة مع فرصة لظهور السحب الركامية الرعدية الممطرة على مرتفعات (الطائف والباحة وعسير وجازان) تمتد لتشمل أجزاء من منطقة مكة المكرمة (مكة المكرمة وجدة) وحتى (المدينة المنورة وحائل).
كما أنه من المتوقع أن تكون الرياح السطحية على البحر الأحمر جنوبية غربية بسرعة 15 - 42 كلم في الساعة وارتفاع الموج من متر إلى متر ونصف وحالة البحر متوسط الموج .
أما الرياح السطحية في الخليج العربي فتكون جنوبية شرقية إلى شرقية بسرعة 15 - 38 كلم في الساعة وارتفاع الموج من متر إلى متر ونصف وحالة البحر خفيف إلى متوسط الموج.

[فارس الجزيرة]

ماشاءالله

يا زين علوم المطر لو انها بعيده

تسلم ابن المملكه

[نسيم]

ياناس جو فضيع جدا درجة الحرارة 50تنزف عرق وانت تحت الكنديشه.

[سمو الأمير]

بالعادة شيبانا اذا امطرت يومين متواصلين قالوا ماجانا هالمطر من ٦٠ سنه
بس ماأشوفهم يقولون ماجانا هالحر من ٦٠ سنة
لكن ماأقول الا الله يبرد علينا في قبورنا يانســــيم

[نسيم]

اليوم اللي راح يصيد دخل يبي يصيد بيديه ورجليه لانه الحرارة هذي والغته تبي تنطله يدور الماء

[نسيم]

بالعادة شيبانا اذا امطرت يومين متواصلين قالوا ماجانا هالمطر من ٦٠ سنه
بس ماأشوفهم يقولون ماجانا هالحر من ٦٠ سنة
لكن ماأقول الا الله يبرد علينا في قبورنا يانســــيم

بعض النخل خرب من الحر اليوم مثل الدخيني اهضب .
والله ياخوك الحر متعودينه يجي حر لكن يستمر بهذه الطريقة شي غريب.واللي ذبحنا هالسحب اللي يكتم الجو هو مصدر الحر لو الله يفكنا منه .

[نسيم]

http://www.up-tumaer.net/up/uploads/images/tumaer-ae7c1b033a.gif?PHPSESSID=d8008b5b331fcda69ec7cdc5d f44b26b

[سُلاَفْ القَصِيدْ]

الله يرحمنآ برحمته
الله يعينآ على حر الدنيا وينجينا من نآر جهنم .. قولوآ آمين ...

[نسيم]

الله يرحمنآ برحمته



الله يعينآ على حر الدنيا وينجينا من نآر جهنم .. قولوآ آمين ...


امين يارب .
مافيه كلمة شكرا بيض الله وجهك!!!!!!!!!!!!!!
تراها كلمة ان مانفعت ماضرت يالراقية .
شكرا على مرورك

[سمو الأمير]

اخاف تكلم الراقية وتقول اسمعي ياجارة
الله يعطيك العافية ومشكور يانسيم والله يرد غايبك ابو حمد
وصدقت الغيم في الحر ماهوب طيب

[سُلاَفْ القَصِيدْ]

امين يارب .
مافيه كلمة شكرا بيض الله وجهك!!!!!!!!!!!!!!
تراها كلمة ان مانفعت ماضرت يالراقية .
شكرا على مرورك
الله يجزآك خير يارب
ويخليك لنآ وللمنتدى
ولآتزعل كل شي الا زعلك ..

[نسيم]

اخاف تكلم الراقية وتقول اسمعي ياجارة
الله يعطيك العافية ومشكور يانسيم والله يرد غايبك ابو حمد
وصدقت الغيم في الحر ماهوب طيب
اياك اعني واسمعي ياجارة لا والله ياسمو الادب والاخلاق انت صراحة تبين لي انك انسان خلوق اي والله.
وبعدين انا انسان واضح لو عندي شي قلته .

[سُلاَفْ القَصِيدْ]

بعين عضب للاسف الشديد

آفآ يآ نسيم ماهقيتها منك
اسحب كلآمك الحين

[نسيم]

آفآ يآ نسيم ماهقيتها منك
اسحب كلآمك الحين
الله عليك اسحب كلمة!!انتي تسحبين مواضيع وش حدا مابدا ؟كلها كلمة شيليها وخلصنا.
تراي كتبت الرد قبل ماشوف ردك الاخير اي والله.
تراها مسحوبه يالراقية.

