ليلة رااائعة في عمو حمزة مع مخاوي تمير والمتحد!!

[المهند]

بسم الله الرحمن الرحيم
السلام عليكم ورحمة الله وبركاته

كانت نيتي أنا والمتحد إلى سد بوضا لشرب شاي العصر ومحاولة صيد بعض الضفادع والأسماك لمحاولة شويها ومن ثم تجربة طعمها .. بعد دعوة قدمها لنا أخوي أبوحمد 2011 للصيد على مرفأ تلك البحيرة ...

وفي الطريق اتصل بي مخاوي تمير وقال وينك ... قلت يالحبيب : متوجه لبوضا أنا والمتحد نبي نصيد سمك ونشرب الشاي .. فقال ارجعوا وأبشروا بالسمك والربيان ..!! فقلنا السد لاحقين عليه ..

تم كنسلة دعوة أبوحمد وإجابة دعوة مخاوي تمير لأداء وجبة العشاء في عمو حمزة المطل على شارع الوشم ...

** الشباب بانتظار تجهيز الطلب ...

http://www.up-tumaer.net/up//uploads/images/tumaer-565002de26.jpg

** بصراحة فشلت... العالم في هالمطعم مشخصة وأنا ناسي شماغي وعقالي ..!!

http://www.up-tumaer.net/up//uploads/images/tumaer-1127f8abc8.jpg

** سمك كنعد .. وربيان مقلي .. وسلطة .. وحمص .. وكوكا .. يالله لك الحمد ..!!
http://www.up-tumaer.net/up//uploads/images/tumaer-c4f45b4e9b.jpg

** الأكل بالشوكة ... بينما مخاوي تمير .. متفلت على السلطة ..!!

http://www.up-tumaer.net/up//uploads/images/tumaer-75108a01cb.jpg

** مالك إلا يدك ... وأترك عنك الشوكة ..

http://www.up-tumaer.net/up//uploads/images/tumaer-a12be1d2af.jpg

** مخاوي تمير ما أمداه يأكل إلا وشبع .. ماشاء الله عليه .. نظام غذائي .. مهوب مثل غيره كل اللي قدامه كله ..!!!

http://www.up-tumaer.net/up//uploads/images/tumaer-d675dad51e.jpg

** المتحد ... يقول آه بس لو أننا في الخبيراء ودابغينها مكرونة ... اللي يشوفه يقول ماخلص الصحون ..!!

http://www.up-tumaer.net/up//uploads/images/tumaer-b409d33bfa.jpg

وفي الختام ... أكرمك الله يا أبوعبدالعزيز .. وإن شاء الله نردها لك مع محشي الضفادع ..!!!

[احلام وردية]

والله ما لقاها غيركم يا لرجاجيل
مابين غمضة عين وانتباهتها تطمرون للي تبون
ماشاء الله عليكم فله
موفقين دائما اينما ذهبتوا بإذن الله

[المستشــــار]

ماشاء الله عليكم

اقوووووووول كلو بيديكم لا تطعنكم الشوكه هههههههههههههه

http://www.up-tumaer.net/up//uploads/images/tumaer-75108a01cb.jpg

تسسسسسسلم على التقرير

[ابن المملكة]

بالهناء والعافيه

[المهند]

والله ما لقاها غيركم يا لرجاجيل
مابين غمضة عين وانتباهتها تطمرون للي تبون
ماشاء الله عليكم فله
موفقين دائما اينما ذهبتوا بإذن الله

يابنت الحلال ... أحمدوا ربكم .. سالمين من الغثاء والتغاريز والشموس ...
جالسين تحت هالمكيف وبها الريموت .. تفرفرون قناة المجد ..!!!

[المهند]

ماشاء الله عليكم

اقوووووووول كلو بيديكم لا تطعنكم الشوكه هههههههههههههه

http://www.up-tumaer.net/up//uploads/images/tumaer-75108a01cb.jpg

تسسسسسسلم على التقرير


المتحد ... مادرس أو توظف في الرياض .. يعني ماعنده أي هلفية عن الأكل بالشوكة ... الظاهر أنه يبي له دورة "كيف تأكل بالشوكة " باكر تلقاه يقطع شوك الطلح يأكل به ..
سلمت على المرور أخوي المستشار ...

[المهند]

بالهناء والعافيه


الله يعافيك أخوي ابن المملكة ...

شاكر لك مرورك ..

[أبـوحـمـد]

تصدق توني اشوف موضوعك يالمهند لو ني داري كان اجلت موضوعي

الى الغد لكن مهيب مشكله خيرها بغيرها...:t29:

تبي الصحيح والله سوا فيكم خير مخاوي تمير وصدقني انه رحمكم انت والمتحد

رايحين لم الضفادع قال هذولاء ميتين جوع خلني اوديهم للرياض ابعد بهم شوي

على الاقل حتى ما ترجعون بعد العشاء ما تنظمنون انتم:t71:

وبعدين مالكم حق ما علمتوني انا اقدر المأكولات البحريه

وبعدين يالمهند لازم تشخص انت في الرياض

ما تدري من يقابلك او وين تروح:t178::h4:

ما انت في الغراميل او الابرق...

[سُلاَفْ القَصِيدْ]

ماشاء الله تقرير ولا اروع
بس مااصدق المتحد والمهند في مطعم ....معقوله ؟؟
وين الضبان وين الديكه من البر الى المعده ماشاء الله تبارك الله ...الله لايضركم
بس صوره رائعه جمعت الثلاثي الرائع مع بعض ....
الله يعطيكم الصحه والعافيه
و تسلم اخوي المهند على التقرير الرائع والممتع

http://www.up-tumaer.net/up//uploads/images/tumaer-1127f8abc8.jpg

[ملاك الروح]

ما شاء الله عليكم فعلا ما لقاها الا انتم يا الرجاجيل متى ما صنفت عليكم طمرتوا الله لا يضركم 0بالتوفيق وبانتظار الرحلات القادمه ونحن واياكم بصحه وعافيه:t136::t136:

[المتحـ2007ـد]

الله واكبر يا المهند كنك ما تدري من اللي كل سمكتي

انا ما كلت الا البطاطس وحبة ربيانه ونشبت في حلقي وحتى الحمص ما جبتولي شي

http://www.up-tumaer.net/up//uploads/images/tumaer-75108a01cb.jpg


لكنها كانت طلعه حلووووووه مع ذا الوجيه الطيبه شرواكم وشرواء من يشاهد الموضوع

وان شاء الله لنا طلعه في سد بوضاء على ضفادع مشويه ومحشيه خخخخخ

الله يعطيك العاااافيه على هذا الموضوع الرااائع

[نسيم]

هههههههههه
ابوحمد شف المتحد يناظر فالشوكة يخاف يضيع.مايدري وين يجيها معه.
المهند في الصورة هذي كنه من اهل القطيف ههههههههه.
عاد مخاوي تميريتبسم متعود واللي معه قراوى.
المتحد وش اللي حادك كل ديك بلدي ابرك لك.



http://www.up-tumaer.net/up//uploads/images/tumaer-c4f45b4e9b.jpg http://www.tumaer.com/vb/tum/misc/quotes/quot-bot-left.gifhttp://www.tumaer.com/vb/tum/misc/quotes/quot-bot-right.gif
شف المتحد والمهند اذا أكل الواحد منهم بطاطس اكل الثاني مثله .


http://www.up-tumaer.net/up//uploads/images/tumaer-a12be1d2af.jpg
ايه هذي الكشته والا بلاش مضيعين انفسكم وراء الضبان والشموس .المدنية حلوة هههههه

[معانق هم]

وعليكم السلام ورحمة الله وبركاته

مشاءالله عليكم اجل عمو حمزه هاه :t71:

صراحه مالك حق يامخاوي تمير
تعزم الرجاجيل وتقوم عن العشاء اول واحد :t30:
http://www.up-tumaer.net/up//uploads/images/tumaer-d675dad51e.jpg

لو أني من المتحد والمهند كان ازعل سنة قدام
اخليه ماعاد يتعودها !



يالبيه يالخجول اجل مستحي بو عزوز


http://www.up-tumaer.net/up//uploads/images/tumaer-75108a01cb.jpg





المهند صراحه من شفتك فاصخ شماغك




http://www.up-tumaer.net/up//uploads/images/tumaer-1127f8abc8.jpg


قلت الرجال شكله ذابحه الجوع :t180:
وناوي نية قشره


http://www.up-tumaer.net/up//uploads/images/tumaer-c4f45b4e9b.jpg

افاااا يالمهند اخترتها تاكل بشوكه !

والله يالمتحد انه حبيب :t70: ياكل والصحن قدامه فاضي !