[سُلاَفْ القَصِيدْ]

الله عليك اسحب كلمة!!انتي تسحبين مواضيع وش حدا مابدا ؟كلها كلمة شيليها وخلصنا.
تراي كتبت الرد قبل ماشوف ردك الاخير اي والله.
تراها مسحوبه يالراقية.
مآاسحب الآ الموآضيع المخآلفه مو أي موضوع !!وكله موضوع واحد اللي سحبنآه منك ؟
وزين سحبتهآآآ ولآ نآويه ...ولآ مآله دآعي مآدآمك سحبتها هع

[نسيم]

مآاسحب الآ الموآضيع المخآلفه مو أي موضوع !!وكله موضوع واحد اللي سحبنآه منك ؟
وزين سحبتهآآآ ولآ نآويه ...ولآ مآله دآعي مآدآمك سحبتها هع
يمه روعتيني .

على المريض ان يشرب الدواء ولو كان مر يالراقية.يبي يجي يوم لكل ظالم!!!!!!!!!!!!

[الدامياء]

ياناس جو فضيع جدا درجة الحرارة 50تنزف عرق وانت تحت الكنديشه.

لا حـر ولاهم يحزنون ..
مالقى الحر إلا أنت يانسيم ..
الجو راااااائع ..
عموماً شكراً على هالخريطة لاتهوش علي مثل غيري،،

[نسيم]

لا حـر ولاهم يحزنون ..
مالقى الحر إلا أنت يانسيم ..
الجو راااااائع ..

عموماً شكراً على هالخريطة لاتهوش علي مثل غيري،،

وشلون؟وش اللي مافيه حر ؟
ياخوي الحمّر تو داخل البيوت من الحر .
بلاك من هالتكييف الداخلي يالدامياء جسمك كنه مطَّارة في ظلال تنز بروده .

[الدامياء]

وشلون؟وش اللي مافيه حر ؟
ياخوي الحمّر تو داخل البيوت من الحر .
بلاك من هالتكييف الداخلي يالدامياء جسمك كنه مطَّارة في ظلال تنز بروده .
أي تكييف يانسيم
عندي هواء طبيعي
وكانك بتجي عندي باقي هالصيفية فحياك الله .
عزّ الله ماتشوف الشمس إلا ساعة بالنهار

[قابوس تمير]

نسيم كيف الحال اخبارك ... انت في تمير اجل وش نقول في الرياض.. بس خابرك ضب يانسيم .. يقولون بدو في الخراف صحيح ..


اطيب التحايا لك

[المهند]

الله من الدهاويل يانسيم ...
والله ياليوم مبطين عن هالبرادات ..
تصدق درجة الحرارة وصلت 20 في الخلاء ..

تحب الدهوله يا نسيم... أجل الحمر داخل البيوت يدور الماء ..

[النادر]

نار جهنم اشد حر ياجماعه
خذو عبره من الجو الان
هذا حر يعادل نقطه في بحر لحراره نار جهنم
شكرا نسيم والله الله بالبارد

[عصي الدمع]

السلام عليكم ..

نسأل الله النجاة .. من نار جهنم ..

و اليوم اشوفه .. براد .. حتى المكيف ما شغلته ..

لو تسلم من كنديشنك .. الحر منه ..

و ان كانك من اللي يحبون الشاهي .. دور لك ظلال .. و خدر لك بريق شاهي

و اشرب لين يطلع مع اذانك .. خل حرورة جسمك تطلع ..

10 دقايق .. و تحس بها برادات ..

ادري بتقول وش يايصبر هالعشر دقايق .. وش نسوي لك ؟؟ وش يرضيك ؟؟

[جنـgن رجل~]

وش تبينا نسوي مالنا الاننتظر الشتاء وبس
عسى ربي يعينا بس وينجينا من الناروياكم يارب,,,

[المهند]

نسيم ...
لو أنك حدر هالشلال .. مهوب أزين لك ... من التشكي من الحر ..
صورة تم التقاطها الخامسة عصر اليوم ..
http://www.up-tumaer.net/up//uploads/images/tumaer-c48c0dbd16.jpg

[طير شلوى]

هونها وتهون ،،
وكانكـ ماتبي الحر انحر ديار البراد الي تجوز لكـ وازبن فيها لين يجيكـ الوسمي ،،

المهند ،
وين هالشلال فيه نروح له باكر .