مشكور على التقرير يالمهند اللي عرفتنا
على الوجييه الطيبه :t29:
ويعطيك العافيه على هذا الموضوع الرائع

[طير شلوى]

ماشاء الله من الصيااااهد وملاحق الضبان ومن الشوكي وحصيانه
ومن ضفاااااااااااادع سد بوضاء الى عمو حمزة

ماعندكم تفاااااهم اهم شي الطلعه وبسسسسس وين ماتكون

لاهنت يالمهند على التقرير

واشكر اخوي العامل في المحل على تكرمه ومساعدته في التصوير

[مخاوي سدير]

رحلة موفقة ورائعة بوجود الثلاثي المبدع

مخاوي تمير ـ المهند ـ المتـحـ 2007ـــد

http://www.up-tumaer.net/up//uploads/images/tumaer-c4f45b4e9b.jpg

مخاوي تمير يقول / شكلهم أول مرة يا كلون بشوكة من البر وملاحق الضبان الى عمو حمزة والأكل بشوكة

http://www.up-tumaer.net/up//uploads/images/tumaer-75108a01cb.jpg

كني أسمع المتــ 2007 ــد يتحدث ويقول / الله يعين توهقت بشوكة خخخخخخخخخخخخ.

http://www.up-tumaer.net/up//uploads/images/tumaer-a12be1d2af.jpg

سبحان الله متافقين حتى في أكل البطاطس توقيت رائع .

ختاماًَ / أشكركم على التقرير الرائع والرحلة الممتعة والله لنا الله لنا .

سسسسسسسسسسسسسسسسسسسسسسسسسسسسسسسسسسسسسسسسسسسسسلام .

[المارد]

موفق بإذن الله ... لك مني أجمل تحية .

[ام منى]

من ملاحق الضبان ونتف ريش الديكه
لمطعم لا وسمك بالعافيه
مشكور ع التقرير يالمهند
ويعطيكم العافيه

[المهند]

تصدق توني اشوف موضوعك يالمهند لو ني داري كان اجلت موضوعي

الى الغد لكن مهيب مشكله خيرها بغيرها...:t29:

والله الفرق بين الموضوعين ... وشلون وافقت بس قصة ذا الاتصالات الهاتفية ...!!

تبي الصحيح والله سوا فيكم خير مخاوي تمير وصدقني انه رحمكم انت والمتحد

رايحين لم الضفادع قال هذولاء ميتين جوع خلني اوديهم للرياض ابعد بهم شوي

على الاقل حتى ما ترجعون بعد العشاء ما تنظمنون انتم:t71:

يارجال وش الفرق بين الضفدع والسمكة .. كلهن عايشات في الماء ... يعني من زين شكل ذا الربيان .. يوم أن الناس تقبله وتأكله..!!


وبعدين مالكم حق ما علمتوني انا اقدر المأكولات البحريه

وبعدين يالمهند لازم تشخص انت في الرياض

ما تدري من يقابلك او وين تروح:t178::h4:

ما انت في الغراميل او الابرق...


أشخص .. وش ضايع لي يوم أشخص .... بصراحة تعجبني ثقتي في نفسي .. وبداوتي التميرية التقليدية..!!


أسعدني مرورك وحضورك أخوي أبوحمد ...والله لايهينك ...

[المهند]

ماشاء الله تقرير ولا اروع
بس مااصدق المتحد والمهند في مطعم ....معقوله ؟؟
وين الضبان وين الديكه من البر الى المعده ماشاء الله تبارك الله ...الله لايضركم
بس صوره رائعه جمعت الثلاثي الرائع مع بعض ....
الله يعطيكم الصحه والعافيه
و تسلم اخوي المهند على التقرير الرائع والممتع

http://www.up-tumaer.net/up//uploads/images/tumaer-1127f8abc8.jpg




الله يعافيك أختي الراقية ... شاكر لك تواجدك ... وهذي مقبلات لأكل الضفادع ...

:t11: واو ... ياشين حتى شكله ..!!!

[المهند]

ما شاء الله عليكم فعلا ما لقاها الا انتم يا الرجاجيل متى ما صنفت عليكم طمرتوا الله لا يضركم 0بالتوفيق وبانتظار الرحلات القادمه ونحن واياكم بصحه وعافيه:t136::t136:


حتى الحريم مضيعات أنفسهن في هالأسواق .. كل يوم في سوق .. وبراااد وظلال ..

والله ودي تطلعون لو نصف ساعة للبر ... والله إن تجون منحاشات تايبات ..!!!


شاكر لك هذا التواجد أختي ملاك الروح ..

[ابو مشعل]

ماشاء الله عليكم
غابشين بالرياض اوريك يابو (........)هههههههه
تعرف من تعزم بس من جد وش رايك يالمهند بالسمك حق عمو حمزه
او السمك اللي مزينته العجوز في رحلتك اللي راحت وسلمت الجره من التسمم هههه

الصراحه صور رائعه من جد
ويعطيكم العافيه على هالطلعه الحلوه

[النجدي]

شكلك غلط يا المهند في مطعم عمو حمزة ثوب وشوشة طايرة ويمكن نعال بلاستيك..

لو لبست برموده وفنيلة مزلط وخليت السيقان والذرعان المزروعة تطلع أو شخصت مثل يوم عرسك بغينا ما نعرفك .

المهم وشلونك عقب هالأكلات البحرية ما استنكرت بطنك ولا شي ثاني !!!

على بطونكم بالعافية .

[M A J E D]

كفو والله
اجل من صيد الضفاادع اللى الربياان والسمك شي حلووووو


مشكور على طرحك للصور المميزة تشكر

[محمد الفيصل]

تم كنسلة دعوة أبوحمد وإجابة دعوة مخاوي تمير لأداء وجبة العشاء في عمو حمزة المطل على شارع الوشم ...


ما شاء الله جايين للرياض عشان عمو حمزة !!!
ولا قلنا خلوا نشوفكم في السويدي تقولون الرياض بعيد وزحمة !!!!

[مخاوي تمير]

الحمد لله على المحبة والتآلف الذي يسود الأعضاء جميعهم

من مكاسب المنتدى لي شخصياً هو التعرف على هؤلاء الرجال

الكرماء بتواضعهم وتعاملهم وكرمهم الفياض على شخصياً .

.. ..

كانت ليلة من أجمل الليالي فقد سعدت بهذه الرحلة البسيطه والكبيره في

معناها وقيمتها .

همسه
اخي المهند لو تقرع بالموس وما تلبس شماغ الله محليك عن زود البشر




وبعدين مالكم حق ما علمتوني انا اقدر المأكولات البحريه


تصدق يا ابو حمد يوم تتصل علي انغزني قلبي انك داري و شام ريحه سمك وربيان

لكن ابشر بالعوض انت امر وحنا لك نطامر في اي وقت وابشر بالسمكة اللي كبر

السماح ابا الرماح :t173:

[مخاوي تمير]

ماشاء الله عليكم
غابشين بالرياض اوريك يابو (........)هههههههه
تعرف من تعزم بس من جد وش رايك يالمهند بالسمك حق عمو حمزه
او السمك اللي مزينته العجوز في رحلتك اللي راحت وسلمت الجره من التسمم هههه

الصراحه صور رائعه من جد
ويعطيكم العافيه على هالطلعه الحلوه

والله كنت اتمنى انك معنا يا عسلهم( اقل شيء تزيد سرعتنا يا ابو .... )

ابو مشعل ما راح شيء نبي نروح اكثر من مره بس انت حدد الوقت وابشر

ترانا حطيناها دوريه ( تورط المتحد ) ما يحب الرياض بس نغصبه اذا جاء دوره بس

ابو مشعل الف شكر لتشريفك عشانا .

[مخاوي تمير]

ما شاء الله جايين للرياض عشان عمو حمزة !!!
ولا قلنا خلوا نشوفكم في السويدي تقولون الرياض بعيد وزحمة !!!!

استاذنا الغالي ابو عبدالعزيز التقرير فضحنا قدامك

وانت عارف لك حق غصب علينا وابشر بزيارة في اقرب وقت

الله يجزاك الف خير لتواجدك الغالي علينا

[المهند]

الله واكبر يا المهند كنك ما تدري من اللي كل سمكتي

انا ما كلت الا البطاطس وحبة ربيانه ونشبت في حلقي وحتى الحمص ما جبتولي شي

http://www.up-tumaer.net/up//uploads/images/tumaer-75108a01cb.jpg


لكنها كانت طلعه حلووووووه مع ذا الوجيه الطيبه شرواكم وشرواء من يشاهد الموضوع

وان شاء الله لنا طلعه في سد بوضاء على ضفادع مشويه ومحشيه خخخخخ

الله يعطيك العاااافيه على هذا الموضوع الرااائع



الله يعافيك أخوي المتحد ما عليك زود .... !!!