[نسيم]

نسيم كيف الحال اخبارك ... انت في تمير اجل وش نقول في الرياض.. بس خابرك ضب يانسيم .. يقولون بدو في الخراف صحيح ..


اطيب التحايا لك
هلا والله بقابوس تمير،وين ياخوي ؟دنيا مافيها خير تفرق وتجمع .
وين اللي يبي يجي؟ وين وين الملايين؟
تبي الصحيح انا كله عندي واحد حر برد لكن الجنوب الطائف لك مالي فيها لو يقولون فيها ثلوج وانهار .ضلعان سود وقرود الله لايعيدها.

[نسيم]

أي تكييف يانسيم
عندي هواء طبيعي
وكانك بتجي عندي باقي هالصيفية فحياك الله .

عزّ الله ماتشوف الشمس إلا ساعة بالنهار

لاتقول في الجنوب والطائف رجاء خاص .غيرها والله لجيك .

[نسيم]

الله من الدهاويل يانسيم ...
والله ياليوم مبطين عن هالبرادات ..
تصدق درجة الحرارة وصلت 20 في الخلاء ..

تحب الدهوله يا نسيم... أجل الحمر داخل البيوت يدور الماء ..
وفي الليل نامس ورطوبة وصوت صوارير يالمهند.وينك فيه يعني في اسبانيا؟ابها والا الطائف.
ياالله ان تخلف عليك ياالله

[نسيم]

السلام عليكم ..

نسأل الله النجاة .. من نار جهنم ..

و اليوم اشوفه .. براد .. حتى المكيف ما شغلته ..

لو تسلم من كنديشنك .. الحر منه ..

و ان كانك من اللي يحبون الشاهي .. دور لك ظلال .. و خدر لك بريق شاهي

و اشرب لين يطلع مع اذانك .. خل حرورة جسمك تطلع ..

10 دقايق .. و تحس بها برادات ..

ادري بتقول وش يايصبر هالعشر دقايق .. وش نسوي لك ؟؟ وش يرضيك ؟؟
ابد انا متكيف مع الوضع ياعصي الدمع مانيب طالع من البيت الاعقب رمضان

[نسيم]

وش تبينا نسوي مالنا الاننتظر الشتاء وبس
عسى ربي يعينا بس وينجينا من الناروياكم يارب,,,
ايه هذا الكلام.اجل تخيل نفسك متلطم وماسك خط الوادي .اللهم لك الحمد .

[نسيم]

نسيم ...
لو أنك حدر هالشلال .. مهوب أزين لك ... من التشكي من الحر ..
صورة تم التقاطها الخامسة عصر اليوم ..
http://www.up-tumaer.net/up//uploads/images/tumaer-c48c0dbd16.jpg
لو والله ماهوب ابرك.شف حصاهم اسود .

[نسيم]

هونها وتهون ،،
وكانكـ ماتبي الحر انحر ديار البراد الي تجوز لكـ وازبن فيها لين يجيكـ الوسمي ،،

المهند ،

اي بالله هينه .كله واحد عندي حر برد لكن المشكلة اذا صار عندك شغل الظهر والا اذا خلص الغاز تنجبر عاى الخروج .وهذا اللي عكر مزاجي اليوم

[نسيم]

نار جهنم اشد حر ياجماعه
خذو عبره من الجو الان
هذا حر يعادل نقطه في بحر لحراره نار جهنم
شكرا نسيم والله الله بالبارد
الله يكفينا شرها.بس وش جاب طاريها يالنادر تضيق صدورنا وتروعنا.

[نسيم]

الظاهر معد بقي احد ماردينا عليه.
نستقبل نردودكم الان

[أبـوحـمـد]

نسيم امس درجه الحراره 47بعد المغرب واحد طالع من الرياض
ويقول مكاين ومحطات الكهرب يقطعن من الحراره..
يابالك في النهار..

الله يستر..

[نسيم]

نسيم امس درجه الحراره 47بعد المغرب واحد طالع من الرياض
ويقول مكاين ومحطات الكهرب يقطعن من الحراره..
يابالك في النهار..