أما الضفادع المشوية أنا مالي فيها ... تكفى فكني منها ... ما بيها ولا أبي شوفة شكلها ... ووووه !!!

الله يستر خبري بك خطير في الفوتوشوب والله يستر لاتحط صورتي معك ...!!

[المهند]

هههههههههه
ابوحمد شف المتحد يناظر فالشوكة يخاف يضيع.مايدري وين يجيها معه.

تصدق رحمت المتحد ... شقت خشته كم مره ذا الشوكة ...!!

المهند في الصورة هذي كنه من اهل القطيف ههههههههه.
أهل القطيف ... مالقيت أطيب منهم يانسيموف ..!!
عاد مخاوي تميريتبسم متعود واللي معه قراوى.

مخاوي تمير ... ماخذنا معه والظاهر أنه يبي يضحك علينا ..ويقول خل أعلمك في هالقراوة ..!!!

المتحد وش اللي حادك كل ديك بلدي ابرك لك.



http://www.up-tumaer.net/up//uploads/images/tumaer-c4f45b4e9b.jpg

يارجال لو تشوف وشلون دخلنا ذا الربيانه في الشوكة عشان نلقط له صورة إن كان تضحك ..!!

شف المتحد والمهند اذا أكل الواحد منهم بطاطس اكل الثاني مثله .


http://www.up-tumaer.net/up//uploads/images/tumaer-a12be1d2af.jpg

هو حنا عرفنا شيء غير هالبطاطس ..!!
حتى الخيار اللي في السلطة مقشرينه من زود التشخيص ..!!

ايه هذي الكشته والا بلاش مضيعين انفسكم وراء الضبان والشموس .المدنية حلوة هههههه

أي والله الناس عايشه في رخاء ونعيم يالله لك الحمد ... لكن فيه ناس تدور الغثاء ...
وداعاً للقراوة وأهلاً بالمدنية !!!

[المهند]

وعليكم السلام ورحمة الله وبركاته

مشاءالله عليكم اجل عمو حمزه هاه :t71:

إيه عمو حمزة ... أكو عندكم مثله بالأجويت !!

صراحه مالك حق يامخاوي تمير
تعزم الرجاجيل وتقوم عن العشاء اول واحد :t30:
http://www.up-tumaer.net/up//uploads/images/tumaer-d675dad51e.jpg

لو أني من المتحد والمهند كان ازعل سنة قدام
اخليه ماعاد يتعودها !

هو قايم يبينا نقوم وراه عشان يجي من ورانا ويكمل ... لكن ما قمنا إلين خلصنا ..!!



يالبيه يالخجول اجل مستحي بو عزوز


http://www.up-tumaer.net/up//uploads/images/tumaer-75108a01cb.jpg

ما ينلام يستحي أبوعبدالعزيز ... فشلناه في المطعم يحسبننا ثقل ... لكن خيبنا ضنه فينا ... تصدق حتى الجرسون المصري مدري السوري يعرف أبو عبدالعزيز وأنه مستغرب مننا ...!!



المهند صراحه من شفتك فاصخ شماغك




http://www.up-tumaer.net/up//uploads/images/tumaer-1127f8abc8.jpg


قلت الرجال شكله ذابحه الجوع :t180:
وناوي نية قشره

والله أنك كنك تشوف أخوي معانق هم جوعااان لآخر حد ... حتى السلطة ما خليتها ...!!


http://www.up-tumaer.net/up//uploads/images/tumaer-c4f45b4e9b.jpg

افاااا يالمهند اخترتها تاكل بشوكه !

والله يالمتحد انه حبيب :t70: ياكل والصحن قدامه فاضي !

مشكور على التقرير يالمهند اللي عرفتنا
على الوجييه الطيبه :t29:
ويعطيك العافيه على هذا الموضوع الرائع

الله يعافيك وما عليك زود أخوي أبوعبدالعزيز ... وشاكر لك إضافتك الرائعة وقفشاتك الجميلة ..

[المهند]

ماشاء الله من الصيااااهد وملاحق الضبان ومن الشوكي وحصيانه
ومن ضفاااااااااااادع سد بوضاء الى عمو حمزة

ماعندكم تفاااااهم اهم شي الطلعه وبسسسسس وين ماتكون

لاهنت يالمهند على التقرير

واشكر اخوي العامل في المحل على تكرمه ومساعدته في التصوير

تكفى يا أبوعلي لاتذكرني أيام الجهل والغثاء ... خلاص انتهينا وطوينا صفحة الضبان ..!!

الله لايهينك أخوي طير شلوى أما العامل فهذا صديق مخاوي تمير وعنده واسطة ...!!!

[المهند]

رحلة موفقة ورائعة بوجود الثلاثي المبدع

مخاوي تمير ـ المهند ـ المتـحـ 2007ـــد

http://www.up-tumaer.net/up//uploads/images/tumaer-c4f45b4e9b.jpg

مخاوي تمير يقول / شكلهم أول مرة يا كلون بشوكة من البر وملاحق الضبان الى عمو حمزة والأكل بشوكة

http://www.up-tumaer.net/up//uploads/images/tumaer-75108a01cb.jpg

كني أسمع المتــ 2007 ــد يتحدث ويقول / الله يعين توهقت بشوكة خخخخخخخخخخخخ.

http://www.up-tumaer.net/up//uploads/images/tumaer-a12be1d2af.jpg

سبحان الله متافقين حتى في أكل البطاطس توقيت رائع .

ختاماًَ / أشكركم على التقرير الرائع والرحلة الممتعة والله لنا الله لنا .

سسسسسسسسسسسسسسسسسسسسسسسسسسسسسسسسسسسسسسسسسسسسسلام .

هلا بك أخوي مخاوي سدير ... وناقصنا أنت في هالروحة من شان التصوير ... يالله نقول للعامل يصورنا ..
شاكر لك مداخلتك وإضافتك الرائعة ...

[ابو مشعل]

والله كنت اتمنى انك معنا يا عسلهم( اقل شيء تزيد سرعتنا يا ابو .... )

ابو مشعل ما راح شيء نبي نروح اكثر من مره بس انت حدد الوقت وابشر

ترانا حطيناها دوريه ( تورط المتحد ) ما يحب الرياض بس نغصبه اذا جاء دوره بس

ابو مشعل الف شكر لتشريفك عشانا


ايه هين يالسريع

والله يقوي المتحد هههههه

[المهند]

موفق بإذن الله ... لك مني أجمل تحية .

الله يوفقنا وإياك أخوي المارد ..

[المهند]

من ملاحق الضبان ونتف ريش الديكه
لمطعم لا وسمك بالعافيه
مشكور ع التقرير يالمهند
ويعطيكم العافيه

الله يعافيك أختي أم منى ...

سلمنا من غثاء التنتيف والسلخ وجاب الله لنا عمالة يضبطون كلش ويجيبونه نظيف منظف ... يالله لك الحمد ...

[نسيم]

أهل القطيف ... مالقيت أطيب منهم يانسيموف ..!!
واهل القطيف كلهم عيال متعه ،بالعكس فيهم سنة .وانت عندنا غالي واغلى من اهل الشرقية كلها .لكن المظهر بدون شماغ !وانشد غيري ههههههههه
تحياتي لك من القلب
نسسسسسسسيم

[المهند]

ماشاء الله عليكم
غابشين بالرياض اوريك يابو (........)هههههههه
تعرف من تعزم بس من جد وش رايك يالمهند بالسمك حق عمو حمزه
او السمك اللي مزينته العجوز في رحلتك اللي راحت وسلمت الجره من التسمم هههه

الصراحه صور رائعه من جد
ويعطيكم العافيه على هالطلعه الحلوه

هلا بك أخوي أبومشعل ...

والله الفرق .... أكيد سمك العجوز أزين ... على الأقل البحر عندك والتنور قدامك ... والشغل تشوفه ميه فالميه نظيف..
الله يعافيك ولايهينك ...

[ولد العز]

عمو حمزة فرق بينه وبين الضفادع اللي تحوم الكبد الله يكرم النعمه

عشئ رائع مع مخاوي تمير والمتحد

[ماجدونا]

شـكــ وبارك الله فيك ـــرا لك ... لك مني أجمل تحية .

[عاشق ديرتي]

ماشاء الله تقرير ولا اروع
بس مااصدق المتحد في الرياض ابد
هههههههههه

[Foooor]

تغطية رائعة ومميزة
الله يعطيك العافية اخي المهند

[تحدوك ياقلبي]

الى زعلني سحبتكم على ابو حمد كان عزمتوه هو بعد

بالتوفيق

[أبوكدش]

بالهناء والشفاء ياااارب

...............................

[مخاوي سراب]

الله يرجكم عااااااااااااد تاكلون ضفادع وين عبسي روقونا شوي
من ضفادع الى عمو حمزه والله من الطمره ماعندكم وقت