الله يستر..
والله مشكله جانا شي ماهوب طبيعي ابد.اليوم العصر درجة الحرارة 50تحت المظلة

[ابن المملكة]

مممممممممممممممممممشششششششششششششششششششششكورررررررر رررر

[أنكسار انثى}..]

جهودك مشكوره أخي أبن المملكه
الف شكر ودمتم بخير

[قابوس تمير]

وين اللي يبي يجي؟ >> وين اجي له يانسيم

[نسيم]

وين اللي يبي يجي؟ >> وين اجي له يانسيم
تجي يمي يعني .او نسيت يوم نروح العام ياقابوس

[نسيم]

كن المنخفضات بدت تنتهي على مصايفنا الجميلة
http://weather.pme.gov.sa/weather/satellite/meteosat/gif/ir/kingdom/pmesat1.gif

[قابوس تمير]

لا مانسيت وابشر من يمرك >> الا انت ماحولك جيه للرياض تقهوى عندي

[نسيم]

لا مانسيت وابشر من يمرك >> الا انت ماحولك جيه للرياض تقهوى عندي
الا ان شاء الله.
يوم الاحد بحول الله لاني ابروح ادور لي سيارة .

[قابوس تمير]

الله يحياك يانسيم وابركها من ساعه وبكون معك على تواصل قبل الرحلة .. قل تم بس

[نسيم]

الله يحياك يانسيم وابركها من ساعه وبكون معك على تواصل قبل الرحلة .. قل تم بس
الله يبقيك ياقابوس.تم تم .بس تراها فنجال مر وشاهي وسلام.لان ربعك عجلين .

[نسيم]

قابوس تراي قيمتك عشان العزيمه

[نسيم]

اكتشفت ان قابوس رجل طيب ويستاهل

[قابوس تمير]

اكتشفت هههههههههههههههه الله يحيك والله ابكلمك السبت واعلمك

[» اِلـَوَفْآءْ بـِنْـتْ]

والله حر يقطع َالقلبْ ...
يقولونْ الطآيفْ برد ومطر َ رح صيف هنآك يـ نسيمُ
عوآفيّ http://vb.eqla3.com/images/smilies/119.gif

[فارس الجزيرة]

هههههههههه

يا زين سواليفك يا نسيم .. تبرد على القلب في هالقيض ..

والله يعطيك العافيه << لا تهوش :)

[المهند]

لو والله ماهوب ابرك.شف حصاهم اسود .
وأنت تبي تأكله ..
حلاتها يانسيم مثل هالصبحية تدور المشراق ...

[المهند]

وفي الليل نامس ورطوبة وصوت صوارير يالمهند.وينك فيه يعني في اسبانيا؟ابها والا الطائف.
ياالله ان تخلف عليك ياالله
ولله الحمد ما بعد شفنا لا رطوبة ولا نامس .. حتى صوت الصوارير ماأوحيناها ..
سيول وبرادات وبرد ..

[المهند]

هونها وتهون ،،
وكانكـ ماتبي الحر انحر ديار البراد الي تجوز لكـ وازبن فيها لين يجيكـ الوسمي ،،

المهند ،
وين هالشلال فيه نروح له باكر .
هذا في مليح ياالطير ...
ما تشوف الحصى أبيض ..!!

عروس المصائف ..

[قالب ثلج]

ياقدمك كنديشن الناس سبلت وانت في عصرك الجاهلي
طبيعي تعرق وتحتر رطوبه وحر ونسومي ريحة عرقك فايحه

[نسيم]

تقول حر ياتمساح.الفنيلة خرايط بيض يابسه تكسر من الملح.

[المهند]

إن جينا للمرتفعات الغربية .. قلت قرود ...
وأن رحنا لصلالة ... قلت بقر ...

اللي يشوف تمير هالحين يقول اللهم من الظباء والغزلان فيها ..
ديرة يالله عاش فيها الضب .. مدري وشلون تتحملون حرها يانسيم ..
ارحم نفسك وهاجر ..
أنا منيب راجع من هالديرة ..

[نسيم]

إن جينا للمرتفعات الغربية .. قلت قرود ...
وأن رحنا لصلالة ... قلت بقر ...

اللي يشوف تمير هالحين يقول اللهم من الظباء والغزلان فيها ..
ديرة يالله عاش فيها الضب .. مدري وشلون تتحملون حرها يانسيم ..
ارحم نفسك وهاجر ..
أنا منيب راجع من هالديرة ..
طيب ليه ماتروح لموطنك الاساسي ومسقط راسك بيروت وتفك الضبان من شرك.

[مجهول الهويه]

الرياض مافيها مويه يانسيم وش نسوي

[المهند]

طيب ليه ماتروح لموطنك الاساسي ومسقط راسك بيروت وتفك الضبان من شرك.
لا بس طالع أصيف برى لبنان ..
السعوديين ضيقوا علينا بديرتنا ...

[قالب ثلج]

خلوكم عند كنديشناتكم واتركوا عنكم المهايط قال بيروت قال حدكم المزارع ومطامر في البران خلوا بيروت لي انا خخخخخخخخ

[الأنيق]

الله يستر يانسيم ويبرد عنا وعنك
بس حلوه يوه..

[كحيلان التميمي]

ايوالله اللي ذبحني الحر يانسيم
علومك كلها غانمه
وعز الله هالسنه حرا يشوي شوي ولا فيه غير اطلاح جبسن ومشتقاتها
ويالله تبرد
تصدق عاد يانسيم عندي في الاستراحه مكيفين اسبلت طبعا في غرفه وحده ويالله ابرد لا من كبر هالجسم عندي عاد ههههه
الخلاصه ازبن الضلال والمكيف الين عقب رمضان ويالله
ومر علينا خنشوفك في الاستراحه هاليومين
تحياتي لك

[نسيم]

خلوكم عند كنديشناتكم واتركوا عنكم المهايط قال بيروت قال حدكم المزارع ومطامر في البران خلوا بيروت لي انا خخخخخخخخ
من شفت هالتمساح منجضع على جنب وانا داري انك مشغل التكييف.على فكره تراك طيب يابوالتماسيح

[نسيم]

الله يستر يانسيم ويبرد عنا وعنك
بس حلوه يوه..
امين يارب .يوه تعبير عن واقع

[نسيم]

ايوالله اللي ذبحني الحر يانسيم

علومك كلها غانمه
وعز الله هالسنه حرا يشوي شوي ولا فيه غير اطلاح جبسن ومشتقاتها
ويالله تبرد
تصدق عاد يانسيم عندي في الاستراحه مكيفين اسبلت طبعا في غرفه وحده ويالله ابرد لا من كبر هالجسم عندي عاد ههههه
الخلاصه ازبن الضلال والمكيف الين عقب رمضان ويالله
ومر علينا خنشوفك في الاستراحه هاليومين

تحياتي لك

ترى المحبه شف ماهي غصيبه ياكحيلان وانا والله اني احبك صراحة.
ترى الحر بدء يزين هالحين راحت ذيك الكتمات مافيه الاتسليط شموس بدون رطوية.

[فارس الجزيرة]

نسيم وراك ترد على غيرنا وتخطم ردودنا

عسى مهوب الحقران الله يكفينا شره

[نسيم]

نسيم وراك ترد على غيرنا وتخطم ردودنا

عسى مهوب الحقران الله يكفينا شره
لا والله محشوم لكن والله معد اجمع يابعد الدنيا.لكن ابرجع وارد الله يحييك.

[فارس الجزيرة]

امزح معك يا نسيم ..

عارف ان قلبك ابيض .. وهالامور مهيب عندك ..

[نسيم]

الصورة تتكلم مايحتاج نقول شي
http://www.up-tumaer.net/up/uploads/images/tumaer-1f7aa18277.gif?PHPSESSID=a541e3c686364d352c7a42bcf eb146bc
عشان اللون ماهوب المكتوب فيه نبي نترجمها
نتوقع على وسط المملكة حرارة عالية جدا وسحب بمشيئة الله وهي مصدر الحرارة والرطوبة.
المنطقة الجنوبية صيف حافل بلامطار .

[أنكسار انثى}..]

جهودك مشكوره أخوي نسيم
بيض الله وجهك والله لايهينك
على النشره الجويه الف شكر
ودمتم بخير

[نسيم]

جهودك مشكوره أخوي نسيم

بيض الله وجهك والله لايهينك
على النشره الجويه الف شكر

ودمتم بخير

تسلمين والله يا انكسار انثى

[عرق الأرطى]

ياوك يالحرررررر الله يعينا
تسلم نسسسسيم .

[» اِلـَوَفْآءْ بـِنْـتْ]

تعبت نفسيآتنآ من الحر
الله يجزآك خير نسيم على النشرآت والمتابعة اليومية
ماننحرم منك ي طيب
وياجعل أبوك وأبوي في جنآت النعييم

[فارس الجزيرة]

تسلم على التابعه اليوميه ..

يقولون الايام الجايه اشد حر .. اذا استقرت الرياح ..

[كحيلان التميمي]

ترى المحبه شف ماهي غصيبه ياكحيلان وانا والله اني احبك صراحة.
ترى الحر بدء يزين هالحين راحت ذيك الكتمات مافيه الاتسليط شموس بدون رطوية.

الموت من الشموس اللي تشق الوجه شق
تقل منكب عليك اميه حاره ياكافي

[كحيلان التميمي]

الله يستر بس يانسيم
لياه يبطبط التمر من ذا الحر
تحياتي لك

[أبـوحـمـد]

كود يجينا مطر يهبط هالحراره علينا شوي..

[المتحـ2007ـد]

الله يعجل بالشتاء وتزين الاجواء وتحلى الطلعات

كل الشكر لك يا نسيم على النشره الحاره

[الأنيق]

تسلم والله
نسيت أثرك مهاوشني تقول لاتسولف

شكراً نسيم

[نسيم]

ياوك يالحرررررر الله يعينا
تسلم نسسسسيم .
يعين الله

[نسيم]

تعبت نفسيآتنآ من الحر
الله يجزآك خير نسيم على النشرآت والمتابعة اليومية
ماننحرم منك ي طيب
وياجعل أبوك وأبوي في جنآت النعييم
الله يرحم والديك عن النار وكل مسلم يالوفاء.
هذا حالنا وهذي طبيعتنا متعودين عليها

[نسيم]

تسلم على التابعه اليوميه ..

يقولون الايام الجايه اشد حر .. اذا استقرت الرياح ..
تبقا اخوي فارس على حضورك ومتابعتك.
الايام الجاية علمها عند الله

[نسيم]

الله يستر بس يانسيم

لياه يبطبط التمر من ذا الحر

تحياتي لك

بطبط ماهوب لياه يبطبط وان كانه مابطبط يبي يبطبط لان الحر يخليه بطاط

[نسيم]

كود يجينا مطر يهبط هالحراره علينا شوي..
ان جاء مطر ياصديقي رحنا خرخر متنا .الا السموم ارحم هالوقت

[نسيم]

الله يعجل بالشتاء وتزين الاجواء وتحلى الطلعات

كل الشكر لك يا نسيم على النشره الحاره
يبي يجي الشتاء ان شاء الله وننسا الحر يالمتحد مثل العادة.
تسلم والله على حضورك

[نسيم]

تسلم والله

نسيت أثرك مهاوشني تقول لاتسولف

شكراً نسيم

تبقا .
انتبه لنفسك وخلك حذر يابومنيرة من الخط الاصفر الخط الاصفر هذا هاه انتبه له

[نسيم]

امزح معك يا نسيم ..

عارف ان قلبك ابيض .. وهالامور مهيب عندك ..
النفس امارة بالسوء يافارس .

[نسيم]

الموت من الشموس اللي تشق الوجه شق


تقل منكب عليك اميه حاره ياكافي

ياخوي فيه لاهوب يوقف شعر الجلد حار بشكل فضيع .لكن الصبر زين

[نسيم]

http://www.up-tumaer.net/up/uploads/images/tumaer-3076eb9958.gif?PHPSESSID=e461c8625d4faebf4b8eea718 dbeeebc

[أبو تميم الفيصل]

الله يرحمنا برحمته وكلامك في محله السنة هذي الحر عجيب ومطول ماعاد تنفع الكنديشة ولا المكيف الله يستر

مشكور وبارك الله فيك علشان ماتزعل

[الأنيق]

تبقا .
انتبه لنفسك وخلك حذر يابومنيرة من الخط الاصفر الخط الاصفر هذا هاه انتبه له
دمت
أبشر طال عمرك وأشوى انه أصفر ماصار برتقالي

[نسيم]

دمت
أبشر طال عمرك وأشوى انه أصفر ماصار برتقالي
والله يا انت اعميتني بلاصفر اعوذ بالله.
كلها حول بعض اصفر برتقالي لكن حنا نقول اصفر اعجل واسرع في الكتابة لكن بُرْ تُ قَا لٍي شف وشو طولها

[نسيم]

http://www.up-tumaer.net/up/uploads/images/tumaer-76d76dcbbe.gif?PHPSESSID=b5dbc316bb7c2dc1b38abd0e1 0bd72f5

[فارس الجزيرة]

ماشاءالله نشره متنوعه ومفيده ..

جعلك ذخر يا نسيم ..

[نسيم]

نقول ان شاء الله يتحسن الجو يارب

[المهند]

إذا طار الدخل ..
يجي معه الهبايب الحارة .. والمنبعثة من بين جناحانه النفاثة ..
أنا ودي أدري وش دخل الجو في الدخل .. مهوب العكس ...

[نسيم]

إذا طار الدخل ..
يجي معه الهبايب الحارة .. والمنبعثة من بين جناحانه النفاثة ..
أنا ودي أدري وش دخل الجو في الدخل .. مهوب العكس ...
هلا والله بعد قلبي المهند.
ياخوي وينك ؟
الدخل الايام هذي يتكاثر فعلا لان فيه ناس يتربصون به ،والاجواء هذي تخلي الطير يطيح على وجهه من الحر يعني اللي يبي يروح للبر ماهوب مفلس يبي يصيد عشر يفطر عليها .

[المهند]

هي الدعوة دخل بس ..
حتى الخراف كلتوه ... ياجعله يباري مذابحكم بالعافية ...

[نسيم]

اما الخراف يالمهند.شي فضيع فضيع وله طعم ماتتخيله.
انت ماتقولي وش مجلسك فيذاك؟
الحمدلله رب العلمين

[المهند]

واجب سنوي ..
ولازم ... نخلصه ..
على شان نستمتع بكشتات الربيع .. والصيف ..

أهم شيء البرحي .. لاتخرفونه ألين أجي ...
تراي أتخيل طعمه إلا تفضخ ..

البطارية شارفت على النهاية .. والشاحن بالشقه ...

نلقاكم الليلة ..

[نسيم]

واجب سنوي ..
ولازم ... نخلصه ..
على شان نستمتع بكشتات الربيع .. والصيف ..

أهم شيء البرحي .. لاتخرفونه ألين أجي ...
تراي أتخيل طعمه إلا تفضخ ..

البطارية شارفت على النهاية .. والشاحن بالشقه ...

نلقاكم الليلة ..
اوه،مغلوب على امرك!!!!!!!!!!!!!معذور معذور.
طيب ياخوي من اول قل انك في مهمة رسمية ومجبور بس لاتكذب وتقول انك تدور البراد والمطر ومستانس .
لكن هانت وانا خوك بكره وتجي .
البرحي مابعد حرفناه الى الان لكن بصرته تفضخ موت جنان

[المهند]

اوه،مغلوب على امرك!!!!!!!!!!!!!معذور معذور.
طيب ياخوي من اول قل انك في مهمة رسمية ومجبور بس لاتكذب وتقول انك تدور البراد والمطر ومستانس .
لكن هانت وانا خوك بكره وتجي .
البرحي مابعد حرفناه الى الان لكن بصرته تفضخ موت جنان

أجل نصبر شوي ... ألين يجي وقته ...
حلاته إلا جاء أصفر ... وفي يجي نقطتين تمر ..
وإلا قرضته انفضخ وجاء له صوت قعضبه ..

[نسيم]

أجل نصبر شوي ... ألين يجي وقته ...
حلاته إلا جاء أصفر ... وفي يجي نقطتين تمر ..
وإلا قرضته انفضخ وجاء له صوت قعضبه ..
المهند ههههههههه الى منك عضيتها بشراهه يصير صوتها كذا( طخ قق)

[عرق الأرطى]

تسسسلم نسسسسسسيم

[نسيم]

كما تشاهدون بدت الاجواء تتحسن بمشيئة الله تعالى والسبب توقف ضخ الابخرة على جنوب المملكة .
مقاس الحر بالنسبة لنا وفي هذه الاوقات في الليل لكن النهار شي طبيعي يكون حار
http://www.up-tumaer.net/up/uploads/images/tumaer-f990eb4e16.gif?PHPSESSID=eaafe7682ef2d5896aafa008c 70882de

[احلام وردية]

الله ينجينا من النار
مشكور اخوي نسيم ولو ان حتى في الليل هواها سموم